美食守護圓的個人專頁

已經好耐無嚟過beans食嘢Menu都有少少改動，同埋新增咗晚餐令人驚喜嘅有小食蕃薯條連奄尖的爸爸都讚好之後新試嘅有牛舌沾麵幾新鮮嘅做法無諗過喺西餐廳食到呢個味道跟住仲有一向好吃嘅黑蒜意粉麻麻地好味嘅肉醬闊麵麵包出色過青口嘅青口前菜羽衣甘藍沙律龍蝦湯生日出示證件仲會送一件小蛋糕耐無食都感覺不錯…查看更多

嚟到澳門，除咗晚餐有預算之外，早上同午餐都無特別安排，本著有乜食乜的心態去試。因為澤賢記雞蛋仔，我哋嚟到花城，又因為已到午餐時間，我哋就周圍搵食。喺花城商場繞一圈就會見到好多唔同食店，有外賣店、人頭湧湧店同今次我哋揀嘅呢間位處角落頭的葡式茶餐廳。門口位已經好有特色，幾個圓拱形橫樑，將澳門街道仍保有的建築特色加入其中，將其澳門味道加強，有加分。不過老實說起初有少少驚，因為我哋入去坐時12:45，店內係完全無其他客人，只有外面有一枱客。不過隨著時間愈近1:00人就愈多，最後全店滿坐😂我哋叫咗黑豚叉燒蛋包飯同咖哩牛腩出前一丁，兩樣都好好味，本身蛋包飯佢有一個係配乳豬，但當日已售罄，不過個黑豚叉燒絕對有驚喜，係好好食！而咖哩牛腩出前一丁嘅咖哩都好好食！係好有咖哩味嘅咖哩，真係同港式咖哩有分別的。至於奶茶嚟講，我個人都係鍾意港式奶茶嗰種茶味重於奶味嘅口味多啲，但係澳門奶茶都好飲，入口都夠順滑。…查看更多

今次去深水埗朋友細佬帶我哋搵食，一陣子無行過深水埗，呢度多咗好多特色小店進駐，呢日我哋就食咗一間沾麵店。小店門口位唔特出，就咁行過極之容易會Miss out，想去食嘅朋友要留意。麵店主打蝦湯湍占麵，三款湯底都係以蝦為煮，包括蝦湯醬油味、蝦湯味噌同蝦湯蕃茄，另外亦有限量供應嘅廣島蠔湯麵，店主話每日限量5碗，想試的話12:00就要去食飯啦！一行三人我哋叫咗蝦湯醬油同味噌味，叫好之後就會上一碟紫菜，上面有啲好似天婦羅嘅脆脆，店主話包住好似手卷咁食就ok。對於非常愛好脆脆嘅我嚟講，係超讚的口味！之後重點就當然係沾麵！首先出場係麵，麵夠粗，每一個位置都可以掛上湯汁，而家夠軟糯唔會太硬太淋，好食！湯汁真係無話可說，一送上已經見到碗麵面泛出蝦油，一啖呷入口即刻有蝦味湧出，應該用咗好多蝦頭煮湯，加上湯汁入面有櫻花蝦，成件事同蝦有更加大嘅關聯。食完麵之後，店家會為客人湯汁加入清湯，俾客人品味一下湯嘅鮮味，加入湯之後飲用又有另一番風味。…查看更多

相約友人下午茶呢度平日有lunch set再加小食都好抵食食物質素唔錯，賣相都ok係因為中間有落場時間，唔建議太晏用餐飲品方面叫咗西柚青檸嘅茶飲好清新夠解渴係夏天嘅味道蕃茄辣拿破侖意粉，又香又微辣，好味黑松露薯條正常發揮雞皮餸子又脆又juicy，食過翻尋味…查看更多

