深水埗站澳門翠苑餐廳 (已結業)

本身係買左個團購黎食，好奇怪，打極電話book位都冇人接，去到門口見佢真係2 :30pm先由”休息”改為”營業中”……佢呢邊農夫包ge選擇冇旺角咁多，咁米妮就揀左豬頸肉～一上黎，個包係冇旺角果間咁圓ge，味道一樣～外皮脆卜卜，入面熱辣辣軟冧冧咁～點d咖喱汁，正呀！豬頸肉應該有煎過，好香，好大舊，咬落啖啖肉～本身係配紅豆冰ge，可惜店家話紅豆用晒，未煮….所以就配左呢度出名ge凍咖啡，香濃得黎又唔會太甜，飲完後口入面有回甘～可惜唔記得叫少冰，之後剩返太多冰，令個咖啡會變得太淡～米奇米妮食完呢餐好滿足，如果得米妮一個，應該食唔晒咁大個農夫包！