CrazyFire的個人專頁

舊日戰友相聚，最愛就係一邊烚一邊傾。朋友介紹呢間上樓火鍋。22樓望住日落，景觀一流。滋補養顏嘅螺片雞煲翅湯底，未食已經俾我地每人飲左兩大碗，湯底濃郁，真材實料，翅是一疏疏，螺片爽，雞肉嫩滑。食物種類不少，打邊爐最不能缺少當然是牛，我地就揀左呢個頂級安格斯牛小排，厚度適中，肉味濃，份量亦不少。另外推介蟹子墨魚滑，彈牙有口感，自家制韮菜餃味道一流，如果皮可以薄一點就更好。蔬菜類選擇繁多，最愛還是萵筍鮮淮山，有選擇困難嘅菜菜籃當然是個必然選擇。三五知己盡談盡食，呑pot環境不噪，景觀一流，是個不錯嘅選擇。…查看更多

落左個幾星期雨，今日終於好天，忍唔住即刻約三五知己出去賀下。最喜歡周圍搵食，聽講吳松街食肆林立，去完尖沙咀行街就慢步去搵食。呢間火鍋位於一樓，屬於小店經營，坐位不算多，侍應十分有禮又細心。呢間火鍋湯底選擇好多，不能錯過嘅當然係燉湯啦！我地今次揀左蟲草花花膠燉雞湯，貪佢養顔又滋補。湯底果然係真材實料，完全係正宗燉湯，連湯渣都忍唔住食左不少！每人飲左兩碗湯再加湯打邊爐都仲有味道！牛魔王推介當然係打邊爐必有嘅牛三拼啦！雪花牛柳粒，特尚手切牛加手切牛邊位！三種各有特式，有咬口又有牛味，值得一試！唔食牛嘅就唔可以錯過豚拼盆，黑豚肉片爽口同豬腸洗得乾淨無苦味！呢度仲有松葉蟹肉餃，可以一試。最值得推薦嘅係自家制嘅洛神花蜜，不會太甜又清熱。呢間小店亦有不少海鮮選擇，下次再黎真要試試。…查看更多

每次行經呢度都會見到呢個好多人排隊，知道呢度呢間大喜屋集圑最上級嘅殿大喜屋好多人推介。今日同男朋友黎到尖沙咀，趁時間尚早唔太多人，就立刻去試試。已經有好耐無食過日式放題，黎到呢間餐廳，裝修比一般放題餐廳大，而且寛敞燈光光猛以卡位為主，感覺有D好似酒店餐廳。到埗後先看看自助吧，自助吧有不同種類飲品，cocktail同清酒，罐裝飲料咖啡各式其式，沙律前菜亦不少。主菜以order形式落單，海鮮刺身壽司鍋物串燒炸物等等，每樣食品都可以逐件order，最值得一提，呢間放題上菜速度快，還沒有漏單情況，而且店員十分有禮，還不時細心換碟清潔枱面。食品方面，極力推薦當然是即叫即切嘅刺身，每樣刺身都十分新鮮，極上拖羅嘅質素如同日本一樣，帶子牡丹蝦油甘魚全部都大大件，放題可以食到呢個質素可算是少之有少。料理方面除左普通日式料理，還有豆苗同椰子煲雞湯，味道很不錯。自助吧還有即制海膽和吞拿魚手卷，手卷每啖都有魚生份量十足。甜點方面，生果蛋糕布丁雪糕各式其式，連杯裝雪糕都無限任食。整體而言，呢間日式放題絶對係一百分無得彈。…查看更多

陪朋友去太子攪結婚野，早左到，就去附近搵野食個晏先。經過始創後面條食街，見到呢間日式料理裝修整潔，價錢合理，就即管試試。平日嘅早上，可能入座時還未到午餐時間，人不算太多，坐了一會已經坐滿了人。呢間日式料理主餐有拉麵和飯，我今次就揀左日式豚骨豚肉义燒拉麵，湯底嘅豬骨味濃郁，不會太油，豚肉义燒肥瘦適中就最啱我口味，入口軟滑而不油䑉，拉麵又十分彈牙。加左一客燒魷魚筒，值得一讚魷魚筒燒得十分香口，而且魷魚新鮮，燒完都十分軟滑。呢間餐廳還有很多果茶和甜品，十分吸引，可惜實在太飽，下次真係不得不試一試！…查看更多

