LuiOscar的個人專頁

晚市嚟到呢間雞煲火鍋，約咗幾位舊同事預先book位，如果唔係都好似就冇位！呢度晚市食雞煲火鍋最正嘅係，可以無限時坐幾耐，吹水都冇問題 雞煲揀咗唔辣，但係食落都好惹味 首先迎面而來嘅係芫茜海，撲鼻而嚟嘅係醬汁嘅香濃同雞味店員有耐性地教我哋整，每等兩分鐘就要開蓋炒一次，每一嚿雞件都兜得好均勻，連洋蔥都甜到好好食最後放入三寶(水魷，豬皮，牛柏葉)，蓋起焗佢幾分鐘就食得！雞滑不過多碎骨同第二度食雞煲唔同嘅係，佢食完唔係會加水打邊爐，而係直接幫你換咗個煲，先再有湯打 三色刺身應該係睇師傅畀乜嘢你嘅，今次我哋就有三文魚、赤蝦同埋北寄貝，厚切爽甜！ 海鮮拼盤有五款海鮮，分別係龍躉片、脆肉鯇、卜卜蜆、廣島蠔同埋游水蝦龍躉啖啖肉好滑，脆鯇雖然多骨，但勝在肉質結實彈牙好新鮮 三色丸同埋餃都好特別，首先丸類係熱門嘅款式，分別係芥末沙律包、包心芋泥豬肉丸、爆汁牛筋丸(芋頭控尖叫中！餃子細細粒，有蝦餃、韭菜餃同魚皮餃，皮薄餡靚 牛肉質素都幾靚，牛小排嘅位置雪花均勻，而且每塊都有一定嘅厚度，食落好有口感，牛肉味濃肉汁豐富 成個餐就咁食第一轉已經覺得好飽，生菜籃係任攞嘅，有油麥菜、娃娃菜、生菜、南瓜、冬菇、粟米亦都有醬汁區可以自助，但係冇麻醬呢個位有啲扣分！ 最後嘅甜品係燉蛋白，估唔到食咗啲咁heavy嘅嘢，最終竟然有養生類嘅中式甜品…查看更多

次次食呢間蒸海鮮，都爆哂棚，坐滿人今次再嚟食都唔例外，所以我同朋友預先book咗位醒目呢度嘅職員成日話佢哋啲海鮮新鮮過去流浮山，鯉魚門食，其實真係！特別啲蟹係親手揀，每一隻都係第一手靚貨首先嚟嘅係成個海鮮拼盤，有虎蝦，鮑魚，扇貝，蟶子，龍躉同埋蠔，一隻碟裝哂6款海鮮，好豐富！啱哂打卡啲海鮮全部都已經擦乾淨，去咗內臟，食得開心又放心而已扇貝同鮑魚都好大隻今餐最特別嘅係饅頭蟹，店員話一年淨係得2個月有，真係不時不食，所以我哋梗係要試試佢望落肉雖然唔多，但係膏都幾滿最搞笑嘅係，我影影吓相，斬開咗半邊嘅蟹係度郁！係呀冇錯！新鮮到斬開咗仲郁證明呢度蟹類翻貨多，即叫即劏，先keep到咁扎扎跳先蒸嘅係虎蝦，店員會set好時間，個計時器一響，佢就會埋嚟幫你服務，完全唔驚會俾蒸氣燙傷鮑魚同大元貝比較厚身，蒸嘅時間相對耐啲，但係一打開，見到扇貝殼上面嘅湯汁精華，已經覺得好除咗鮑魚同帶子之外，蟶子都好鮮甜咬落仲係索索聲，好爽口彈牙有人幫你蒸，幫你分，你只係需要專心食，同埋擔心食唔食得切最後仲有重頭戲：饅頭蟹雖然佢個樣k型，扁扁嘅蟹鉗，外型唔討好但係食落蟹肉分明，十分鮮甜，味道獨特得嚟海水味重推介…查看更多

