Kimbbb のプロフィール

食左2次下午茶豬柳漢堡包拼沙律👀上一次食果時無問我拼咩沙律 我以為係指定左🙈今次個姐姐問我要咩沙律 我問佢有咩沙律佢一臉嫌棄咁叫我睇前面🙄態度真係好差😤嘢食係好食 但咁嘅態度真係無下次!!!…さらに見る

專程去跑馬地食Pizza，點知無開🥲見附近有間人氣高企嘅拉麵店，就去試下🏃🏻‍♀️🏃🏻-下午茶時間唔洗等位🤭仲有梳化坐！一黎到店員就好好服務，問我地要熱茶定凍茶👀熱茶係岩岩可以入口嘅溫度，好貼心！-我地order左雞沾麵（$168）隨餐附送左包好靚嘅濕紙巾🤣抹完手即刻試啖湯先！一入口好順滑好creamy！雞味好濃郁，唔太咸，仲夾雜左D忌廉味，會忍唔著一啖接一啖咁飲！個湯入面有幾塊雞肉同荀。平時我唔鐘意食荀，覺得有怪味，但呢間嘅荀我竟然接受到！-沾麵上面有洋蔥絲、蔥同薄身大塊嘅日式叉燒。沾麵比拉麵粗身同彈牙，個人比較喜歡沾麵嘅麵質，而沾麵嘅份量都唔少🤭一旁仲有碟炸牛蒡，細嚐會慢慢食到牛蒡味👀唯一美中不足係食到後期，個湯凍左🥲-另外仲order左個海鮮雞拉麵（$148）呢碗打卡一流！有炸牛蒡山，仲有掛係碗邊嘅雞肉同油脂分佈平均嘅日式叉燒！湯底嘅海鮮蝦味好出，有少少搶左雞味，但都好濃郁好好飲。個人覺得最出色係掛係碗邊嘅雞片，超彈牙！拉麵比沾麵幼身，都好掛湯，而個湯食到最後仲keep著好熱🥵-可能因為拉麵太熱同射燈太多，食食下會覺得冷氣唔夠。但整體而言，環境舒服，食物出色，係會推介俾其他人嘅高質拉麵店！…さらに見る

星期六晚飯時間唔洗排隊。Menu望落幾新🤣我地嗌左—涼拌四拼 $98（麻油海蜇X五香牛展X花雕醉雞X鎮江餚肉）有時人少少，又有幾種小食想試，嗌呢個四拼就岩啦🥳一次過滿足哂所有願望🤤-1️⃣麻油海蜇⭐️超好食🤤海蜇爽口彈牙，配上青瓜絲、白芝麻同麻油，真係停唔到口！-2️⃣鎮江餚肉⭐️鎮江餚肉好少見！鐘意分層食，點一點醋，食完層啫喱再食層肉，再食埋層啫喱，好食又滋味！🤭-3️⃣五香牛展份量多又大塊！牛展重牛味，有咬口，但有少少韌。-4️⃣花雕醉雞份量多，醉雞酒味濃郁，十分入味。唯雞肉多骨，近骨位置會較紅。—炸銀絲卷 $25⭐️銀絲卷大大舊，熱辣辣；用筷子夾起都feel到佢好酥脆！果然口感外脆內軟，轉眼間煉奶同銀絲卷就消失左啦🤤-銀芽炒鱔糊 跟菜飯同豆漿 $110呢個係店員推介🤭老實講，我唔常食鱔糊🤣但一黎到，份量多到「嘩」一聲，無論芽菜定鱔片都好多！芽菜爽脆，鱔片煮到稔身但實肉，夾埋一齊食口感唔錯。菜飯嘅菜新鮮嫩綠，唔似擺左好耐🤭凍豆漿就有D甜，甜味蓋過左豆味🤔—鮮肉小籠包 5隻 $48小籠包岩岩蒸起熱辣辣，好大粒。可惜小籠包嘅皮有D厚，入面無湯，係入面舊肉夠大舊。—有樣嘢想讚係佢有茶水供應，濃郁解膩，最後睇番單竟然無收茶錢👍🏻—⭐️為推介項目…さらに見る

