米奇&米妮的個人專頁

趕在外賣自取程式玩完前用埋啲現金券，來到舖頭發現外賣自取程式賣$46一杯嘅火龍果乳酪奶昔，舖頭只係賣$33:(無計啦！舖頭水果櫃有牛油果、火龍果、芒果、藍莓、香蕉同士多啤梨，想揀鮮果奶昔識揀啦！落order 時可以揀甜度，嗜甜嘅我揀咗多糖多糖都無廢水咁甜呀味道我覺得好味，有火龍果肉在上面，比廢水健康，天氣熱時一杯凍冰冰嘅奶昔就啱啱好！可能店舖要行到德福2期最入面，所以人流較少，如果唔係外賣自取程式有得order，我都唔知有間奶昔舖係度！…查看更多

好耐無寫過食評啦！今次遇到比較特別嘅古早味蛋糕都想寫吓。米妮早訂左流心芝士🧀味（其實好想試榴槤，可惜取貨當日無，話說款式日日不同，大家可以去社交平台睇有咩款）。囍源古早蛋糕係深水埗港鐵站附近，同周邊舖頭有啲格格不入，尤其出面攤檔俾人好雜亂嘅感覺，而囍源就好似別樹一格咁，別緻的骰🥰門口仲放埋蛋糕樣板，好吸引😍可惜我收工去無蛋糕出爐，感受唔到果種撲鼻嘅香味😌講返蛋糕，返屋企打開發現件蛋糕同樣板相符，呀唔係，係樣板同賣出嘅蛋糕一樣咁大件咁靚，仲要好香，本身仔仔話要扮生日切蛋糕🎂，我諗住切少少試下先，試完就忍唔住再切多啲黎食，最後到仔仔影相剩返2/3😅 蛋糕好鬆軟彈牙，濃香蛋味，芝士係好似一層醬咁夾係中間，食得出用左唔同款芝士製作，下半層有芝士味滲入，味道似日式芝士蛋糕，上半層就似原味蛋糕，一個蛋糕兩款味道，真心唔錯，但個人偏向鍾意下半層多啲😋蛋糕邊同底都無燶，無苦澀味，食過就想encore！期待下次再試其他味！…查看更多

米奇早兩日訂左檯，由於訂左六點，剛好係晚市開始時間，所以無乜人。我地兩個人坐左六人座，調味料，紙巾均有提供。最先上的前菜是蟹膏蟹肉蘆荀蟹膏同蟹肉都好新鮮，蟹味濃郁。蘆荀好嫩。加埋日式芝麻醬，酸中帶甜，特別開胃！所有刺身都由日本每日空運到港。餐廳職員好有心機咁介紹要由淡味的貝類食到濃味的魚生。貝類刺身好彈牙爽口，但米妮對魚類有興趣多d，平時日式餐廳最愛的三文魚就無啦，其實咁先似日本！日本人比較少食三文魚刺身架！油甘魚肥美彈牙，口感比平時食的三文魚更好，可能因為新鮮啦！Toro 嫩滑冧身，粉紅色見到油脂分佈極平均，微酸的味道更顯得鮮味無窮！仲有馬糞海膽，好鮮甜又有淡淡的海水味，綿密的口感，令人一再回味！西京燒銀鱈魚伴沙律。用貨真價實的銀鱈魚（有d日本餐廳會因為銀鱈魚貴用其他魚扮銀鱈魚）一開始望到我以為煎得老左d，食落先發現岩岩好。西京係咩我就唔知，但感覺係有蜜糖煎。外面甜甜地，配合肥美的銀鱈魚味道甜中帶少少鹹，幾好味。銀鱈魚好滑嫩，大廚整得好好，成舊完整無煎爛（俾米妮煎實碎晒）。伴菜都好新鮮，米奇米妮一人一啖食幾啖就食完。一邊加左蛋黃醬，其實銀鱈魚都夠晒味，再點醬就會掩蓋左本身的鮮味。天婦羅盛合比較熱氣，但越熱氣就越好食！大蝦真係好大條，爽口彈牙！冬菇都好鮮。奇怪的是二人餐好多款都係得一件，米妮作為食貨就乜都食一啖再俾米奇食我口水尾！二人餐的串燒拼盤又係每樣一件。日式小青椒好特別，第一次食，唔辣的，比青椒軟身。雞翼和牛舌都過鹹了一點，以致調味蓋過食物的鮮味，是本餐中的敗筆。雞軟骨，雞腎不過不失。明太子香腸有一粒粒明太子，少許辣，很惹味！有魚生真係贏晒，因為真係好新鮮，好新鮮，好新鮮！有幾新鮮？大家黎試下就可以證明我說的不假！另一重點，有米妮最鍾意的帶子壽司，肉厚味鮮，正啊！魚湯稻庭烏冬係稻乙招牌之一，每日只售50碗（圖為一碗分兩碗）。米妮食到魚湯中加左奶，所以顏色會比一般魚湯更白。魚味香濃。稻庭烏冬選用幼身款，將魚湯吸晒去每一條烏冬度，彈牙又入味，配合雜菌，令味道口感更上一個層次！食到呢度米妮都覺得飽了，好在剩返甜品：雪糕，有綠茶味和芝麻味，味道不過不失。但在這餐饗宴中無疑是一個失色！…查看更多

