KenLam0323的個人專頁

之前事頭婆仲係光輝圍個陣開始幫襯，良心小店，我食親都係肉碎飯大辣，佢見我次次叫多飯，每次都加多d，好有親切感！值得一提老闆娘係用珍珠米做飯底，令到食既時候好有咬口，佢自製既青咖喱都係我同事至愛，香甜有夠辣！佢夜晚仲有串燒食，希望下次試到！野飲我每次都飲泰式奶茶🥤，真係正宗泰式個款，唔似出面得個甜，呢度竟然飲到少少茶甘未tim，所以值得推介呢間小店！而家搬左上健康街致華工廈，遠左我公司好多，但都會突登上去，值得推介！…查看更多

以前要食到高級養生邊爐要去台灣，原來而家香港好多間養心殿，今日一於去試好似去左台灣食養生鍋既間隔，有私隱得黎坐得好舒服，唔係你眼望我眼（仲要一入去聞到好香藥材香料味）影下個茶，高質類似麥茶我地幾人點左鴛鴦鍋，美人鍋配寧神養心鍋咩都未落個陣先試湯底，美人鍋：香濃有膠質，裡面隻烏雞好大隻寧神養心鍋：好香（帶甜）川芎藥材味，唔苦得黎覺得飲完好醒神值得一提：個響鈴庇叫，手工做，比出面買盒裝既酥脆（唔係清一色極脆）豆腐索汁一流，雞肉！雞肉去左皮，超級嫩滑！個雜錦丸子：墨魚膠丸極彈牙，仲有好香既梅菜豬肉（出奇地夾），芝士牛肉丸Q彈流心芝士水餃好食得出係自己包，個水餃皮好薄，我估味精唔多，因爲好似屋企自己包咁，足料又大大，另一樣推介係黑毛豬梅花肉，嫩滑得似食牛，肥瘦都兼顧到希望我沒放錯重點我好鐘意佢呢個鹵水鴨，佢唔係好濃鹵水個隻，而係清香甜個款蒸出黎，個湯汁配埋好入味既鴨，正！最後呢個爐魚，兩個字，新鮮，已經好夠！…查看更多

話說九龍城咁多間泰菜，有時好難揀間真係好味同抵食嘅泰國餐廳。聽朋友講呢一間泰象館裝修唔錯，坐得好舒服，一於去試下裝修唔單只光猛，坐得闊落，牆上際畫布都係泰國傳統神像！講重點，有幾樣真心推介第一：椰汁雞湯，姐係冬陰功加椰奶，好滑好香，雞件都好嫩滑，好少有呢種唔係紅咚咚既冬陰功第二：好有鑊氣既炒椰菜苗，爽甜鑊氣重，加上充滿鹹香既炸肉第三：推介呢個泰式金邊粉，呢個蛋網好勁，脆香，金邊粉留意返有泰國好正宗既配菜，花生，紅蝦米🦐第四：波蘿炒飯，正常，d飯炒到一粒粒分明，惹味既係有炸腰果配第五：好好好好味既青咖哩，唔會似出邊太甜既，或者太膩，仲有泰國茄子🇹🇭，一d都唔馬虎呢樣唔介紹唔得，炸鰂魚，原條分件去骨，再炸，唔會炸得老，啖啖肉，成條魚身都係脆，加上甜酸醬，彩椒好靚！以後大家話去九龍城食泰國菜我有首選啦…查看更多

今日口淡淡想食中菜，聽朋友講公司食開年飯呢間酒樓相當唔錯，於是一家四口去試試天花吊燈好靚好適合做飲宴場地每個月都有精選推介晚餐，見到好多海鮮選擇但我今晚想食小炒叫得小炒王點會差，韭菜好惹味，海鮮好豐富魷魚爽口彈牙，蝦米大大隻好有鹹香我呢啲重口味一定要魚香茄子煲，鹹魚魚味好重，茄子夠淋，食極都仲咁熱辣辣推介呢味欖角排骨仔，排骨先炸過，配合醃料香脆入味， 配合埋酸酸甜甜嘅欖角，絕對係一味開胃小菜配酒佳餚另外叫咗碟蒜頭炒芥蘭，芥蘭好香甜爽脆，睇佢咁綠油油，就知道夠新鮮今晚亦要豪返次，叫左個花菇燉鵝掌，非常之咁入味，隻鵝掌真係好大隻，花菇好厚肉好似花菇扒一樣，淨係個醬汁都可以撈一碗飯我又去食其實都係啱啱好有位，建議下次可以大家可以預留定位，因為真係幾受歡迎…查看更多

