影片
更多
2016-04-27
246 瀏覽
最近興起太陽的後銳，身為正宗200％港男嘅我自然一集都冇睇過，但公司女同事又話呢間野有得影宋仲基幫您綁鞋帶，加上呢間野係韓燒，有牛嘅地方，自然有我牛之達人出場！一上樓梯女同事已組鬼殺喧嘈話要影相打卡，其實同以前txb個男藝員冇分別。上到去好快就安排我哋住低，坐位坐得好舒服，岩哂傾計，我地叫左好多款牛同豬，初時都以為係一般嘅韓燒，點知當牛嚟到嘅時候先係最精采時刻嘅序幕！先嚟一個真雪花牛肉，呢個真字真係好重要，因為佢啲雪花真係好靚，仲靚過電視機啲雪花，唔好以為我搞笑，個樣得，食落又如何呢？紋理均勻，雖然好多油花，但食落去唔會食到成咀油，牛味亦都係擺入口嘅一刻就爆哂出嚟，好精采呀！所以都encore左幾碟！我地仲叫左個牛肉眼，價錢比起其他烤肉店平，但食落就真真正正將平野冇好推翻哂！係真．好味！肉眼一般牛味冇咁重，但呢款牛味重之餘，仲可以保持入口即溶，肥瘦均等！正！最緊要係平得出奇！牛五花－比起上面兩款入口即溶嘅感覺更加強烈，不過溶得快，要食多幾塊先dep到個味！護心肉亦係呢度較為出名嘅食品，但個人認為食咗以上三款，已經好夠皮！牛之達人好耐冇試過食牛滿足度係100％今次我決定破例畀10隻牛！有
一上樓梯女同事已組鬼殺喧嘈話要影相打卡，其實同以前txb個男藝員冇分別。
上到去好快就安排我哋住低，坐位坐得好舒服，岩哂傾計，我地叫左好多款牛同豬，初時都以為係一般嘅韓燒，點知當牛嚟到嘅時候先係最精采時刻嘅序幕！
先嚟一個真雪花牛肉，呢個真字真係好重要，因為佢啲雪花真係好靚，仲靚過電視機啲雪花，唔好以為我搞笑，個樣得，食落又如何呢？紋理均勻，雖然好多油花，但食落去唔會食到成咀油，牛味亦都係擺入口嘅一刻就爆哂出嚟，好精采呀！所以都encore左幾碟！
我地仲叫左個牛肉眼，價錢比起其他烤肉店平，但食落就真真正正將平野冇好推翻哂！係真．好味！肉眼一般牛味冇咁重，但呢款牛味重之餘，仲可以保持入口即溶，肥瘦均等！正！最緊要係平得出奇！
牛五花－比起上面兩款入口即溶嘅感覺更加強烈，不過溶得快，要食多幾塊先dep到個味！
護心肉亦係呢度較為出名嘅食品，但個人認為食咗以上三款，已經好夠皮！
牛之達人好耐冇試過食牛滿足度係100％
今次我決定破例畀10隻牛！有機會一定一定一定一定一定會再食！
張貼