超長龍所以吸引咗老公排隊試吓前後排咗大約一個鐘烏冬係人手打，同一般人心目中彈牙嗰種係有分別呢度嘅烏冬係軟糯有咬口煙韌嗰種我形容為有啲似刀削麵嘅質地因為佢用熱鍋上嚟到啲湯仲係起晒泡食用要小心熨口但賣相比食落好親子烏冬係可以話係無餸，只有生蛋一隻味噌湯嘅味道偏濃但鏗魚湯又太淡唔係話特別好味反而小食個天婦羅蟹棒幾好食黑豚肉烏冬嘅豚肉都偏少而天婦羅蝦烏冬就正常啲有兩隻蝦總括嚟講，排過一次就算，再食嘅話都等到唔使等先再諗…查看更多

早兩日幫朋友慶祝返生日為佢揀咗幾間泰菜，最後見呢度位幾舒適決定一試首先睇Menu時我哋一行幾人都覺得好似樣樣都好吸引但因為天氣太熱最後都係叫嘢飲再慢慢揀嘢食飲品方面，我哋叫咗三款，俾佢個氣泡咩咩檸檬茶吸引咗，再叫埋西柚咩咩特飲同泰式鴛鴦想講最有驚喜搫而係友人嘅泰鴛鴦，樽咖啡聞落超香，飲落夠味得嚟無燶無苦，係自己鍾意嘅口味，我唔知咁代表佢靚唔靚啡食物方面：泰生蝦賣相係ok的，仲有兩隻炸蝦頭咬下跟住比較鍾意嘅係唔記得咗個名嘅泰式炒卷粉少少似肉鬆四季豆炒卷河粉，肉鬆仲可以用嚟送飯另一個要等20-30分鐘嘅燒雞都有啲驚喜，如果可以排返靚啲會再好啲，仲有燒波蘿配埋都唔錯，皮係香脆的冬蔭功湯就麻麻哋，雖然佢寫一人份，但個人覺得二人飲剛好仲叫咗個椰汁雞湯，望落去好似一碗椰汁咁，飲落都香的，撈飯都應該唔錯，不過對湯無執著可以放棄湯類另外菠蘿炒飯就偏普通本身仲想叫咖喱椰菜花，可惜當時未到六點已經賣晒。…查看更多

位處九龍城嘅潮州打冷老店相約友人到九龍城晚飯，友人朋友介紹呢間多年老店，對打冷啤酒有份喜好嘅我哋都決定一試我哋坐二樓，上樓前要經一度唔知係門嘅門上去！係成間店最有驚喜嘅地方一行四人點咗五樣菜鹵水鵝拼盤、韮菜豬紅、蠔仔粥、辣酒煮花螺、糖醋麵幾款嘢食都不過不失，蠔仔粥有驚喜，無腥味而且蠔仔都肥美糖醋麵反而最令人期待，因為等咗應該超過半個鐘，但店員話呢樣菜式係需要等，結果無令我哋失望，煎得香脆可口！👍🏻下次會想試蠔餅，見人哋個蠔餅炸到非常脆口！因為肚唔夠位，下次再試！…查看更多

呢幾日午餐都係買外賣食個快飯但同事有日做到攰就想食個慢飯打開Openrice搵到有間真。隱世小店平日周圍都係食肆好難發現呢間喺工商大廈嘅舖頭上到去都好有隱世感因為店舖喺樓層最入樓層係一般商業大廈feel唔係睇咗地址絕對唔會知有食店喺度轉到入店的位置就會即刻俾佢裝潢吸引可以話係有濃濃日式庭園感店內環境都好幽雅食物方面我同同事都點咗日式煎雞便當配櫻花蝦炒飯，仲有小點係蓮藕同台灣腸仔整份餐嚟到時感覺係細份少少嘅但食落份量相當充足，有飽足感雞扒煎得夠脆、成碗飯都充斥住櫻花蝦，蓮藕片好薄好脆食落有驚喜飲品方面所有飲品啲名都好靚，我哋好似叫咗杯花前月下（唔知有冇記錯）嚟到感覺係好靚，飲落感覺就好fresh，唔算太甜環境方面店子唔大，但有室外空間，如果天氣涼啲坐出面都幾舒服不過有一點要留意，因為店子人手不多，出餐會有少少慢啊…查看更多

