ZaccheusK的個人專頁

大愛鰻魚，終於一試。蒲燒鰻魚飯（大）$128湯同前菜一般野，唔好抱期望。鰻魚唔錯，骨去得非常仔細，配菜少少脆骨都幾香，呢個價錢份量方面冇投訴。口味偏淡汁偏少，如果要鰻魚汁，枱面係有供應嘅，不過同飯本身同魚燒過嘅汁係會有少少唔同嘅。串燒點了牛舌芯，白鰻，雞頸肉，醬麻雞。牛舌芯同雞頸肉冇乜特别，白鰻唔錯，醬麻雞嘅醬似海鮮醬，留意返呢款係有骨嘅。整體炭香味不足。雖然主打鰻魚飯，但餐牌有嘅，客人亦期望會好食，串燒算係唔太岀色，店家有燒鰻魚骨已係驚喜，但今次冇食，如果有埋鰻魚肝串就算係幾完整嘅鰻魚專賣店。全單$259，其實算係幾抵食！！！最後要大推炸鰻魚！！！！呢個無論味道，價錢都係值得一食再食！皮脆，肉嫩多汁，有四件，部位亦有腩位。非常好食！！…查看更多

讚下先，環境裝修設計係唔錯嘅，當日用餐坐位亦舒適，空間足夠，唔會同鄰桌有壓迫感。食物擺盤靚嘅(Pizza除外)。好，讚完！ 餐廳最緊要當然係食物，就由食物開始。三文魚牛油果莎莎調味欠奉，可以話清新嘅，不過三文魚嘅油香呢？作為頭盤唔推薦。求其是但乜都炸啲啦如其名，少貴，冇乜特別。半熟吞拿魚西西里比薩真係好醜！味道亦一般。西班牙海鮮飯糊仔？燒魷魚唔香，冇調味。全碟唯一可取係隻蝦還可以。呢杯叫Golden Apple Frappe，孤陋寡聞真係未見過青色嘅Golden Apple。食物總括黎講，冇乜好岀色，難食到放唔入口又未至於。可以比ok。 最後講下服務，呢間有加一嘅。 當日有book位，七點，入坐前告知用餐時間係90分鐘，話八點半還枱，朋友話知道。 食到八點，待應攞住餐牌過嚟話last order ，仲有半個鐘有冇野加？我哋話冇喇。 八點十分放底咗張單，再講，咁埋埋單丫，八點半還枱。 八點十一分攞埋部機過嚟碌卡，碌完又講，八點半要走喇！ 我唔知你哋咩事，要提客人離開到令人厭煩嘅地步，仲要每次嘅語氣都係覺得我哋會坐好耐咁。可能你地八點半後好爆，又或者我會阻你收工啦。真係唔需要講咁多次呢。。。 最後我哋八點二十分走，我應承你哋餐廳，我當日八點二十分走咗就以後都唔會再嚟阻住你喇。…查看更多

試業中嘅拉麵店名為"野見"門面幾靚，入面有幾張二人枱同bar位，偏愛bar位可以睇到師父煮麵。當天入座較晚，只剩雞白湯，賣相唔錯，一隻溏心蛋，一塊厚厚嘅叉燒。湯～係濃厚嘅，似粟米忌廉湯，因為湯濃郁所以食到尾，個湯都仲係熱嘅，非常好。叉燒～味道唔錯，因為真係厚，所以少嚡，但都冇渣嘅，中上。雞肉～有兩片，非常嫩滑。配菜～粟米同露筍都爽脆冇渣。麵～用嘅係幼麵，因為湯底濃厚所以都幾掛湯。溏心蛋～調味較淡，蛋香唔錯。熟度如下圖。因為咬嘅，影得唔靚，見諒。我嗰碗嗰隻係我滿意嘅熟度。同行嗰隻就熟咗少少。用餐體驗唔錯，會有下次。…查看更多

門面裝修幾特別，經過見到多人就冇入去，影咗張相就算。過咗幾日，六點半左右到，唔使等位。試咗兩款，白鳥湯同春貝湯湯～雞白湯非常驚喜，雞味濃郁 ～貝湯鮮甜用料十足，認真勁好味麵～有得揀"夠硬"，"適中"，"淋啲"好係係咁上下，我係揀適中嘅，我覺得係啱啱好嘅。蛋～唔使講，睇相就知係我最滿意嘅溏心。味道亦唔錯。雞片～滑嫩，香草調味恰當。不過同個雞湯唔算好夾。蜆～都係鮮甜嘅，冇沙！凡立貝～燒過，幾香，都有少少甜，唔好期望太高。算好足料！！炸雞正常。。。仲有部機比你排隊玩下！非常滿足嘅一餐，一定有下次，期待蠔湯同蝦湯！！！…查看更多