市道下行人心惶惶，食肆好多都早收舖難得夜晚嚟新城市，見到呢間餐廳都幾多人主打懷舊港式情懷，一見到個menu「黯然銷魂飯」，就諗起細個睇星爺嘅時候，個句:「好好味呀！！！！！」餐廳播住懷舊歌，但係舊得嚟又唔係老一輩個種，仲識唱一兩句叫咗個二人餐，店員好有耐心，會問我哋想食「腩叉」定「玫瑰叉」，我哋揀咗半肥瘦嘅腩叉，正！河粉嘅味道十分地道，簡單嘅清湯底配上抄過嘅蒜仔，仲有翠嫩嘅菜芯雙拼有叉燒拼油雞叉燒望落去色澤唔係好紅，而且有焦香，一啖咬落去，個仲豬油香同蜜糖嘅味道好夾，真係燒得好靚唔怪得佢淨係主打叉燒都夠做油雞都係正常發揮，雞皮入味另一個揀嘅餸係薑蔥魚塊煲，薑蔥嘅味道唔係好濃，醬汁好黏，個煲入面有4大件魚塊，都啖啖肉嘅…查看更多

嚟呢間漁之部屋食飯，貪佢啲魚生壽司靚，選擇又多以往都係嚟食晚市放題，但係今日平日放假，帶媽咪嚟食午市叫咗個極上刺身，原本係配飯，但係+$12可以轉綠茶蕎麥麵個刺身拼盤好巨型！搞到好似食放題咁，有三文魚，油甘魚，牡丹蝦，甜蝦，長腳蟹，帶子，海膽，仲有三文魚籽，一次過滿足哂全部願望仲要比起放題嘅質素更高級！另外海膽，三文魚，飛魚籽丼飯都有好足夠滿滿嘅材料！啲海膽好甜，食落滿口濃郁幼滑，好creamy又唔腥每個午餐都配有黃桃沙律，仲有海量蛋黃醬而且仲有粒雪米糍(但係粒雪米糍太早上，連主食一齊上，所以當你食完個刺身飯，啲雪糕已經溶哂)$2壽司好吸引，不過一啲啲，蝦類，貝類，魚類，軍艦甜蝦好大隻又甘甜，赤貝唔新鮮，好似有瘀青咁，隻色唔多開胃其餘嘅都幾好食，特別推介黑松露吞拿魚…查看更多

同屋企人嚟食冬至飯，揀咗午市嚟，可以避開人潮店面擴建之後大咗成倍，而且有圓枱，好有一家人食團圓飯嘅感覺！叫咗半隻譽香雞，半隻燒鵝雞都夠哂白滑靚仔，肥美油香，可惜雞味唔濃，要點薑蔥幫忙相反半隻燒鵝就比較靚啲，皮脆肉厚，肥瘦均稱，燒鵝香氣四溢呢個牛肉同滑蛋嘅配搭都幾正，兩種食材各有其香味牛肉片結實得嚟唔韌，滑蛋加埋蔥花一齊炒，唔老，用嚟餸飯好啱涼拌嘅雞絲以為會係麻辣，但係發現都冇咩辣味，反而有麻油香芹菜絲同凍嘅麻油雞撈埋一齊，係幾開胃嘅伊麵一上碟熱辣辣，睇落份量唔多，但係食食吓又會發現有幾多伊麵蝦球都大大隻，彈牙，加上鋪面嘅芝士，成個焗伊麵燒味拼盤有薰蹄，燒腩，叉燒3樣，佢呢度嘅燒味都唔會差薰蹄唔會過肥，滷得入味燒腩仔皮脆，層層肉質分明，食出廣東燒味嘅層次叉燒半肥瘦，係燒到外表金黃甚至有啲焦香嘅四季豆幾出色，首先啲豆特別大條又粗，食落脆嫩冇渣，十分爽口，雖然啲肉碎加咗辣椒炒，但係唔會辣最後菜芯都好翠綠，今餐同屋企人食嘅中菜幾令人滿意(特別係長輩)(唔知係咪因為後生仔埋單，佢哋覺得我哋有表孝心呢？！)…查看更多

