rick chui的個人專頁

在喺啟德Airside商場行街，順道吃了頓晚餐，呢度餐廳不少，最後選擇咗主打吃炸牛排嘅京都勝牛~我點咗四品牛魔御膳，都係炸牛為主，有4個唔同部位🐂職員會菲力牛最軟嫩，翼板牛油脂平均，軟得嚟有彈性。穀飼西冷係牛味最濃嘅，覺得只要燒一陣大約5成熟係最正，以上3款牛本身上枱大概3成熟，可因應自己喜歡嘅熟度而燒。最後一款醬味薄牛就本身已經熟嘅，輕輕燒下翻熱就得，個調味都幾唔錯，整體質感都好軟。朋友就點勝牛喜燒鍋膳，同樣有菜，飯同湯，可以refill嘅~牛肉份量都幾多，而鍋內仲有冬菇，芋絲，娃娃菜等配料，湯底鹹甜適中，食完都唔會覺得好口乾或太膩👍🏻呢度嘅甜品都幾吸引，賣相精緻~特濃抹茶小豆流心蛋糕，就好似心太軟咁，配雪糕食冷熱交融🍨而草莓小豆雪糕三文治都幾有特式，炸麵包內有雪糕，製法有心思，而且原來紅豆同士多啤梨都幾夾㗎🫘飲品方面選擇亦多，分別點咗椰子抹茶紅豆冰同埋甜蜜乳酸，係巨峰+提子+奇異果乳酸梳打嚟㗎🍹見有個季節限定銀鱈魚二味御膳都好正咁，已經諗住揾日再去試下😆…查看更多

同朋友行Moko，原來呢度開咗段純貞，仲同日出茶太有crossover~好耐無食台菜，同朋友好有默契咁一見到已經想入去🤣叫咗幾款小食同一人一份主食~蒜醬西生菜，菜都幾新鮮同份晒夠，蒜醬係平時喺地道台灣小店食到嗰種，鹹鹹地幾惹味🥬鹽酥雞香口，唔會太油膩，而入面都仲有肉汁嘅🐤蒜粒古早台灣腸我好鍾意，腸+蒜粒+酸菜+蔥一齊食，真係無敵配搭🤤主食來了，濃湯燉雞麵可以揀手工麵或者細麵，細麵感覺上會夾啲，而且口感都好好。一隻雞腿+一件雞胸，都好嫩滑~另外台式肉燥飯嘅肉粒有大有細，有肥有瘦，夠晒口感，最緊要夠多汁可以撈勻成碗飯🐷飲品選擇多，除咗點招牌珍奶外，仲試下特別啲嘅泰式奶茶仙草，口味都唔錯㗎🧋…查看更多

食好野唔一定貴，尖沙咀有間日本嘢，係我同朋友嘅私心收藏😙地址就喺尖東站旁邊，太方便喇！今次點嘅套餐有10件壽司同1件手卷，包括沙律、湯、甜品等。 🍱前菜嘅沙律加咗醋、麻油、洋蔥等調味，好開胃。而茶碗蒸內有菇，銀杏等，好滑。之後壽司部份開始~ 🍣岩手縣帆立貝，加咗啲青檸汁，食落好清新。德島深海池魚，油份較多，魚味越食越濃。 🐟鮫鰈魚，即係俗稱嘅右口魚，輕炙過再配搭博多蔥，香味充足。秋刀魚，屬時令季節，十分肥美。 🤤鰤魚，野生油甘魚，要成長到一米長以上先可以稱為鰤魚，比一般養殖嘅油甘魚更濃魚味。牡丹蝦，飯中加咗蝦膏，食起嚟先係蝦膏濃郁嘅味道，之後越食越甜。 🦐長崎縣中吞拿魚，油份啱啱好，鮮香而唔膩。北海道赤海膽濃厚甘甜。銀鱈魚，感覺唔會好肥，加啲味噌醋中和油膩感。 😋醬油醃赤身，醬油加咗啲蒜，所以食起嚟特香。吞拿魚蓉手卷，綿密嘅口感，加咗芝麻增添香氣。…查看更多

