SidraKwok的個人專頁

係尖沙咀做完運動，又要諗晚飯食乜好。唔想多諗，都係去番espuma，睇下有無新野食。個日係星期六，好多人排隊等位。好彩我地得2個人，好快就可以坐門口張檯。即刻點杯summer drink，叫左"只想放假"，係香芋泡沫加上Novell coffee。我鍾意香芋同咖啡兩種香味混合既冰凍飲品，夏天感覺一流!講起Novell coffee, 除左夏日特飲，佢仲有一本薄咁多唔同配搭既咖啡。我下次要試下蘋果咖啡!前菜都係我最愛既焦糖單骨雞翼，加上首次嘗試而帶俾我驚喜既烤蝦芒果沙沙多士，感覺好清新。主菜都係西班牙黑毛豬薄餅加黑松露雜菌寛條麵，薄底薄餅，餡料有黑毛豬片，番茄，火箭菜同芝士，味道維持到一貫水準。寛條麵黑松露香味十足，飽肚首選!今次想多講既係夏日甜品，叫做"夏日綿綿"。頂層係好大舊同充滿童年回憶既綿花糖，中間有粟米片同乳酪，底層係啫喱同草莓，食落好有層次感，又唔會太甜。杯甜品好大杯，兩個人食剛剛好，一個人會食唔哂! 最貼心既係餐廳會預備埋長條既野叉俾你，唔怕食唔到底層!…查看更多

黃埔開通左地鐵站後，方便左好多。以前只有小巴同巴士，而家交通方便左，多左人流，餐廳都多左。係一品火鍋隔離，就開左間東南亞fushion菜，叫民泰47，裝修與別不通，同周邊既餐廳比較起黎別樹一幟，決定試下。餐廳內部燈光昏暗，唔睇以為係高級餐廳。睇下餐牌，原來都唔算太貴，都算適合黃埔紅磡區價位。有趣既係餐廳名就係街名！餐廳新開張二個月左右，所以選擇唔算多，但前菜，主菜同甜品都齊備。餐廳位置空曠，唔會太逼，都坐得好舒服。因為我地食晚餐，每張台上面都有個蠟燭，好浪漫！我地2個人，叫左2個前菜，2個主菜。分別係蕃薯條，黑毛豬奄列，豬仔骨同signature鍋飯。蕃薯條帶甜，配蛋黃醬，同一般薯條既咸味不同。黑毛豬碎同薯仔裹入蛋塊，配上以健康為賣點既薯片，好特別，之前未係其他地方食過！烤豬仔骨配上咸酸菜，油膩既感覺被中和。鍋飯係西班牙海鮮飯加上香料，臘腸同醬汁，辣辣地，幾開胃。美中不足既係餐廳剛開業，未有酒牌，鍾意飲酒既建議先打電話去問下有酒牌未。值得一提既係餐廳服務好好！會經常留意你夠唔夠水飲，食物味道如何。平民價錢，高級裝修加上合水準既食物質素，值得一試。…查看更多

最近觀塘工廈成為我和男友的食堂，除了因應價錢較便宜，味道也有一定水準，否則工廈食堂如何留得到客人呢？一個平凡的星期二晚上，我卻與男友有一個不平凡的享受，想不到工廈也有特別的西餐廳。門面裝修簡約時尚，內裡用上木台，高椅，有部分是Sofa椅，感覺舒服。食物方面，我們點了澳洲肉醬和牛芝士漢堡($188)及黑松露雞肉雜菌米形粉配溫泉蛋($138)，配上棉花糖Mocha咖啡。漢堡方面，我最愛他有大大塊煙肉片，煎得香口，很多肉汁，我最愛的薯格份量很多，好好味！兩人Share就差唔多！米形粉方面，黑松露配creamy食材基本上無得輸，雞肉有很多塊，米形粉口感特別，有咀嚼感。Mocha上有3粒發大的棉花糖，充滿整個咖啡杯，很好味丫！我會推薦這餐廳，亦會再去！…查看更多

平時去荃灣都係食麵同糖水，好少食西餐。今日去開愉景新城，發現個頭有間幾有情調既餐廳，決定試下佢地既晚餐。餐廳以酒吧為主，燈色較暗，樓底高，好似有二層。可以選擇坐門口或者室內。整體感覺都算舒服。餐廳有提供單點同晚餐，我地就點左一個晚餐一個單點，分別係南瓜意大利飯同西班牙燒乳豬。前菜有燒帶子同雜菜湯。帶子唔會燒到好硬，雜菜湯夠濃味。由於個日客人比較多，所以主菜比較耐。中途我地加多個黑松露芝士薯條醫住個肚先。薯條好大條，好多芝士，好邪惡。大約20分鐘到，終於等到意大利飯，南瓜味好香，芝士唔會過多令到碟飯太膩，份量啱啱好夠2個食。過多陣乳豬都上碟，皮脆肉嫩，有薯蓉伴碟，配上燒烤醬，可以話有大師級水準！最後送上芝士蛋糕作甜品，有裝飾。由於個晚仲有節目，所以無叫酒飲，下次再黎一定會飲酒，我見到好多人叫黑啤！賣單5百幾蚊，係荃灣黎講算貴，但物有所值。…查看更多

