JustKeep Eating's Profile

今天難得有空，和三位朋友一起到旺角shopping順便望下有咩好野食。天氣咁熱，最好都係坐番在室內的地方食野。行到創興附近友人提議不如去食中午放題，因為平d又好味，一致同意！入到去見到一條小小的隊伍排緊，就知道無揀錯，等左大約十分鐘就入得去刺身幾新鮮，寫幾多又真係出幾多件，抵讚卷物一向都是我最愛，款式都算多，味道又唔錯入面除左有唔少野飲揀之外，居然仲有熱辣辣的糖水！如果鐘意飲酒既仲可以揀韓國啤酒，清酒同梅酒，任飲！蟹粥是出乎意料地好食，而羊肉更加係必試！最後我地一行四人食埋杯哈根大師就滿足地走人了，每人都是二百頭，抵呀。不過最重要就緊係分享下大家嘅近況， 改變了 就由他改變，變得更好就滿足了！ …Read More

有時.. 你就係害怕改變.. 所以就繼續留係自己嘅comfort zone 。講緊咩？講緊嘅係... 食放題😂！ 好地地，放題咩都有，又好食，點解仲要離開呢個comfort zone？！今次去食大滿喜！ 先黎當然又係食下佢啲刺身啦！ 🤣刺身款式都算多，最緊要件件都新鮮！三文魚都夠肥美，值得一讚嘅係佢嘅蝦！大大隻，肉質彈牙！ 👍🏻壽司方面，卷物都可以話充滿驚喜！細細一舊，一啖過食咗呢個驚喜落肚。燒物方面真係要推介燒菠蘿同埋燒牛舌！菠蘿燒到唔會太乾，反而仲甜仲多汁，超正呀！ 牛舌呢，佢面頭有黑椒，加埋檸檬汁，食落真係燒到好鬼死香呀！ 大滿喜最滿喜嘅地方係佢出邊嘅甜品，小食專區！ 款式有薯角、章魚燒、布丁..... 總之就係多啦！ 最最最吸引嘅係.... 係佢有cone 比你自己「吱」雪糕同埋yogurt！仲要有得自己加topping 呀！ 話就話怕改變，但係總有一兩日會無啦啦有股衝勁想去改變！ 見到大滿喜個小食吧，就知有時改變下，唔同其他人一樣，都未必係壞事呢！ 共勉之！ …Read More

如果有一間房，充滿哂Burger，令你有去咗異國嘅感覺，就好啦！ 而正正就係銅鑼灣，就有一間相當有格調嘅餐廳，叫做「Burger Room」！😆 就即管走去食下，係咪咁把炮，啲burger 係咪真係好食到可以打正旗號叫做burger room!🤣 話明漢堡包，精髓緊係塊漢堡啦！ 鵝肝蜜糖芥末大啡菇煙肉牛肉漢堡-$200一上菜，哇一聲！ 材料豐富！ 望住塊漢堡，絕對唔係薄薄一片，而係個厚度加流出黎嘅肉汁絕對係令你急不及待想即刻開餐！ 加埋塊鵝肝，煎列岩岩好，面層香脆，入面充滿濃郁嘅油香！ 正呀！ 你以為大啡菇只係配角？個啡菇正正就吸收哂啲肉汁，大滿足呀！ 另外特別一讚嘅係個蜜糖芥末，唔會太甜， 亦都唔蓋過肉香同埋油香！ 👍🏻👍🏻布里芝士餅-$50睇到menu 將圖，就即刻想試！ 果然啲芝士真係拉絲拉到長一長呀！ 加埋香脆單骨雞，真係送酒一流呀！ …Read More

追追趕趕，忽高忽低，唔知點解，到最後總係黎番食放題！😂有種習慣又真係無咁易改變！今次去咗銅鑼灣黃金廣場樓上嘅大喜屋。唔講都唔會唔記得想當年第一次嘅放題就係呢一間！😩今次最快嚟到嘅就係刺身，有北海道鮮帶子，三文魚，甜蝦......其中最鐘意就係佢個北海道鮮帶子同三文魚！帶子好鮮甜爽，三文魚肥美！ 之後嚟嘅有火炙壽司！火炙鰻魚、牛肉壽司同燒帆立貝都keep得到想當年嘅水準！😊不得不提燒帆立貝！呢個真係無得頂！ 帆立貝又鮮甜 沙律醬味又重！ 正！之後仲叫咗天婦羅、手卷、牛柳粒都好好食！加埋當想當年嘅回憶，仲好食！ 最後同想當年一樣，叫咗啲泡芙、法式燉蛋 同埋牛乳布甸做甜品！ 大滿足！ 有時食野除咗食味道，其實加埋啲回憶一齊食，都可以話有另一番嘅體會，特別係當你身邊嘅人同事都已經改變！😩…Read More

