) . La vache 只接受5位或以上既booking, 我地2人6點半walk-in，要等 1.5hr max.，有位就會call我地，結果我地行下飲下野， 一個鐘度就收到電話喇～ 入到去暗暗地，座位幾迫同個度幾嘈，係比較chill既steak place～ 因為哩度得一個set,除左嗌野飲之外，哩度既侍應就會直接問你想牛扒要幾成熟，Medium rare, medium, or medium well 。我嗌左杯gin tonic ($150), 我地鍾意食生d, 所以steak就叫左medium rare. Salad 好開胃，夾埋香口既walnut 愈食愈餓～ la vache會有個架托住碟牛扒，原因係下面會有蠟燭仔暖住佢, keep住個溫度，但又唔會熱到整乾d牛扒，另外有bearnaise sauce 同tomato sauce。牛扒巳經切開一件件，食落好handy, 咬落去外脆內juicy，肉味濃，唔"un"，雖然個人黎講咸左少少，但真係好好味！！ 
雖然好飽但都清晒～食完佢會有架甜品車推黎介紹甜品，印象中有apple tart, 巨型raspberry macaroon, chocolate cake 等。最後連甜品都食唔到，埋單兩個人大概$820。整體而言食牛扒黎講，la vache絕對係值得去～價錢公道，食物質素高，雖然要排隊，但附近有好多bar，pre-drink完再食都得～ 唔飲酒既話，建議約多d人book枱就應該唔使等咁耐喇～ 
…查看更多
雞泡魚乾燒一口甜薯燒玉子 台灣腸（原味/墨魚/飛魚子/芥末） 脆炸粟米（好味！）同埋嗌左杯Asahi ($59/500ml) 朋友B黎到，佢係一段時間先返香港既朋友，好懷念以前成日一齊既日子，一路食一路傾大家既近況，不知不覺食得七七八八，就再嗌多D芝士翠玉瓜 + 雞軟骨 黑椒鹽燒金菇蟶子我覺得翠玉瓜好好味，叫多左串，但第二串燒得有少少燶。Overall 我好鍾意食炸粟米，粉漿唔厚，香口，冇油溢味，加上d調味粉同沙律醬，好味！金菇都好味
整體餐飯幾好，三人埋單總共$629，可以俾AE，野食中上少少，傾計飲野食串燒黎講環境氣氛幾好，但多人起上黎就會有d嘈同埋迫，好彩個晚都唔算太多人～ 唯一係佢播既音樂一時停下播下，一時大聲細聲，聽得唔太舒服，佢地主要播台灣歌，如果可以播日本歌/純音樂我覺得會更好～ 食完行返出個條街，附近都有幾間restaurant & bar，傾得唔夠喉食完串燒可以去下場飲下野
…查看更多
首先我地叫左炸豆腐（冇相）。佢既豆腐好食，用粉加木魚片去炸，裏面仲好嫩，個汁調得幾好。之後嗌左條minced chicken skewer 同assorted sashimi salad，skewer 麻麻，個salad入面有沙律菜，車里茄，魚生，同埋一碗homemade sauce，味道正常。主菜叫左個海鮮鍋同埋海膽炒飯，個鍋幾鮮甜，炒飯質感幾好，但就冇乜海膽味～ 雖然係星期日晚，但唔算多人，傾計幾舒服。今次既野食都正常，期待下次試燒海鮮:) …查看更多
去到西貢閒逛左一陣，突然落大雨，急急腳搵依間珈琲店(其實我一d都唔識日本珈啡文化，但見人話一定要用「珈」字而唔係「咖」字以表尊重，then sure! Why not?) 。一入去好似去左第二個世界咁，因為出面又嘈又落雨，但間珈啡店就好靜冇乜人，又播d好舒服既音樂基於係openrice d食評度「溫過書」，自己坐底後見老闆同人落緊單同帶點激動地講緊規矩（下面再講），所以都唔敢輕舉妄動 haha! 等左一陣佢走埋黎叫我睇左張規矩一次先，到我睇完，都等左好耐下（佢沖緊珈啡）先走埋黎問我想飲咩，我第一次見"Nel drip", 所以就試Brazil Santos No.2 既Nel Drip. 杯珈啡一黎到我就聞到好香！我揀返岩自己口味，唔太苦唔太甜既黎飲，所以我覺得幾好飲～所以之後嗌多杯BEI House Blended, 同一件cheesecake，都幾好味～ 我就一路寫野，一路飲珈琲，好似坐左3個幾鐘。一路飲既時候有對講普通話既一男一女係我之前巳經黎左，其中個男既去左鋪頭出面影相，而最後俾老闆鬧，因為會影到其他客人（即係我），又冇得其他人同意就影。其實我覺得老闆係有性格既，但d rules 又不無道理。個人覺得，佢起碼係一開頭就講晒你知佢既規矩，如果你入到鋪頭見到張規矩紙唔鍾意既咪唔好留低囉～但個人經驗就覺得其實係香港地，要搵一間好飲既咖啡/珈啡又靜既地方真係好難，所以我幾欣賞老闆既堅持，先可以俾我有個安靜既地方飲珈琲。另外補充，聽到老闆同之後黎講廣東話既一男一女解釋，唔俾用電腦係因為佢想入到黎既客都係飲珈琲為主，其實我間唔中WhatsApp 都有覆下message，但老闆冇話我
