Someow的個人專頁

去南豐紗廠，順便食午餐，之前食過一間麻麻哋，今次試新野，結果意想不到！Big Breakfast 其實Big Breakfast 真係好難寫食評，只可以講豐盛，有腸，有煙肉，仲有煙三文魚，個大啡菇煎得唔會太濕，夠乾身～三文魚子虎蝦明太子忌廉意粉呢個真係好食，味道啱啱好，蝦夠爽口，成個意粉食起上嚟唔會太油膩的感覺，配上紫菜絲，好夾慢煮黑毛豬鞍呢個比較失色，不過味道係好食嘅，只係豬鞍煮得有少少老咗，配菜有蘆筍，南瓜，矮瓜，Bottled Cold Brew樽裝 cold brew，有幾種口味，店員推薦呢一種Anton，苦澀味同酸味都比較少，易入口另外點了 Latte，特別喜歡呢間嘅咖啡，好香，所以買單嘅時候都買咗啲咖啡豆呢間coffee shop真係唔錯，一定會再幫襯 呢間係自助嘅coffee shop，點燈之後，要自己攞食物飲品，食完之後要幫搬去指定地方…查看更多

朋友知道我好耐冇食過上海菜，所以特登帶我嚟呢間米芝蓮一星嘅酒樓嘗試一下。原本想點蘿蔔絲酥餅，但係竟然當日係冇蘿蔔絲酥餅…..清炒河蝦仁河蝦細細粒，蝦肉爽口，干身唔油膩小籠包皮薄， 湯汁多又鮮味，個人覺得偏甜，不過普遍上海菜都係甜味重叉子燒餅叉子燒餅夠脆口，佢跟嘅肉末唔會好似其他酒家咁炒到好乾身，所以入口亦唔會太乾口，個人好喜歡仲點咗鎮江淆肉，醬青瓜，全部比想像中出色！店員態度很好，雖然去到喺樓下有我哋嘅訂枱，但係上到樓上竟然冇我哋嘅枱，但係店員都好快作出應變，唔使我哋等太耐！…查看更多

天氣開始轉涼，朋友介紹嚟打邊爐，一於訂枱試下！雞煲，足料，雞肉嫩，叫咗小辣，好味！好鍾意佢入邊嘅洋蔥，唔會煮得太淋叫咗個海鮮盤，入邊有龍蝦、帶子、青口、蝦，魚片、鮑魚。龍蝦大隻多肉，超正！反而魚片比較失色，可能厚切，煮時間短又未熟，煮得耐又會老咗，真係好考技巧帶子好新鮮，反而青口有少少失色另外再點咗牛肉同羊肉，份量都多，而且都好新鮮，特別鍾意佢嘅牛頸脊其實火鍋嘅食評真係好難寫，只要食材新鮮，就已經冇差評，主要係個湯底，而呢間嘅雞煲真係好味嘅，再加埋湯入去打邊爐，基本唔使任何調味就可以入口！另外服務員態度非常好，非常熱情介紹，亦都冇強迫你一定要食貴野，贊！…查看更多

官塘新開的居酒屋，環境 ok， 可能新開業人流唔算多，位於商廈，中午反而超多人食物方面，前菜點咗枝豆、燒三文魚腩、同豬肉串，味道ok嘅，可惜偏咸，特別係枝豆，唔知點解會撒咁多鹽係個面 另外點咗啲刺身，好新鮮，據說隔日就有新鮮貨到 燒鹿兒島和牛，牛肉好香，唔算太過油膩，有八片，二人份好足夠 三文魚壽司，唔算大件，適合女仕不過出菜比不理想，先出串燒，再出燒肉，燒到一半，刺身就上，所以唔知食刺身先定繼續燒肉 值得一提，員工服務態度好好，樣樣都跟得好足，贊！…查看更多

好耐冇食過潮州菜，今日經過尖沙咀海港城，發現呢間潮州菜館，一於去試下！中午12點左右到達，冇訂位，都可以攞到位，lucky ! 因為只有兩個人，所以點嘅款式唔多（1）韭菜豬紅真係好耐冇食過豬紅，伴住餐廳提供嘅潮州辣椒醬食，真係好正，韭菜一啲都唔老，豬紅味道好有童年嘅回憶，個人認為豬紅真係好食過鴨血（2）欖菜肉碎四季豆味道重，感覺偏鹹，如果拌飯/粥食絕對一流（3）炸蠔餅好味，不過偏油，而且啲蠔好大隻下，份量亦都多，不過我自己都係偏好煎蠔餅多過炸蠔餅（4）潮州粉果呢個真係好味，唔會似一般茶樓放好多韭菜，反而入邊應該有菜脯，所以食落有少許甜，正！仲叫咗其他點心，下次會去試吓佢嘅滷水鵝餐廳對住海，不過可能因為中午，坐近窗邊反而覺得熱 …查看更多