有時選擇一間餐廳，真係靠feel 😂! 入霸嗎拉麵食，其實都只係因為佢地會用日文黎叫號而吸引咗，等埋一份😂！終於入到去，叫咗個特盛炙燒豚肉拉麵，仲加埋紫菜！🤣一黎到，哇！ 真係大大碗！塊去豚肉都唔係「薄切切」，塊塊都有一定嘅厚度！ 同埋燒到好香，又唔會好肥膩！ 拉麵個湯又真係好香濃，一啖湯，一撮麵、一塊紫菜、再加啲溫泉蛋、無得頂！ 除咗拉麵，仲叫咗個照燒餃子！餃子煎到脆卜卜，個燒汁又幾好食，又真係幾岩配餃子食!😂 呢間拉麵店除咗用日文叫號之外，佢幾飲品都好特別！ 個個樽都靚靚的，好有日本特色！ 仲有得飲綠茶可樂，味道又真係幾估佢唔到， 哈哈，你地都可以去試試！ …Read More

中上環街頭，往往就比你好似到咗異國一樣嘅感覺！ 橫街小巷、喺呢個秋意正起嘅時候慢慢穿梭，再加埋一間特色小店，仲唔係要講番句英文「perfect池」當去咗旅行？！🤣行過crafty cow 就比佢個外牆吸引住！ 望望menu，道道菜都好似好特別咁！最後聽店員介紹後，就叫咗呢兩個set! Beef Cheek Linguine-- 牛嘅「臉珠登」 ，果然、真係又嫩又多汁！絕對唔會「趙」到牙骹都軟埋！😂同埋佢個sauce 仲有濃濃嘅牛香，加埋放喺麵上嘅芝士，正呀！ Truffled Wild Mushroom Orzotto -- Orzotto 平時好少食， 原來其實係源自「Risotto」一字！皆因Orzotto 係用意大利粉切碎煮成！味道如何？ 驚喜！ 佢無 Risotto 嘅硬，反而更易入口，麵粒完完全全吸哂啲汁，食落好香Mushroom 味，口感真係好好好特別！ 同埋原來craftycow，有好多特色手工啤酒賣！ 下次同班friend Happy Hour 可以試下😂！ ps，有蠟燭嘅餐廳，就係一間有格調嘅餐廳！ 😏…Read More

觀塘在變，好多事都在變。變，就好似變成人之常情。人要變，你阻唔到，唯一做到嘅係睇下自己去唔去迎合佢。 極尚大迎瀛喜，睇得出佢用咗好多心機去迎合大家嘅「變變變生命力！」🤣一入門口，就見到佢大大個自助Bar！飲品種類多又齊，除咗正常罐裝，仲有豆漿同埋即磨咖啡機！最驚喜嘅係連熱維他奶都有！ 除咗飲品，仲有個沙律Bar、小食Bar、甜品櫃...... 款式都夠多！小食有章魚燒、薯角、蛋撻、蝦......甜品有平時少見到嘅日本大福！ 最最最特別就一定係佢部雪糕機，有 yogurt 同雪糕比你自己「滋」！ 最重要嘅係有得自己係咁加Topping，唔洗就住就住！ 🤣講咁耐，講下d主食先！ 刺身多款、齊全、新鮮！ 海膽份量都唔算太少！ 正！ 壽司都黎得好快，又唔會漏單，服務一流！最驚喜係佢個蝦多士！ 芝士多到極邪惡！仲有大大隻蝦，加埋塊超脆嘅多士簡直無得頂！ 觀塘在變，人嘅口味在變。搵到一間岩自己口味嘅，就要好好珍惜啦！ 你明唔明我講咩架其實？😂…Read More