咁岩黎到石硤尾站，身水身汗行到南山商場想試Cafe，但摸門釘🥲夏日炎炎，再覓食期間見到呢間雪糕店，即刻同朋友order左杯裝雪糕。特濃朱古力X綠茶（右）因為太熱嘅關係，雪糕好快溶，要快D食！朱古力同綠茶味就正常發揮，未去到超級濃郁，但夏天食雪糕就係爽！🤣-梳打雪葩X石板街（左）石板街就係朱古力加綿花糖，都屬正常發揮🤣梳打雪葩原本睇張相係白色，黎到有色差果下嚇親🤣不過食落係波子汽水味，又幾新奇得意！-呢個好評其實係俾老闆娘嘅，係熱辣辣嘅環境下辛苦工作，但都對客人親切，雪糕大大球毫不吝嗇，係有人情味、值得幫襯嘅小店！👍🏻…さらに見る

平日晚飯時間唔需要等位👀Menu選擇多；用QR code落單，好快有得食😋-吉列豬扒咖哩飯 甘口 $62個飯黎到嘅時候覺得咖哩汁好稀，好驚唔夠味😵‍💫點知加埋白飯味道岩岩好👍🏻吉列豬扒嘅炸粉唔厚，咬落脆口；豬扒肉質都夠firm。咖哩汁嘅配料有細細粒嘅薯仔同蘿蔔，撈撈下就會不知不覺咁食哂全個飯。🤭-燒咖哩芝士唐揚咖哩飯 甘口 $65會嗌呢個係因為佢餐牌幅相好吸引🤩黎到都圖文相符嘅🤭4大舊炸雞加上微焦嘅芝士，仲有大大隻溫泉蛋係中間！可惜我每次食溫泉蛋都會肚痛，隻蛋就交左俾朋友🤣佢表示溫泉蛋無過生/過熟，撈飯一流，並且食完無肚痛🤣佢個飯底係炒過嘅咖哩飯，我略嫌味道偏淡。炸雞有少少炸過龍，有d柴皮，但入面尚算juicy！-呢間餐廳嘅份量都大份，最尾都食到捧著個肚離開🥳…さらに見る

等位嘅地方係室外，無冷氣。晚飯時間，等左15分鐘入到。—Order左個 初遇紅燒半筋半肉麵 $78一黎到賣相都吸引，牛肉有2大塊，牛筋2舊，仲有2棵小棠菜、少量酸菜同蔥花。點知，仔細一睇，牛筋上面有條黑色嘅毛髮😨唔知係牛筋無處理好定人為🫠即刻食慾大減！拎開舊牛筋繼續食……個湯好咸，佢唔係好多藥材好足料果種濃味，係單純豉油溝水嘅咸味😵‍💫麵質正常；牛肉淋身同有牛味，唔會好柴；牛筋就有少少太淋好散嘅感覺。酸菜可以中和番個咸味，呢個配搭還好。—加購價$12 自家薏米水（少甜少冰）薏米水係足料嘅，底層有好多薏米，少甜味道岩岩好，幾清新！如果有埋檸檬就perfect!—朋友都order左一樣嘅主食，加配左 芋香珍珠奶茶。試左一啖，除左芋香味有少少假之外，都算正常！—不過，呢間餐廳都係無下次，同埋唔會推介俾人！😅…さらに見る

法蘭西多士 $28.5黎到個視覺效果好震撼🤣西多士差唔多成杯奶茶咁高👀西多士係鬆軟嘅，加埋半溶嘅牛油同糖漿，夾埋花生醬，真係邪惡感滿滿！不過食落同普通西多士分別不大，未必會回頭。-牛肉 干炒通粉 $40⭐️呢個好好食，好食到停唔到口🤣通粉炒得唔太乾身，每一粒通粉都好完整彈牙，表面仲掛滿左醬汁。個調味做得非常好，雖然有少少濃味🤤牛肉都唔鞋，同俾得唔算少！-凍奶茶 $15⭐️嗌左凍奶茶少甜，奶味好濃，口感好順滑。呢杯有驚喜！-凍檸茶 $15嗌左凍檸茶少甜，呢杯平平無奇，唔係特別出色。-值得一提嘅係，真係好多人等位。基本上一食完店員就會即刻收碟🤣如果想坐耐D，休息下就唔推薦呢間。-⭐️為推介項目…さらに見る