以前食過韓舍嘅燒肉，今晚比我發現原來佢哋都好多元化。上網望到佢哋原來有烤魚，一於係今晚挨個烤魚嚟食，Book咗四位入到去地方好闊落坐得好舒服，四人位我估可以坐到六人！落單嘅時候我哋嗌左魚生，每位竟然只係加$20，重點係每位$20仲有吞拿魚同帶子可以選擇，係等烤魚嘅時候上咗魚生值得一讚嘅係佢個吞拿魚雖然有少少筋，但係好肥美，三文魚都拍得住出邊放題嘅水準，最估唔到係一間食邊爐/燒肉嘅鋪頭魚生質素咁高！第二樣一定要讚嘅係呢個烤魚，條魚我估有兩斤幾重，好大條好好肉，加上條魚預先煎過，口感好好，一啲泥味都冇。加上配料好豐富有芫荽，芹菜芽菜，娃娃菜，重中之重係個湯底，好似煳辣湯底咁，有小小焦香味，食得出有好多香料炒成，好香好濃！望吓佢塊魚腩幾大塊好有心機有一個任我哋撈嘅冷盤，有唔同嘅香料俾我哋撈，可以自製麻辣冷盤冷盤選擇都好多有皮蛋豬皮豬耳豬肚牛肚....其實食完烤魚咁大條都好飽但我哋一於飽都繼續食好多菜丸肉俾我哋拎仲有羊肉唔怪得知魚生咁新鮮甜品櫃都有兩三行呀，唔單止有得食仲有得玩有得玩炒雪糕， 自製格仔餅，自製章魚小丸子甜品數量好多我都影唔晒我哋四人加埋魚生，最後每個人埋單都唔過200，好老實講性價比真係高過放題好多！食得好開心嘅一餐！…查看更多

之前試過係度食夜晚，夜晚氣氛好，味道好，份量亦剛剛好，就帶朋友黎試下佢既午市我啱啱好係開舖入去，環境唔差得過夜晚，裝修一流幾時望都好有氣氛我地叫左午市既set lunch餐湯已經選定，今日係南瓜🎃溶湯，啖啖幼滑既南瓜溶帶香甜，呢個餐湯已經令我地好開胃！餐茶我叫左凍檸茶，糖水另上，味道正常呢個就好有驚喜！吞拿魚煎封邊，內裡鮮嫩有肉汁，d配菜又爆香過，好惹味！朋友食呢個香辣雞配薯條，哇！個薯條咁大條，都炸到好脆，雞肉一d都唔老，都係好嫩滑！另外呢個好似all day breafest 咁既組合，沙律正常，個幾塊煙三文魚真係好好食，唔過鹹，煙燻味濃！細滑咬口！…查看更多

今日search荃灣好野食，頭幾名就有呢間越南野份，滿心期待入去食，見門口重有d明星相咁。入到去我地2人見有4人枱沒人就坐落一邊，點知個經理/老細（我見門口d相都係佢）好沒禮貌咁講：你地一個鐘左右就要比返張枱我。一d誇張都沒，咁既態度想點...我o緊嘴佢仲追問得唔得先....裝修係ok，但店員真係...係咪出名到連待客禮貌都唔理？米紙算薄，但整體好淡，得個酸味，軟殼蟹正常呢碗真係唔得，個湯一d都唔熱，生牛肉浸左成分鐘都仲紅當當，牛肉正常，重點系個湯底真係唔重牛骨味，唔知係不停加水定唔足料，比我之前食街邊小店都仲足料過佢發覺好多人想個侍應幫手領個碗仔，最後都要三催四請咁..... 公道d，唔錯既裝修應該配合好d既食物質素，最緊要員工態度，要加下油…查看更多

