wingshuen1123的個人專頁

今日食Omakase係位於銅鑼灣亨環6樓鮨月Sushi Tsuki，當晚為我地主理既係Man師傅，師傅都幾健談，成餐飯都唔會悶🤣月｜$1680/人🌟前菜估唔到前菜一黎就有雉羽太🥰係日本石班魚，魚皮充滿膠質，另外仲有日本苦瓜同沖繩赤雞🌟刺身有鹿兒島間八魚包住海膽；北海道毛蟹配上唧唧醋，極有蟹味；兵庫縣生蠔配紫海膽，海膽為鹽水海膽，保留了海膽最原始的鮮甜；青森縣黑鮑魚，用昆布蘿蔔包住蒸6小時，肉質柔軟稔滑🤤仲有鮑魚肝醬配一口白飯；北海道白海膽配紫菜，疊得好高，師傅勁大方～🌟季節一品日本馬友魚風乾後再燒，之前已經醃左一晚，所以好入味，外皮脆到好似薯片咁🤣魚肉冇骨緊實，豐腴香口🌟壽司安康魚肝、平貝、赤貝、深海池魚、醬油牡丹蝦、金目鯛、醬油漬吞拿魚、中拖羅、燒拖羅，我幾喜歡壽司調味，唔會樣樣都炙燒或者加柚子胡椒蓋蓋魚身味道，食材全部都係客人面前處理，都係新鮮！最後有玉子燒同自家製布甸🍮🌟卷物重頭戲來了！就是金箔吞拿魚手卷😍第一次食金箔味道，極奢華🌟甜品菠蘿雪糕同日本哈蜜瓜…查看更多

係韓國街既中間原來隱藏咗呢間餐廳，上面就係酒店，入去就見到幾部日本彈珠機，即刻諗起係銀座既回憶，而且牆上貼滿密密麻麻既海膽盒蓋，足見師傅係呢行打滾多年既經歷秋之味覺廚師發辦前菜蟹肉茶碗蒸刺身白身魚就係日本鱸魚，已經調好味，食落又爽又滑幾滋潤；磯煮鮑魚煮得相當入味，令彈牙柔嫩既鮑魚肉更有層次壽司深海池魚，肉質軟嫩順滑，以鮮味為主；有心思的中拖赤身二重奏，有油香拖羅和咬口的赤身魚肉擦出火花；櫻花蝦拖羅蓉燒，在配搭上很有匠心，脆口的蝦乾和綿密魚蓉很美妙我地兩個人一齊黎仲送最近大熱既炙燒左口魚邊煲仔飯，真係秋冬最佳Fusion菜，左口魚邊富有魚油滲哂落飯度，飯有點咬口加埋飯焦都不錯，真係飽到撐住走…查看更多

呢間餐廳主打自家製烏冬，麵團經過18小時熟成，每日朝早現場鮮製，同埋有香港買少見少既白布烏冬🌟酥脆吉列豬扒泡菜鍋烏冬｜$138呢度既烏冬都幾fusion，唔少都有濃厚韓風，咁啱天氣轉涼，食下熱辣辣既鍋燒烏冬最好，泡菜鍋只有微辣唔會好刺激但好惹味，豬扒炸得外酥內軟，炸皮浸過湯有點咬口，食完個人暖笠笠🌟冰鎮自家製闊條烏冬｜$128餐廳既招牌菜，闊條烏冬色澤白亮，上面灑咗炒芝麻極香，跟咗3款醬汁，有咖哩汁、胡麻醬同自家昆布柴魚湯，烏冬非常煙韌滑溜，因為濕度夠都幾掛汁套餐揀咗配小食唐揚炸雞，皮薄激脆，啖啖肉勁多汁，肉質嫩滑🌟炸王餃子｜$58見每檯必點既小食，係韓式餃子既餡，有齊粉絲同肉，炸得好均勻，黃金酥脆，點汁有點濕潤唔會偏鹹幾有Feel另外餐廳仲新推出高質酒類飲品，有Yebisu 惠比壽啤酒同Dassai 獺祭清酒，有興趣都可以試下～…查看更多