落完order等一陣就有，係立食嘅叫咗兩款卷物，一個係同鋪頭名一樣嘅招牌芝C炸蝦卷，另一個係黑松露蟹棒卷黑松露個個卷物好香，係蟹棒青瓜壽司卷上面，加上火炙嘅沙律醬，最後鋪上適量嘅黑松露份量剛好唔會蓋過壽司飯同埋蟹柳嘅味道芝士炸蝦好香脆，吉列蝦係新鮮熱辣炸好，加上燒過半融化嘅芝士，雖然冇拉芝嘅效果，但係都好香口呢個三文魚腩相對冇咁出色，因為三十魚燒得over咗，個魚皮係焦黑帶苦嘅雖然入面有好大塊芝士搭救，但味道都係同想像有出入，not as expected三文魚腩如果可以靚啲肥美啲就好，唔使咁大件…查看更多

日式水產店開到成行成市，呢間店食落真係貨真價實首先前菜叫咗蟹籽蟹柳薯仔沙律，簡單嘅生菜上面有一早預備好嘅薯仔沙律，薯仔切粒，大小適中，加上少量嘅青瓜，大量嘅蟹柳絲，蟹籽同蛋黃醬，冰涼清新三文魚洋蔥卷更係將前菜嘅水準帶上一個層次，多種材料口感豐富入面嘅洋蔥絲帶刺激性，好爽口，包住香滑嘅三文魚片，仲有醬油漬最上面有薄切radish，蛋黃醬同黑魚籽，食落脆卜卜又夠清新，十分推介名堂響噹噹嘅龍神卷～壽司小卷好多魚生片！有兩隻白身魚，鮪魚赤身，三文魚，松葉蟹肉小卷入面包住蟹籽同海膽，好鮮味，加上簡單嘅海苔絲同蔥絲，整體味道好夾食日本嘢最後先食熟食，浜燒海鮮十分新鮮由海鮮上枱到正式食落肚，都有專人幫你整，而且呢度啲店員手勢好純熟每隻白蜆都脹卜卜開口透氣，雖然受熱唔係好均勻，有蜆要遲啲開口，不過店員都係仔細咁去料理與此同時甲羅燒就落咗鵪鶉蛋搞勻，全程都唔使我哋郁手燒香嘅蟹膏，蟹籽，蟹肉，蛋，蔥，撈埋一齊，口感好獨特，味道又濃郁店員將啲白蛤嘅殼沿住中間剪去，食落方便好多，真係有落功夫最後嘅蜆肉十分juicy，磯燒鎖住海水嘅鮮味…查看更多

呢間老媽拌麵由佢開始裝修，到佢開張，我每日都引頸以待台灣拌麵風暴殺到香港，搞到早排我成日買包裝拌麵返屋企試比較出名嘅有曾拌麵，雙人徐，而呢間老媽拌麵更係當中嘅大牌子首先叫咗個蔥油嫩雞拌麵，係幼細嘅關廟麵就咁望落去已經俾佢隻靚靚溏心蛋吸引住咗雖然呢個麵唔係好上色，但係蔥油嘅味道卻十分濃郁，同雞肉嘅配搭合宜雞肉雖然係胸肉，但係食落真係嫩滑老成都擔膽麵好似係佢呢度推廣菜，肉燥滿滿嘅一碗撈勻之後啲肉碎同花生十分香濃，而且佢嘅擔擔麵醬真係幾辣，每一條麵都沾上辣油，係火辣辣嘅顏色醬汁滲入麵條當中，個種香味好似川菜嘅辣醬高山冷泡茶甘香清新，係用咗小樽裝而後面嘅鮮草茶就係用杯裝嘅，都能夠分別解膩呢度嘅麵全部都即叫即煮，新鮮簡單嘅麵條味道令人難忘，排耐啲隊都值得…查看更多