係紅磡火車站上面嘅置富都會，有food court個層，有一間好明顯裝修好靚既酒樓，一望就覺得好舒服，似係for 擺酒用，見咁靚就入去試下d野食如何先！寶藍色既tone，晚市都唔少人裡面有個大魚缸，好多生猛海鮮，由於老人家唔太好海鮮，所以點小菜多望到呢九味精選小菜，合曬老豆何車，分別叫左4味，第一味花膠濃湯勝瓜呢味鮮得黎清淡，花膠彈牙，聖瓜好清，推介飲埋d湯好鮮甜，有心機加左d紀子，其實我最鐘意食d炸蒜，第二味柚子蕎頭豚肉粒呢味好惹味，有別於甜酸排骨，一般既甜酸骨好多醬汁同酸得唔自然，呢味酸甜得好自然，因爲加蕎頭酸酸甜甜同有柚子既果香，肉質好淋，粉唔多，真心好味第三味同第四味識叫一定係叫孖寶優惠，好彩我望到精選九款小菜張餐牌（右下角有寫），酸菜炆頭腩+南瓜蒸斑球都係$238，比比散叫抵呀！呢碟南瓜蒸斑求沒得輸，鐘意健康菜式既啱食，南瓜好入味，個斑腩好足秤啖啖肉，個皮好Q彈呢個酸菜頭腩賣點唔係啖啖肉，而係頭腩骨既甜味，渣左更加惹味，用埋豆豉爆真係配到好多飯，酸菜唔係普通街市個d得個鹹，而係甜酸，似潮州菜館d前菜，開胃我地最後越食越起勁叫多兩份鴨掌鮑魚（一份$78炸），估唔到10頭既鮑魚都好有口感同香甜味，鴨掌好淋！總結覺得成餐好健康同重鮮味，好自然既味道，反而唔係賣多油個隻鑊氣中菜，都好抵食！…查看更多

一直都想食好耐，聽朋友講到個芝士咁神～鍾意食辣既可以叫辣雞煲，我呢d芝士控一定叫芝士雞煲，仲好期待個芝士湯底！老實講，價錢中上，但係堅好食，食物質素有保證！未融曬既芝士，好靚，記得聽侍應講唔好搞或者撈勻佢，因爲怕搞勻痴燶底望可雞肉，唔好望大大舊，肉好嫩，一d都唔老，又沒好肥既雞皮肥膏位，勁！起碼唔會咁快膩食完店內姐姐好有禮貌，好主動咁幫我地加湯，原來係期待已久既芝士湯，好香濃，仲有甜香味唔使多講，齋望我張圖都識分呢碟牛有幾靚，我叫左個細size！d紋路好均勻！超級欣賞呢個手打五寶拼盤，分別係陳皮鯪魚丸，豬耳肉丸，墨魚丸，蝦膠同牛丸（已我食後記得既味道），好鮮甜，完全食得出係鮮制，並唔係街市凍肉賣個款好假既彈，$88蚊呢個抵！好足料既咸檸🍋七喜，解渴消膩6點半坐得好舒服，人潮仲未來，七點開始多人，好快坐滿！總結，都係價錢屬中上，但係食物質素好高，絕對值呢個價錢！…查看更多

呢條街有一間叫x寶出名，原來呢間泰皇閣都好一流，坐低覺得好舒服，唔逼因爲屋企有人唔食辣，又想食泰菜，果然沒令我地失望！第一位正菜係明爐烏頭，我叫左上湯唔辣，配合酸梅肉碎湯，好開胃，一d泥味都沒，魚肥肉嫩，唔老！串燒🔥，我叫左三🐔三🐷，唔老唔鞋，好有之前去芭提雅食個種風味！呢樣不得不記低，呢度既生菜肉碎包有兩隻，我地呢隻係「青邁」生菜包，係我地呢餐維一一個辣，好好食，真心like！因爲呢隻係sell惹味同辣度，沒落青檸🍋個隻酸，好正宗，食得辣既首選呢個炸肉炒椰菜苗，呢隻菜平時好小食，但唔錯，好爽，我估落魚露，好有咸香味！呢個咁靚既炒飯，外圍用左炸米紙包住，好靚，內面炒飯用雜豆炒，點知我focus落上面隻炸蝦🦐到，好彈牙厚肉，仲有淡淡蝦膏！…查看更多

