katzeee的個人專頁

尖沙咀亞士厘道「天下無雙」一入門就感受到濃厚的港式氛圍，環境ok gei，價錢合理，每一樣嘢都係大家好熟悉嘅美食🥰令人倍感親切。樣樣都嘗試😃回憶返晒嚟。牛魔王麵餐這碗麵簡直是牛肉愛好者favourite！牛腩軟嫩，牛筋彈牙，牛栢業的鮮味，再加埋油麵，更是令人讚不絕口，牛丸ok，整體湯底濃郁。有水準嘅車仔麵。懷舊4寶麵蘿蔔清甜，豬紅香滑與豬皮入味。搭配讓人完美，陳皮魚蛋勁正，配搭完美，好食到令人停唔到口！生菜魚肉生菜魚肉讓我瞬間回到童年。就係嗰種街小店魚肉生菜，湯底配有麻油😍就係嗰種風味👍🏻👍🏻👍🏻完全做到全隻炸雞翼全隻炸雞翼而家好難食到😝炸雞翼外脆內嫩，醃製得恰到好處，咬下去的那一刻，香氣四溢，讓人忍不住多點幾隻！飲品咸檸七＆凍檸茶當然少不了。清涼解渴；車仔麵好伴侶❤️讓人心情愉悅。餐廳仲有好多唔同嘅地道選擇一定會再嚟，亦都一定推介，所有嘢都好有水準必食必試👍🏻👍🏻👍🏻整體來說，「天下無雙」的餐點不僅味道出色，份量也頗足，絕對值得一試！如果你在尖沙咀附近，不妨來這裡享受一頓美味的港式餐！…查看更多

喺附近買完嘢，又到食飯時間～行到呢間餐廳門口，見到好似幾舒服就入左去😌為左避免選擇困難症發作，都係揀set好啲🤣starter 我哋揀咗cold cuts & cheese 拼盤，同白酒炒蜆配香辣檸檬白酒高湯平時唔係好敢叫Cold cut，因為要人多先食得晒，今次呢個作為頭盤一兩個人share剛剛好👍🏻蔬菜類有調味過，少少酸好開胃白酒炒蜆，好香白酒味，完全冇沙，意大利香草包好香脆，用嚟點白酒高湯一流😋😋大蝦蘆筍意大利燉飯配龍蝦忌廉湯醬，很喜歡risotto 嘅口感，唔太生又唔會太稔，龍蝦味好濃，正👍🏻意式烤乳豬配薯蓉及蘑菇汁，皮好脆，肥瘦適中，薯蓉好幼滑，加埋蘑菇汁好香再來兩個甜品，我哋揀咗Tiramisu同埋cheese cake配士多啤梨醬甜品都頗為大份，意大利餐廳嘅Tiramisu實在無可挑剔😋😋😋 cheese cake加埋酸酸甜甜嘅士多啤梨醬，芝士味香濃得來又唔會太膩估唔到由Starter到main course到Dessert都好有驚喜…查看更多

今日嚟附近嘅超市入貨，路過呢間餐廳，見到檳城街頭排骨堂食限定$88😳😳正好差唔多到晚飯時間，肚仔餓，又仲有位，點可以錯過先嚟個串燒拼盤，有雞肉、大蝦、魷魚鬚，串燒幾不錯，雞肉正，大蝦肉質幾結實👍🏻新加坡喇沙，幾足料，喇沙湯底濃郁，味道balance得好好，本人很喜歡😋😋終於到重頭戲 -- 檳城街頭排骨，排骨上面舖滿蔥蒜同芫茜😍😍加埋辣椒帶點微辣，好香口，好入味，食到停唔到，唔好睇佢咁大舊骨，其實好多肉，食極都食唔完🤤玫瑰荔枝沙冰，藍莓巨峰梳打特飲，清甜，食辣野cool down下，啱晒👍🏻…查看更多

