bear.cho.7的個人專頁

好耐冇食過自助餐啦！咁岩今次差唔多父親節，緊係請老豆食毃個自助餐之餘，滿足下自己瘋狂食牛嘅欲望！上一次去柏寧已經係幾年前啦！當時裝修嘅Style仲係比較O School，感覺係老派一啲，不過今日去到真係煥然一新，檯櫈嘅擺位都係改善左好多，其實見到大家都係咁傾計，不過又冇話嘈到其他人！係非常好！每個人都有自己嘅私人空間！周圍牆身仍都加入咗唔少油畫，成個Feel係潮咗，活力左！不過食物先係重點！先去飲一個燉湯，花膠非常足料！我個碗有3舊咁多！雖然身為牛之達人，不過食自助餐，食返啲Ham係必需的。呢度有一款叫匈牙利黑毛豬，油份同肉非常適中，我強烈推介！另外本人發現咗佢一個非常大嘅驚喜！就係佢嘅Pizza，真係搭左個好鬼大個啲磚爐嚟整，所以佢嘅味道同出面食開嘅好唔同，夠哂風味！好！係時候介紹佢嘅燒牛肉，自己對於燒牛肉都幾執著，因為起碼都要食返十件八件，所以對舊牛都幾講究！拎左兩塊，兩塊都係大約5成熟，係very nice！肉味夠濃，唔會太UN，不過當然要食多幾塊先知係咪舊舊都咁正啦！之後都叫左幾Round，都一樣咁正！特別提提大家，佢有一個外藉師傅切肉嘅技術特別出色，而且佢會畀您揀選部位嚟切！牛之達人非常欣賞！大家可以留意一下！鵝肝煎得好香，油份好出色，不過一舊起兩舊止！好多朋友仔都會笑嚟自助餐唔好食煮面，不過我覺得呢度好值得試試！湯底用上椰奶，夠哂甜，感覺上唔係味精！正！我叫左啲菜食，當係消化下！最後要大家注意嘅就係甜品！好．精．采！佢地係自家製嘅雪糕，連茅台嘅雪糕同鵝肝雪糕都有，不過唔飲得嘅朋友都唔好試啦！因為真係會有啲醉！整體嚟講，全部都非常靚仔！幾百蚊絕對係物超所值！…查看更多

同個FD去開黃埔，見到一個有一個open kitchen嘅餐廳，就入咗去食啦！入到二話不說就叫咗幾樣野，第一個係蟹肉沙律，蟹味勁香,大手撕蟹肉, 柚子味亦都好醒胃正！，牛之達人嘅當然要叫返個香煎牛柳，我哋叫Medium Rare，但有少少OVERCOOK，不過牛味都仲幾濃，加上幾有口感，非常出色嘅一款牛！另外叫咗個幾特別嘅照燒汁雞pizza，比想像中好食，餅底軟硬適中，幾好！最報叫多款甜品，係白朱古力波, 上枱時係一蹶白朱古力波，唔知裡面會有啲咩侍應將熱嘅milk chocolate一淋落去，朱古力波開始溶開, 變成熱朱古力池, strawberries同溶緊嘅白朱古力同milk chocolate溝埋！正！服務總結係唔錯，野食同價錢亦都好合理，我會再嚟！…查看更多

人地話高手在民間，計我話係滋味在凡間先岩！最近公司就被禁止收工打機，唯有過網吧打機啦！打完機食返個宵夜都好合理！諗住食返個邊爐，就見到一間叫爺爺雞煲嘅餐廳！就膽粗粗入左去，見到價錢都幾合理，諗住質素都係普普通通，點知雞煲一到，先知原來係驚為天人！雞問過老闆先知原來係用新鮮雞！怪唔得D肉鬼死咁滑！GOOD GOOD！之後當然要叫返碟牛啦！叫左個牛頸隻，好有肉味，而且幾爽口，而牛肉粒亦都好有口感，Very NICE！另外，呢度嘅生菜好甜，配合埋個湯底，甜辣配合得好好！作為牛之達人，能夠打機後食返個精采嘅邊爐，而家D牛係咁出色真係好感動，我會多啲嚟呢邊打機HAHA…查看更多

聽朋友講宮崎燒肉唔錯，想試好耐，今晚終於約到朋友！旺角地鐵站一出行5至10分鐘左右往油麻地方向再行過一條樓梯，就到餐廳。宮崎燒肉係以燒肉做主打，類似日式牛角燒肉岩晒我呢啲牛魔王。舖頭坐位唔算太多，不過坐得都舒服。另外餐廳送埋「憤火牛仔」。入口牛肉味濃，其他肉類方面，餐廳豬頸肉切得好厚，食落味道濃厚，啖啖肉。牛肉粒, 醃料整得唔錯，唔會易焦海鮮，雖然海鮮燒完會有一股炭味，但餐廳的海鮮都算唔錯，食落肉質唔會有爛嘅感覺，羊肉，餐廳切得薄，兩邊燒一陣就食得，不過味道ok，食落肉質唔錯。其他食物方面，天婦羅都算唔錯，上枱果陣有點凍。各種刺身我覺得份量大啲會更好，同埋壽司不過食落口都算係ok總括而言，宮崎燒肉係個就腳gathering嘅好地方，不妨黎呢度試下。…查看更多

