lck036026的個人專頁

泰國菜就食得多啦，但係玩Fusion嘅泰菜真係第一次試，同大家分享下！鴨肉生菜包 ($138)平時食開豬肉版本，見到有鴨肉緊係要試下！鴨肉嘅油香同豬肉嘅惹味撞埋一齊，口感同味道層次即刻豐富晒！斑蘭青咖哩雞 ($108) + 印度烤餅 ($28)斑蘭青咖哩，斑蘭味唔算好突出，但個咖哩汁係靈魂！微微哋辣，香濃得嚟好開胃，我哋揀咗雞肉，啖啖肉都好嫩滑。跟住嗌多個烤餅點個汁，真係無得頂，掛汁力一流，食到唔想停口！ASOK Thai小食拼盤 ($168)想咩都試啲嗌呢個拼盤就啱晒，味道好地道，同喺泰國食到嘅風味好似，過下口癮一流。甜品控注意！兩款都唔可以錯過！芒果糯米飯 ($88)都唔係普通貨色！除咗有傳統嘅椰汁，仲有個超有驚喜嘅椰子雪糕甜筒，凍冰冰咁食好過癮。糯米飯本身又軟又糯，好正。麻薯榴槤沙巴翁 ($78) 係榴槤控必點！一上枱已經聞到陣陣榴槤香，入口超級足料，口感棉滑，仲有軟綿綿嘅麻薯，配搭好新穎，甜度啱啱好，為成餐飯畫上完美句號。…查看更多

突然掛住台灣味道，行過尖沙咀見到「鐵牛台灣牛肉麵」，店舖夠闊落，坐低完全冇壓迫感，就入去試下！ 必點招牌總鋪師私房牛肉麵（$88） ，一碗入面有金錢肚、牛肋條、牛筋同牛肚絲，每樣都夠晒入味！特別係塊牛筋，入口軟腍得嚟又帶少少嚼勁，膠原蛋白滿滿，女士食咗實鐘意！湯底濃郁唔會鹹膩，撈埋麵食簡直停唔到口。 鐘意辣嘅朋友，麻辣鴨血豆腐粉絲鍋（$58） 千祈唔好走漏！鴨血滑嘟嘟，完全冇腥味，麻辣汁滲透晒入面，咬落仲有汁爆出嚟；豆腐同粉絲吸晒啲精華，麻得過癮又夠香，但唔食得辣就記得避開啦～ 仲有鹽酥雞拼夜市小香腸（$48） ，簡直係台灣夜市還原！小香腸配埋蒜片夾住食，鹹香惹味；鹽酥雞外皮脆卜卜，入面肉質嫩滑，唔會乾柴。…查看更多

今次嚟到尖沙咀嘅 8Five2 Restobar ， 佢係一間半露天酒吧餐廳， 環境氣氛非常之好， 啱曬一班朋友聚餐， 亦都可以照顧到食煙嘅朋友仔，可以坐露天位置。食物方面我們今次點了三樣菜式， 依間主打係食墨西哥菜當然要點 signature 菜式。烤牛脷墨西哥香脆玉米片（$168）牛脷非常腍嫩一啲都唔硬， 而所配搭的兩個醬汁都非常出色，我特別鍾意牛油果， 好清新嘅感覺。羊肉墨西哥辣餡餅（$188）羊肉味非常濃郁，入面少許辣椒，微微嘅辣增加整個味道層次，更惹味，芝士非常足料， 趁熱食嘅時候仲可以拉絲。牛油果莎莎乳酪醬伴酥炸洋蔥圈（$98）新鮮現炸， 酥脆可口。…查看更多

同朋友想搵個靜局靚景地方食飯，今次專登揀咗海景嘉福酒店The Mistral！坐低就知無揀錯，超大玻璃窗望出去超chill，環境舒服到唔捨得走～半自助餐形式，主菜我必推佢哋嘅牛扒！切開微微粉嫩，肉質軟淋得嚟牛味超濃，水準拍得住高級扒房！自助區都絕不馬虎，最驚喜係甜品區嘅Tiramisu！咖啡酒香平衡得啱啱好，口感軟滑又唔會太甜，忍唔住瘋狂encore咗幾件～記得訂位時要求窗邊位，體驗感即時升呢！😉…查看更多