荔枝角是一個文青藝術時尚集中地，附近有不少市集及青年人的好去處。星期五晚上，我在附近的工廈完成跳舞後，來到D2 Place尋找好餐廳。當晚已近9時，餐廳已沒有很多人，只有3, 4枱，反覺更加舒服寧靜。環境裝修以簡約白色，配襯日式餐枱佈置，空間感大。一坐下，經理請我個揀自己喜歡的茶杯，挺驚喜。我們二人點了特上壽司盛盒(hkd158), 鰻魚厚燒玉子及鹽燒鯖魚。壽司很新鮮，並不比其他貴格餐廳差，賣相精美，wasabi值得一讚，並不刺鼻，應該是正宗日本材料。鰻魚玉子份量極大，玉子清甜，鰻魚醬較咸，配搭有點奇怪，下次我想我會只點普通玉子。鹽燒鯖魚方面，份量足夠，配有lemon, 不過不失。總結而言，我會推薦該餐廳，因為主打的壽司做得出色，環境舒服。…查看更多

中環espuma一向有水準保證。近日有朋友推薦新推出既二人餐，話好抵食。星期日就決定上去試下。上到去拎個餐牌睇下，588 兩個人，好似貴左少少。但睇真啲其實有好多野食，兩款頭盤兩碗湯兩款主菜兩杯飲品仲包甜品！好唔好食要試過先知。頭盤沙律唔多講，三文魚大大塊。想講既係小食拼盤，焦糖包住單骨雞翼去煎，好香好甜新鮮吞拿魚既油甘加上芝麻既香味，好醒胃！當日多士多人叫到賣哂，唯有用pama ham補上。湯我地叫左雜菌用加錢叫左龍蝦湯，一貫水準，用料十足，唔係水汪汪。主菜就叫寬條麵同牛排，鵝肝好香又唔會多油，麵煮到剛剛好有咬感。牛排五成熟仲保留到肉汁，加上濃郁十足既黑松露醬...淨係牛排都值回唔少票價！最後甜品先精彩，我地想食哂2個，分別係水果Tart同窩夫。窩夫配oreo餅，布甸，朱古力，棉花糖，一次過滿足哂你咁多個願望呀。水果Tart設計精緻，一字形排開，可以同朋友分別選擇自己鍾意食既水果。野飲方面無酒不歡既我地當然就係紅酒啦。最想讚既係服務員既態度，好友善同有笑容，仲會成日主動幫你斟水。推薦大家去試下！…查看更多

今日朋友生日，我地都想搵平時少去既餐廳食晚飯慶祝。去OPEN RICE 尋覓左一陣，決定去位於尖沙咀北京道既SHINE。貪佢就腳之餘，仲係新開張。去到餐廳，第一個感覺 - 好modern。 餐廳主要用霓虹燈做主題，給人時尚，年輕既感覺。吧枱對正門口，客人可以選擇吧枱既座位，或者四周既卡位。我地得2個人，決定坐吧枱。好多人擔心吧枱既座位會唔舒服, 驚喜既係，SHINE無哩個問題，一樣坐得咁舒服。花左少少時間睇個餐牌，了解到餐廳既設計係想帶俾人另類既感受，等客人係放工後可以好好休息一下。但另類既唔止係裝潢，仲有食物。餐廳主要係食fusion菜，務求沖擊食客視覺之餘，仲有味蕾。前菜 - 香辣炒魷魚配白菜 $108 - 泰式辣醬加上香煎魷魚，配上清新既白菜仔，絕對醒胃。主菜 1 - 極上海膽意粉 $188。意粉配上海膽，粒粒魚子，帶出濃郁海鮮味。主菜 2 - 芝士蕃茄意大利飯 $128。2粒大番茄，加上濃厚既芝士，有少少膩，意大利飯有咬口。主菜 3 - 燒美國肉眼牛扒配蘑菇燒汁 (五成熟) $368。厚切牛扒入口鬆軟，配薯仔片同蘑菇汁。美中不足既係餐廳新開張，好多擺設都未執好，有少少影響外觀。但正正由於佢係新開張，給予員工好大既自由度，例如容許佢地研發飲料(我地係食野個陣都見到員工調酒)。以上所講既絕對會帶俾你對餐廳既一番新體驗。推薦一試。…查看更多