鮮榨西柚茶好特別本身以為係「鮮榨」嘅意思係:店員新鮮榨汁畀我哋，點知原來佢真係畀半個西柚你自己榨汁 等待緊上菜嘅期間，我同朋友就兩個輪流係咁榨呢個用餐體驗都幾得意，要先用勞力換取果汁，最後飲落都特別甜西柚汁上有好多碎冰，配合冰涼嘅口感仲有一長條zucchini，加上薄荷，酸甜得嚟好清新 小食揀咗牛油雞翼，東南亞口味嘅香脆嘅雞翼上面有少少蒜粉同埋香茅，再加上微辣嘅醬汁，食落惹味十足 壓軸出場嘅呢個慢煮三文魚真係好無敵用湯煲裝住，熱度保存得好好，而且配搭上秋葵同南瓜等簡單嘅蔬菜，日式嘅住家感覺出曬嚟最正當然係慢煮三文魚肉，望落似半生熟，啲肉質好細嫩，又香又滑，一啲都唔嚡上面加上藜麥感覺健康又天然，而且口感好豐富，淋上秘製醬汁嘅三文魚肉加上粒粒脆卜卜嘅藜麥，本身秋葵煮出嚟嘅湯汁又黏稠，配搭新穎有趣最後甜品揀咗軟曲奇，焗過嘅cookie dough唔會太硬，有啲脆粒係面，在加上一大球嘅雲尼拿雪糕，冰火交融嘅感覺好正好刺激…查看更多

周董朋友開嘅火鍋店，想食好耐入到嚟果然新潮，播放住好多純音樂pop室內設計精緻，裝修用咗琴鍵同鼓，十分有音樂感叫完嘅嘢食有次序，上菜都快appetizer有冷盤北海道帶子刺身，鮮甜嘅scallop carpaccio又凍又清新，配上酸甜嘅柚子汁，最後再淋上橙色嘅龍蝦油，配搭新穎又有鮮味小食拼盤有兩種熟食，分別係新鮮炸起嘅吉列廣島蠔，咬落好juicy，加上胡麻紫菜醬汁，食落和味，味道好夾另外一款係燒日山和牛，配上燒汁同生雞蛋，食嘅時候自己拌勻法式番茄凍湯酸酸哋幾開胃，話明係法式湯，飲落亦都好有醋嘅酸意，加上燈光嘅配合，整體感覺好潮飲完個湯之後 終於到咗戲肉打邊爐店員首先奉上三種唔同醬汁，分別有濃厚嘅芝麻紫菜醬，酸酸哋嘅法式羅望子汁同埋鮮甜嘅海膽豉油好欣賞呢間店嘅醬汁好特別，特登為和牛嘅配搭做準備主角係日山A5和牛，日本百年老店供應嘅和牛，質素有保證，望落去睇啲雪花靚到三種牛肉分別有後腰，牛碾同埋肩胛溫肉啲和牛薄切，淥兩淥之後入口即溶good quality wagyu in town!海鮮方面有海花蝦，馬拉蜆同埋東星班，全部都幾新鮮蜆肉彈牙飽滿，魚肉爽滑厚實其他配菜方面，嚟自台灣嘅三星蔥豬肉包心丸跑出，食嘅時候有啲肉汁咇出嚟，好香另外仲有手打墨魚丸，牛筋丸，冰菜，白玉菇，本菇等等個蔬菜籃顏色好靚，每隻蔬菜都幫緊個湯底加添一層質感和牛餃子味道濃郁，入面嘅牛肉彈牙，餃子索湯之後仲有爆汁嘅效果食到咁上下店員幫我哋加湯，自家製嘅昆布木魚清湯同和牛清湯一樣清甜，冇加化學調味，飲落健康又實在火鍋之後就有手工意麵，炙燒A5和牛配搭秘製冷麵汁和牛睇落輕輕用火槍燒過，半生熟，用叉撕開啲肉撈勻一齊食，有和洋食嘅感覺最後嘅甜品拼盤放得好靚，總共有四種唔同嘅甜品第一種係用椰子同芋頭做成嘅波波第二件甜品係 抹茶蛋糕 上面有白色嘅泡沫滲著淡淡嘅 茉莉花 香味而且蛋糕入面亦都有夾心Strawberry crumble 係用咗有打咗個結嘅士多啤梨味棉花糖，加上上面嘅一個立體方形嘅strawberry gem，味道甜美最後嘅鹹蛋黃糯米糍咬落香軟，鹹蛋黃濃郁又唔會過鹹，個樣仲有啲似奶黃包，為今餐難忘嘅火鍋劃上句號…查看更多