The One入面收埋咗間凱旋門宮廷式餐廳，睇網上相片已經被佢個環境深深吸引，親身去到果然無失望～ 雖然地方唔算好大，但裝修超有feel，彷如去咗歐洲古典宮殿咁，打卡絕對一流📸今次醒目提前喺OpenRice book咗套餐，價錢比walk-in平！最驚喜係食物水準相當唔錯，唔係得個樣✨ 必飲龍蝦湯🦞 濃到掛勺，鮮味爆燈！坊間少見嘅威靈頓羊架更加係精髓所在，外層酥皮鬆化，切開見到粉嫩羊架，入口腍嫩得嚟帶層次感！套餐份量足，兩個人食到超飽…查看更多

呢間人氣高質自助餐！無論係生日、紀念日定係同朋友聚餐，呢度絕對係首選！即刻睇下有幾多回本美食先！🦞 瘋狂回本海鮮陣：►即開生蠔：新鮮肥美，無限追加！►原隻龍蝦：肉質彈牙爆膏，鮮味十足！►長腳蟹腳：輕鬆拆肉，蟹鮮味濃，食多幾轉已經回本！🥩 頂級肉食之選：►焦點！佐賀和牛三食：燒牛肉，鐵板燒，炙燒油脂分布均勻，入口即溶，真心有驚喜！🎨 神級甜品體驗：►甜品師傅簡直係藝術家！只要畀張相/圖片，師傅即場為你畫喺甜品上，再寫上「生日快樂」或者你想要嘅祝賀語，儀式感滿分！為成晚飯局畫上最完美句號。…查看更多

同事極力推薦，特登山長水遠走到樂富開餐！地鐵站一出過條馬路就見到，超級就腳～我哋專登早少少到避開人潮，果然明智！呢度紮根多年做熟客生意，唔夠水準點撐到今日？食物絕對有驚喜！即叫即炒鑊氣爆燈🌟韭菜豬紅入味到震，豬紅滑溜冇腥味；椒鹽九肚魚外脆內嫩，蠔餅煎得金黃香口！胡椒豬肚湯真材實料，飲完成個身暖笠笠～最正係夠晒地道風味，價格又抵食，真正街坊價，同班fd鋤啤吹水一流，食完即刻bookmark做飯堂！#樂富隱世打冷 #街坊秘店 #鑊氣小炒 #抵食大排檔…查看更多

穿過馬灣舊漁村，三月新開嘅1868彩色屋仔真係令人眼前一亮～今次發現呢間坐擁無敵海景嘅餐廳，主打慢活節奏，最正係無限時用餐！對住汲水門大橋同蔚藍海景，吹住海風同朋友吹水，真係可以由午後坐到日落，完全唔使趕頭趕命🌉食物方面老實講一般，但都過得去，不過出菜速度真係偏慢㗎～建議大家抱住「食環境」嘅心態嚟，啱晒鍾意慢活、想逃離市區喧囂嘅朋友。嚟呢度記得揀戶外位，帶定部相機，彩色牆壁同海景真係隨便影都呃到like📸…查看更多

馬灣1868都係啱啱三月份先開，難得而家天氣涼d過嚟行下，呢度嘅建築全部舊有翻新，變成彩色屋仔， 好似依間餐廳裝飾都好有異國風情雖然叫i love Paris ，但係土耳其菜式多，佢最出名係土耳其咖啡，留意到佢整咖啡時，特意欣賞一下， 整咖啡個職員都好好客，講下有關土耳其咖啡嘅資訊畀我哋聽，仲同我哋講可以嘗試飲完之後玩下咖啡占卜，運用想像力睇下搵唔搵到答案， 好特別的一個餐飲體驗。食物方面，菜式融合咗香港人口味，所以包唔會好硬，肉唔會又乾又柴， 味道唔錯， 另外係呢一度食嘢係冇限時，可以慢慢坐喺度chill下。…查看更多

依間餐廳係韓國人主理，主要食韓式食品醬油蝦蟹任食。地方很大座位不會太迫，取食品位置寬闊，食物選擇超級多。畀個攻略大家 ，依間餐廳不定時會在車仔檔即開最新鮮嘅醬油蟹， 記得嗰陣時要拎多幾轉，因為自助取餐區位置都有醬油蟹，但係不及那些新鮮， 我覺得係有超大分別， 所以大家要留意！ 另外回本位有醬油蝦，生牛肉，泡菜魷魚， 除咗呢啲之外， 好多地道韓式小食都超級美味， 包括五花肉，年糕，魚糕， 韓式炒粉絲等。。。 味道真係有神還原喺韓國食嘅感覺…查看更多