餐廳位於11樓，窗邊都係二人位置，一覽銅鑼灣避風塘以及成個維港景色，打卡度爆燈，內廳仲有壁爐設計，真係好復古，其間仲有Live band表演Tasting menu｜$13887道菜加埋甜品，一開始就送上Spanish sourdough bread platter，配上兩款牛油，一款易入口幾Creamy，另一款Basil味好突出，加埋中間鹹香味噌幾上癮⭐️第一道首先食中間既紅蝦他他，蝦肉爽彈，配合埋蘿蔔洋蔥蓉；右邊係52度慢煮既日本帶子撻，帶子肉嫩多汁；左邊黑色既原來係海膽撻用咗墨魚啫喱整成容器咁，海膽既鮮甜係口入面爆發⭐️第二道西班牙藍蟹加埋蝦同魚肉整成餡，配上有花椒油既蛋黃汁，呢個Fusion好有驚喜⭐️第三道鮟康魚餅同龍蝦餅成為左右門神，一個魚肝配上銀魚仔乾，脆口得黎入口即溶，油脂感令人滿足，龍蝦肉同脆餅一咬，肉質爽彈有點咬口⭐️第四道之後燒鰈魚群邊上檯，再淋上北海道粟米湯，香氣係嘴到環繞不熄⭐️第五道三黃雞外皮燒得焦脆，入面似雞肉丸子啖啖肉，鴨腿肉質嫩滑，點黑醋醬味道剛好，最後食鵝肝配埋薄脆，真正既入口即融⭐️第六道西班牙海鮮飯上面係脆煎馬友魚柳，飯盡吸海鮮精華味道，魚柳外脆內嫩，魚肉順口無刺⭐️第七道炭烤小牛肉，愈咬愈多汁，外層肉味同內裏清香多汁形成二重奏，認真一試難忘最後甜品係西川抹茶Tiramisu，賣相好精美，抹茶既甘香同咖啡香氣碰撞出美妙火花…查看更多

中環新開左間主打牛油果飲品小店，健康及怕肥人士都好適合飲，款式都幾多，系列有SUPERFOOD、明治鮮奶、堅果乳酪、鮮榨水果茶，以及新出榴槤系列！牛油果寫明用澳洲牛油果，乳酪亦係用香港維記乳酪，另外人氣必點榜首位係牛油果羽衣甘藍配燕麥珠，羽衣甘藍好健康，可以控制血壓，又抗氧化抗炎，同時可以提高免疫力，不過留返下次先試⭐️牛油果碧根果乳酪 $50將牛油果和乳酪打成泥狀，再撒上碧根果碎粒，豐富的口感，健康又有飽足感，飲完完全無負擔感覺⭐️生榨椰椰芝士 $45芝士奶蓋都挺身，口感鹹甜濃郁，仲有椰子碎碎口感，非常適合芝士控⭐️超濃郁D24榴槤 $50採用新鮮榴槤肉製作，口感綿密順滑，榴槤果香在口腔內釋放，榴槤控絕對要試…查看更多

最近有舊同事由加拿大返香港約埋食飯，其中一個就推薦咗呢間位於天后既Omakase，記得上次黎呢邊係叫亨環天后，而家變成蔡氏大廈，用餐空間充滿和風，眺望半個維園壽司環節由淺入深，先是較為爽口的赤貝，之後富有油脂而不膩口的深海池魚；然後是一款稀有魚，同樣位於深海的葉血引，油脂很少卻十分清甜，魚肉雖紅卻沒有腥味，其後一個反轉上了一道中拖羅壽司，中拖羅的油脂極亮，直逼大拖羅級數，入口即溶配醋飯一流火炙北海道銀鱈魚亦很出色，因為魚肉順滑，油而不膩很有滿足感；再來一款火炙鰈魚裙邊手握卷，紫菜鹹香將油份感覺減半，口感不錯壓軸出場的海膽飯份量十足，有齊北海道的赤馬糞和黃馬糞海膽，口味各是濃郁和清甜，完全沒辦法想像6百多的價錢能品嚐到如此高質的海膽尾聲是蔥拖羅手卷，上面鋪滿了酥脆的天婦羅碎碎，口感層次一流；玉子布甸夠甜滑，芝士雪糕很解膩…查看更多