將軍澳中心大翻新，好多新嘅舖頭，好耐之前嘅元氣都返返嚟食元氣是香港人日常，今次兩個人等位，有點耐，等咗30分鐘有得入點完一輪嘅壽司列車好快就到，高速線過然有效率揀咗4款：三文魚，花之戀，兩件大滿足第一件大滿足係脆蒜長鮨吞拿魚，本身已經好喜歡食吞拿魚，因為魚油甘香，口感軟綿味道濃郁呢個厚切嘅吞拿魚，魚肉呈淡粉色，加上蛋黃醬，脆蒜同蔥粒，整體味道好配合，仍然入口即溶搞到忍唔住之後encore多一次另一個大滿足則好有川味，麻辣又唔會過火，真係估唔到吞拿魚腩蓉同花椒八角味道會咁夾之後叫咗個花之戀(三文魚籽版)，味道正常，口感有層次今日嘅三文魚望落好新鮮又夠哂凍，不過唔知點解腥味重咗啲辣味三文魚軍艦有好多醬汁，而且加上洋蔥，多點刺激，但又恰到好處明太子薯條炸得香脆，醬汁亦充滿粒粒明太子元氣卷入面有炸香嘅三文魚皮，可惜嘅係唔夠熱，如何做到外面三文魚凍，入面小卷新鮮熱辣嘅感覺就更好最後叫多咗碟帆立貝，肉質鮮甜美味，呢度係lunch唔錯嘅選擇…查看更多

之前好多人排隊，次次排到都買唔到每人限買一個嘅焦糖布甸可頌熱潮好似有啲減退，所以唔使點排就買到之前叫一個可頌，淨係會俾一個紙袋，但係今次轉咗個紙盒中間滑捋捋嘅條狀布甸捲起好似螺絲粉咁，肉眼見到可頌面頭灑上唔少糖霜一口咬落去，布甸嘅香甜，加上入面有少量吉士，又甜又脆嘅croissant，簡直就係完美嘅配搭食完一個不但只冇罪惡感，仲有種好幸福嘅感覺…查看更多

嚟東港城行街，難得可以食tea，同朋友揀咗冇咩人嘅pizza hut，叫咗兩個tea set share食嘢飲嚟先，一杯柚子梳打，一杯青檸梳打柚子甘甜，青檸都幾酸幾刺激吓其中一個set係一人份嘅pizza，千島海鮮厚批雖然size細，但係用料好豐富，有好多魷魚，蝦仁，蟹柳，蜆肉，仲有菠蘿同青紅椒個批烤得好香脆，邊邊同個底都夠crispy第二個tea set係拼盤：肉丸，薯格拼沙律瑞典肉丸香草味濃，有4粒其中有2粒肉丸係孖生嘅，好得意沙律菜份量唔多，而且冇醬汁，食落好寡薯格好彩係新鮮炸，又香又脆…查看更多