朋友響旺角返工，佢同事介紹佢呢間小店打邊爐，今日終於有機會約到佢試試。小店位於上海街，店舖不大，但裝修也放了心思，牆上掛了一些懷舊香港照，感覺地道又有風味。呢間小店推介嘅鯊魚骨花膠湯底值得推介。材料絕不吝嗇，花膠同鯊魚骨份量不少，湯底富有甘香泡飯，店員推介先要嚐嚐湯嘅味道，再將湯放泡飯，果然湯底濃度十足，感覺像飲緊燉湯一樣，配上香脆嘅泡飯，非常特別。最值得推介嘅係呢間鋪頭嘅牛魔王三重塔，有牛肉粒，手切本地肥牛，安格斯肥牛。牛肉粒和安格斯肥牛充滿了雪花，手切肥牛有咬口又有肉味，一次過食到三款不同絕對滿足非常。另一推介嘅係呢間鋪頭嘅手打五寶丸，墨魚丸蝦丸鯪魚丸牛丸最特別嘅係梅菜豬肉丸，全部丸都好彈牙，值得一試。呢間小店亦有不少新鮮海鮮選擇，下次真係要試一試。…查看更多

香港地的日本拉麵店開到成行成市，間間都話有特色，其實湯底以外，叉燒質素都好重要。今日去寶琳探個friend，行出地鐵站口竟然見到開咗「霸嗎拉麵」，喺第二間食過，最鍾意佢湯底夠濃，日本叉燒真係夠肥瘦相間唔 “柴皮”，就算多人排隊都要食呀。我呢啲食肉獸梗係先嚟碗有4大件日本叉燒的特盛炙燒豚肉拉麵先啦，嘩!不得了呀，質素同喺日本食時一樣，湯底濃稠程度係掛麵架，每條麵都沾到豬骨濃湯，好好味;至於靈魂叉燒呢? 正呀喂，每件都肥美嫩滑，唔係瘦到鞋恰恰架，莫講話喺香港，其實喺日本都好難得食到咁肥美嫩滑的日本叉燒，口味正宗。天氣熱到溶咁滯，我再叫咗一客枝豆及蘋果汽水降下温先。枝豆粒粒碩大豐滿，翠綠新鮮，灑上調味鹽，食到停唔到口呀。蘋果汽水冰涼上桌，味道清甜果味真實，原來選用信州蘋果汁，比例更高達50%，難怪天然好味。店內裝修設計都好日式，價錢又公道，嚟開寶琳就咪錯過嘞，如此質素，出現人龍都好正常……食好(東)西係要等下啦。…查看更多

同朋友去行街街，搵野食，登龍街食肆林立，食得西餐日本野多，今晚就揀左間中餐。都知道呢間餐廳有幾間分店，聽聞連不少藝人都有幫襯，見到餐廳門外嘅相先知，原來係前娛樂圈歌手開嘅。晚市未夠七點已經坐滿左了食客，店內環境乾淨，店員親切又有禮。招牌生煎包當然要試試啦，枱面上貼左張可愛貼士，教大家點食生煎包，輕輕一咬，果然肉汁豐富，好彩夠溫柔先無爆汁，好喜歡肉汁味濃唔會太油，最重要包底煎得香香的，但包面又唔會太乾，好味！小籠包當然亦不可少啦，皮薄唔易穿，而且汁多，不俗不俗。酸辣湯又係我食上海野必點嘅，呢個酸辣度調配得剛好，不太酸又不太辣，值得一試。另外還點左蒜泥白肉，呢款蒜蓉比市面略有不同，配上左少少辣油，令蒜蓉除了本身嘅辣味更添層次，不肥不瘦嘅白肉包著香辣蒜蓉，值得一試。白肉還有青瓜伴碟，一口白肉一口青瓜，十分滿足。上海粗炒亦是推介之選，味道濃淡適中，配上呢間店嘅豆瓣醬絶對是完美配合。…查看更多