與舊同事聚舊，選在這交通方便的地點。這餐廳名字十分有趣，於是一試點了鴛鴦湯底，一邊是秘製沙嗲湯，味道濃郁，令食物不用額外醬汁都充滿風味。另一邊是甘筍粟米白蘿蔔豬骨湯，十分清甜，吃到中途食粟米/白蘿蔔真的很棒打邊爐通常都想有些涼茶類降火，於是點了竹蔗馬蹄水，味道正常，但服務不得了，侍應不時見我們喝到差不多會主動再斟給我們，值得加分叫了很多不同的美食，當中去滾咪走雞，名字有趣之餘，雞真的很滑，感覺有刻意再處理。另外脆爆苔條響鈴真的很棒，響鈴很常吃，把海苔放在內令口感再提升一個層次。牛B子手打牛丸一粒一個小碟，除了上菜時好看之外，更顯每粒份量足，因為滾過一吃，真的十分足料，牛味濃郁之餘真的彈牙之料又結實。下面滑手打蝦滑上面有些魚子，初時我不太懂如何處理，胡亂下了兩三舊後，侍應看到馬上幫忙處理。見他十分專業地撈勻，再壓在碗邊逐段放到爐上，除了看得高興，更感受到其服務的溫度聚會中討論很多勞累的事，除了與舊同事互相扶持外，這美味的一餐以及優良的服務都讓我再次充電，迎接新一天…查看更多

人氣大熱既即製和牛漢堡扒店係九龍灣德福插左旗，6點幾就已經有差不多10個人等緊🤗不過唔使10分鐘已經入得，上菜速度快，客人既流轉都好快，餐廳入面充斥著肉香，不過無咩油煙抵讚餐廳主要分咗兩邊用餐區，都係板前形式圍住中間既鐵板同備餐區🔥研究緊菜單既時候已經送上可以任添日本東北產米飯同埋蜆肉蕃茄湯🥘另外呢到可以調制特有既九色醬料🥢由洋蔥醬、特色奧羅拉醬到最惹味既蒜香辣椒醬都放好哂等漢堡扒到來🌟原味和牛漢堡扒上檯時就放係面前既鐵板，本身大約7成熟，店員仲會比埋隻日本生食級雞蛋配壽喜燒汁🍳漢堡扒食落極Juicy，肥瘦適中有好香牛脂味😋同時仲有炒西蘭花係任食🌟新品青咖哩漢堡扒由香草醬、燒菠蘿、漢堡扒同秘製青咖哩組成南洋惹味之選🤣見到呢份咖哩就已經即刻要叫多碗飯，微微既咖哩辣味同清新香草味…查看更多

在尖沙咀發現一家寶藏餐廳，是欣賞維港夜景性價比最高的地方，網上訂座黃昏晚餐只需要$688就可以在17樓一邊飽覽維港兩岸景色，一邊品嚐意日Fusion美食6點半前到達，店員引領走過一條有如時裝展T台的走廊步進用餐空間，燈光柔和顯得有情調，望向窗外景色正由藍天慢慢轉暗，帶著橙黃的夕陽色彩，幸好事先要求窗邊位置，單是景色已經值回一半黃昏晚餐由前菜、煮物、主菜到甜品，一應俱全而且份量不小，在質和量都呈現出最佳風味首先送上的是慢煮豚肉配日本茄子味噌湯，豚肉數目不少，而且是肥瘦相間，入口甘香滑溜，味噌湯鹹度恰到開處，暖胃熱身，接著是雙色前菜，最為吸睛的是吞拿魚和油甘魚刺身薄切，兩者以交疊而上紅白相間，上面灑滿黑魚子，旁邊佐料是土佐醋啫喱和海藻沙律，中和了油香滿滿帶有鮮味的刺身；另一旁的碎蔥吞拿魚腩牛油果卷極惹味，因為上面的蒜辣醬後勁十足，肉餡順滑肥美，辣味解膩，配搭一流Burrata Cheese沙律十分開胃，外層的芝士皮有點煙韌，內裏有充滿鮮奶油的芝士絲，切開時流出濃稠內餡，與墊底的豌豆和松子等變得清爽，而且果仁乾豆有點脆口，令層次感更豐富日本押麥配明太子荳乳湯配海膽及魷魚餐廳Fusion菜特色之一，採用日本材料和手法去炮製這道有如意大利飯的麥飯，汁醬有明太子鮮味和微辣，海膽甘甜和魷魚爽彈，每一口都很滿足龍蝦意大利麵上檯就聞到酸甜的蕃茄香氣，龍蝦肉份量毫不吝嗇，麵條質感彈牙有咬口，配合味鮮飽滿的龍蝦肉很美味，愈食愈上癮油封乳豬仔乳豬表皮香脆，肉味濃郁帶點肥美，沾醬吃就可以令味道更上一層樓，難得的意大利功夫菜，與香港燒味的乳豬完全不同的美味石燒和牛是夜重頭戲就是這道石燒和牛，雖然要加錢但肯定不會後悔，和牛帶著耀眼的大理石紋，在熱石簡單燒兩面就可以，入口爆發濃郁牛味極多汁，沾上炸蒜片同吃感受到箇中的甜味，幸福感滿溢最後是經典的意大利甜品Tiramisu，採用流心火山形式去呈現，咖啡香漂散在蛋糕體上極為出片，一口下去吃到鬆脆的朱古力珍珠，口感豐富…查看更多

