teretereor的個人專頁

趁住周末入咗屯門周圍行吓，當去個小旅行而話明小旅行，梗係要食啲平時唔會食嘅嘢啦！就係Openrice搵左屯門幾出名嘅cafe試吓門面雖已冇餐廳招牌，但裝修非常有格調坐喺門口張木長凳度影相打卡一流！適逢聖誕節，仲有Mirror成員做裝修嘅聖誕樹，對鍾意Mirror嘅鏡粉一定係驚喜（前夫表示無奈😮‍💨）餐廳主要提供All day breakfast、意粉、熱狗飲品方面除咗咖啡之外，仲有梳打、茶同埋鮮奶Macha Latte $45拉花嘅圖案好靚，甜度適中，保留到抹茶嘅茶香，仲有啲朱古力碎做點綴芝士蕃茄肉醬熱狗 $45燒溶咗嘅芝士同埋肉醬混合埋一齊，多到好似瀑布咁瀉晒出嚟。熱狗包有輕輕烘過，有少少脆嘅口感，整體十分之配合，超推介！黑松露配大啡菇雜菌忌廉意大利粉 $88十分之足料，黑松露同埋雜菌係每一啖都有，岩曬鍾意食黑松露嘅人！大啡菇雖然望落去好乾咬落去都好多汁意粉軟硬適中，而家有忌廉掛麵，味道很好！總括嚟講，餐廳嘅食物質素唔錯，裝潢同埋食物都好精緻美觀，非常之適合打卡影相…查看更多

今日同男朋友去左黃大仙人氣日式餐廳食飯。雖然遲左收工，但好彩餐廳好近黃大仙地鐵站C2出口，非常方便。我地今次就試左幾款食物，印象較深刻既有火焰黑松露左口魚邊。一上菜，黑松露既香氣撲鼻，加上左口魚係有燒過，所以入口即熔，成件事好夾，好好味。香芒燻鴨胸沙津呢個我同男朋友都好鐘意食，鴨胸咸味mix芒果既甜味，而鴨胸脂肪同肉既比例大概係1:2, 食落無論口感定味覺好豐富，食埋沙律菜配上黑醋，係一個非常開胃既前菜。脆脆燒三文魚皮平時食開既魚皮都係捲埋一舊，而呢度既魚皮就係一片片，無估錯應該係即叫即炸，因為一開始食個陣鬆脆既聲音大到引起隔離枱注意😂之後我地放左一陣再食已經無咁誇張，所以要趁熱食就最脆最正呀宇治抺茶層次分明，由底至高係紅豆，抺茶，奶，同泡。先感受茶既香濃，再飲奶 再攪勻。一杯就有三種體驗。凍紫薯鮮奶呢杯紫薯鮮奶唔會話飲完好濟，加上飲落有少少紫薯小粒，紫薯同奶都幾夾泡菜黑豚腩鍋呢個鍋配料好豐富，除左主角豚肉同泡菜，仲有唔同既菇，白菜，蘿蔔，豆腐，粉絲等配料好豐富薄切豚肉唔會因為豚肉浸係湯既時間太長而變韌，反而會同粉絲其他配更入味雞扒鐵板飯咖哩汁呢個餐份量超級多😂超大碗飯😳雞扒煎過皮脆，加咖哩汁好惹味流心太陽蛋用黎撈飯一流🤣糯米糍紅豆宇治抹茶牛奶雪糕我見佢都好多抺茶甜品～就簡左呢個試下然後佢抺茶味好濃，另一邊奶味又好出，值得一試唔經唔覺嗌左咁多野好飽咁走😂…查看更多