香港人好鍾意食麻辣火鍋，一路食一路流鼻涕，愈食愈刺激，很過隱！身為本土滋味派，我跟友人很喜歡找尋香港最棒滋味火鍋，要數到最難忘的，莫過於「二家姐正宗原味麻辣火鍋」了！一進火鍋店，接侍員親切介紹是日精選火鍋菜式，包括爽脆非常的脆鯇腩，新鮮聖子，野味田雞，三寶手打丸，脆炸響鈴、新鮮牛肉、珍寶帶子、羊肉卷及豬黃喉！下單後等了不久，前菜冷盤麻辣豬耳便上台了，上菜速度很快！這冷盤值得一讚，豬耳爽口，麻辣汁麻而不膩。至於火鍋湯底，我們5個友人選了鴛鴦銅，中間是清湯，四周為麻辣湯，中間清湯水位較周邊高，避免麻辣湯沾染清湯，設計體貼！至於食材方面，最為深刻是厚切豬黃喉，黃喉較其他餐廳厚身，極有咬口！新鮮牛肉不用說了，簡直要Encore多一碟。另外，我要強調脆鯇腩是鎮店之寶，沒有講笑，腩骨是「真，脆」，很好吃！這火鍋店價錢中等，位置偏遠，但總有些另你難忘的食材，我會選擇再來這店丫！…查看更多

佐敦尖沙咀一向不缺超卓餐廳，韓國食品店更是開到成行成市。今晚我和友人則試了位於佐敦的星星韓國餐廳。餐廳細小，牆上貼上韓戲星星的海報，並播著韓國電視頻道，很有韓風感。食物方面，我要大讚芝士飯團，很好味！碎紫菜和芝士的配合剛剛好，放在鐵板上，有飯焦香，還有專人幫你撈埋飯。另外，烤五花腩都好正，肥瘦適中，韓國醬料味度濃郁，一大推介！…查看更多

男朋友生日飯，他最愛食中菜，私房菜則是他的首選。一般私房菜只適合大伙人食，可是三姐私房菜則提供二人餐單，須提前一天預訂，只讓他們準備食材。三姐位於觀塘工廠大廈，甫進餐廳，是經典的小型菜館。他們為每台客人準備並列印了特定的餐牌，並有Book台客人的名字，很細心！今晚我們選了$398位之牌套餐，為中價餐單。水耕菜Salad配合芝麻醬：清新酸酸甜甜，很開胃。流心蛋配茄子：重點是魚子醬托底，讓味度層次更好。蝦球水芙蓉：上面的汁過於黏身，味度一般。牛仔柳：肉嫩多汁，醬料很香，推介！…查看更多

這台灣過江龍來港一段時間了，前陣子都是排長龍的，現在人氣稍退了點，我便與友人前來試試甜品和咖啡，還有拍照啊！餐廳用上白色為主調，落地玻璃讓陽光穿透而進，自然光讓甜品變得更美，拍照一流！我們點了經典巧克力鬆糕($90)並加$15轉麻糬，兩人各點了法式焦糖茶 ($45)和Caramel Latte Machhiato($45)。這裡上食物的速度很慢，點了差不多半小時巧克力鬆糕才送上，Caramel Latte則最快，法式焦糖茶是最慢的，接近45分鐘！ 這真的要改善丫！至於食物和賣相方面，我真心覺得漂亮，女孩子是很喜歡的。經典巧克力鬆糕($90)麻糬有咬感，配合Chocolate source同cream，很好味！法式焦糖茶 ($45)有棉花糖，味度一般，不見得有甚麼特別，Caramel Latte Machhiato($45)香濃咖啡，配合ginger味餅，很好配合！…查看更多

有時外出用餐，就算你到較高級的西餐廳，環境大多數都是較嘈吵的。如你想要高私隱度，價錢適中，環境寧靜的西餐廳，我強烈推介位於上環附近的Gees。Gees於大廈的一樓，當晚7時正，甫進餐廳，只有1台客人。餐廳播著西洋Jazz的音晚，令人感覺輕鬆，星期五的晚上就是要這樣Relaxing！我選擇了位於角落的2人位置，自成一角，拉下門廉，彷彿這餐廳只有你和他。侍應服務態度殷勤，會留意你是否已完成頭盤，才準備主菜，讓食物呈上的時間恰到好處。今晚我選了Iberico Ham (36 Months) - $108 , U.S. Prime Rib Eye (10OZ) - $268 和 Mushroom and ceps risotto - $68。等待晚餐前，嘗了自家製的麵包，共3款，每款2塊，送上時還是暖呼呼的，麵包鬆軟，不錯的開始！頭盤Iberico Ham (36 Months) - $108有三片薄切西班牙黑毛豬火腿，哈密瓜並不包含在這頭盤裡，Gees反而用到Seaosnal 水果，包括 菠蘿，西瓜和無花果，使火腿入口咸而不膩，要大讚的搭上Herbs，使味道更有層次！U.S. Prime Rib Eye (10OZ)- $268五成熟肉眼牛排，肉嫩多汁，配上薯蓉，可並無特別驚喜。Mushroom and ceps risotto - $68最後點了Risotto，濃郁的蘑菇味配上忌廉汁的意大利飯，味道偏減，並無驚喜。總體而言，Gees環境不錯，推介Iberico Ham ，是朋友聊天好地方，食物沒有太大驚喜。…查看更多