米妮都好耐無寫過食評啦。今次執筆係因為呢個二人餐水準真係唔錯！今次米妮同米奇去左中環Soho區撐檯腳，Uncle Pizza 地點唔算就腳，由中環半山扶手電梯行，都行左一段路先到。餐廳有暖水提供（有檸檬味），但要叫先有，不會主動refill.坐左半個鐘左右開始上菜。由於今次係龍蝦餐，所以主題都係龍蝦！第一道菜係龍蝦汁雜菌意大利餃子ravoli餐廳既碗偏大，份量一望落去以為少，但食落都好夠。呢個ravoli一人一碟，有三個，菌類同ravoli都蘸滿鮮味無窮既龍蝦汁，ravoli一入口仲有香濃既芝士味，濃而不腻，好味！第二道係帶子龍蝦湯一開始我以為係粒肉丸，食到一半先發現係帶子！大廚先將帶子用蒜蓉煎香，再加入龍蝦湯度，帶子熟度岩岩好，滑口彈牙，唔會太熟。龍蝦湯好鮮，但同第一道菜既龍蝦汁同味，只不過係多左好多啖咁解。第三道係龍蝦pizza即叫即製，一上檯米妮急不及待拎起食，差d辣親！好 creamy,  d 芝士仲會拉絲。芝士，蘑菇，龍蝦肉，估唔到match! 大廚真係加左好多芝士，岩晒我呢d為芝士瘋狂既少女（婦女）！米奇同米妮分別食到一小塊龍蝦殼，證明真係鮮剝鮮製，好fresh!唯一美中不足係配料太濕，pizza 中間部份難拎起。第四道菜龍蝦蕃茄意粉每個人半邊龍蝦，意粉用新鮮蕃茄（非茄醬）和蒜頭炒香，味道清新，酸中帶甜。龍蝦好濃海水鮮味，加上甘香的火箭菜，龍蝦意粉的滋味更為突出！龍蝦肉不多，勝在鮮甜彈牙。但米奇對於難處理既蝦鉗就俾了米妮。食龍蝦比較麻煩，不可能只用刀叉，建議店家提供即棄手套或濕紙巾。最尾一道是甜品甜品以紐約芝士餅作結束。味道稍為太甜。餐茶反而無落糖。建議可另上糖漿讓顧客因應自己口味調較甜度。總括：今個晚餐好滿足！米妮無諗過會食到咁飽！P. S. 米妮走果陣唔小心撞倒隔離檯的飲料，當場已向兩位美女致歉！現再重新道多次歉！對唔住，米妮無心的！…查看更多