附近返工搵餐晏仔食都真係唔易行過呢個場見開咗幾間新食肆諗住都坐得幾滿人，今日就嚟試吓Lunch menu都算多選擇而叫得做甘味估計係同以前專食烏冬嗰間同出一轍今日都喺烏冬同飯兩個選項周旋結果都係揀咗個蛋吉列豬扒諗住無死加上佢張相都幾靚，蛋嘅水份好似都幾足結果嚟到真係當堂嚇一跳個豬扒蛋乾到不得了而且吉列豬扒係food court級別…反而幾欣賞佢飯上面有飯素都扮到日式便當但就真係唔值$78加一呢個價錢都係嗰樣…又要加一，又要自己QR code落單呢樣野真係麻麻哋同行朋友叫咗個鰻魚飯…$98…又係food court級別老實真係未必有下一次……查看更多

我想講荔枝角Aeon都唔係第一次嚟，今日Lunch過嚟搵食，見到呢間炸雞店喺12點幾都幾乎坐滿，而且行過都有啲香氣撲鼻，咁今日同兩個同事就決定一試。由於同事玩緊斷食兼戒澱粉質，呢度啲嘢都幾啱佢哋食，因為決絕的話可以走飯。由於我哋都係第一次嚟，所以睇完一輪餐牌都係決定叫睇落最basic嘅Karayama 定食，當中包含四件炸雞髀肉、椰菜絲沙律、面豉湯、飯，仲有兩款醬汁配搭；唔食飯嘅同事再外加一碟雞軟骨。餐牌入面都係以炸雞為主，但竟然見到有海南雞飯，呢個顯得少少格格不入。但所有丼飯、定食嘅價錢都非常合理，大概$49-$69，呢啲價位，今時今日真係食個茶餐都唔得。一坐低就發現隔離坐住一枱日本客人，立時覺得無揀錯，日本人都嚟食仲唔係正宗日本菜。😂食物上枱，我哋一行三人都係相同嘅定食，店員亦算細心，問邊個走飯，好等佢送餐正確。椰菜絲係好似去食貴價炸豬扒嗰種，都係自己加麻醬進食，啲絲都切得夠幼身，所以食落都夠爽脆。另外就係炸雞嘞，千祈唔好睇少佢哋，佢哋全部都熱辣辣，咬一口即時感受到嗰股脆香，而佢炸到咁香口嘅同時都無話令到件雞乾身，反而肉質仲係保持嫩口多汁，very juicy!! 絕對超值，性價比其高！至於雞軟骨呢就正常，但加份位係佢夠熱，同埋真係夠脆！👍🏻食到咁上下，我哋發現餐廳外開始現人龍，我哋就食飽埋單走人！留意返呢度係有加一收費的。…查看更多