喺銅鑼灣嘅和牛燒肉純，最近同朋友去lunch，有唔同嘅set選擇，我哋一人揀咗一款🥩分別係$380嘅精選五色和牛定食同埋$280嘅精選三色和牛定食~餐內會包埋前菜+沙律+湯🥢當然我哋兩份set都係share食，和牛有唔同部位，每份都有兩至三件🐂基本上每一款都好軟嫩，油脂平均，質地真係無投訴👍🏻當中揀特別鍾意嘅有特選和牛三角牛排肉，油花紋理鮮明，肉感十足，入口仲有種甜甜地嘅感覺。特選和牛牛排肉肉汁最多最juicy。和牛肩眼肉質相對有彈性，較有嚼勁，而肉味係最濃香嘅~另外仲有和牛上牛排肉，和牛牛排肉😋另外我地extra點咗飲品同甜品，呢度日本酒都幾多款，不過我唔飲酒就揀咗雪糕哈密瓜梳打，朋友就飲Lemon Sour🍹甜品你以為我會食雪糕?!錯了😆因為見佢有芒果布甸，所以我地都食呢個，加咗花奶啱晒我口味，而且面頭仲有芒果肉㗎🥭…查看更多

好耐無過荃灣，呢日去探朋友，仲帶我去食間新開嘅日本菜，喺海之戀入面，有sushi set又有丼飯同定食揀，選擇都幾豐富~我點咗關東壽喜燒，先講湯汁，香濃而不膩，醎中滲出甜甜嘅香，很對味😋尤其是大蔥、菇菌、芋絲等索湯材料，吸晒湯汁之後，好正，可以送多兩碗飯都得😆而主角牛肉質地都唔錯，嫩得嚟帶有彈性，仲可以點蛋汁一齊食，零質感更加滑。朋友就食壽司定食，10件壽司加手卷🍣甜蝦、油甘魚、真鯛、大拖羅、珍寶帆立貝、三文魚子、海膽、赤貝、魷魚、銀鱈魚、天婦羅蝦手卷，我都好唔客氣咁分咗幾件😌魷魚好爽脆，甜蝦係少有咁大件，大拖羅入口即溶，而朋友特別大讚海膽好鮮甜~另外單點咗兩款小食，磯煮鮑魚同燒銀鱈魚，鮑魚切成薄片，配以特調海鮮醬汁，令鮮味再提升。銀鱈魚永遠令人滿足，滑嘟嘟嘅質地，油脂豐富，滿滿嘅魚油香味~整體都十分滿足滿意，主要係呢度嘅食材夠新鮮，已經好加分，而且各樣調味都啱啱好~午市仲有七五折！…查看更多

台灣過江龍肉多多火鍋，我終於去咗朝聖啦~午市有一人鍋套餐，自選湯底，肉，主食同飲品之外，仲有一份蔬菜拼盤，自助吧有唔少涼菜同埋芋圓仙草😍湯底 - 阿嫲藥膳湯，講真比我喺其他火鍋店食嘅藥膳湯，味道更濃厚回甘，配搭食材嘅時候，零食材本身嘅鮮味更加突出。老火豚骨湯則較為清甜不肥膩。肉類 -頂級霜降牛，油脂平均，口感十分軟嫩，入口有溶化感💦頂級低脂牛，好似係第一次食低脂牛，以為低脂會韌？錯了，雖然油脂不多但肉質依然軟而有彈性，肉味都夠香濃🐂蔬菜拼盤嘅菜類有娃娃菜，粟米蕃茄等等，仲會有幾款丸類，竟然有我最鍾意食嘅魚皮餃😆另外牛丸都好味呀。而主食我哋都揀咗好有台灣代表性嘅王子麵🍜正！除咗自助區嘅芋圓仙草，每位都會送一杯雪糕，埋單時有4個coins比你可以夾零食，仲有憑張單喺指定日期前再幫襯會有肉送。最後就係坐窗邊位嘅景色都幾靚~夜晚嘅話建議早啲訂，睇夜景~…查看更多