常言道：「大吃大喝，係一種忘記唔開心嘅良方。」 同朋友一齊食放題，更係令你將所有煩惱都拋諸腦後嘅最佳方法！ 今次就去咗極尚大喜屋！ 講到明極尚， 有幾極？ 有幾尚？ 野都唔洗講，齋睇個海膽手卷就知道答案！ 海膽同飯嘅比例，可以話係放題之中少見嘅多！仲要仲要佢又唔係可怕嘅腥味海膽，而係相當鮮甜嘅，真係叫其他放題情何以堪😂！ 注：中間個軟殻蟹都係正正子，係脆架！ 唔係果啲放到走哂氣仲軟過佢自己個殻嘅軟殻蟹！ 🤣除咗手卷，刺身同壽司嘅選擇都好多！ 刺身仲要塊塊都有光澤，好新鮮！ 果然夠極尚！ 至於燒物呢，燒秋葵、燒菠蘿、燒蠔、燒菇就更係唔少得！ 最值得一讚嘅係佢嘅鹽燒海蝦！隻隻蝦都有啲份量！ 最重要嘅係佢唔會太咸，仲要燒得岩岩好，同埋蝦嘅肉質彈牙，唔會好爛！ 極尚，果然係極尚！ 食完呢餐真係十分滿足！ 但係煩惱唔開心事又豈能靠一餐就忘記得一乾二淨呢！ 所以.... 我仲想拿拿聲再同朋友去食放題啦！ 😆…Read More

朋友帶路，行下行下，轉入工廠，我即刻心諗：「唔通又黎到工廠大廈有驚喜嘅時間？」一入打開Bomdi大門，果然！工廠大廈又收埋咗間咁有格調嘅西餐廳！ 我地叫咗set dinner, 都幾豐富！ 先黎有餐湯同餐包！ 兩個湯都好香濃、好creamy！ 蘑菇湯仲有細細粒蘑菇蓉，飲落口特別香！ 再黎係前菜，我地叫咗炒野菌！ 野菌牛油炒至乾身，但係又唔會太乾，咬落去都仲好juicy，充滿野菌嘅精華！ 另外，前菜仲有碟蔬菜，正呀，好健康！ 跟著我地想再健康啲😂仲叫咗碟意大利風乾火腿巴馬臣慕士沙律！ 風乾火腿份量都幾多，包住啲沙律菜再拌啲慕士食落又唔會好咸！煙肉忌廉汁焗蠔- 蠔都幾大隻，肥美！加埋煙肉同忌廉汁又唔會搞到太膩，唔錯！ 海鮮黃薑意大利飯- 話到明海鮮risotto, 海鮮又確係唔會馬虎！ 有大蝦、青口、同埋魚塊！ 個飯煮到岩岩好，唔會好生好硬，而係相當creamy，索哂海鮮同黃薑嘅精華！ 主角黎啦！ 草飼肉眼扒配自家燒汁- 肉眼扒大大塊，底下仲有紫薯，正呀！ 塊扒煎得岩岩好，唔會乾，相當juicy，仲有啖啖牛香味！ 飲品同甜品就叫咗抹茶Latte同埋提拉米蘇！ 杯Latte 賣相幾靚，飲落唔會太甜，陣味都唔會好人工！ 最大驚喜係提拉米蘇！ 估唔到佢做到淡淡酒香味，搞到每一啖都係享受！ …Read More

常言道：上司放假，就好似自己都放埋假一樣，無人管住你做野！ 所以我就早佢兩三日飛去「日本」！ 因為鮨處松戶成間野，個Feel真係好似去咗轉日本咁🤣！ 先黎嘅係一碟前菜- 麻醬豆角！ 清清地，相當開胃！ 再黎嘅係雜錦刺身（特上）（$560）- 賣相相當相當喺吸睛，又楓葉又海草又花花咁！ 😂當然，重點嘅刺身都絕對無令我地失望！海膽香甜唔臭！蝦肉質新鮮無渣，彈牙鮮甜，隻隻都有手掌咁長！最不得了嘅係塊吞拿魚腩！ 啲油份紋路嘅靚，入口即刻溶滿成個口腔！ 😩蒜片炒和牛 - 蒜片炒到唔會好霸道，唔會好臭，反而係一種同牛油混和嘅香味！ 一片蒜，一粒牛，兩個字-- 好味！ 煮目張魚- 當造靚魚，之前未試過，但係就係喜歡呢種好似去咗日本嘅感覺，試啲唔係連鎖日餐嘅大路野！ 條魚好滑，唔會好多骨！ 個汁甜甜地，幾特別！ 𩶘魚奶湯（$58）- 足料魚湯，無偷工減料，十分香濃！ 有我最鍾意嘅「杰」身嘅texture，完全feel到入面骨膠原滿滿的，正！ 吞拿魚腩手握壽司（$550） - 呢碟絕對一定要食！ 你睇下啲紋路，簡直係大自然嘅藝術品！ 因為佢，我終於分到唔同魚腩嘅分別！ 佢有三款魚腩，每款油份都唔同！ 一關一關咁食到最多油份個舊！ 確實係有打贏大佬嘅滿足感，食完啲油香都last 好耐，真係唔想飲水沖走！ 就快又星期一，雖然上司開始放假，但係打工仔你估真係唔洗做咩，咪又係要番工😪。 唯有望住啲魚腩慰藉下自己..唔.. 無咩事，我都係番出去做野啦..😪…Read More