今次係第二次食Omakase廚師發辦嘅餐廳，上一次都係朋友請食嘅午餐，經驗非常之好，對於本身唔太敢食魚生嘅我嚟講，係一個對魚生改觀嘅體驗。嚟到第二次嘅體驗，係朋友突然帶我去食生日午餐，由佢一手一腳揀餐廳同訂位，我只係負責跟住去食，去到我先知係食廚師發辦。呢次嘅選擇係位於尖沙咀嘅鮨燐，我哋一行三人去到已經有位，店員帶咗我哋去餐枱嘅邊位，坐底就俾咗餐牌我哋睇，我哋三人都揀咗一樣嘅餐點，十貫壽司+一手卷定食，價錢四百幾蚊，喺廚師發辦嚟講非常合理。而餐牌上見到都有刺身定食，同埋多幾件壽司嘅餐，仲有熱食丼飯可以揀，對於如果有小朋友同行或者有唔食魚生朋友同行嚟講都係一個好嘅設計。點完餐之後，開始上沙律同前菜，同埋茶碗蒸，呢啲都係合理範圍嘅味道，而同時負責為我哋炮製菜式嘅師傅亦都嚟到我哋前面開始準備，首先佢會問咗我哋有冇咩係唔食嘅，其中有個朋友係唔食帶子嘅，所以都會細心為佢轉咗其他食材，十貫壽司入面有白肉魚亦有紅肉魚。另外亦都有我比較喜歡嘅貝類，好似赤貝同帶子，佢呢度帶子嘅切法係我未見過嘅切法，所以上碟時我完全認唔出佢係帶子，而製作嘅方法師傅會因應每款魚嘅特性去做，有一啲會用上灸燒嘅方式，有啲會將佢切細交叠，亦有一啲會加上特別醬料而成，當中我更加第一次見識到師傅人手將吞拿魚做成蓉嚟做手卷，真係值回票價呀！上晒壽司同埋手卷之後，仲有一碗湯麵，呢一餐真係非常飽肚滿足！我哋今次嘅甜品係當造嘅白桃雪皅，大家都知日本桃當造時候真係又香又甜，所以雪皅都係以香取勝，甜度適中唔會搶咗桃嘅味道！總括嚟講，呢間餐廳回頭率好高，我都準備再帶屋企人去食多次呀！…查看更多

38婦女節兩條38去搵食八下近況上年食過Atum嘅藝術Feel下午茶set今次亂揀之下揀咗主打西日Fusion 菜嘅姊妹店由於係平日嘅下午有lunch set可以揀我哋兩個每人叫一個set句括柚子蟹肉意粉蟹肉意粉味道比想像中好，唔會得兩條仔蟹肉，份量都充足。豚肉大阪燒燉飯嘅味道就好得意，因為真係有大阪燒嘅醬汁，好似食緊薄餅咁，要接受到比較濕嘅意大利飯質地嘅先好叫。不過，我同朋友都覺得算係幾好食。再加咗幾多人食嘅月見雞串小食，呢個係想試咗好耐嘅食物，個人覺得偏鹹咗少少，質感就算係唔錯。另外，我哋都叫咗個甜品，見到炸窩夫呢個名覺得幾特別，以為放喺氣炸鍋係咁易炸下啫，點知原來真係落油鑊炸，味道就普普通通啦，食落覺得油咗少少，下次再嚟可以試其他。午餐包埋兩杯冰茶，中䂓中矩！整體嚟講都還好，如果下次再嚟會試其他甜品。…查看更多

今年生日飯同老公揀咗一輪，最終決定有靚景嘅餐廳而且呢度仲有我哋一直想試嘅威靈頓牛，所以好快決定同book咗位老公神神祕祕訂咗花送去餐廳，餐廳都細心幫佢收好，我哋去攞位時都無即時穿煲，算醒目，唔會好似啲餐廳未食完飯就問係咪要切蛋糕咁（笑）😆龍蝦湯放上枱已經飄香，飲落都夠濃味，一碗夠兩個人分，事前講定佢會直接分埋送上枱蟹餅個擺盤好精緻，食落都鬆軟啖啖蟹肉，係略嫌醬汁味會大過蟹味至於威靈頓牛呢就略略失望，好似好多食過嘅人咁講，呢道菜好難整得好，呢度嘅牛味道熟度尚好，但切完真係會酥皮同牛分離，令人比較唔明點解要一齊食，不過愛牛油皮嘅話個酥皮算唔錯嘅。本身我哋諗住叫medium rare, 但侍應提我哋可以叫rare，我哋食落都十分認同並好彩聽佢講要rare，否則應該會太熟而煎爐魚就因為個仔要食魚，魚皮煎得夠脆，肉咬落尚嫩口，唯一係個汁唔係咁啱feel芝士通粉本身都係諗住俾個仔食，不過佢唔鍾意食，我覺得個粉一般，唔係必要澱粉質可以唔叫最後叫咗熱朱古力蛋糕，其實即係心太軟，整體都夠暖好食、係覺得佢邊位好似放咗芝士粉再焗咁，有點點鹹鮮味，呢方面少少怪。…查看更多