呢間隱世cafe有室內同室外嘅部分。因為天氣太熱，坐左係室內位置。店員好親切，環境好chill，星期五都keep著有人流。-芝士餃子雞翼(Cheese Chicken Wing) $38⭐️雞翼表面有芝士燒過嘅痕跡，黎到見到佢脹卜卜，好吸引。雞翼去左骨，一咬落去係脆脆嘅外皮加上滿滿嫩滑嘅雞肉，非常juicy! 佢嘅芝士味唔算太濃，唔會遮左雞肉嘅味同食落唔會好膩😋-抹茶鬆餅(Matcha Waffle) $48Waffle偏脆身，綠茶味濃郁，唔落cream都好夠味。Cream較輕身，唔膩。-抹茶拿鐵(凍）$38 菠蘿氣泡冰美式（凍）$42⭐️平時飲Americano覺得好苦好難入口！呢杯有大量甜甜嘅菠蘿肉係底，再加埋梳打勁易入口，個味道仲好有層次，有驚喜！呢杯消暑一流😆-⭐️為推薦項目…さらに見る

新開嘅Sonia Coffee，環境好chill好舒服。本menu好精緻，選擇好多🤤-首先order左1個主食-1️⃣和風芝心漢堡扒 x 黑毛和牛薯餅蛋包飯 配 野菌咖喱 $108 ⭐️賣相好吸引，有精心擺盤，令人食慾大增🤤！野菌咖喱唔辣，好香口；再配上半生熟嘅炒蛋、白飯同埋蟹籽，滿滿一啖咁擺落口，真係超滿足。大推和風芝心漢堡扒，一切開真係有滿滿嘅流心芝士🤩，毫不吝嗇。漢堡扒同薯餅都好大塊！雖然薯餅唔太食到黑毛和牛味，但薯餅個texture綿密細滑，有外脆內軟嘅口感。-另外order左2個甜品1️⃣靜岡抹茶小豆窩夫配豆腐雪糕 $98 ⭐️一嚟到發現幾大份！窩夫偏挺身脆口，最鐘意將餡料擺入d窩夫格仔度食🤣值得一讚係d綠茶蕨餅，軟濡煙韌，恰到好處嘅綠茶苦澀味同一旁甜甜地、粒粒分明嘅紅豆蓉中和番，好食👍🏻豆腐雪糕擺落窩夫度唔太食得出豆腐味，要分開仔細品嚐先食得出淡淡嘅豆腐香。-2️⃣伯爵茶巴斯克芝士蛋糕 $58呢度嘅芝士蛋糕質地比較實在，個人偏好較流心嘅巴斯克芝士蛋糕。伯爵茶口味偏淡，蛋糕旁邊嘅士多啤梨忌廉，原本以為會好膩，但忌廉食落好輕身，士多啤梨味唔假，同蛋糕一齊食令味道昇華左。-仲有2杯飲品1️⃣泡沫黑咖啡(凍）$442️⃣竹炭黑芝麻鮮奶(熱) $48整體來說，體驗良好，係值得一試同會回頭嘅coffee shop🤤…さらに見る

order咗兩個weekend lunch set, 有3個一品, 2串串燒, 同1個麵食———首先黎左3個前菜1️⃣雞肝多士今次係第一次試雞肝，味道比想像中淡2️⃣枝豆春卷⭐️食嘅時候個春卷仲熱辣辣、脆卜卜，再加埋入面個餡-枝豆變咗好似薯蓉嘅質感🤭超好食!3️⃣麥粒味噌青瓜 ⭐️青瓜好爽口新鮮，同濃味嘅味噌夾埋啱啱好！係健康嘅味道🤣———啱啱好食完前菜 串燒就嚟啦1️⃣雞腎正常，有些少內臟嘅味道2️⃣雞胸骨比較少見一排排嘅軟骨，店舖有七味粉可以自行調味3️⃣銀杏貝柱⭐️貝柱好新鮮，燒得啱啱好，唔會過老！食到一絲絲嘅貝柱肉，同銀杏意想不到咁夾。4️⃣玉子鰻魚⭐️玉子好濕潤，包著無骨嘅鰻魚一齊食好juicy！———食完上面嘅前菜同埋串燒，其實都有少少飽，呢個時候主菜就黎啦！1️⃣期待以久嘅虎蝦濃湯麵⭐️👍🏻個湯底好濃，啲麵好煙韌，好掛汁！虎蝦超級大隻，新鮮彈牙值得一讚嘅係：佢用大量櫻花蝦包住虎蝦嚟炸 ，唔會食到成口炸粉，非常惹味🥲食多幾啖之後會有少少膩嘅感覺👀適宜同朋友一齊share食-2️⃣半熟牛肩胛撈麵👍🏻牛肩胛顏色粉嫩，同湯麵同一款麵。麵質煙韌，加上有肉碎嘅撈麵汁，唔錯！🥲牛肩胛有啲太厚，好韌同難咬開🫠食到後期有少少牙骹軟嘅感覺。-⭐️為推介項目…さらに見る