自己都係一個burger 愛好者，比較出名既burger 都有試過，但如果提到layers豐富 一定會諗起burgeroom!同一般burger 餐廳無異，店員係枱面上會預先放左餐牌，簡好之後就可以係出去counter 度買+俾錢。而水，蕃茄醬，芥末醬都係自助拎，所以呢間餐廳係免收加一！雖然要自己去落單，但嗌好後其實都有店員拎餐去你張枱，所以免加一都幾抵！本身餐牌裡面既配搭已經好豐富，今次同朋友就試左2 款burger.第一款係蜜糖芥末大烤菇煙肉牛肉漢堡，聽到個名咁長都知一定係超多料😂就好似下圖咁咁樣影已經完全反映到勁多層😂起碼有8層。最頂層包個層係厚身鬆軟，面頭有啲芝麻增加口感而之後個層就有芝士，岩岩好半熔狀態，好正！我個人覺得最出色係個大菇，除左橫切面同個包一樣大，都幾厚，每啖咬落都有汁，好香好好味而牛漢堡扒都好味，咬落有牛肉汁。而朋友食左特量芝士牛堡，芝士控必叫！幾乎每一啖都有芝士味！而且芝士味好濃。因為本身以為會唔夠飽所以嗌左黑松露芝士薯條（$68),係我鐘意既粗薯條，每一條都有好香濃芝士醬+黑松露。份量都算多，會好飽2人埋單300$有找，已經超級飽！…查看更多

長沙灣荔枝角一帶新舊小店林立，細心找尋都會發現到驚喜美食～經過一間舖面好有日式味道嘅鐵板燒 - 烏海山，就被吸引左幫襯！鐵板套餐主要有4款，每款都有不同嘅食材配搭，想加料嘅可以另外加配。今日就叫左份牡蠣餐 - $478+10%總括黎講，呢間餐廳食材都好新鮮，所以係鐵板配上簡單調味就完全食到每份食材原始風味。先上嘅係沙律，蔬菜十分新鮮爽脆，配搭自加配搭鹹酸的沙律汁，十分開胃！是日精選刺身 - 有三文魚腩、帶子、八爪魚厚切三文魚腩最有驚喜，見到三文魚紋理分明，配上厚切令魚味更加鮮甜突出。其他三款刺身都十分新鮮！廣島蠔（4隻）廣島蠔同以往其他地方食既好唔同，無苦味，證明十分新鮮搭配其他香口材料熱炒，如洋蔥、煙肉等，整道菜香氣撲鼻，十分之夾！魷魚筒（一整隻）這道菜像是避風塘的變奏版，炸蒜在旁邊，想多蒜少蒜自己話事。而魷魚炒得不會老，保持到鮮嫩口感。牛肉薄燒牛肉鮮嫩，保留到肉汁，牛肉片捲住蔥粒，增加口感，簡單海鹽調味已十分足夠！炒野菜炒飯金黃且粒粒分明，味道十分之有蛋香，加上鑊氣，確實色香味俱全！最後有味增湯，同埋雪米糍。因為我哋walk-in嘅關係，冇得坐鐵板邊，只可以經過影張相留念如果想睇師傅表現就要先訂座啦！重點一提呢間餐廳都有好好既服務，上菜收碟定斟茶店員都會主動留意到，值得一讚…查看更多

有日番工心血來潮想鋸扒，就去咗公司附近嘅一間扒房食lunch。舖頭名叫Medium Rare Steak，幾貼切扒房嘅名稱$66起，午餐嚟講都算幾抵食，個套餐好似仲包好多野咁。有唔同嘅部位可以揀，肉眼、牛柳、西冷等，份量最少都要由200g起。$28套餐可以係A-H之中揀3樣，但呢個套餐喺午餐時間係免費送！牛肉就放咗喺cashier隔離嘅凍櫃，可以睇吓邊舊新鮮啲再做選擇🤩職員即場切牛肉，係開放式廚房即煎，油香四溢肉眼300g - $99套餐揀左飯、沙律、烏龍茶，$99包咁多嘢都好抵食！熟度叫左Medium，冇太多嘅血水，外皮微焦，但內裡仍保持到肉眼嘅鮮嫩。牛柳200g - $74同事就叫左飯、汽水、味噌湯。牛柳因為比較厚身、內裡就更鮮嫩。每份牛肉都會跟一個柚子醬油，比較特別，但搭配牛肉都係十分美味！—————————————————————————總體而言，牛扒質素無令我失望，但套餐配搭自由度高，可以根據個人喜好選擇。想午餐鋸扒嚟講，十分抵食！…查看更多

