海灣餐廳及海灣咖啡室

冇諗過海洋公園旁邊的五星級萬豪酒店食自助午餐係咁平，話曬係遊客區，宜家做緊優惠星期一至日都係同一樣價錢，65歲以上長者更優惠$288.8( 記得前往之前記得打去訂位，同埋問下仲有冇做呢個優惠) 。

食物水準方面一啲都唔馬虎，呢個價錢絕對唔係將就，有多款凍海鮮！長腳蟹爆肉鮮甜，麵包蟹膏多，最誇張係刺身檔有手掌咁大隻嘅赤蝦，鮮甜彈牙， 食返幾隻已經輕易回本！熟食區更加係臥虎藏龍，燒牛肉粉嫩透紅，港式叉燒焦香蜜甜，好有水準。

甜品控更加要注意⚠️ 成排精緻甜點陣容強大。

唯一有點美中不足係汽水，酒要額外付費，免費有咖啡，茶。