位於APM food court嘅呢間danish bar，經過好幾次聞香都已經想試，今日行街行到攰，終於可以試下呢度嘅招牌好似係丹麥條，但係我見泡芙條好吸引，就忍唔住叫咗吉士餡嘅puff俾人感覺好普通，呢度嘅特別之處就係佢係長條型嘅，食起上嚟較為方便入面嘅吉士醬味道有啲假，好似台式嘢飲舖嘅布甸嘅味道，有啲死甜，唔特別impressed 好彩嘅係外面嘅泡芙酥皮做得香脆，千層嘅皮好鬆化，仲有陣烤過嘅香味，救返成條泡芙我見有其他客人排隊買丹麥條，店員更會幫佢哋翻熱，而由於泡芙條係凍食，所以就唔需要我諗，會俾多次機會呢間舖頭，下次試下佢啲丹麥條先得！…查看更多

夜晚同朋友仔食飯慶祝生日，收工嚟到都7：30peak hour門口都冇人等，本身以為就咁walk in就入得，點知店員話咁啱full house所以要係出面等等不過佢好貼心咁俾定餐牌我哋睇等咗5分鐘左右就入得，我哋都好快手落咗單，叫咗兩個小食，兩個main，兩個upgrade 套餐(配沙律/餐湯，加迷你芭菲)餐湯係粟米湯，份量唔多，不過一飲落去就覺得同一般餐廳唔同粟米味道好濃厚，而且味道甜美得嚟唔假湯嘅質感亦適中炸魷魚個樣雖然同menu嘅有出入，不過都俾到驚喜我哋！簡單嘅酥炸帶出魷魚鮮味，質地爽口彈牙，最搶眼嘅係個醬汁一般沙律醬再加上少許芥末，份量比例剛好，就算係平時唔食芥末嘅都唔會抗拒九州風炸雞翼嘅醬汁好甜，而且雞翼炸得又酥又脆，唔怪之得隔離檯都叫主食之一係呢個帆立貝松葉蟹腳海膽意粉一睇個樣都已經覺得好吸引，鮮橙嘅三文魚籽，海膽，醬汁同蟹腳都十分刺激食慾撈勻醬汁後食落，發現主角意粉麵條爽滑彈牙，醬汁煮得濃郁又唔會太黏，味道竟然有啲似芝士！海膽份量唔多，味道本身都唔expect會好突出帆立貝係刺身個種，冇煮過，薄切，食落好似食緊日式嘅scallop carpaccio美中不足係蟹腳，雖然有幫我哋簡單切開，但食起上嚟都係要用餐廳嘅鉸剪(好麻煩有一隻腳仲要俾我哋發現入面係冇肉嘅！剪開哂起好肉，打算先食試下味，發現肉質偏乾身，同平時自助餐食嘅蟹腳味道肉質都相差太遠不過，如果撈埋落意粉一齊食，又係增加咗moisture而且互相提鮮，係幾唔錯嘅配搭另一個main係明太子烏冬簡單嘅忌廉烏冬底，加入明太子，紫菜絲同埋一種特別嘅香草烏冬本身軟硬適中，而且夠入面又掛汁明太子粒粒好多，多都食唔哂，每一啖都食到脆卜卜嘅質感最後係個種香草為成個烏冬帶來一個層次食完唔單自有忌廉嘅甜，明太子嘅香，仲有好細微好細微嘅嗆喉，細緻到唔特別用心食未必會留意到後上嘅迷你芭菲杯我哋揀咗朱古力同士多啤梨朱古力杯配以香蕉，鮮忌廉同脆米，食落香甜，口感豐富草莓嘅比較特別，除咗酸酸甜甜嘅鮮草莓，底下仲有草莓啫喱，食落仲有淡淡嘅酒香，層次更為高質總括嚟講呢度食物質素唔錯，店員服務幾好，一叫即應，唯一冇咁好嘅只係價錢唔係特別平，所以抵食一般同區嚟講，九龍灣近淘大亦有唔少和洋食嘅選擇，不過呢間最近地鐵站亦最就腳希望下次亦有機會再嚟食其他菜式啦…查看更多