INN 其中一間新開既分店位於觀塘既裕民坊YM2，上次遠睇已經俾呢度既裝修吸引，今日收工就book 定同女朋友試下。餐廳行法國宮廷感風，天花板，牆身，地板運用米白色調，配上典雅既吊燈做裝飾以及唔同綠色植物做擺設，成個觀感好溫和，舒服。處處都係打卡勝地。我地今次係坐bar 枱，同其他食客距離有啲遠，但職員定期會行過黎幫手加水，見我地比較多個人物品又會俾多張凳我地放，服務細心。法式焗波士頓龍蝦配龍蝦汁意大利飯（HK$158)呢度既波士頓龍蝦多肉原隻上，亦有唔少鮮橙色蝦膏，配上芝士，味道濃烈。而個龍蝦汁飯香濃有咬口，配上蘆筍粒中和膩感。呢個價錢值得一試。法式雞胸肉配亞菲外忌廉汁扁意粉（HK$118)對比上面既龍蝦risotto ,呢個意粉適合唔太食濃味人士。意粉配料尚算多，每啖有香草，菇，雞胸肉。雞胸肉嫩滑可口，忌廉亦是不過份腍，故吃後不覺膩。西柚橘香茉莉花茶（HK$48)打開茶壺蓋就會見到花茶係真材實料，有西柚粒，橘皮，茉莉花茶葉，但就浸泡需時，大概等5-10分鐘就可以品嚐花茶。一壺花茶大概沖到3-4杯。本身都諗住嗌甜品，但可惜女友已飽，唯有下次再試。…查看更多

疫情持續左咁耐，總要搵地方chill下～抖下氣～正所謂 ‘放鬆下啦 香港人’ ，而樓上cafe就係一個好選擇啦！呢間5% Cafe坐落旺角，雖然唔係位於最中心地帶，但交通都係好方便裝修簡約舒適，地方尚算寬躺，坐得舒服提供好多唔同種類嘅boardgame俾顧客任玩，岩晒約埋一班朋友上嚟玩到天昏地暗！當日放工過嚟已經係dinner time，晚餐套餐每款大概一百零蚊，包一杯$40野。除左有特色飲品，更有幾款由cocktail改良嘅無酒精飲品，好吸引！下次再嚟一定要試吓日式天婦羅蝦卡邦尼煙肉意粉 - $108天婦羅蝦炸得脆口，蝦細細隻，味道一流。意粉就十分出色，卡邦尼汁好重芝士味，每一啖意粉都沾滿醬汁，芝士控絕對要一試！炭燒雞扒漢堡配薯條 - $138雞扒燒得剛好，肉質keep到juicy，係經典嘅漢堡配搭，十分好食。薯條亦係新鮮炸起，熱辣辣嘅薯條雖然明知唔健康，但係都食到停唔到口抹茶Smoothie - $16好濃嘅抹茶味，味道甜荔枝梳打 - 跟餐係而家炎熱嘅天氣下，一啖冰凍嘅梳打 爽度絕對爆燈啊！…查看更多