三年前米奇同米妮黎過呢間餐廳食野，話咁快就三年過左，再黎多次！今次米妮就撇底米奇，同米妮媽媽同小米奇過黎慶祝米妮生日！原因係，米妮係facebook抽中左獎！係二人套餐！入到餐廳見到個格局就覺得好熟悉，基本上同三年前一樣，好有格調又好適合傾計。先上個餐包，一共有5個細細個的包，個個味道唔同，各有特色，店家仲俾埋香草牛油同埋焗蒜頭（左上）我地自己搽，個蒜頭咁整真係好特別，同埋好香好fresh，一D都唔辣，同D餐包好夾，真係食唔停口！連小米奇都爭住食D餐包！本身諗住再叫多客（因為太好味啦），店家話$20蚊一客，其實都好抵，但知道仲有好多道菜，驚食唔晒就無叫了。有餐包無餐湯，反而上左個餐酒，米妮媽媽揀左紅酒，由於米妮唔飲酒，所以都唔知好唔好飲。但根據米妮媽媽話D酒無澀味，好香醇易入口。接住落上左白酒煮蜆，聞落唔錯，食落都好新鮮，無腥味。D殼好多（其實都係一隻蜆一個殼），唔算好多肉食。再上的沙律，好大碟，完全係一個standard course的size。芝士好多（但偏鹹），加埋D沙律醋好開胃，蔬菜fresh，仲加埋米妮至愛的卜卜脆的麵包粒，口感好好！到最尾上的是，今日主菜！澳洲純草飼牛斧頭扒！好大份！墊底個板仲大過我屋企個砧板！個斧頭扒仲大過小米奇個頭！初初見到咁大舊仲以為會好鞋，但一切開就見到入面D肉汁好rich，肉質好嫩！食落口不得了，好有牛肉味，又滑又多汁，配埋個醬（美式芥辣／英式芥辣／紅酒醬）正！米妮仲試埋加海鹽同胡椒，都唔錯。但米妮覺得都係加醬好味D，可以更加提升牛肉的鮮味！薯條味道都好正，似以前哈迪斯果D薯圈的味，好令人回味！斧頭扒下面／隔離的配菜，有雜菌、蕃茄、青瓜、翠玉瓜，雜菌偏鹹（唔知係咪痴左D海鹽，蕃茄&青瓜正常，翠玉瓜感覺有點生，不過配菜來說，份量好足！成個晚餐令我再三回味，希望好快有下一次光臨！…查看更多

米妮今日同米奇黎到焗廚補祝生日。見Openrice食評不錯，決定一試！店面得20個位，較為窄，好在米奇同米妮早到，所以唔駛點等就有位。米妮叫左法式烤寶雲高羊扒餐，米奇叫左薰衣草烤鴨胸拼澳洲西冷牛扒拼忌廉薯皇餐。先上餐湯，完全係難飲！估唔到一開始就搞成咁！辣蕃茄湯除左辣之外又鹹，個味似蕃茄醬多過新鮮蕃茄煲嘅，無誠意 :( 香草忌廉湯怪味，唔知係咪米妮食左個蕃茄湯先試個忌廉湯搞到個味蕾已經變左，但真係覺得有d葡汁味 跟住上的蘇菲黑松露芝士饀餅，唔錯，黑松露好香，入面d雜菌唔會太濕，饀餅皮脆（其實同出面賣的手抓餅一樣），加埋d菌真係唔錯 ，一試無妨，但價錢稍嫌貴。到主菜，先上米奇果份，我見到就呆左，牛扒好薄，試埋不得了，同茶餐廳快餐一樣，無牛肉味 ！試埋個鴨胸，明顯煎過龍，外面乾左，得個忌廉薯皇過到關。到埋米妮個主菜，法式烤寶雲高羊扒，上個陣覺得賣相唔錯，食落就真係覺得絕對無下次了。羊扒鹹到不得了，好似超市賣d燒烤包的質素，加埋上面鹹到似鹽的麵包糠，簡直唔知自己食緊乜肉！估唔到好好地一次慶祝生日的晚餐會搞到咁唔愉快，咁高的價錢咁低的質素真係第一次，亦都唔會有下次！後記：食完好口乾…查看更多