醬油溏心蛋醬油漬馬刀貝溏心蛋非常好食，熟度近乎完美。醬油亦香，必食。馬刀貝的醬油加咗少少辣，亦很鮮甜，值得一試。當天只有蝦湯，我點了拉麵湯底：其實大家都大讚，異常濃郁，似醬多過湯，係好好味嘅，再配上蝦油，更加香。蝦：同馬刀貝嘅醬油相似，帶少辣，蝦爽，蝦頭亦很甜。麵：～拉麵，入口有少少碱水味，欠佳，口感唔夠爽。～刀削麵，入口極順滑，雖然偏淋，但掛湯亦和湯頭勁夾，強烈推薦！！願意等枱時間大約十五分鐘，當晚七點左右等位，七點二十分入坐，七點半就有得食。很好食嘅餐廳，但高枱唔太好坐。…查看更多

我有個習慣就係如果見到或諗起好想食嘅食材，就唔理佢係咩菜式，有得食就會滿足。今日見到呢個餐牌就懷住興奮嘅心情食門鱔帶骨炸魚皮。。。食物上桌，心一沉，我就知呢篇食評必然係喊喊。炸魚皮：唔夠脆，冇骨嘅，大家可自行判斷。湯頭：接近清水嘅程度，我叫嘅係小麻辣，係清湯加小小麻辣油。河粉：滑，彈牙，合格以上。雲吞：蝦係爽嘅，味道一般。秘製雞扒：皮脆，有肉汁，全餐最好食嘅，如果當日係為雞扒而來，應該會感到滿意。 牛舌細嗰兩舊好乾，又硬，非常失敗。大嘅部位算靚，但局部位置偏韌，好食講唔上，就不過不失。…查看更多

先講明，係一間唔會有下次嘅餐廳。炸普寧豆腐全餐食得過嘅食物都已岀現在上面張相。豆腐炸得脆卜卜，內裡亦非常嫩滑，調味也很好，配搭韮菜水又多一層口感，係唔錯嘅。另外，相中嘅辣椒油亦係唔錯嘅，响之後嘅菜式起咗極大嘅幫助。呢個滷水非常一般，只有鵝腸爽脆有滷水香，而豆腐，鵝件都冇乜味，唯有配辣椒油食，再講，佢個辣椒油係好食嘅！！重點嚟喇，個豬仔脾係有雪味嘅，完全唔得，非常恐怖。。。蠔仔粥，又一冇味之作。湯頭-大地魚嘅味道？方魚嘅味道？都係搵唔到。蠔仔-用細嘅蠔係我鍾意嘅，飽滿，但完全冇鮮味，仲過火至質地偏韌。粥面嘅炸乾葱？旁邊嘅菜脯？點解用問號，因為我真係估係乾葱同菜脯。當日入座時，有話我哋知當日不供應慢煮菜式，餐牌有一個大項係慢煮嘅，咁好正常明白係冇嘅。但係响滷水嘅大項底下有一款慢煮鹽香雞，咁就問下有冇啦，員工話問下先，然後回覆“冇嘅”，聰明嘅你睇到呢度，都估到我見到其他後嚟嘅枱係有得食慢煮鹽香雞啦！埋單四百幾，有種比人呃嘅感覺。…查看更多

新廣南餐室，甫入店就聞到懷舊冰室嘅味道，新派西餐廳沒有嘅嘅味道，係格仔枱布，係水吧紅茶，係鐵板扒餐，係舊店獨有嘅混合味道，只有去過嘅人先能夠理解。。。店內客人唔多，揀咗卡位坐，白湯係粟米忌廉湯，傳統做法傳統味道，我喜歡加胡椒粉，夠熱，幾好飲。主食係焗鮮茄牛脷飯炒底好香，粒粒分明夠乾身，係岀色嘅！牛脷偏冧，沒有彈性，油香一般。汁正常，中規中矩。凍谷咕跟餐要加8蚊，仲要加一，谷咕係平野，不過已經冇乜餐廳有得飲，天氣又熱，千金難買我想飲，照要！！一放低，我就飲咗三分一，舊冰室嘅感覺返曬嚟！埋單八十幾蚊，話貴唔貴話平唔平，不過食一餐正正常常嘅，當懷念舊冰室就值得比嘅。…查看更多

人在佐敦，找找最近開嘅餐廳，發現呢間烏冬店。門面幾靚，當天不用排隊，直接入座。 入座後發現有冰水招待，仲有我最愛嘅青葱同脆脆可以自取，還有薑，蒜，柚子湯等等，非常期待。 點了豚肉烏冬，說是類似沾麵，但湯是稀嘅，枱旁邊有寫烏冬是常溫，但我感覺係個烏冬係涼涼地，又未至於凍嘅溫度，所以當用烏冬浸湯食嘅時候，浸咗兩三次，個湯就唔熱喇。肉嘅份量就好多，味道正常冇乜特別。 食到一半，侍應幫我加入柚子湯，個湯暖返少少，再繼續食烏冬，味道係豐富咗嘅，但係都係唔夠熱。 外加咗兩款炸物，炸蝦（$18）和炸元貝（$25），炸蝦還可以，唔係彈牙嘅蝦，不過味道唔錯，元貝就一般般，都有鮮甜味嘅但好細粒。最好嘅就係炸物係夠熱嘅。 整體用餐經驗一般，熱天食可能比較合適，大部分食物係常溫，味道一般，唔太適合我。…查看更多