難得疫情放緩咗少少，就出銅鑼灣行下抖下氣。經過呢一間招牌咁搶眼嘅餐廳就試吓佢餐廳地方雖然不大，但座位都係好舒適。環境都好乾淨企理，裝修亦有泰國街頭嘅璧畫，令人未食都好似置身於泰國咁。馬來無骨海南雞喇沙 - $62呢一個餐一次過滿足左兩個願望，又有海南雞又有喇沙。先講喇沙，湯底好重椰子味，再配上一大舊辣椒醬，，十分香濃惹味！海南雞亦十分出色，雞皮表面充滿油光，雞肉鮮嫩又唔鞋，再點特製醬汁泰式軟殼蟹撈檬粉 - $56主角軟殼蟹炸得啱啱好，仲留有少少肉汁，調味亦都適當，唔會太咸。另外檬粉超級多！多到差啲食唔曬，配上幾款基本配料，再跟個特製酸醋，好開胃！芭堤雅炭燒豬頸肉 - $28豬頸肉燒得香口，但仲保留到肉汁，而且肉質十分彈牙，必點小食！馬來杏仁蝦餅 - $28蝦餅口感十分之彈牙，搭配少見嘅杏仁脆片，唔單有杏仁嘅香氣，更豐富左蝦餅嘅層次。泰式龍眼冰好足料嘅龍眼冰！超過十粒龍眼，性價比好高！鹹柑桔水味道稍微偏酸，不過不失啦埋單兩個人食到咁豐富，都只係二百蚊唔駛，實在係銅鑼灣鬧市中嘅抵食之選！…查看更多

18樓雞煲係荃灣都相當出名，最近發現係旺角開左新分店，梗係要去試下喇😋店裡面格局好靚好新淨，以舊式香港作為主題，處處都是打卡既好地方～坐底之後，店員就會上雞煲，唔係好食辣既我地簡左雞煲唔辣本身覺得唔辣既雞煲應該都普普通通，點知！雞煲整得十分滋味，雞肉嫩滑，多肉少骨，加上秘製醬汁，將雞煲既味道昇華左另一層次，完全停唔到口，好味道！下次要試下加辣，相信會更加惹味🤤食到咁上下，就要開始 轉戰 打！邊！爐！加左清湯底後就可以打邊爐lu, 用qr code 落單任點，方便快捷當中有幾樣野食係好值得點～海蝦我地都點左2 round, 因為蝦肉好鮮甜，一啲都唔會梅，非常之新鮮魷魚都好爽口彈牙，好有口感呢度既響鈴同出面唔同，自家製獨有既毛巾形狀點落湯底大概幾十秒，脆得黎又食到湯底既味，食落去好有層次，飽腹感好高滑牛都值得一試，平時食開既滑牛都好韌，所以我一直都麻麻地，但係呢度既滑牛就唔會，加上滑牛切得唔太薄所以好有口感😋野飲有好多選擇，除左一般既汽水，罐裝飲品，呢間鋪頭仲有自制既飲品，例如台式冬瓜茶同埋冷泡茶，消滯一流，好有心思食到好飽好飽既時候，唔好唔記得試下佢既frozen yogurt! 好多配料自選18樓雞煲果然名不虛傳，值得一試再試😋…查看更多

天氣開始轉涼，係時候食多啲熱辣辣既野食！今日去左位於旺角既串grill 食串燒😋好岩一家大細，朋友，情侶黎食！呢間店舖位於廣華醫院隔離，係油麻地地鐵站行大概6分鐘就到，好方便易搵一開始店員會好細心咁介紹成個燒烤既流程，好簡單易明食物既選擇基本上都應有盡有，係餐牌寫想食既數量俾店員，轉個頭就已經拎左俾我地，唔dump 波鐘十分快手只要將串燒放係個爐上面，佢就會自轉，參考番佢既建議燒烤時間，係食物6-7成熟時加燒烤醬，加上調味粉，食得！有幾款食物係好建議點首選係牛舌！牛吞口感細嫩，入口多汁，而且用呢種燒既方法食落有外脆內軟的感覺，十分推介！雞蛋仔都係必食！用雞蛋仔做串燒係好港式同新穎，燒完既雞蛋仔好香雞蛋味，熱辣辣咁食，好脆卜卜，好味當然唔少得燒雞翼雞肉好嫩滑，加上燒烤醬，十分滋味菠蘿十分多汁，酸酸甜甜，食左好多肉後消濟一流雞皮十分香脆可口，實在邪惡食到最後半個鐘仲有每人一杯haagen dazs 雪糕，好滿足呀基本上2個鐘都已經好夠食到所有串燒款式，同食到好飽，所以真係好抵食值得一提，呢間鋪每首歌都係播廣東話歌，好有親 切感～值得支持！…查看更多