ʙᴏᴏᴋᴍᴀʀᴋ已久嘅ɴᴇᴡ ʏᴏʀᴋ ᴄᴜᴛ，一直知呢度ᴡᴇᴇᴋᴇɴᴅ ʙʀᴜɴᴄʜ可以任食牛扒，不過我哋就揀嚟呢度食ᴅɪɴɴᴇʀ，因為ꜱᴘᴇᴄɪᴀʟ ᴍᴇɴᴜ有晚市優惠，每位$𝟦𝟫𝟪，買四送一，即係四個人一齊去，其中一個人免費🆓呢個價錢食到高質又精緻嘅晚餐，性價比真心高~餐前先來一杯香檳🥂除咗為準備食好嘢之外，亦都提高朋友聚會氣氛呢~另外餐前法包好熱辣辣，牛油同蒜油自己加，食起上嚟就好似蒜蓉包咁，但就近香更濃郁。******ʀᴏᴀꜱᴛᴇᴅ ʀᴏᴍᴀɪɴᴇ ʜᴇᴀʀᴛ•ɢʀᴀᴠʟᴀx•ᴛᴀʜɪɴɪ ᴍᴀʏᴏ 第一款前菜，配搭就好似沙律咁，有菜，煙三文魚，合桃，再加上mayo🥗唔同嘅係平時沙律會撈勻食，呢個係每種食材自己夾埋食，感覺幾特別~******ᴀ𝟧 ᴡᴀɢʏᴜ ʀᴏʟʟ & ꜱᴘᴏᴛ ꜱʜʀɪᴍᴘ ᴛᴀʀᴛᴀʀᴇ•ᴄᴏʟᴅ ᴘᴇᴘᴘᴇʀ ꜱᴀᴜᴄᴇ和牛入面卷住蝦肉，洋蔥等等，加埋醬汁，口感creamy得來不失爽脆，口味亦好清新🐂******ꜰʀᴇꜱʜ ᴍᴜꜱʜʀᴏᴏᴍ,ᴘᴀʀᴍᴀ ʜᴀᴍ & ᴏɴꜱᴇɴ ᴇɢɢ原來Ham同菇係咁夾，第一次試呢個配搭，有驚喜！菇菌香嫩軟稔，用蛋汁拌勻，再加埋帶少少芝麻味嘅調味，香氣十足🍄‍🟫******ꜱɪɢɴᴀᴛᴜʀᴇ ᴄʀᴀʙ ᴄʀᴇᴘᴇ朋友最喜歡嘅一款，蟹肉crepe加面頭滿滿嘅魚籽，鮮味十足，醬汁仲有少少吞拿魚香味~******ᴘᴏʀᴋ ꜱᴀᴜꜱᴀɢᴇ & ᴄʜᴏʀɪᴢᴏ ʀɪɢᴀᴛᴏɴɪ邪惡嘅芝士拉絲，下面係大蜆殼粉，肉丸粒同烤過嘅車厘茄，甜甜酸酸好開胃😋美中不足係如果份量再多少少就好啦~******ᴀᴜꜱᴛʀᴀʟɪᴀɴ ᴡᴀɢʏᴜ ɢʀᴀꜱꜱ ꜰᴇᴅ ꜱɪʀʟᴏɪɴ•ᴄᴀʀᴀᴍᴇʟɪᴢᴇᴅ ᴍɪꜱᴏ ᴏɴɪᴏɴ ꜱᴀᴜᴄᴇ 主角牛扒到了🥩熟度剛好，面頭帶有微微炭燒味，肉嫩多汁，牛味濃郁，配嘅焦糖洋蔥汁，令味道更昇華~******ꜱʟᴏᴡ-ɢʀɪʟʟᴇᴅ ꜰʀᴇɴᴄʜ ᴄʜɪᴄᴋᴇɴ ʙʀᴇᴀꜱᴛ•ꜰʀᴇꜱʜ ᴍᴜꜱʜʀᴏᴏᴍ ᴍᴜꜱᴛᴀʀᴅ ꜱᴀᴜᴄᴇ 雞肉都好嫩滑，外皮微脆🐔另外仲有幾隻蜆，大隻得嚟又厚肉，蘑菇汁令整體嘅鮮味都更突出。*******ɴʏᴄ ᴅᴇꜱꜱᴇʀᴛ ᴘʟᴀᴛᴛᴇʀ嚟到甜品，坦白講已經好飽😂不過咁精美嘅賣相又令人覺得幾飽都要食埋。三款中我至愛ᴛɪʀᴀᴍɪꜱᴜ，另外酸酸地嘅檸檬撻就好啱解膩~美食配靚酒，ʙᴏᴛᴛʟᴇ ᴡɪɴᴇ有8折🍾意猶未盡可以去餐廳隔離嘅小酒吧Mona繼續飲酒傾偈，環境又靚又舒服~…查看更多