今天約了一位很愛東南亞特色菜的好朋友慶生，左思右想下找到了這家連3️⃣年名列米芝蓮必比登推介的泰國菜，位於大角咀重建部份的社區，晚市時人流不多，但唯獨是Saya需要排隊候位👯‍♂️幸好早已訂位並準備了生日驚喜給好友進入餐廳就看到裝修以湖水綠色為主🟢不少傢俱都是以藤製品為主，餐檯偏高身以小階磚組成，牆上有繽紛的壁畫和泰國特色海報🈵️菜單非常簡而精🪉食物方面有沙律、咖哩、燒物、小食、粉麵飯和甜品，只集中咗泰國菜最拿手的部份，集中提高質素😍🦀泰式咖哩蟹汁軟殼蟹上檯已經引起朋友的嘩嘩聲，因為炸軟殼蟹十分大隻，而且有滿滿一梳梳的蟹肉鋪在濃郁咖哩之上🫕軟殼蟹極度酥脆可口，咖哩的椰香味很飽滿，必須點上跟配的意大利香草蒜蓉包🍞和一般坊間偏鹹的蒜蓉牛油包完全不同，香草味較為突出，與咖哩擦出美妙火花🍱小食拼盤貪心的我們點了拼盤可以試盡他們的各式小吃🍗沙爹雞串肉質夠嫩，上面醬汁花生味極香濃，口感漿口甜而不辣，令我想起小時候光顧過的青衣何鴻燊伯伯🍘炸墨魚餅有鮮味，外面脆口內裏彈牙；炸雞棗口感札實多汁，中間的炸魚露豬頸肉條一試難忘，一口一條超級爽口彈牙，潤而不膩😋🍝泰北咖哩金麵配燒雞第一次品嚐到的泰國菜就是這款金麵，原來是源自泰國北部清邁😛咖哩的質感比較像湯咖哩，不會太濃稠，味道香而不辣，配上炸過後變得酥脆的蛋麵和煮過有濃郁蛋香的麵條，一麵兩吃帶來迴然不同的味道😆加上一塊大過手掌的炭燒雞扒，沾上咖哩汁後層次感更豐富，肉質嫩滑彈牙☺️🥭芒果糯米飯蛋糕近年泰國大熱的甜品在香港也能吃到了，蛋糕上有齊插牌和蠟燭🕯生日版獨到之處是店員會圍在一起唱生日歌，提供即影即有為我們留下難忘回憶📸…查看更多

去元朗當然要試下人氣茶飲店「夏茶」🥰淨係元朗都有兩間分店，早前招牌開心果系列真係好受歡迎，我都試過真係唔錯～今次就試下生果系列玫瑰荔枝雪沙$42顏色都幾pink🤣將荔枝加入天然玫瑰醬，之後打成綿密雪沙，清爽消暑，天氣咁熱飲真係冇得頂奇異果大滿足$35想吸取維他命C當然要試奇異果🥝暫定鳳攸街店有賣，大家想試就要注意⚠️奇異果製作加入現泡青霧綠茶，再加入奇亞籽和Q彈寒天，幾有口感，酸酸地又唔會好甜…查看更多