今日同屋企人去咗啓德體育園新開嘅PHI Coffee & Pancake試吓佢哋嘅fusion菜。第一道冬蔭功海鮮意粉香辣惹味，椰奶中和咗辣度，蝦同青口都新鮮，意粉掛汁能力唔錯，係鍾意泰式風味嘅人必試💁🏻‍♀️漢堡扒全日早餐份量十足，漢堡扒好嫩滑，搭配雞蛋同香腸，加埋香脆的麵包，簡直係早餐控幸福感滿滿🥰。泰式梳乎芒果糯米飯真係驚喜！梳乎厘口感空氣感十足👍🏻，配上香甜芒果同微鹼糯米飯，甜而不膩，創意同傳統結合得啱啱好。飲品方面，糯米芒芒椰奶沙冰真係要讚！芒果肉同糯米粒口感層次豐富，椰奶香甜冰涼。黃金比例泰茶茶味濃郁，甜度適中，確實似足泰國街頭風味。整體環境開揚，坐得舒服，菜色多樣又好味，上菜速度理想😌價錢中上但質素對板，超級推介💁🏻‍♀️！…查看更多

今日同屋企人去咗啓德體育園新開嘅PHI Coffee & Pancake試吓佢哋嘅fusion菜。第一道：椰香冬蔭功海鮮意粉香辣惹味，椰奶中和咗辣度，蝦同青口都新鮮，意粉掛汁能力唔錯，係鍾意泰式風味嘅人必試💁🏻‍♀️漢堡扒全日早餐🥳份量十足，漢堡扒好嫩滑，搭配雞蛋同香腸，香脆的麵包，簡直係早餐控的夢想！幸福感爆燈😃泰式梳乎芒果糯米飯真係驚喜❤️！梳乎厘口感空氣感十足，配上香甜芒果同微鹼糯米飯，甜而不膩，創意同傳統結合得啱啱好。飲品方面，糯米芒芒椰奶沙冰真係要讚！芒果肉同糯米粒口感層次豐富，椰奶香甜冰涼。黃金比例泰茶茶味濃郁，甜度適中，確實似足泰國街頭風味。整體環境開揚又chill😍坐得舒服，食物質素高，上菜速度理想😍價錢中上但質素對板，啓德必試！🤗…查看更多

之前聽過幾個同事話呢間印度菜好好味，今日終於有時間黎試下。一上到黎，環境幾唔錯，唔會太迫先來個印度脆餅+ 3色酸辣醬，我最鍾意菠蘿醬Starter我地揀左炭火烤八爪魚，第一次食到咁稔嘅八爪魚腳，真係超好味!!另外，靚女姐姐推介新菜色Chapli Bun Kebab，話係佢地嘅廚師喺巴基斯坦Pearl Continental學嘅麵包烤肉串secret recipe，呢個kebab嘅香料味道唔會過重，而且好balance，烤得好香口，肉質夠juicy，仲配上兩款sauce俾我地隨意配搭，實在好正!!再來一個大蝦招牌奶油咖哩，加左番茄同奶油嘅咖哩非常順口，大蝦爽口彈牙好有蝦味食印度菜緊係要有naan，今日我地揀嘅係牛油naan，比普通嘅naan多一點牛油香氣，點咖哩一絕最後再來個coconut pineapple cake做甜品，又係perfect嘅一晚…查看更多

某日路過見到呢間拉麵店好多人排隊，搞到我心思思想試下，今日難得早收工，趁未到晚飯時間唔洗排隊，走過黎試試先🤤見到特製和牛牛骨白湯拉麵幅圖，碗邊鋪滿和牛，實在太吸引😍😍😍呢度嘅湯底係牛骨湯，香港比較少有，白雪雪嘅牛骨湯，超級濃厚，好香濃嘅牛味，但唔會太鹹太油膩。和牛好粉嫩，入口即溶；叉燒亦非常高質，肥瘦適中，厚切但係好稔。牛骨麻辣叉燒拉麵，夠麻而且唔會太辣，balance得幾好，再加上大量蔥花，湯底好惹味。我好喜歡佢嘅麵質，非常順口，食完之後好後悔冇加麵🥲開頭落order冇留意到原來有餃子，後來加左一份，微微焦香，唔錯😋…查看更多