油尖旺人來人往，餐廳人山人海。想搵個地方靜靜地同朋友傾成晚計，玩下Board game，我諗都只可以去啲樓上cafe。 但係樓上cafe 嘅選擇有好多種，但係係喺間間都岩一班朋友去玩一晚呢？ 答案，我諗都係由番...搞手幫我地簡😂（搞手萬歲！）。今次就去咗間station 3 cafe ! 法式忌廉煙肉雜菌燴長通粉 $96 -- 長通粉份量都唔少，忌廉都幾creamy！長通粉面頭仲焗到脆脆地，唔錯！ 西班牙煙鴨胸燴飯 $99 -- 個燴飯嘅汁幾香，酸酸地好開胃！鴨胸都無偷工減料，唔會話得嗰一兩塊！😂個套餐除咗有個沙律之外就有飲品！特濃朱古力-- 大大杯，最緊要嘅係佢d cream 唧到高一高，仲有d朱古力醬，大滿足呀！ 個花茶都好香，有好特別嘅馬鞭草香味！傾到差唔到，又想食多少少野，就叫咗個章魚小丸子同飛碟！ 😂 一人食少少，又可以再傾過！ …Read More

觀塘，工廠大廈林立，又多咗好多商業大廈。夜晚搵野食，再唔係只局限於大商場，今日朋友就帶咗我去食LM cafe！ LM cafe 環境都唔差，岩哂一大班同事放工黎chill 一 chill ！😂 我地就叫咗兩個鐵板餐！爵士西冷扒拼香草腸 （$80）-- 食鐵板就最忌塊板唔熱，而呢度嘅鐵板餐就無呢個問題！塊西冷嘅肉質都唔錯，最估唔到嘅係條香草腸！大大條咁，食落幾滋味！星級雜扒（$95） -- 材料都幾豐富！有西冷、雞扒、英式腸、煙三文魚同埋炸帶子！值得一贊嘅係佢既薯菜！粗薯條、條條吸收哂個汁嘅精華，正！蜜糖雞翼 （$38）-- 一碟都有成6隻，都幾抵食。仲要隻隻雞翼嘅外層除咗炸到香之外，仲好完美咁coat 咗層蜜糖，又唔會太甜！ 甜品呢，我地叫咗個waffle，配料、waffle 嘅味道同埋醬都可以自己選擇，份量又比想像中大份，唔錯！ 飲品方面，除咗跟餐嘅湯之外，我地仲叫咗個花茶-地中海之戀（$38）-- 估唔到壺茶都幾大壺。似落仲有陣陣花香，解膩一流！下次再黎觀塘，都會同自己講，唔洗局限自己食大商場既～😏…Read More

牛頭角，細細個以為個度有好多牛。大個咗發現，原來.......有好多... 好多... 好靚嘅......芭....菲！🤣碌碌下ig，發現朋友post係宮葉嘅芭菲好鬼吸引，見佢仲有飯食，一於用一晚，自己扮去日本，食好西！ 「哈，我又飛啦！」我同朋友叫咗吉列豬扒親子丼（$50），同埋牛肉親子丼（$50）-- 滑蛋同牛肉唔會好老，岩岩好。 吉列豬扒都大大塊，同埋個飯嘅份量都比相像中多，仲有碗麵豉湯，性價比都幾高！ 黎到戲肉，宇治抹茶芭菲 （$50）-- 抹茶芭菲材料都幾多，有火龍果、抹茶蛋糕，白玉，等等等等，相當豐富😯！ 個抹茶雪糕我發現比市面其他芭菲嘅份量都多，配埋紅豆一齊食，又係另一個享受！🤣藍莓芝士餅雪糕芭菲 （$46）-- 又係一杯靚靚嘅芭菲！件芝士餅都幾大件，配料有藍莓、芒果、紅莓，好似好多生果好健康咁😏，都唔係好肥姐（自欺欺人mode)！不過，宮葉嘅性價比係幾高，芭菲又靚又吸引，可以再戰！🤣…Read More