米妮參加左FunBox的活動，獲選出席與鄭融食牧牛湖清水蟹宴！西苑的店面以中式為主題，有點古色古香的風味。店內不少字畫掛於牆上。去到果陣鄭融同一圈圈主持人梁泰來已經係隔離房食緊，米妮同米奇得個等字。無辦法啦，人地話晒明星，又點會真係同我地食飯.......:(　不過如果佢地係度，壓力都真係幾大，唔知講乜好。佢地食完之後，就同我地見面影相。之後就走左lu～～但米妮黎，唔係為追星，係為食好野，所以一坐低有得食就唔理其他野了！第一道菜係清酒炒蝦仁。賣相唔算突出，同出面的炒蝦仁差唔多。但食落都真係有D驚喜！D蝦仁滑溜爽甜之餘又有淡淡的酒味！酒味雖然無醉雞咁重，但係配蝦仁就恰到好處！好食！第二道菜係大閘蟹粉花膠羹，見到米妮即時回想到上海食過的"佳家小籠包"，又係超級足料！撈到底，D蟹粉蟹膏花膠，望到都流口水！味道非常好，蟹味濃郁，感覺上無另外添加味精，D味完全係因為足料先煲到的！米妮好鍾意呢道，因為花膠美容嘛！第三道菜就係主角－牧牛湖大閘蟹。其實近排聽到食大閘蟹都有D驚，一來大閘蟹寒涼，二來市上太多大閘蟹都好多激素，真係令人為之卻步。但係店家就同我地講，牧牛湖的大閘蟹係堅持以天然生態方法養殖，又經過多項驗證測試，絕對係食用安全的。同埋由於牧牛湖大閘蟹係野生的，所以唔會有泥味。聽完之後，米妮都心郁郁，話晒今年未食過全隻大閘蟹，就俾面食下啦！拆蟹個陣，米妮真係覺得唔錯，因為真係無泥味呀！仲要有好多膏拆下食下，真係搞左好耐。值得贊的是，呢個大閘蟹的肉質真係好爽甜，無腥味，拆完蟹之後米妮隻手都好香噴噴，剩係得蟹肉味！點下醋食都幾滋味，但米妮都係鍾意原汁原味多D～本身FunBox有個小遊戲，係拆蟹的。店家拆左個sample我地睇，叫我地學習下，做得最好有一支陳年花鵰。對米妮黎講，一D都唔吸引，因為米妮都唔飲酒。所以現實D，用自己的方法去食蟹，食得盡興隨意先係生活態度！所以米妮食完之後就變左。。。。只能為蟹默哀！但同時都證明，個蟹係掂的，所以值得米妮食成咁第四道菜大閘蟹粉元貝皇，粒帶子係米妮第一次食咁大隻的！仲大隻過個湯匙！粒帶子彈牙香甜，又唔痴牙，啖啖肉的味道，足足食左三啖先食完，好過癮！仲要配埋蟹粉的味道，好match！係成個蟹宴入面米妮最鍾意的一道菜！上完好野之後就開始失望了。先來個嫩雞煨麵（其實米妮都唔知呢道菜係咪叫呢個名），一夾D麵上黎就聞到有D焦味。對面的食家夾到底就見到真係有焦左的麵真係有D unbelievable！話晒叫我地黎試食寫comment，居然會發生咁的事！望落D雞都有少少焦，但係最大問題係出係麵上面。同埋，望下張相，點解一碗大一碗細差咁遠ge........最尾的係薑茶湯丸，原意係要驅寒，話晒大閘蟹都真係好寒。但係......個薑湯真係好辣！辣到米妮耳仔都痛埋:(真係個個都話好辣。足料都唔駛搞到咁辣ge........估唔到咁好的一餐飯居然收尾個陣敗筆。真可惜！…查看更多

米妮之前係某社交網站玩遊戲中獎，於是就同米奇一齊去食呢個新開張的麺屋武蔵！其實中獎的人都有500個，但實際出席的人應該遠少於中獎人數，因為米妮望下個list有好多人都冇到！店內坐位不多，環境較為開揚。值得一提係別出心裁的menu，因為皇室堡呢間的"主題"係武骨外伝，所以封面用左日本武士作為主題，除此以外，D拉麵湯底都係用"外伝"為題。米妮揀左豚角黑外伝，豚角超級肥，望落去肥油的份量仲多過肉！食落D肥油又無想像中咁嘔心，雖然個樣有D似東坡肉，但豚角的肥油反而有D彈牙，同埋好入味香口，但係米妮都實在唔敢食咁多！個黑蒜油湯底聞落幾香，但對米妮呢個"蒜痴"係有少少失望，因為食落個蒜味唔算好突出。同埋個湯底真係偏油左少少。拉麵彈牙，值得一贊！糖心蛋有經過鹵水，好入味，個蛋黃米妮一望見就流晒口水米奇果碗係叉燒白外伝，叉燒望落清淡，食落都清淡。反而個湯底唔錯，因為湯底偏濃味，浸下個叉燒就好好食！另外，值得一贊的是店員及店長的服務態度，佢地絕無因為米妮同米奇係免費黎食就敷衍我地！Good！…查看更多