⋯所以我諗哩間就唔係其他coffee shop咁，做野/傾計為主，咖啡為次，而飲珈琲為主既時候，禁一禁電話寫下野睇下書我諗佢都唔會鬧既。之後黎既一個女仔叫老闆介紹，佢都有解釋佢地既珈琲豆～ 所以我諗你尊重佢既規矩時，佢都會尊重返你既～ …查看更多
雖然係正speaker隔離講野要好大聲同埋冷氣機吹正個頭，但4人枱坐得舒適好多。佢地既happy hour係去到9點（好抵！）一路飲住sangria, 一路等朋友。好快朋友到左，嗌左杯red wine. 我地叫左2個tapas to start with, 一個係octopus carpaccio, 一個係stewed spicy snail, 之後叫左一個quadruple cheese pizza, 好邪惡 🙈 生既八爪魚切得好簿，個汁調得非常好食，作為first dish甜甜地酸酸地好開胃。開頭仲有d擔心自己唔太食beetroot, 但佢地整到d beetroot pearls 好似魚子蟹子，食落去冇咩味，但就為哩道菜增添口感同美觀我落order前問waiter 哩道菜會唔會好spicy, 結果食落一d都唔spicy, 蝸牛好稔，同埋一早整左出黎，唔使自己"Liu", 食落好handy, 個汁重蕃茄味，又係酸酸地甜甜地，但就濃味好多，薯蓉好幼滑creamy, 撈埋一齊好好味！到埋單既時候先見到原來waiter 落左要less spicy, 好體貼客人既需要！
最後既4重芝士pizza, 有cheddar, parmesan, mozzarella, goat cheese, 我地兩個女仔食真係食唔晒。面層同底層既芝士口感唔同，面層係拉絲既，底層係滑同埋仲溶溶地既，個邊焗到脆脆地，好好味！但預左係肥，熱氣同埋食到最尾會漏～準備嗌第二輪野飲既時候，我地被告知原來張枱8:30pm有booking 所以要埋單，但入座個時冇講，隔左陣同我地講之前book既人唔黎，所以我地可以嗌second round. 但waiter 又再同我地講話佢搞錯左，原來佢地黎，但就可以安排我地轉去出面既圓枱，下一round drink on the house, 我地轉左出去坐諗緊嗌咩飲，佢又突然拎住2杯cocktail話係complementary drink. 雖然有d confusing, 但其實佢開頭俾張4人枱我地坐巳經係好好，況且佢都好有禮貌～ Waiter 話哩杯cocktail有vodka, coconut rum, and pineapple juice. 上面有層泡，飲落去好清新，較甜，原本我地仲諗住之後食甜品，結果杯cocktail 巳經滿足晒我地～ 最後埋單$469。Papagayo 有兩間，雖然有個小插曲，但我自己prefer 河內道哩間多過天文台道，餐廳面積細d, 感覺冇咁多人，more bar-like, 同埋d野食好味d…查看更多
我地兩個都想食撈撈，朋友最後揀左撈撈雞。我唔太食得辣，朋友鍾意食雞胸，所以揀左雞胸+配菜3份，鹽水汁小辣($40)。見到佢地有好多配菜揀，仲有生果
老闆非常有心機介紹唔同食材，特別推薦哈密瓜，結果我地聽老闆講，揀左雞脾菇、青瓜、同埋哈密瓜，撈完出黎俾我地想像既份量多雖然係即叫即撈，雞胸非常入味，一d都唔鞋，青瓜同雞脾菇新鮮爽口，個汁調得岩岩好，有味得黎又會食到新鮮配菜既味道，而夾哈密瓜真係老闆推介時所講：「超好味」！好彩聽左老闆講有嗌其實小辣對我黎講巳經好辣，但又忍唔住一路嗌好辣一路食喎老闆仲俾左泰辣汁我地試，朋友話好好味！老闆話每次煲個汁要煲2個鐘，而d雞，浸水浸熟，再浸過冰水後，原來會整起層皮刮走皮同肉中間個層肥膏難怪咁好味！佢地堅持用新鮮食材，一次唔會買好多，因為放得耐口感會唔同，所以哈密瓜會賣晒架！另外我見佢地有秋葵，番石榴，都幾特別，下次有機會要試下我地企左係鋪位較出僅有既空位一路食一路同老闆傾計，好欣賞佢地預備食物既用心，又咁有人情味咁同客人傾計分享，因為係香港真係愈來愈少了。…查看更多