上回講到，有朋友帶我去食Plato Cafe & Bistro，得知仲有一間分店喺附近，點解唔再試埋呢😏？所以就黎咗呢間Plato！ 先黎嘅係個餐湯，個薯仔湯好creamy，一啲都唔會好水，又香又濃，正呀！ 水牛城雞翼 （$58）-- 水牛城雞翼個汁真係唔錯，個雞翼炸到層皮脆脆的，配埋個汁，真係好岩鐘意「選」雞翼嘅朋友仔呀！ 牛肝菌帶子意大利飯 （$158）-- 個意大利飯用上牛肝菌果然真係好香。飯煮得岩岩好，份量都幾多，又有大大粒帶子，都幾抵食！ 美國安格斯西冷牛扒（紅酒燒汁） （$228）-- 塊西冷扒煎到鎖哂啲肉汁，相當juicy！一塊牛扒，再配埋紅酒燒汁，正呀！ 值得一讚嘅係上次已經另眼相看嘅薯仔伴碟！食埋啲薯皮勁有薯仔嘅香味，終於可以再食到啦！ 炭燒波士頓龍蝦 （$268）-- 上次一直都想試試，今次終於可以試試啦！🤣 一上菜，真係估唔到隻龍蝦都幾大隻！ 😯炭燒得唔會燶哂，啖啖龍蝦鮮肉，真係一試難忘🤦🏻‍♂️！涷特濃朱古力 （$34）-- 朱古力又係相當香濃！天氣熱，飲啖涷朱都真係嘅透心涼呀！ 甜品方面，食埋個蛋糕，又係完美嘅一餐！👍🏻👍🏻…Read More

日本菜同電視節目一樣，都係有好多種。今次就去咗位於TheOne嘅宏，因為聽朋友講嗰度嘅烏冬好特別，所以就去試下，睇下佢係咪真係咁「把炮」😏！ 先黎嘅係飲品！ 日本冷咖啡（$60）-- 呢杯咖啡，不得了！ menu 話係經過7-8小時，慢慢慢慢咁一滴、兩滴、三滴，咁樣調制而成！ 同普通咖啡有咩分別？ 我會話佢真係齒頰留香！飲完一啖，個aftertaste 真係又香又會喺口入面留好耐！ 正！ 宇治抹茶奶 ($40) -- 抹茶味好香濃，加埋奶，暖暖地，又creamy，好滿足！👍🏻雜錦天婦羅飯套餐 （$170）-- 呢個套餐都有幾多野！ 個天婦羅飯嘅天婦羅有秋葵，海蝦、同其他蔬菜。炸粉岩岩好，唔會炸到好厚！除咗個飯仲有一碗好出名嘅海藻烏冬！條條烏冬都加咗好有營養嘅海藻，烏冬食落好彈牙，唔錯！ 👍🏻 味噌海藻烏冬麵套餐 （$99）-- 味噌湯底都好香，烏冬都係唔洗講，正呀！ 而啲叉燒都幾肥美！ 個套餐之所以話都幾豐富，除咗因為佢有前菜沙律，仲有加州卷同埋小蛋糕做甜品☺️！不過，雖然個套餐咁豐富，我地都係忍唔住叫埋甜品😆！初茶抹茶糕 （$78）-- 抹茶糕都真係第一次試。 食落有濃濃嘅抹茶味，又唔會太甜，飲埋啖初茶，混為一體，又真係估唔到幾特別！ 抹茶軟雪糕芭菲 （$88）-- 個芭菲，抹茶雪糕嘅份量都幾多！抹茶味都係咁濃，最重要係唔係好甜，有少少茶嘅甘苦味，真係幾驚喜！ 值得一讚係芭菲上嘅白玉，同烏冬一樣好彈牙，正呀！ 🤣食咗咁多烏冬同抹茶，而家見到都諗起宏啦！😂😂…Read More