話說第一次黎食個陣因為唔記得影相，食評就就此作罷！今次再次光臨點都要寫返d野ge～芝士饅魚卷芝士半溶狀態，一咬落去個下，咇出黎咁，同時又襯托到鰻魚個種香味，加埋入面個蟹柳，好食！豬頸肉拉面豬頸肉偏薄，唔夠爽口，反而有d韌韌地ge口感，一般水準，同個拉面一樣，冇乜特別窩打牛肉飯好食！好熱！d牛肉好滑同埋好多，好有口感～將d飯同蛋同牛肉撈埋一齊好正呀，米妮最鍾意就係拮穿隻蛋個一下，見個蛋黃流出黎，米妮都流晒口水la！其實味道又真係唔錯，見有咁多喊面真係要為佢平反下～同埋團購完真係好平～半價～呵呵呵！…查看更多

由柯士甸站搵左一陣先搵到呢間餐廳～都真係唔易搵米奇米妮2個人叫左3個餐，叫完個老闆娘好愕然咁，”三個餐黎ga wor！”哈哈，冇計la，米奇米妮胃口好嘛～餃子拉面（血地獄豬骨湯底）血地獄豬骨湯底真係好辣，見有另一枱都係食左呢個湯底，係辣到食唔到！餃子皮偏韌，味道一般牛肉煮蛋飯蛋係滑蛋形態～牛肉係肥牛，煮到岩岩好，唔會太老～加埋個滑蛋撈飯食，一流呀！軟殼蟹炒飯軟殼蟹有半隻，炒飯加左雞肉粒，而唔係d乜野粟米青豆咁，用料幾豐富，又好食～:)野飲叫左一杯菜蜜一杯朱古力同一杯好立克～都沖得幾濃幾好飲～呢個價錢享受到三個餐～真係平、靚、正！…查看更多

經過米奇自己去食左一次之後，就讚口不絕，拉埋米妮黎試～搞到米妮好高期望一去到，見到唔係好多位，但係得2個人serve，都有d驚要等好耐……果然，點完菜等左半個鐘都未有野食…… 見隔離枱都係度催……:(好不容易等到沙律同蒜蓉包，米妮個肚已經咕咕叫……個沙律係一片好薄ge蕃茄同份量偏少ge生菜，加左d沙律醋，超級開胃（米妮心中吶喊：好肚餓呀！）幾啖就食完左個沙律！蒜蓉包冧左少少，唔夠脆，同埋好似得牛油冇蒜蓉咁，唔係好夠香～等左好耐，終於有野食啦！但係見到個樣，米妮真係嚇左一嚇，咁係米奇所讚不絕口ge野？睇黎米妮真係太高期望……番茄汁德國腸意粉料唔多，茄汁唔濃，似係少少湯汁咁，個腸似係司華力腸薄切五片…… 一上枱都覺得好奇怪，味道一般粟米菠蘿炒飯配煙肉比個意粉更令米妮呆左！個樣好齋！同團購張相都相差幾遠下……　個飯一舊舊，痴立立咁……唔多討好餐飲有檸檬茶同奶茶，係自己倒糖漿入去ge，感覺high class左～聽到人地問個老闆，唔係自己煲茶咩，老闆話因為而家做團購生意冇咁多時間……睇黎小舖要生存，都係要犧牲質素，可惜可惜！甜品有雪糕，成餐最好食ge野 ～香滑呍呢嗱，米妮好鍾意呀！只可以講呢餐係一分價錢一分貨，以19蚊黎講又真係做得唔錯，但真係以食物水準黎講，就真係一般！…查看更多

本身係買左個團購黎食，好奇怪，打極電話book位都冇人接，去到門口見佢真係2 :30pm先由”休息”改為”營業中”……佢呢邊農夫包ge選擇冇旺角咁多，咁米妮就揀左豬頸肉～:)一上黎，個包係冇旺角果間咁圓ge，味道一樣～外皮脆卜卜，入面熱辣辣軟冧冧咁～點d咖喱汁，正呀！豬頸肉應該有煎過，好香，好大舊，咬落啖啖肉～本身係配紅豆冰ge，可惜店家話紅豆用晒，未煮….所以就配左呢度出名ge凍咖啡，香濃得黎又唔會太甜，飲完後口入面有回甘～可惜唔記得叫少冰，之後剩返太多冰，令個咖啡會變得太淡～米奇米妮食完呢餐好滿足，如果得米妮一個，應該食唔晒咁大個農夫包！…查看更多

