一入門口，就見到佢大大個自助Bar！飲品種類多又齊，除咗正常罐裝，仲有豆漿同埋即磨咖啡機！最驚喜嘅係連熱維他奶都有！
除咗飲品，仲有個沙律Bar、小食Bar、甜品櫃...... 款式都夠多！小食有章魚燒、薯角、蛋撻、蝦......甜品有平時少見到嘅日本大福！ 最最最特別就一定係佢部雪糕機，有 yogurt 同雪糕比你自己「滋」！ 最重要嘅係有得自己係咁加Topping，唔洗就住就住！ 🤣
講咁耐，講下d主食先！ 刺身多款、齊全、新鮮！ 海膽份量都唔算太少！ 正！ 壽司都黎得好快，又唔會漏單，服務一流！
最驚喜係佢個蝦多士！ 芝士多到極邪惡！仲有大大隻蝦，加埋塊超脆嘅多士簡直無得頂！
觀塘在變，人嘅口味在變。搵到一間岩自己口味嘅，就要好好珍惜啦！ 你明唔明我講咩架其實？😂