等朋友放工，響旺角行咗陣，想搵個地方坐坐，響朗豪坊見到呢間甜品，好似幾舒服，就去咗食咗個T E A 。呢間甜品有多種tea set選擇，我呢個綠茶控當然揀咗以抺茶為主嘅tea set la。呢個宇治抹茶海綿卷輕食，包左一件抹茶海綿卷和一杯自選飲品和自選雪糕。抹茶海綿卷配上紅豆，白玉丸子和蜜餞栗子。海綿卷有濃郁嘅抺茶香，蛋糕包住軟滑綠茶忌廉和甜味十足嘅紅豆，天衣無縫嘅配搭，充滿日本嘅風味，不失所望。襯托嘅紅豆丸子和栗子也是亮點，甜度適中，絕配。軟雪糕可以選擇牛奶，抺茶或者紐紋。抹茶雪糕茶味濃郁，不會被奶味掩蓋。自選飲品我亦揀左green tea latte，又是紅豆和抹茶嘅配合，層次十足，呢個熱辣辣嘅天氣最適合不過。…查看更多

有朋友喺威爾斯生咗個小B ，探完佢，都要搵搵食個午餐醫下肚，聽聞附近嘅河畔花園多嘢食，就近近地行去睇吓，見到呢間日本野都有唔少人等位，就即管入去試試。正值午餐時間，呢度個餐牌有好多套餐選擇，仲可以以$14追加兩款食品。我揀咗蒲燒鰻魚便當，再追加左糖心蛋，同章魚小丸子，套餐仲有飲品選擇。鰻魚便當份量不少，仲有至愛嘅麻醬豆腐，四件壽司，吉列炸蠔兩隻。鰻魚飯嘅鰻魚肉汁豐富，配上醬汁撈飯，味道不錯。另外三款食物，麻將豆腐絕對係消暑極品，壽司份量不少，有生有熟，魚生大大件，至於吉列炸蠔，吉列粉漿不會太厚，蠔亦保留到很juicy, 追加嘅糖心蛋經過滷水醃制，仍然做到糖心嘅效果，絕對值得一讚。…查看更多

接另一半放工行左陣街，又係醫肚嘅時間。途經利舞臺，見到呢間新開嘅岩鹽日本料理，就即管去試試。可能係新開張加上平日而且時間尚早，客人不算多，不用等位已經可以入去。見到有生蠔當然唔可以放過啦，我地先點左今日數量限定嘅紐西蘭和南非生蠔，絶對無得輸，生蠔非常新鮮，兩種都唔係太重海水味，反而鮮味十足，而且十分肥美。另外一提，餐廳提供配上海膽嘅生蠔，喜歡海膽嘅朋友可以試試。好少見到有香港生食嘅北海道粟米，真的不得不試，清甜到不得了，絶對不能錯過。我地亦都點了磯燒元貝，有店員會幫忙在桌邊燒，大大嘅元貝，燒得半熟，細心切開，原汁原味十分鮮甜，連裙邊都唔會太硬痴牙。餐廳門口見到有人準備整釜飯，當然要試試啦！釜飯有多款選擇，我就揀左蒲燒鰻魚，釜飯材料十分豐富，有蛋絲，白飯魚仔青豆，原來飯係用上木魚汁用煲仔飯方法煮熟，再放上鰻魚和鰻魚汁，味道豐富，吃到底仲有少少飯焦，店員介紹配上茶漬，帶有少少甘香，絶對值得一試。…查看更多

兩口子為左裝修由旺角行到油麻地，腳仔都軟埋，天氣咁熱本來想響廟街食D小炒，見到呢間標磅不加味精嘅酒樓，就入左去醫肚。酒樓是新裝修的，地方清潔，連碗筷都是以公雞作主題，很富有懷舊特色。餐牌選擇很多，亦有不少特價套餐和精選孖寶選擇，兩口子食得唔多，我地就揀左三個小炒。當然要試試招牌菜家鄉煎炆釀豆腐，紅燒乳鴿同金銀蛋浸莧菜。家鄉煎炆釀豆腐果然不失所望，豬肉配上啖啖蝦膏嘅香味，豆腐煎得香口又保留左豆腐嘅軟滑，絶對是招牌之選，推介推介。每碟餸分量都不少，而且經濟實惠，酒樓有不少街坊訂位吃飯，最緊要真係不加味精嘅味道，健康之選。…查看更多