觀塘工廈出名係尋寶嘅好地方今次去咗間朋友介紹嘅日式餐廳 - 犢食餐廳係工廈嘅二樓，門面簡約風小小的餐廳提供五至六張檯環境十分清靜，適合情侶或朋友間的小型聚會餐牌選擇唔算十分之多，主打係丼飯同埋湯咖哩另外有唔同嘅小食，同埋有幾款好特別嘅飲品可以揀，Wasabi薑汁汽水、綠茶可樂等，市面不常見因為實在太耐冇食過牛肉丼飯啦，所以特登叫左溫泉蛋牛肉丼。犢食牛肉丼 - $52牛肉調味恰到好處，完全吸收左醬汁嘅味道。將半熟嘅溫泉蛋弄穿，蛋汁佈滿每一塊牛肉，味道更上一層樓。牛肉亦不會韌，輕輕一咬就分得開。牛肉湯咖喱定食 - $62咖哩湯與烏冬分開上，避免左烏冬因浸定太耐而變淋。 烏冬煙韌，有咬口，我幾鍾意呢種有口感嘅烏冬。牛肉味道跟丼飯的類似，但因有咖哩汁所以更香。湯咖哩除咗牛肉，仲有唔同蔬菜搭配，十分足料！照燒魷魚串 - $18魷魚肉好厚，而且肉質彈牙配上表面惹味嘅照燒汁，好食每張檯都有一個意見收集兜，收集顧客意見，十分貼心！埋單2人合共：$155…查看更多

屋企樓下一向都唔多餐廳選擇見到有間新開嘅港式餐廳 - 番茄18 就去試吓餐廳裝潢十分有特色，主題係香港舊時光有好多舊日香港嘅店舖，例如士多、髮型屋、地產係個好好嘅打卡位！花膠雞湯米線 - $69招牌菜冇令人失望！湯面有一層薄薄的雞油，湯亦很重雞味可能係原隻雞件煲成上湯，十分美味！雞件亦不會太老 保留到雞肉口感花膠有驚喜，整塊花膠跟手掌差唔多大！膠質十足，感覺十分滋補！咁嘅價錢有嘅份量真係超值！滑蛋叉燒飯 - $58蛋炒得滑溜，叉燒亦有點肥膏配上秘製醬油，整體配合得不錯不過飯嘅份量很多，女生點的話記得要叫少飯瑞士雞翼 - $38每隻雞翼都好大隻，啖啖肉，啱晒食肉獸味道偏鹹，甜味不太重紅豆奶茶 - $14有半杯都係紅豆，好足料！奶茶本身偏重茶味，配上紅豆嘅甜味道就啱啱好啦菠蘿冰 - $12菠蘿冰就仲誇張，有2/3杯都係菠蘿鍾意食菠蘿嘅朋友必點！埋單計埋每人100蚊都唔駛總括嚟講 每樣嘢都好足料係性價比好高港式餐廳…查看更多