最近去咗上環江蘇銘悅，主打傳統嘅江浙菜。呢度嘅環境舒適典雅，加上食物嘅精緻擺盤，整體帶比人高級但又溫馨嘅感覺。同朋友揀咗$498/1位嘅商務套餐~前菜有三款，雙色鎮江肴肉晶瑩剔透，清涼中滲出鹹香。蔥油海哲頭好爽口，蔥油香口。魚子醬海鹽糖心燻蛋好特別，味道層次突出。湯品係雲南真菌螺頭老雞燉湯，難得一啲都唔油膩嘅雞湯，湯清味濃，每種材料都燉得好嫩。幾款主菜亦有驚喜，楊枝沙律海虎蝦球嘅醬汁，但係有芒果甜香，再加埋西柚，的確有楊枝甘露嘅效果，虎蝦肉質爽彈。蔥燒刺參黑豚方肉很惹味，尤以黑豚方肉特別出色，肉質軟嫩，味道夠香濃。泡椒銀鱈魚片係最驚喜嘅，本身唔食得辣嘅我打定放棄嘅打算😂點知朋友食過後話我知只有微微辣嘅惹味，咁我就放心了，的確係好惹味，而且一啲都唔油膩，銀鱈魚嫩滑，好滿足！之後就有高湯浸上海雞毛菜同招牌灌湯小籠包，作為小籠包愛好者都表示滿意，做到皮薄餡靚，湯汁滿滿！最後甜品係芋頭西米露，對我嚟講就偏甜少少，不過芋頭好綿，最後都係成碗食晒~…查看更多

放假約咗朋友去尖沙咀lunch，揀咗The One嘅The Point。環境開揚寬敞，夠空間感喺度邊食飯邊傾偈都幾chill~😎叫咗兩個lunch set同埋一個小食，下午有餐都幾抵食👍🏻香蒜辣椒白酒煮大蜆，份量都幾多，隻隻蜆都大大隻，啖啖肉好爽！除咗蒜蓉，辣椒，仲有蕃茄，甜甜酸酸辣辣，夠晒惹味！意大利風乾火腿夏威夷 Pizza，批底做得好好，鬆軟得來帶有煙靭口感，唔會乾噌噌🍕配料一啲都唔吝嗇，原片大菠蘿加大大片風乾火腿，每一啖都食到配料，味道有層次~而黑松露芝士焗通粉，通粉係粗管粉，有咬口，醬汁夠Creamy，拌勻後香氣十足，而且大大碟，share食啱晒！Lunch set有餐湯，蕃茄湯味道唔錯，酸酸哋幾開胃🍅飲品送咖啡或菜，我哋就加咗錢要特色咖啡☕️…查看更多

最近去咗旺角Moko嘅四季椰林海南椰子雞🌴地點方便，店內裝潢寬敞舒適。點咗原味椰子雞半隻，食雞之前記得飲啖湯先，因為湯底重點係不加水，用4個椰子煮成一鍋湯，飲落特別清甜，而雞係上海文昌雞，雞肉鮮嫩多汁，雞味濃郁🐓另外點咗幾款配料，首先要講嘅係貴州紅託竹蓀，我都係第一次食，索晒湯汁好鮮甜，再點豉油超正👍🏻而店舖所用嘅豉油應該都經過特調，醎甜並重~中山脆皖魚片啱晒唔識處理魚骨嘅我，啖啖肉🐟手打黑虎蝦滑，面頭仲加咗蟹籽，彈牙鮮美。蔬菜就點咗鮮冬菇同娃娃菜，冬菇厚身，質地軟稔，娃娃菜無疑都係一種索湯菜料，點埋豉油已經不得了🙂‍↕️本身諗住點個心形粉，點知見到原來在煲仔飯!!即刻轉駄😆而家嘅天氣食煲仔飯太正啦，金牌非遺臘味煲仔飯，材料好足，在臘腸，臘肉，芋頭，飯中滲出臘味油香，軟硬適中亦粒粒分明，仲有少少飯焦~…查看更多