入左現崇山既商場，位置唔算好搵，估唔到食物好有質素，隱世既感覺！一家四口一坐低，店員態度好好，好快就比4個例湯我地飲，叫得例湯，估唔到原來係足料老火🔥湯蓮藕湯🥣見到呢版係中式茶記既小菜再望下魚既總類都幾多，我地就叫左鮮魷重點既潮州菜來了，一見到特色潮州菜就必叫胡椒豬肚湯！我地本身想叫四人餐，但我想自由配搭咁叫細既胡椒豬肚湯，好夠味，唔似出面不停溝水再加辣，呢個湯好重豬肚既甜味，支竹索曬d胡椒香味，胃口大大提升我作爲潮州仔推介呢個咸豬肉，令我回憶起家鄉味道，薄切既咸豬肉略為炸香，一d都唔硬仲帶少少脆，個咸香原全蓋過個菜！芥蘭都好爽脆支竹班腩，佢地仲叫得班腩令我好有信心係足料既，炆得好入味，班腩好厚肉好鮮甜脆皮鮮魷。正呀真正既脆皮椒鹽，出面食一係好咸一係好油，呢度望到都知唔多油，好脆，鮮魷好彈牙有咬口，仲好肥美，唔係瘦猛猛既位置好滿足，兩湯，一飯，四餸叫左呢個皇牌，係拔絲欖角骨，用炸過既香葉伴碟，好酥脆，用帶甜酸既欖角配半煎炸後既排骨，沒甜酸骨咁重口味同油膩，反而多左欖角帶黎既清甜，好食！排骨重要係淋既，唔會老到成口痴牙呢間「茶記」（其實裝修加味道好過好多茶記）有一人「吧」枱位，係咪好貼心！…查看更多

成日出街食，肉膩之餘鹽糖味精都好重，所以決定試間無味精系列既齋菜鋪位雖然身處細街，但質素一d都唔差套餐注明沒味精，的確，味道一食就知，起碼我沒食完返去口乾飲水閒日都咁多人，已經好期待佢既齋菜有唔同人數既套餐選擇，但我呢次散叫，希望可以試多d店主推介既野呢個芋頭魚，又名五柳素鮮班，炸得好香脆，香芋味濃，入口就化泥，但一d都唔油膩，我估用油都好有關，唔似出面食完好肥膩感覺西芹腰果炒菇🍄丁，呢味好似屋企自己炒咁健康，好有住家味道，腰果香脆，芹就爽甜，配合冬菇既香，好清新竹笙上上素煲，煲仔素菜系店主推介，果然沒介紹錯！南乳味好香，支竹好淋一d都沒出面食既豆壓味，竹笙索曬南乳香，配合埋最底既菜心，比羅漢齋更豐富，更啱配飯最後點左個湯，素翅，好足料，裡面d豆製絲都幾似肉絲，木耳既爽脆，好飲值得一提個甜酸汁，好惹味，五顏六色既甜椒豐富左個賣相同味道，點炸野一流後生飲唔慣佢地自家涼茶唔緊要，有一品，我地一黑一白，健康之選！總結，住家味咁健康，清淡得黎好多款式，我好推薦呢間齋菜，好多間齋菜齋而不淡反而油膩，健康齋廚真正做到健康，味美！…查看更多

聽朋友講登龍街有間高質素既日本菜，d魚生同料理拍得住係日本食咁誇張，我就點都要去試去到門口，大字勝八門口感覺已經好日本呢次我好重本咁叫左幾份刺身試下，係因爲望到格離枱對佢地既出品讚不絕口，而我作爲刺身控點會放過！1. 白色既係八爪足，唔韌之餘好鮮味，反而比出面食到既多左一份新鮮味2. 竹簽魚（左下個份）呢份$258絕對物有所值，帶有油香，口感好綿滑，喜歡濃魚味既一流3. 金目鯛（中間粉色）望下個色澤好鮮嫩透，同一般鯛魚明顯唔同，金目鯛一d都沒海腥味，口感都比較嫩話滑4. 帶子（大貝），入口咬兩細淡就融，厚肉5. 白蝦，呢個都係好厚肉，反而沒出面d蝦刺身個種雪味為魚生🐟小總結，鮮味，真係有少少似去左日本咁，另外一提佢d醬油，贊左油係面，點落更帶出魚油香坐吧檯都係一個唔錯選擇，壽司師傅同客人有講有笑！放左工去食真係減壓既其中一個好地方點左個海膽炒飯，個海膽貫切刺身水準，鮮味好重，反而我好鐘意個飯！！好有家庭既味道，落足材料，好似媽咪炒既愛心飯一樣，有腸仔火腿蛋，好似去左日本小店食咁我第一次食和牛刺身，竟然係自己香港，但點都估唔到好易入口，撈埋蛋黃，一d腥臊味都沒，反而食到好似魚肉既鮮味同口感，點埋配合好既芝麻燒汁，好好食，唔太識形容，推介一試！最後飲個鮮味好足既麵豉湯，咁多隻花甲配合既湯🥣，唔鮮就奇，個湯仲有白酒味，清淡得黎鮮甜巨峰soda！正常總結，最後食左$1400左右，但呢個價錢可以食到咁高質素既日本直送食材，刺身，貼心既服務，其實好值得！海鮮魚生既味道同層次係會令食客食出日本既味道，唔使搭飛機就食到！…查看更多