 呢期火鍋店愈開愈多，身為牛之達人既我見到以牛為名既火鍋當然不能放過！呢間日式火鍋聽聞係近排大熱，佢雖然唔平，但質素好高，值得一試！鋪頭座位舒適闊落，我地就就六人卡位都唔逼，拎野食又近，very nice！放題有個半小時任食，而牛既種類就有分澳洲和牛牛肩肉、美國牛肩肉同普通海鮮，我地既然一場黎到就揀左$378既極上澳洲和牛牛肩肉放題！主角來臨，碟鮮紅色既和牛牛肩肉令人眼前一亮，油花同肉質分佈都十分平均，連視覺都極度享受！每款牛肉大約有五至六片，份量相當足夠，而且厚薄度岩岩好，牛味十分之出色！另外梗係要試試美國牛肩肉，比起岩岩既極上澳洲和牛，牛味不遑多讓，但美國牛肩肉就比較有咀嚼感。但對於牛之達人黎講，都係鐘情於岩岩既極上澳洲和牛多啲。其他既丸類菜類都好多，而且幾新鮮，我就唔一一多講啦！總括而言，出色，值得！…查看更多

聽同事講尖沙咀開咗間殿大喜屋， 同一般嘅大喜屋唔同所以就卜左位試一試。到發現呢間大喜屋同之前幾間真係有啲唔同，呢間係以一個半自助餐形式咁可以係出邊拎野食。真係未試過放題會有咁多長腳蟹食，仲要任食，而且幾鮮甜，肉質實正。同事都讚不絕口！而對於牛之達人嘅我，發現有和牛薄燒添!要排隊攞，每次出去都勁多人排，肉汁好juicy 而且好嫩。油左少少，不過好好食！刺身拼盤，種類好多，甜蝦夠大隻同埋好鮮甜，最特別就係仲有啲貴價刺身食，每次只可以攞兩件，啲肉質的確唔同啲。甜品櫃，種類好多好多，我只係食左一杯！不過都好滿足啦！總括嚟講very nice，生日食飯都可以一戰之選！…查看更多

樓上咖啡店總係帶畀人一點小驚喜！今次食咗餐幾滿足嘅晚飯！先講下香煎鵝肝，煎得好香，唔會太漏，好味！牛之達人墦然叫返個main dish日本A5和牛十分好味誠意之選！四安士略嫌不足，，不過但煎得剛剛好！內裡還是紅紅的，肉質鮮美不太肥膩唔會食到成口油，牛肉味重！正！另外一個主菜： 美國厚切肉眼扒，同和牛相比，呢個係遜色啲不過啖啖肉，依然非常不錯！窩夫烘得十分脆口，加埋雪糕同cream，都唔會太濕濕淋淋！食到尾都仲係香脆！畀like！總括嚟講，觀塘區計係幾出色！…查看更多

最近興起太陽的後銳，身為正宗200％港男嘅我自然一集都冇睇過，但公司女同事又話呢間野有得影宋仲基幫您綁鞋帶，加上呢間野係韓燒，有牛嘅地方，自然有我牛之達人出場！一上樓梯女同事已組鬼殺喧嘈話要影相打卡，其實同以前txb個男藝員冇分別。上到去好快就安排我哋住低，坐位坐得好舒服，岩哂傾計，我地叫左好多款牛同豬，初時都以為係一般嘅韓燒，點知當牛嚟到嘅時候先係最精采時刻嘅序幕！先嚟一個真雪花牛肉，呢個真字真係好重要，因為佢啲雪花真係好靚，仲靚過電視機啲雪花，唔好以為我搞笑，個樣得，食落又如何呢？紋理均勻，雖然好多油花，但食落去唔會食到成咀油，牛味亦都係擺入口嘅一刻就爆哂出嚟，好精采呀！所以都encore左幾碟！我地仲叫左個牛肉眼，價錢比起其他烤肉店平，但食落就真真正正將平野冇好推翻哂！係真．好味！肉眼一般牛味冇咁重，但呢款牛味重之餘，仲可以保持入口即溶，肥瘦均等！正！最緊要係平得出奇！牛五花－比起上面兩款入口即溶嘅感覺更加強烈，不過溶得快，要食多幾塊先dep到個味！護心肉亦係呢度較為出名嘅食品，但個人認為食咗以上三款，已經好夠皮！牛之達人好耐冇試過食牛滿足度係100％今次我決定破例畀10隻牛！有機會一定一定一定一定一定會再食！…查看更多