侍拉麵 (太子)太子運動場道3號地舖今日收工試咗太子侍拉麵👍🏻。首先叫咗碗熟成雞白湯拉麵，面頭上嘅白泡係有雞湯打成非常幼滑😌湯底真係好濃郁，飲落去有滿滿嘅膠質感，麵質又彈牙，叉燒都算嫩滑，整體來講幾出色。另外試咗熟成雞煮干醬油拉麵，湯頭鮮味突出，有淡淡嘅魚乾香，鍾意重口味嘅朋友應該會鍾意。小食方面，炸雞炸得外脆內嫩，咬落去仲有肉汁爆出嚟，係水準之上。食完主食之後，甜品環節都冇令人失望！焦糖布甸香甜滑溜，面頭層焦糖脆脆哋，好正。開心果巴斯克蛋糕口感綿密，堅果香濃而不膩，值得一試。飲品叫咗Cold brew coffee同Cold brew tea，咖啡同茶都沖得幾清爽，解膩一流。總括來講，侍拉麵嘅食物質素唔錯，價錢合理，係會想再encore嘅店！…查看更多

今日同屋企人去咗黃竹坑The Southside試咗個和牛盛宴，真心驚艷！日本產和牛肩肉盛油脂分布靚到似雪花，燒到外焦內嫩，入口即化嘅感覺實在太正。燒鵝肝多士絕對係高水準，鵝肝香濃唔膩，多士脆身，夾埋食簡直無得輸。和牛鵝肝多士就更加邪惡，雙重濃郁衝擊，食完仲想再encore！蔥燒厚切牛舌超有驚喜，厚切得嚟爽彈唔韌，蔥香同燒汁完美襯托牛舌嘅鮮味。醬油蝦鮮甜入味，四隻真係唔夠喉。牛骨髓石頭鍋飯係必點之選，撈勻熱辣辣嘅飯同香滑牛骨髓，每一啖都係滿足。韓式泡菜煎餅香脆惹味，解膩一流。飲品方面，荔枝梳打同西柚乳酸梳打都清新解渴，完美平衡大餐嘅濃味。整晚食物美味。服務態度都好好。上菜速度理想👍🏻我哋邊享受美食邊傾偈，全晚都好寫意Yeah。…查看更多

今晚收工去咗長沙灣金象泰國菜試吓，估唔咁有驚喜！首先個椰汁雞湯真係要讚，湯底好香濃，椰奶味出得嚟又唔會蓋過香茅同南薑嘅香氣，雞肉夠滑，飲完成個身暖笠笠。濕炒豬肉河粉鑊氣十足！河粉炒得夠濕潤但唔會一patpat，豬肉片醃得入味，仲有啲芥蘭段增加口感，個芡汁濃淡啱啱好，食到最尾都唔會覺得膩。泰式蝦炒飯炒得夠乾身，蝦大大隻幾彈牙，飯粒分明，仲落咗少少泰式辣醬同雞蛋一齊炒，香口得嚟帶微辣，好開胃。飲品方面，泰式奶茶茶味同奶味平衡，甜度適中，夠晒地道風味。老婆叫嘅珍多冰料足，椰奶香濃，綠粉條同紅豆煮得啱啱好，食完成餐飯飲返杯真係透心涼。整體嚟講，價錢合理，份量夠，味道正宗，絕對會再encore！…查看更多

又到我好想食燒肉嘅時間，即刻就諗起呢間日式燒肉🤤見到有黑毛和牛套餐，乜都冇唔洗用腦諗😆👍🏻黑毛和牛精選同封門柳，好稔、肉味好濃，超超超正🤤鹽味上牛舌，爽口彈牙👍🏻唔只牛肉好食，黑毛豬頸肉同雞頸柳都醃得好好味，食都停唔到🫣鰻魚好厚好肥美，唔腥👍🏻終於輪到主角 大判燒出場😍黑毛和牛西冷，為咗唔好俾我燒燶嘥左佢，我都係叫返職員幫手燒好啲🙈大判燒油脂豐富均勻，燒過後唔會太過油膩，點埋蛋汁，入口即溶，其實太太太好食😱😱😱配菜都幾豐富，有泡菜、青瓜、芽菜、菠菜、蘿蔔，另外仲有沙律同埋飯，再加埋甜品真係超級滿足☺️☺️…查看更多