深水埗的越萊餐廳係性價比高！適合情侶，夫妻，或者2-4位朋友一起聚餐。可能係新開的關係，餐廳的裝修十分新淨，以藍色同啡色做主調，燈光柔和，感覺十分舒適。面對疫情，餐廳提供十分貼心的服務，量體溫，提供酒精消毒液同埋客人與客人之間保持適當距離，員工上餐時更戴手套，令客人可以放心進食。細心觀察，不難發現更多餐廳細心之處，例如每個座位都加了一個勾，讓客人可以放好隨身物品。下單時店員更會和客人核對點餐內容，減少出錯機率。意外的是，餐廳都沒有收取加一服務費。而餐廳的食物選擇多又價錢合理。當天與女朋友一起試左2人套餐。前菜是雞絲牙車快沙律。材料有雞絲，蘿蔔絲，生菜，洋蔥，蝦片，加上酸酸甜甜的醬汁，十分開胃。拼盤小食有干貝，茄子蝦，炸雞翼，春卷各一。特別一提，干貝和春卷十分有口感單拼選了豬頸肉撈檬，豬頸肉份量多，外皮脆，而薄切豬頸肉增加口感。撈檬的醬汁，酸中帶甜，加入檬粉以及其配料後十分滋味！特別一提，粉麵份量十分之多，如果係女仔/比較細食人士記得剔少麵！女友就叫左生牛肉湯金邊粉，湯底以牛骨熬製，十分濃郁，配上生牛肉係perfect match！生牛肉熟度控制得好好，不會過生過熟，保留到牛肉嘅滑嫩又不失牛味。飲品為椰青可以見到都是滿滿的椰子肉絲後尾發覺食物質素著實不錯，就追加左一份小食 -香蔥蝦多士，即叫即炸，十分香脆可口，蝦味濃郁，實在太邪惡啦！2人加埋食到超飽都HKD150 有找，十分抵食，見到老闆都十分用心經營餐廳，各方面都做得很好，值得支持！…查看更多

剛踏入十月，就感受到陣陣涼意。就知道已經到咗打邊爐嘅季節啦！係深水埗接女朋友收工，去左地鐵站附近嘅一間火鍋店 - 潮福蒸氣火鍋環境乾淨企理，十分光猛通風系統都做得唔錯，就算後尾全場打邊爐都唔會煙霧彌漫叫左2.5小時任飲任食火鍋，每人$240，價錢就係正常邊爐價啦。食材除咗有一般火鍋食材之外，仲可以揀一款高級食材，分別係海鮮盤定食/ 極尚安格斯牛肉/ 招牌脆皮乳鴿。值得一提嘅係上菜速度十分之快，由落單到上齊食材只係五分鐘內完成，完全冇dum食客波鐘因為係門口水缸見到啲海鮮好新鮮，所以我哋點左個海鮮盤定食。有鮑魚、大肉蟹、元貝、斑塊、生蠔、海蝦。只能夠講一句，淨係呢個海鮮拼盤已經值回票價！鮑魚，味道唔錯，亦唔會韌大肉蟹，真係啖啖肉！口感又結實海蝦 食得出每樣海鮮都好新鮮，因為唔新鮮嘅話啲肉會好梅，但每樣海鮮肉質都好爽口，仲好鮮甜！唔知係唔係係喺門口水缸度即撈即處理呢另外都食咗啲常見嘅火鍋材料，質素就正常發揮，不過不失啦，以下兩款就特別有驚喜嘅。兩款手打鮮蝦丸同埋墨魚丸都十分彈牙！比一般嘅丸更結實，丸入面仲保留左啲鮮蝦粒同墨魚粒，令整體口感更加豐富。有真功夫！總恬黎講， 幾抵食呀！…查看更多

呢間餐廳既裝修都幾靚，時尚同時又有格調餐牌其實野食選擇非常吸引，但係可惜既係想食既（軟殼蟹漢堡飽）咁岩無哂所以就嗌左其他野食招牌漢堡配薯條漢堡非常之有肉汁，厚身薯條都係即炸好食！炸魷魚圈 一圈圈既魷魚加薄薄一層粉炸 上面落一啲調味粉 一啲配埋墨魚漿係 所有野恰到好處因為早訂枱仲有8折優質餐廳無論環境定食物都唔錯！值得一試…查看更多