趁放假嘅一天，一個人去左銅鑼灣剪頭髮，早左起身就去左登龍街搵食，呢條街食肆多不勝數，拉麵店都有唔少間，剛好見到呢間霸碼拉麵門外吸引住，廚窗有師傅正在打麵，原來呢間真真正正名副其實自家製拉麵，怎能不試試。由於未到午餐時間，店內食客不多，要特別一提，一過十二點，店內已坐滿食客，可見呢間拉麵店吸引不少人光臨。選擇左醬油豚骨湯炙燒豚肉海苔味王拉麵，愛蔥嘅我再額外加左一客蔥，呢度嘅拉麵可以自由選擇軟硬度，仲可以選擇少油。拉麵自家制，煙靱而彈牙，濃底味偏濃，豚肉大大件且厚，入味又軟又林，，最愛嘅係做得好流心嘅流心蛋。另外order左一客羽根燒餃子，餃子肉汁豐富，脆口而又唔會太硬。當然唔少得甜品，我選擇左抹茶紅豆雪糕，雪糕不會太甜，茶味不算濃，配上紅豆不失為飯後甜品嘅好選擇。…查看更多

Mad for garlic一直都好想試，今次約左個又好喜歡蒜頭嘅朋友一齊去試。平日7點已經去到，餐廳已經差不多坐滿了人。黎到呢度，當然要食全蒜頭宴啦。先點左餐廳推介garlic bread tower，蒜蓉包跟普通餐廳不同，包內有焗香嘅蒜蓉，店員為我們切開一件件，每件都夾著蒜蓉，而且包是又脆又軟，果然是推介之選。前菜我地揀左菠菜仔煙肉沙律和蒜香忌廉汁藍青口加法包。菠菜仔沙律面上灑滿了炸香嘅蒜片和煙肉，新鮮嘅菠菜仔配上黑醋汁，令人胃口大開。Juicy嘅藍青口配上白酒，法包點上忌廉汁，絕配。主菜order左澳州M9和牛garlic steak，M9果然係M9，肉汁豐富，配上炸蒜片，加添層次，係上上之選。值得一讚，餐廳雖然人流不絕，但上菜速度很好，加上店員態度親切有禮，可以説是享受十足嘅一頓晚餐。…查看更多

放假去中環攪証件，之後一個人四圍行，順便搵食。好耐無去石板街同PMQ，就沿路慢走。經過呢間日本野，外面睇真係好似去左日本啲小街咁，突然好掛住日本，即刻入左去試試。餐廳坐位不算多，燈光舒適，剛好bar枱坐著日本客人跟廚師以日文傾談中，真係好似去左日本一樣。入去嘅時候正是lunch time時間，人流不算多，lunch有set選擇，我揀左招牌嘅mini sukiyaki beef set。Lunch set 有salad, miso soup and rice。Sukiyaki 有烏冬，所以我無要飯。sukiyaki對我而言，一向都比較偏甜，呢度嘅sukiyaki正正啱我，甜度剛好，最值得欣賞嘅係原來全部食物都來自日本，牛肉係宮崎牛，濃濃嘅牛肉香味，入口溶化，配合sukiyaki嘅甜味又無蓋過牛肉鮮味，絕對係上上級，加上烏冬冬菇和菜，lunch份量剛剛好。特別喜歡府上嘅赤麵豉湯，味道香濃卻唔會太咸。最後原來還有咖啡或雪糕，我選擇左綠茶雪糕，綠茶味濃，奶味唔會搶了綠茶茶香，絶對為呢餐作完美句號。…查看更多

經常響尖沙咀佐敦行黎行去，都唔知食乜好，今日約左響佐敦做嘢嘅朋友食飯，諗住又要傷腦筋之際，經過見到呢間食小菜嘅小店，見裝修整潔，門口仲寫住有得獎少年廚神做廚，就儘管試試。小店有小菜同日式小吃，今次兩個人就叫左三個小炒。首先上菜嘅係廚師推介，蘿白絲鮮蝦煎魚餅，蝦餅，魚餅都經常食，加埋一齊，個人都係第一次，煎餅香口彈牙，再加一熱辣辣，不用配任何汁料都十分香口，絶對值得一讚。我地叫左一客芥末安格斯牛粒，牛粒煮得剛剛好，口感一流，無雪味又有肉味，配上三色椒同洋蔥，芥末像wasabi沙律醬，有少許wasabi味又唔會搶左牛肉嘅鮮味，愛牛嘅同行朋友讚不絕口。另外叫左杞子魚湯浸菜心，店員特意給了我們小碗，平時好少飲呢D餸湯嘅我就試試，看似平凡，但原來名副其實有魚味，仲無味精，因為對味精極敏感嘅我，飲左成碗都完全無口渴。額外一提，我最欣賞嘅係呢間小店非常整齊乾淨，因為連洗手間都乾淨清潔嘅小店絶對少見！…查看更多