Nothing much to say. Today was just a random walk around the sogo area. I spent time wandering around and waited for my frds. At first, the bake cheese tart attracted me not beacuse itself (as i never heard of it before..sorry i was new to HK, haha just kidding), its because of the crazy long queue. So i decided to give myself a try to see the reason of that popularity behind! The tart looks like a half raw egg covering on a crispy tart. Yea, the egg-like stuff is actually the CHEESE. So the ratio is just 1:1 (cheese vs. tart) Generous! Bite it, and some cheese running out! Tasty. It worths taking a picture like me. …查看更多

I am a burger lover which i almost tried most of the famous burgers in HK! Tonight, my friend brought me to a popular burger house in CWB. How popular was it? I almost queued up for 1 hour (of course many others did together) to get the nice food there. Let's see if the food worths my waiting time. We ordered a Double Foie Gras Cheese Burger. It didnt disappoint me! Basically u have to share the king size with frds as it contains high calories. But who cares? Let's try it and do exersise after~ A piece of cheese covering on the thick beef meat with 2 foie gras on top greatly enhanced the whole texture and brought me a sense of royalty (oh, because it is an expensive Foie Gras). The beef was soft n juicy! And never miss the burger bread which was baked just alright. Crispy! OMG, this was tasty! Think it was too heavy? Try the fresh salad at side! I am looking forward to coming here again...try other burgers!…查看更多

中環的美食藏在大街小巷，只要用心尋找，必定不會使你失望。這次我倆到位於Wellington street的樓上餐館覓食，沒有失望之餘還帶有點驚喜。西班牙菜的特色來自國家的多類地型，多變氣候及多元民族。東部積雪，西部多雨，南部溫暖，中部炎熱。加上羅馬人，哥德人和阿拉伯人先後引進其飲食文化，善用琳瑯滿目的食材以及香料造做西班牙菜的特色。打開Espuma的菜單，首先檢閱製作每道菜是否符合西班牙菜的要求。果然沒有使我們失望。侍應也略能解答對所用食材的提問。我們在「退庭商議」後，決定了是次餐單:1. 黑松露醬芝士薯條 ($68)食用黑松露是在歐洲已有千年歷史，其中以法國，意大利和西班牙最為盛行。在古代黑松露更曾被認為是惡魔既化身。如今惡魔跌入凡間，成為西班牙菜的常用香料之一。Espuma懂得在金脆的幼身薯條上加上芝士碎，讓黑松露醬吸取芝士味後再反客為主，帶出香濃的菌味。2.  ($68)阿拉伯人愛用蜜糖入菜，西班牙菜也受其影響。單骨用鍋煎使雞骨四周的皮連肉也能充分受熱變得鬆脆。加上絲絲蜜糖，香甜同時去除油膩的感覺。3. 煙燻烤安格斯肉眼牛排 ($328)西班牙中部以烤肉著名。其烹調方多是用 大柴爐慢慢地烤。帶來驚喜的是Espuma竟然把這種烹調方式由遼闊的歐陸搬到狹小的中環。原塊肉眼牛排以烤箱熱呼呼送上。經過煙燻的洗禮，帶有脂肪的牛排肉變得軟嫩。灑上紅酒汁，更帶出牛排本身的鮮味。4. 西班牙黑毛豬薄餅 ($108)哥德人統治其間大量發展畜牧業，特別是豬的養殖。西班牙由此成為火腿的重要產國。火腿多以豬的後腿肉。而這道菜所用的是風乾黑毛豬。加上火箭菜和蕃茄等歐洲常用配菜，用薄皮薄餅包起來一口咬下去，口里盡是甘香的火腿肉和清爽蔬菜所給予的滿足。5. 水果茶 ($42)最後以西班牙人喜愛的特飲，水果茶作結。清新的酸味，一洗先前菜色留下的味道。結賑$614，在樓上買來了一餐齒頰留香的西班牙風情…查看更多