鮨本Omakase Lunch🍣最平$580有交易，價錢貼地，但質素都好高呢！今次我點嘅係$780/set！有壽司十貫+茶碗蒸+酒肴二品+卷物+玉子燒+湯同甜品，十分豐富。茶碗蒸好有特式，入面加咗白飯魚同獨活，令口感同味道都更加有層次🥚酒肴二品分別係目光魚一夜干同慢煮鮟鱇魚肝，我較喜歡目光魚一夜干，食落帶醎香，而且油份充足。開始壽司部份，有幾款特別深刻🍣白鮭魚嘅魚肉豐潤，味道濃郁，夠鮮味！而池魚油脂都非常厚 ，魚油帶甘香，有令人齒頰留香嘅感覺。第一次食嘅鰆魚，銀色魚皮閃亮，濃香魚味，口感軟綿🐟大溝貝夠甘甜，質感亦細膩，鮮味特別濃郁。醋醃嘅小鯽魚，魚鮮中滲透淡淡酸味，層次分明，感覺特別！醃製吞拿魚腩，係用上野生吞拿魚，所以特別濃郁，平時愛吃拖羅嘅我都好滿足😌另外仲有昆布漬甜蝦，半熟赤竹海老，海膽，半熟帆立貝。而卷物就係吞拿魚蓉卷物，要讚吓佢哋用嘅紫菜都好脆🤤雖然紫菜只係配料，不過對整體嘅影響都好大~另一驚喜位就係江戶前玉子燒，外形好似蒸蛋糕咁，但入口又切切實實係一個蛋味極濃嘅玉子燒，而且邊位特別好味，更加食到外脆內軟嘅感覺。最後就係湯同埋甜品，甜品係海鹽雪糕，另外亦都可以選擇熱咖啡☕️…查看更多

Yakiniku Kakura🇯🇵由日本九州嚟到香港，港九新界共有4間分店~今次同朋友喺元朗Yoho Mix食lunch，下午燒肉定食有十幾款選擇✅仲已經包埋前菜，湯，沙律，飲品同甜品。飯都係用日本米㗎🍚同朋友共點兩款定食，黑毛和牛大判燒拼US牛板腱肉同埋美國穀飼牛盛合。另外追加牛舌同雞腿肉🥩豐富！黑毛和牛大判燒係我最推薦嘅，入口好軟嫩，微微溶化嘅感覺，點埋蛋汁令味道更加有層次🐃 US牛板腱肉質感較為結實而有彈性，燒起上嚟特別香。美國穀飼牛盛合同樣有牛板腱，另外仲有腹前小排，肉味濃郁又好juicy💦每款各有特式！食完之後上甜品亦有驚喜，用和風盒子擺盤，入面有一個杏仁奶凍同雪米糍，賣相靚得嚟都好好味~而餐廳環境都好舒服，夠寬敞，即使係燒肉店都唔會有油淋淋嘅感覺！讚！👍🏻…查看更多

之前同朋友去咗尖沙咀嘅螢火，享受咗一餐高質嘅鐵板燒！餐廳喺尖東嗰邊，環境都幾大，分咗一邊食鐵板燒，一邊食omakase，另外仲有幾間專for鐵板燒嘅房間。點餐後職員話可以喺Ipad寫低願望或祝福語放天燈，幾特別，寫完就喺大螢幕放出嚟😆早知寫靚啲~今次4個人，叫咗兩個二人前，分別係龍蝦同鮑魚，每位$1190！晚市鐵板燒都可以免費任飲清酒2小時(午市鐵板燒都有1.5小時)，仲送海膽杯添🤤先上清酒，海膽杯，再食埋黑魚子鵝肝蒸蛋，就真正開始鐵板燒！我嘅係南非鮑魚，配海苔汁，鮑魚好鮮嫩，點埋黑松露醬更香，面頭加咗三文魚子更顯矜貴。龍蝦都好新鮮，又大隻，啖啖肉好有滿足感~清酒煮蜆有驚喜，蜆肉十分肥美，而且湯汁都好甜，我好少可會飲晒成碗都覺得意猶未盡😆鵝肝多士嘅焦糖味啱啱好，鵝肝香得嚟唔會太油膩，師傅教食到最後可以咬少少青檸汁~令感覺更爽！汁煮白鱈魚擺盤好靚，用煎脆咗嘅魚皮插喺中間，好似魚鮨浮喺水中央🐠魚肉夠嫩，同洋蔥湯原來都好夾！日本黑豚肉好有特式，用咗西式嘅木燻方法，以櫻花木燻燒，所以食落除咗豚肉嘅香味，另外亦帶有少少清香🌸薄燒A5和牛，包住香蔥同炸蒜，夠晒香口！食完肉都幾飽了，不過櫻花蝦炒飯又十分吸引，香氣十足，飯粒乾身，最後都食晒全碗🍚套餐內都有包埋漬物同湯，之後就係甜品，日本直送嘅開心果雪糕，夠冰涼又唔太甜~今餐食得滿足又開心！有機會都想試吓omakase😋…查看更多