下班後和家人一起來到，原來整棟大廈有多間粵菜酒樓，不過最多人到訪的就是3樓的盛記，就算是週一晚上也坐無虛席餐廳餐牌有多款選擇，特別是有一張羅列了他們的招牌菜，由廣東燒味到生猛海鮮都應有盡有，當中的即燒乳豬更加是馳名香港，大時大節再來肯定要一試海蜇汾蹄｜$78齊人前先點了一份冷盤前菜分享，小時候吃著海蜇拉長伸直揮舞的畫面依然記憶猶新，現在長大了再吃才知箇中真味，爽彈的海蜇配上口感鹹鮮帶點甜的汾蹄，皮爽肉滑欖角冰梅骨｜$168這道菜比咕嚕肉更開胃更下飯，冰梅骨酸酸甜甜，一字排骨煮得軟腍易入口，加上欖角鹹香惹味，每口都入口鬆化野菌百福豆腐｜$128有多款菌類配上炸豆腐，勾芡後菌香更濃郁，豆腐軟滑豆香濃瑤柱蛋白炒飯｜$138炒飯粒粒分明，瑤柱和蛋白的份量十足，每一口都有料令人滿足…查看更多

屋企附近其實有好多小店賣雞蛋仔，但我覺得最好食都係媽咪雞蛋仔🤣keep住都有新口味，最近出左腐乳黃金同麻糬口味雞蛋仔🌟原味白麻糬雞蛋仔雞蛋仔是即叫即製，確保新鮮出爐，所以都要等一陣先有，一口咬係非常煙韌，甚至有拉絲效果，真係幾乎每粒都有麻糬😍份量都唔少，蛋香味好出，做到外脆內軟口感👍🏻🌟朱古力沙冰購買任何雞蛋仔或格仔餅，買飲品都可以減$4，今次試下朱古力沙冰，勁解暑，朱古力好濃郁～不錯…查看更多

今日在尖沙咀棉登徑找到一家可以感受日本道地漁港風味的磯燒餐廳，是全港首家磯燒餐廳，所謂磯燒其實代表了在漁港即捕即撈即燒的第一手風味餐廳裝潢亦充滿漁村小店元素，由壁畫到各式招牌和海報，令人尤如時空轉移到充滿海邊鹹鮮風的港口餐廳🌟焱丸蟹噌甲羅燒這個元祖有滿滿的蟹膏，上面鋪上蟹籽，燒好後拌勻蟹味十分濃郁，可配上清爽的青瓜絲解膩🌟豪華三文魚冷麵今天可以感受到吸麵的爽感去吃三文魚，三文魚新鮮爽彈，咬口真的猶如麵條🌟肉盛壽司繼三文魚自由後有和牛自由，和牛肉條有如瀑布般傾瀉如下，入口柔軟順滑🌟磯燒烏賊近小臂長的烏賊，店員細心攤開後鋪滿燒網，慢火細燒下再塗滿醬汁，燒好切成一條條上檯，肉質彈牙帶有鹹香.🌟白蜆殼燒純天然無沙，海水味蜂湧不用調味已經很好味.🌟冷烏冬伴著各式磯燒食材的主食，爽口清涼一流…查看更多

早前返內地食完湖南菜後就念念不忘，好想再食，所以就搵下香港有冇類似餐廳，結果就找到農耕記，第一次去食，都幾期待😚原來8年時間，農耕記湖南土菜已經在中國多個地方，以及海外的新加坡和馬來西亞開設直營門店！叫左成檯食物，試左幾款必點菜，都是店員推介，其中鮮炒黃牛肉真係好好食，用左吊龍部位現切現炒，肉質鮮滑同時又有一種獨特的嚼勁，帶少許油脂另外點了比較少見老面花卷，其實係銀絲卷，好鬆軟，簡單蒸炊可以吃出香甜原味，配搭辣味小菜好夾…查看更多