呢間餐廳推出咗北海道和牛套餐火鍋任食， 人均三百幾蚊就食到，性價比都幾高。雖然北海道和牛係定量供應二人半公斤， 但質量超高，雪花紋一望見都已經會令你流曬口水一入口簡直係感受到嗰份嘅油脂豐富，咬落軟滑，牛肉香味勁出， 其他款嘅牛肉就任食，質量都一啲唔差， 我自己最鍾意食牛肩胛肉及特選牛肉， 食返幾碟已經輕易回本； 除咗牛肉之外，呢間餐廳主打台式火鍋所以湯底都係台式口味，今次我哋食咗酸菜白肉鍋，酸菜味好出，有多款台式特色小食，台灣產嘅海鮮， 食完好似去咗轉台灣掃街咁，樣樣有啲。…查看更多

喺尖沙咀鬧市中竟然搵到個傾偈聖地！iSquare3樓呢間餐廳地段超方便，搭𨋢一上到去即刻有種脫離煩囂嘅感覺，環境寧靜得嚟又夠舒適，同朋友慢慢食飯吹水就最啱～晚市有套餐，包餐湯+主食+飲品。老實講個餐湯確實有點味道偏淡要扣少少分。不過主菜即刻扳回一城！煙三文魚意粉鹹香惹味，每條意粉都掛滿醬汁；帶子燴飯更加係心機之作，飯粒creamy得嚟帶子仲保持到鮮甜，絕對交足功課！我哋仲加咗個蟹肉餅味道唔錯， 食到飽飽嘅時候見到隔離枱個甜品都好似幾好，有機會下次再黎試下。…查看更多

唐宮小聚是一間新派中菜, 餐廳環境不似傳統酒樓，廚房採用開放式見到食物新鮮熱辣整出嚟即時胃口大開。今次試咗兩款招牌，「招牌乳鴿」 皮脆，肉汁多到咬落爆出嚟！至於「冰鎮咕嚕肉」 就外層冰涼脆口，內裡熱辣軟嫩，酸甜汁掛得勻循，一冷一熱口感勁複雜，同普通咕嚕肉完全係兩個世界！連點心都絕不馬虎，精緻到唔捨得食！簡單如炒四季豆都鑊氣沖天，至於個蔥油拌麵直頭係靈魂所在！師傅用新鮮蔥段爆香，唔係求其用現成蔥油，每條麵都掛滿焦香蔥油，為咗呢個麵絕對可以翻兜十次！…查看更多

冇諗過海洋公園旁邊的五星級萬豪酒店食自助午餐係咁平，話曬係遊客區，宜家做緊優惠星期一至日都係同一樣價錢，65歲以上長者更優惠$288.8( 記得前往之前記得打去訂位，同埋問下仲有冇做呢個優惠) 。食物水準方面一啲都唔馬虎，呢個價錢絕對唔係將就，有多款凍海鮮！長腳蟹爆肉鮮甜，麵包蟹膏多，最誇張係刺身檔有手掌咁大隻嘅赤蝦，鮮甜彈牙， 食返幾隻已經輕易回本！熟食區更加係臥虎藏龍，燒牛肉粉嫩透紅，港式叉燒焦香蜜甜，好有水準。甜品控更加要注意⚠️ 成排精緻甜點陣容強大。唯一有點美中不足係汽水，酒要額外付費，免費有咖啡，茶。…查看更多

屯門市廣場隱藏咗一間以「濟州島柑橘」為主題嘅橙色系Cafe，成間舖頭都係小清新風格！餐廳以鮮明橙色同木系設計為主，光猛舒服，打卡位處處。🏆 必食推介：超出色窩夫！講真，佢嘅窩夫真心做得出色！無論你係鍾意食鹹點當Lunch，定係食甜點當Afternoon Tea，呢度都能滿足你。賣相仲要靚到不得了，隨便用手機影都呃到Like，絕對係呃like神器！#屯門美食 #窩夫 #打卡cafe #濟州風 #terraceinseaside #屯門好去處 #韓風cafe…查看更多