唐宮小聚 (The L. Place)

唐宮小聚是一間新派中菜, 餐廳環境不似傳統酒樓，廚房採用開放式見到食物新鮮熱辣整出嚟即時胃口大開。

今次試咗兩款招牌，「招牌乳鴿」 皮脆，肉汁多到咬落爆出嚟！至於「冰鎮咕嚕肉」 就外層冰涼脆口，內裡熱辣軟嫩，酸甜汁掛得勻循，一冷一熱口感勁複雜，同普通咕嚕肉完全係兩個世界！

連點心都絕不馬虎，精緻到唔捨得食！簡單如炒四季豆都鑊氣沖天，至於個蔥油拌麵直頭係靈魂所在！師傅用新鮮蔥段爆香，唔係求其用現成蔥油，每條麵都掛滿焦香蔥油，為咗呢個麵絕對可以翻兜十次！