囍慶，一間藏於土瓜灣呢個舊區既酒樓，有別於一般細區既酒樓，佢既出品真係有信心保證！平時我經常去飲下晝茶，點心一流！價錢合理，今次第一次食佢既夜晚，連埋屋企人四位～閒日夜晚都好旺場，坐得舒服鬆動，大螢幕播住有咩筍野套餐，見佢有個八道鮮味套餐，就叫啦，今日想食海鮮！服務員呀姐好有禮貌咁幫我地分湯，一邊同我地介紹，一句小心熱呀好窩心❤️留意返！個湯已經好鮮，魚湯底配花甲，大蝦，粟米令湯甜上加甜，唔同出面既魚湯，佢既味好似屋企滾既魚湯咁鮮，肯定唔係濃湯寶先，正！第一鮮：九節蝦🦐，甜！爽！彈！食得出好新鮮沒腥味，肉質好彈實，每隻肥美！第二鮮：豉椒炒花甲，隻隻都有肉汁必出來，鮮甜沒沙泥味，個椒都好有穫🔥氣！第三鮮：乳鴿，肉質滑，醃料味香濃，本身唔好既我都食兩件第四鮮：薑蔥粉絲爆蟹煲，我掛住食影漏左個蟹蓋上仲有膏呀，好鮮甜，蟹肉好濃香，鮮甜，經理好細心叫我地用鉗開肉食！第五鮮：勁蒜貴妃蚌，名付其實好勁蒜，廚師應該加埋贊滾油落去，帶出個惹味同鮮味，個蚌好厚肉，好好食，成個口都係鮮味加蒜味第六鮮：蒸鮑魚，好彈牙有口感，又唔會過份老同鞋口，鮮鮑魚要蒸到咁啱啱好真係好考功力同火候第七鮮：龍蝦伊麵，龍蝦走油後好惹味，油香帶出蝦肉既鮮味，如果個龍蝦芡汁再多d更好配麵，汁做左濃縮龍蝦鮮味的角式！細心一提囍慶呢度既服務呀姐同經理好細心，會一路留意住我地食到邊再上菜，又幫手收裝滿骨既碟！加分第八鮮：清蒸龍躉仔，我最愛！魚肉好滑，真係滑到入口溶哈哈，我貪心咁拎個腩位，超肥美！八道鮮唔只鮮，仲有正常套餐都有既炒飯，金銀蛋菜心同糖水，但呢d都比海鮮，海鮮同海鮮搶曬風頭啦，完全估唔到呢間酒樓既海鮮可以煮得咁高水準，連我個父親大人都話好味，佢食海鮮好嘴刁同識食，連佢都大讚！最後埋單838好意頭！老實講唔使過千食到咁高質素既海鮮套餐真係好抵食，我一定會再去食！…查看更多

今日放假同老婆行尖沙嘴，最後想食齋菜，之前同區食過一間好正既fusion素食，今次想食返傳統既，景靚又老牌既就係呢間望下景，環境一定一流，裡面格局係傳統中式酒樓格局有小菜煲有一盅兩件點心先推介個前菜，酥炸花生，用左糖同紫菜調味，食到停唔到呢個係凍茄子，酸甜多汁，好味仲好有油香，可能用油過一過去走草青味炒腸粉好有鍋氣，粉好qq，芽菜好多但爽口，但唯一美中不足係太肥回鍋肉反而失色，太鹹太肥，可能落醬太多，有違大路齋菜既清而不膩特色呢個有驚喜，黑松露野菌餃，d菇🍄本身好鮮，加埋黑松露，香濃惹味最後獅子頭鍋，個鍋好熱好有風味，亦都好多菜，爽甜，個肉由豆類製品（非猴頭菇）做成，不過不失，肉味就唔太似，相反係形似非味似！但整體價錢有d唔抵食，價錢相約但更青新好味既大有舖在…查看更多