跟住嗌左1個餐，1個all day breakfast，4杯咖啡～ 2杯跟野食半價，2杯正價～ Latte 味道幾好味～ 紅湯味道正常，餐包d香草味太濃，個人鐘意茶記既紅湯多d 我自己鐘意慢慢飲湯，但係我地傾計途中總共有3個唔同既侍應過黎話幫我收碗，我都唔知點好，唯有講左3次我未飲完:(Overall 野食一般，但咖啡okay，埋單加埋一2人$264～ 順帶一提，當我地坐係outdoor area 等入面既枱既時候，見到一位企出面既侍應又要帶位，又要serve outdoor 食客, 所以佢好唔得閒，令排隊等攞飛既人再等耐d，但偏偏有好幾個侍應就企係indoor 既門口位傾計，之後見到有人排隊等攞飛，佢地行出黎又好似唔俾得飛，企左係度咁等帶位同事落完單先俾到飛人，人手分配幾差，希望餐廳改善，等負責帶位既侍應唔使咁辛苦之餘，食客攞飛唔使等咁耐。…查看更多
睇報導話老闆以前係酒店度整甜品，果然名不虛傳，甜品有心思得黎好味，老闆娘又好好傾，所以要寫食評推介一下！地方佈置好colourful，但可能平日，人唔算多。Menu~ 第一下見到menu：嘩！有水信玄餅呀！有3款口味：櫻花、桂花+荔枝、玫瑰+蜜桃，而且$49係跟埋雪糕+花茶 ～其他甜品樣樣都好似好
咁老闆娘好詳細咁介紹佢地甜品既特色，又按住我地既口味推介～ 到甜品黎既時候真係同相一樣咁靚，尤其係佢地用既碟/sake set呀所以就梗係相機食先喇！水信玄餅（日本櫻花）+ vanilla 雪糕 + 花茶（玫瑰）($49)實不相瞞，我第一次食水信玄餅咋櫻花味道非常清香，完全冇artificial既味道，配埋花茶好有係日本既感覺（讚一讚細心既店員 - 我冇問都主動幫我加水）甘酒丸子 （熱- 配桂花丸子）$39老闆娘解釋甘酒係係d米度提煉同發酵，入面係冇乜酒精，而佢地都將甜度調較至岩香港人口味，唔會太甜，米味好香，加埋桂花味既丸子又係另一番風味！黑朱古力心太軟 + 豆腐雪糕 $50我用左d時間先揀到要朱古力口味，因為佢另外有黑芝麻豆腐（好似係流d豆腐出黎），同埋綠茶紅豆呀！！唔使我講一睇張相見佢流心就知佢好食蛋糕冇燶底，唔會太moist，it's just right! 中間流心得黎唔會太浠，仲有佢用比利時朱古力，一放入口先有朱古力個陣香味，跟住係甜味，最後有返少少黑朱古力既甘味！雖然朱古力味好濃，加埋豆腐味雪糕一齊食都仲有一絲既豆腐清香，所以唔使冇耐就清晒！ 下次一定會再黎試佢其他野食！其實要係將軍澳站附近巳經愈來愈少小店，再加上佢地咁有心思同好味，好想多d人支持哩間小店，同時希望佢地日後如果多左人去都會保持到水準同特色 :)…查看更多
），一路飲咖啡，一路講下工作、朋友、政策、電影、信仰、音樂、人生⋯咁就spend 左一個悠閒既星期日下午～ 唔知係咪weekend既關係呢，今日杯mocha 比平時更甜
…查看更多
飲凍飲既話加$6，埋單總共$112冇加一。沙律份量好大份，但食得多得黎都唔會覺得好邪惡。入面有兩大片煙三文魚、生菜同其他沙律菜、車厘茄、青瓜片、紅蘿蔔絲，全部都好新鮮，最好係d 芝麻醬唔會少俾，而面頭個Pat 蟹籽蛋沙律真係好好味，入面有蟹柳絲，夾埋d菜一流糙米茶d米味好香，牛蒡茶冇試過，不過朋友成日都嗌～ 我地6點度去到就冇乜人，但食到7點開始人多，所以星期日晚唔想排隊既話可能就要早d黎食喇～ …查看更多
最後都係叫左雲呑麵（大）同蝦腸粉，兩個人share。野食等左冇耐就到～ 雖然分開左兩碗望落去好似okay 咁，但其實份量算細，碗麵同雲呑爽口彈牙，幾好味。腸粉都好味，尤其係加埋甜豉油但腸粉皮lum左d, 易散。可惜兩人都趕住有野做，食完冇耐就走，如果唔係都係食野傾計好地方…查看更多