用餐時間大約傍晚七點左右，點了兩款食品，分別為Ramen Cubism特級白湯拉麵和章魚小丸子。 特級白湯拉麵拉麵-硬度適中，唔會太淋，有咬口。肉-有三大片，油香充足，淋滑冇渣。蛋-顏色係淡淡的醬油色，但有鮮味，熟度完美，沒有過熟的粉狀，中間流心。湯-非常精彩，係濃厚嘅雞白湯，再配上牛油嘅香羶，湯底越食越濃，怕膩嘅可能會卻步，但我認為係剛剛好的。 這個拉麵百幾蚊，我覺得性價比頗高。章魚小丸子 木魚絲係多嘅，但章魚小丸子係唔好食嘅，醬汁都係一般嘅，外皮介乎脆同唔脆之間，有少少奇怪，章魚細粒，有兩粒係冇章魚嘅(或者只係我食唔到)。身為58蚊嘅章魚小丸子係唔合格嘅。 總括嚟講，岀色嘅拉麵係會再回頭食嘅。…查看更多

點咗份吉列魚柳，餐包，火腿奄列早餐，跟餐熱奶茶。另外餐包可以選多士，奄列可選煎蛋之類，配搭算係幾多。 嚟到有埋生菜蕃茄，茄汁豆，正常野，唔評論。 餐包，係開邊搽牛油煎過，香脆。 火腿奄列係全熟，火腿份量較少。 吉列魚柳，外層非常香脆，魚柳嫩滑，好食！好好食！超級好好食！ 成個早餐先37蚊，我剩係比塊魚都值。 餐飲熱奶茶，沒茶香，奶味淡，茶餐廳奶茶嚟講係唔合格。 綜合嚟講，呢度性價比係一流。下次有機會試下麵餐再更新。…查看更多

用餐時間約晚上九點半，不用排隊，但店內九成滿。 用QR code 落單，方便。點了炒芽菜拉麵加味玉。 有聽閒其辣度偏低，所以點了高麻中辣，麻香唔錯，辣度一般，如果嗜辣可以叫大辣或鬼增辣，不過辣味嘅層次欠奉，只屬一般。很多韮菜同葱，正！炒芽菜亦爽甜！ 叉燒呈方塊型狀，除非你一啖食曬，如果唔係，好難一次食到曬幾層肉，因為每層質地唔同會好容易散開。 味玉熟度見仁見智，我認為過熟，附圖。 總結係唔使等位的話，一試無妨，介乎ok同喊之間。…查看更多

因為都食過幾次，每次食嘅菜式都唔同，相係分開幾次影嘅。 先講下呢度嘅牛扒，真係好好食，基本上每次都食，三成熟，唔會有血水流岀嚟，rest嘅時間足夠，又唔會乾。牛扒仲有炭火燒過嘅香氣，呢個價位嘅餐廳可以算得上超值。 蠔都係基本上每次食，岀色嘅係佢哋自己調配嘅汁，其中一個青瓜做嘅醬配搭生蠔非常精彩！！ Bouillabaisse 呢個真係比個大廚嚇親，我本身就係魚湯迷，呢個有魚大蝦紅蝦蟹青口蜆嘅湯，真係超級大滿足！！ 亦有細版龍蝦湯，寫食評嘅時候都流緊口水。。。 牛肉他他就食得多，蝦他他就第一次食，好香非常鮮甜，配搭沙律菜，口感豐富，如果唔係要留返比其他人食，呢碟我可以清咗佢！！ 椰香冬蔭功鑽石蜆 我係唔太鍾意食冬蔭功嘅，但係呢個湯椰汁味比較突出，冬蔭功只係襯托，非常惹味，蜆肉熟度完美，粒粒飽滿，鮮甜。 薰衣草奶凍配士多啤梨沙冰 甜品方面我就好隨便，有又得，冇又得。所以冇乜影過甜品。不過呢個真係唔係度度都食到嘅味道，特別之餘亦要稱讚大廚嘅心思。…查看更多

食完早餐想嘆杯啡，原先想去嘅café 未開，經過呢間冇人，入去試下！用qr code 點餐，先叫咗一杯espresso tonic 同Latte。 Espresso tonic有兩款tonic揀，我揀咗一款草本tonic，入口清爽帶紅棗甜味。 內子飲熱Latte，奶嘅溫度拿捏的不錯，夠熱之餘奶嘅香甜仍在。 試咗兩杯覺得幾岀色，就決定飲埋個double espresso ，入口係滑嘅舒服嘅，酸甜度都高，但唔會刺激，缺點係冇乜after taste 。。。算係一杯好好飲嘅啡，非常滿足。 飲完問下係乜豆，竟然係日曬印尼。 應該係一間會再去嘅café。…查看更多