因為團購買左d coupon，先黎試下～唔知係唔係因為佢地覺得益晒d團購客，所以好多雪糕都加左紅點（即係要用團購coupon再加錢）感覺個商家唔係好老實，如果唔想做團購就唔好整lor，點解要之後加價呢？米奇米妮揀左綠茶同益力多味，個雪糕個黏度太over……益力多太甜，係仲甜過益力多！綠茶食落好似一舊舊粉咁，唔知點咁，以雪糕專門店黎講真係算係差:(都係XTC好食好多！…查看更多

此亞星唔知同中左六合彩果個呀星有冇關係呢？哈哈（純粹米妮亂諗）佢呢度話係穆詩林食品認可之一。穆詩林食品衛生、純淨和健康，穆詩林食品認可非容易取得，必須經穆詩林驗證才能使用。雖然米奇米妮唔係穆詩林，但都想試下呢ｄ食物有幾講究！因為係團購，所以一set就定好左係d乜野印度雞湯鹹鹹地，顏色其實似白湯，但係味道真係幾得意～:)特式脆薄餅味道唔錯，幾香，附帶一d奇特ge辣椒醬，點左真係好過癮，個辣椒醬係水水地ge可惜個薄餅側邊有d燶香燒春雞翼外表紅色，但係係咖喱味～紅咖喱？！ 又幾好食過咖喱薯仔雞個咖喱唔辣，d雞好食，冧得黎又唔會散～但係唔多洋蔥烤餅 雖然話係洋蔥，但係我覺得係蒜蓉味～好似蒜蓉包咁～又脆脆地咁，幾好食去個陣因為都冇睇好個團購有乜野，都冇上過團購話果個尼泊爾餃子……好似俾人呃左咁:(唔知下次去會唔會補返俾米奇米妮呢？！…查看更多

旺角果間添好運食過一次，之後就唔敢再去！點解？唔係唔好食，而係真係要等太耐啦！由肚餓等到超級肚餓都等唔到！今次黎到深水埗呢間，都有咁ge心理準備，見都幾多人等，前面仲有30個number，就到對面街行下，涼下冷氣，點知一返去就過左number！睇黎呢邊d位真係多過旺角wor～一開始就揀好左120蚊ge野食～（因為團購）酥皮焗叉燒包呢度有最出名最好食ge點心～熱辣辣咁上枱，一拎上手，好熱呀！但係好忍唔住口即刻咬一啖，出面好脆，同埋真係會爆漿！好正呀！但係真係唔食得多，好飽肚同埋d漿都幾多，幾甜下～二崧滑旦餃因為未食過，又唔知係乜野，就叫左la～成隻都係蛋，似係蒸蛋ge味，再加左d紅蘿蔔，其實個味道又唔係真係好討好，可能米妮覺得佢太奇特啦……馬拉糕係米妮最愛ge添好運點心之一！因為佢做到個甜度岩岩好，唔會太甜，又唔係好黏口～唔知係唔係加左蔗糖呢，好香甜！係酒樓比較難搵到咁高水準ge馬拉糕～蝦餃一般水準，唔會話好驚奇，但係價錢係入面係算貴ge，所以下次會揀第二樣黎試豉汁蒸排骨排骨好肥美，煮到岩岩好，同埋肉質好爽口，唔會太韌～唔錯！:)煎蛋牛肉飯鍾意呢度ge蛋係半生熟，牛肉好軟滑～但係今次居然個飯唔係好熟，好乾，有d失望:(豬潤腸呢度另一樣出名ge點心，但係米妮覺得一般，因為個豬潤又唔係真係好黃沙豬潤，同埋得個兩片仔，配腸粉好似唔係好夠杞子桂花糕米妮最愛ge甜品，感覺上杞子同桂花都好健康～同埋佢呢度真係加好多桂花，好多地方都唔會咁足料！好香又唔會太甜～正正正！團購俾錢最好就係平～哈哈！…查看更多