中環精緻粵菜餐廳-六如。呢度前身係三小漁，裝修設計高級有格調，連食物擺盤都好有心思，色香味俱全下，價錢仲唔貴！👍🏻由前菜講起，竹炭黑磚脆豆腐出色，完全突顯咩叫外脆內軟，本身已經香口，加埋炸蒜不得了。煙燻糖心蛋口感軟綿，蛋黃味濃郁。燉湯材料有烏雞，桂圓等，飲落甜甜地好順口~主菜共有幾款，私房黑蒜蒸龍躉件係我一見到已經即刻話要點，本身好鐘意食龍躉，厚肉又得大骨，容易食，啖啖肉，黑蒜都炒到好香。咕嚕肉係朋友至愛，豬肉肥瘦均勻，甜酸醬味道適中，另外想講佢地用嘅菠蘿都好新鮮好味😋睇得佢挑選食材嘅時候真係有下功。金銀蛋泡菜苗係白菜仔，本身個湯汁都幾鮮味，加咗鹹蛋落去就多咗少少醎味，所以味道都幾有層次。套餐配嘅懷舊豬油砵仔飯，難得地食落去唔會好油膩，反而增加咗香嘅味道，怕油膩嘅我都唔覺得抗拒。最後甜品就有焦糖芝士軟糕同新彊棗茸糕，兩款各有特式~新彊棗茸糕較少食到，同埋一食就覺得係屋企人會鍾意嘅嘢，所以走時買咗一盒，$98，不過聽職員講，唔係成日有，係for新年推出嘅，而且都係手工制，所以有興趣可以先預訂！…查看更多

長沙灣洋食商店，有好野食又有得打卡📸 店內裝修走復古風格，有大量日系懷舊嘅玩具同裝飾品，仲有部街機添🕹️有特色得嚟充滿玩味 。兩個人點咗日式鐵鍋飯二人餐，套餐有一個鐵鍋飯，一份關東煮，同埋兩份小食🥢三黃雞鐵鍋飯🐔意想不到咁大鍋，三黃雞好大份，有兩隻脾位同兩隻全翼，處理得幾好，皮微脆，肉夠多肉汁，香料幾惹味。鐵鍋飯就似意大利粉嘅做法，飯軟硬適中，伴埋菇菌一齊食~明太子玉子燒🥚玉子質地實在，中間滑嫩，明太子夠鹹香，加埋滿滿嘅蟹籽，鮮味加倍。松露芝士薯條🍟薯條控表示很滿意，面頭鋪滿大量芝士碎，再有大兜松露醬可以大手點，滿足‼️幼身薯條都炸得好香脆。關東煮望落細細份，其實入面材料都幾多，有大根，蒟蒻，魚丸，獅子狗等等，主要都係索湯食材，最正一定係大根，其次較喜歡獅子狗，朋友食咗粒魚丸係有鯪魚肉嘅，都幾特別✨一場嚟到一定要食芭菲杯~開心果草莓芭菲🍓賣相可愛，好有聖誕氣氛🎄兩球雪糕下面，仲有士多啤梨乾同開心果嘅碎碎，所以食起上嚟都好有口感~另外仲有朱古力，百力枝同士多啤梨~…查看更多