邊爐戰士咁耐冇出動，當然又要嚟返次出征，今日上網search到呢間叫打邊爐海鮮，身為邊爐戰士，未食過真係要try try，放工就9衝去了！我地叫左醉雞，一來今日幾位邊爐戰士都喉龍唔舒服，二來醉雞唔會遮左食材嘅鮮！雞另上，件件都連雞皮，一水滾就放落去等佢慢慢煲。啲雞唔太鞋，同埋真係食到酒味！正叫左個至愛牛頸隻，真係要推薦！油花分佈得好好，我地叫兩碟，兩碟都一係樣嘅質素，冇話有偏差，好重牛味好嫩滑，評分：五隻牛豬五花亦都值得推介畀大家，對於我咁中意食牛嘅人嚟講，好少讚豬，但呢度嘅豬，肉味濃，彈牙爽口very骨！總括嚟講very nice，中意打邊爐嘅巴打一定要試試！…查看更多

食得多邊爐，間唔時都整返個大排檔，而家買少見少，好食嘅就更加難搵又同班同事嚟到觀塘搵食，相信觀塘就畀我哋食哂，一入師傅已經熱情招待，真係有以前牛下嘅feel。先叫薯仔牛柳粒，唔係廢話，薯仔好有薯味，唔係入口即爛，惹味又夠鑊氣！另外牛肉un左少少但薯仔贏哂！正！第二當然try try秘製咸豬手個皮唔知係烤定炸整得勁好味，入口勁脆！但入邊嘅豬手肉又唔會un，唔知以為食緊乳豬well done！最後都叫左隻芝麻雞，外皮有白芝麻包住，好似脆左，皮都好薄，雞胸肉唔鞋！總括嚟講，絕對有街坊風味之餘，又不失水準，下次ot又可以再食！…查看更多

今日又同為食戰士搵食，當然又去到美食天堂九龍城，本身想打邊爐點知周圍都爆哂，突然見到有間炑八！當然無慮即決！入到去，呢間啲位幾多，個場好大，坐得好鬆動！安排我地坐卡位，有別於之前，我地叫左個佢地推介嘅海鮮拼盤，另外叫左兩個湯，海帶湯係大推介！清甜，海帶味重，非常好飲，另外佢嘅生蠔仲好鮮，架埋啲芝士，正！最後我都係忍唔住叫左個牛肉眼，牛味濃郁，肥瘦均勻，性價比抵呀！總括黎講，炑八真係精彩！…查看更多

今日又同為食戰士搵食，當然又去到美食天堂九龍城，本身想打邊爐點知周圍都爆哂，突然見到有間炑八！當然無慮即決！入到去，呢間啲位幾多，個場好大，坐得好鬆動！安排我地坐卡位，有別於之前，我地叫左個佢地推介嘅海鮮拼盤，另外叫左兩個湯，海帶湯係大推介！清甜，海帶味重，非常好飲，另外佢嘅生蠔仲好鮮，架埋啲芝士，正！最後我都係忍唔住叫左個牛肉眼，牛味濃郁，肥瘦均勻，性價比抵呀！總括黎講，炑八真係精彩！…查看更多

之前睇到排行榜見到火山燒第一，牛牛相又要咁靚仔牛之達人當然要試一試！收工即刻同同事上去原來用左火山石所以餐廳並冇平時燒烤嘅味道，唔錯餐枱上有三款醬汁俾大家調味分別係蜜糖、燒烤醬同埋辣醬牛類食物真係大加分牛舌 牛肩肉都係本達人推介之一牛舌係厚切 入口勁彈牙同juicy牛類食品微微洒上鹽 已經好夠味，煮個刻覺得自己成個大廚咁瘋狂encore！其他串燒好似雞皮都幾特別！總結一下 餐廳飲品只需加$20就可任飲食物方面 如果您同我一樣係牛魔王絕對要試！環境坐得好舒服，一大班人真係very 骨！…查看更多

食車仔麵最緊要係啲送，見到間新車仔麵梗要食一野。菜式選擇幾多，我其實食車仔麵幾中意叫腸仔，因為易送面，另外一定要叫豆卜，佢啲豆卜開左邊，啲湯汁索哂入去，非常好味！麵唔會煮得太冧，幾爽口。收工抵食之選！…查看更多

一向好鍾意食燒味，咁岩今日行開沙田阿媽又叫我斬啲料返屋企，所以就嚟咗街市呢度睇吓有咩靚燒味。原來街市呢邊得兩間燒味鋪，咁就是但揀左間叫金輝嘅燒味，因為我鍾意食叉燒，媽媽就鍾意食雞，爸爸就鍾意食燒肉，一於咩都斬啲返去咁就皆大歡喜啦！叉燒來講我就中意半肥瘦，啱晒我口味，而且佢唔似出面啲燒味舖染色染得咁誇張，感覺幾健康。切雞來講肉質幾嫩滑，而且佢比嘅蔥油唔算好咸，所以我用埋黎撈飯哈哈。燒肉拎到返屋企層皮都仲係卜卜脆，爸爸食得好開心！仲順便斬左少少滷味返去，全部都好入味！最衰間燒味舖喺沙田咁遠，如果唔係真係三日唔埋兩日就要斬一次料啦哈哈！…查看更多