早幾日由灣仔行去銅鑼灣嘅時候發現左間新嘅泰國菜，今日終於有機會嚟試吓🤤一入到嚟，裝修好似曼谷街頭咁😆煎BB魷魚配青醬，有燒魷魚🦑嘅香氣，而魷魚非常軟嫩，點青醬酸酸地好開胃醉貓天婦羅，炸得剛剛好，麵衣唔會太厚，唔會太燶，好香口泰北咖哩雞麵，炸過嘅麵好香口，咖喱香味濃郁，仲配埋一大隻雞鎚，正😋酸腸咸蛋炒粉絲，好惹味，從未食過帶點酸味嘅腸，又幾開胃😆芒果椰子雪糕，好香椰子味，勁多芒果👍🏻青檸梳打&泰式綠奶茶，大大杯，食辣嘢必備😆…查看更多

今次去咗荃灣大滾友打邊爐，完全感受到佢招牌高質食材嘅誠意！自家製足料凍竹蔗茅根先嚟開胃，夠哂清甜，打邊爐前飲就最啱。主角玲瓏浮凸花膠雞湯鍋（半隻）雞湯香濃、花膠厚肉，雞肉滑又入味，真係滋補又暖胃。大滾友牛肉拼盤（細）有齊幾款牛肉選擇，肉質嫩滑兼牛味十足，啱晒牛控！金屋藏嬌和牛墨魚丸彈牙入面有驚喜，伊比利亞橡果豬厚切油潤又有肉香，澳洲帶子片新鮮鮮甜，日本稻庭烏冬滑溜有咬口，每款都顛覆對普通火鍋配料嘅想像，加埋唐生菜吸湯精華。環境舒服，服務細心，啲材料全部都上乘，一試就知點解咁多人推介啦！…查看更多

今日同honey去咗雅蘭中心樂天皇朝食晚飯，整體滿意！招牌原味小籠包真係無得輸，皮薄餡靚，夾起唔穿底，咬落爆湯汁，豬肉鮮甜無雪藏味，仲有專用薑絲醋碟，夠晒正宗。 上海炒年糕鑊氣十足，年糕煙韌唔黏牙，椰菜同肉絲炒得夠香口，醬油調味剛剛好，唔會太鹹。驚喜係蒜香排骨豬骨湯拉麵，湯底濃郁但飲完唔口渴，排骨炸得酥脆，蒜香味突出，拉麵掛湯能力唔錯。 最後試咗甜品宮廷驢打滾，糯米皮包住紅豆餡，面頭黃豆粉香口，甜度適中，作為飯後甜品幾滿足。 環境舒服，服務員收碟夠快，係旺角區想食精緻上海菜可以一試！下次想試佢個八色小籠包～…查看更多

天氣咁熱，好想食雪糕🍦，但係連正餐都未食😆想搵個坐得舒服，又可以食晚飯，又有雪糕食嘅地方，就諗起呢度一睇Menu見到竟然有burger ，仲要期間限定，點可以唔試吓😆鹿兒島和牛芝士漢堡，冇諗過日系Cafe嘅burger又幾唔錯，肉唔會煎得太燶，好Juicy，調味冇平時美式餐廳嘅burger咁濃，食完唔會覺得好膩Honey four cheese pizza，厚薄適中，加咗蜜糖中和咗four cheese嘅油膩感。雖然冇為意pizza幾多吋，但係呢個份量唔錯，兩三個人share剛剛好，唔怕淨係食pizza食唔到其他嘢😆食完晚飯係時候食雪糕，今日揀咗比較簡單嘅天山😌係抹茶雪糕配紅豆同丸子，淋埋黑糖更加香，抹茶雪糕夠濃，唔會太甜👍🏻冰牛乳八女抹茶，抹茶味都好夠濃鹿兒島柑橘梳打，夠晒清新，夏天飲啱晒👍🏻👍🏻…查看更多