平民化的西餐，仲有多款手工啤酒！朋友介紹，店舖細細，走工業風，可以自己挑選啤酒，而且種類繁多！店員介紹適合女仕嘅啤酒，唔錯，易入口唔飲啤酒嘅朋友都有其他選擇，呢罐係 Coke Zero 食物方面：（1）挪威煙三文魚，造型好靚，不過冇咩特色（2）黑松露芝士溫泉蛋大啡菇呢個做得好好，我自己好喜歡，雖然個溫泉蛋似係糖心蛋，但係好味嘅（3）三重芝士中東包呢個係店員介紹，但係真係值得一試，麵包好鬆脆，入邊啲芝士好香，同成個麵包係好夾（4）蜜糖香草烤雞半隻味道係好足夠，不過我自己覺得雞肉比較老咗啲，伴上嘅汁都好味（5）澳洲豬鞍架呢個正，有肉汁，唔乾身，做得好好！仲想一提，就係佢嘅薯條好好味！而且有好多好多不同地方品牌嘅手工啤酒，可惜未能一一嚐到 店舖面積唔大，好窩心咁提供掛鉤俾女仕掛袋！…查看更多

係 Openrice 見到呢間位於官塘區的法國菜，一於試下～裝修類似茶餐廳，比較失望.....食物方面：沙律同湯都係一般般，冇驚喜主菜點兩種刁魚，煎得好好，不過有啲腥，個檸檬汁都可以 cover 到個腥味，啲伴菜都做得好好～煎豬鞍，熟成度剛剛好，肉很嫩，蜜糖汁也很讚，配菜係我唔多喜歡嘅椰菜仔，但係處理得好好，我全部食晒 餐廳送上小食，蕃茄仔，都好味飲品我要咗佢推介嘅檸蜜茶，佢介紹到好勁咁，不過我覺得似某品牌嘅即沖檸蜜茶 其實整體有75分，不過環境有啲失望，刁魚亦比較失色，上菜時間超慢，兩個人一餐法國菜用咗1300蚊，係官塘區算唔算貴呢？…查看更多

一直期待試下呢間甜品店，日式西點，白雪雪的裝潢，已經吸引人～點了一份水果芭菲，結果大失所望！水果並不新鮮，士多啤梨係原裝生果盒中取出無洗過就切，奇異果盒上的來源地係中國？芭菲中間的蛋糕碎濕濕的，感覺不新鮮，整體賣相很吸引，但當坐係 bar枱見住佢地做就真係怕怕！全程佢地都帶住即棄手套，但從來冇換過，眼見做咗五六份甜品，切過蛋糕，切過不同嘅水果，沖過茶同咖啡，都係大同一個手套，洗都冇洗過～過百元一份甜品，但用上唔新鲜甚至大陸產的水果，這當真是一家來自日本的甜品店？…查看更多

這家台灣遠道而來的台式的麻辣火鍋，原本已經記下有機會到台灣必定一試的，怎知它在香港開了分店，機票錢省了，馬上訂位喔～麻辣湯底有香，但不大辣也不太麻，可能要迎合香港人口味吧～但其他配料卻頗出色～鴨血很滑，用刀叉享受，正！牛小排也很美味，還有專人幫忙燙牛小排，牛肉特別滑，一邊為你服務，再加上講解，夠特別～另點了一盤冰菜，菜上的可不是水珠哦～還有老油條，放在湯底中，吸收了湯汁，特別好食～…查看更多

行街經過呢間日式餐廳，見到農場兩個字，心諗係米食三文治飲牛奶呢，好奇心驅使，一於入去試下。叫咗個 tea set，好豐富！上層甜點～綠茶同培煎茶提拉米蘇最正！醬油紫菜丸子一般！甜卷好特別，值得一試下層咸點～有一般的卷物，漬物，都好味！…查看更多

朋友上網見到呢間泰菜頗有特色，所以一於試下！生蝦刺身爽口，醬汁微辣，配起上嚟好正！唯一美中不足，炸蝦頭比較失望，可能為咗配合個刺身，所以蝦頭並不是熱辣辣的，可能當係伴碟的一種吧，反正刺身才是主角火焰燒春雞係你面前放火燒雞，可以選擇自己手撕，亦可以叫佢哋幫你斬件上，雞肉非常好味香口，伴醬亦很贊，雞胸肉唔會鞋，可能係春雞的關係吧綠咖喱軟殼蟹 + 蒜蓉包蟹細細隻，覺得比較唔正宗係因為用的茄子係普通茄子而唔係泰國茄子，不過俾嘅料好足，反而覺得咖喱汁唔夠多，唔夠汁用嚟伴蒜蓉包食，蒜蓉包焗得好香脆，蒜蓉味足！炸蝦餅總覺得炸蝦餅係唔會失敗的一道菜，熱辣辣又彈口，正！鹹肉炒椰菜苗可能用上鹹肉所以比較油，椰菜苗冇炒得過火，鹹肉比硬左少少泰式青芒炸魚第一次食炸烏頭，應該係烏頭，除非唔係，魚本身有小小泥味，但伴上炸汁可除咗啲泥味，而且魚已起肉，炸得亦脆口！芒果糯米飯用上好多芒果，正！似個芒果蛋糕，又一相機先食的作品！小小一家店，店員都是年輕人，健談，效率快，贊！…查看更多

喺中環睇完醫生，貪方便就去試吓呢間上海菜，結果有小小失望而回。挑選了二人套餐，有頭盆，湯，三款主菜，小籠包，仲有甜品。四起烤麩好味，鹹淡適中～ 雲吞走地雞湯#因為係走地雞，所以雞肉係一啲都咬唔郁，雲吞係好味的，不過個湯有少少油炒回鍋肉（冇影相）唔辣，不過味道 ok椒鹽小黃魚食都遇到附近有少少腥味，椒鹽味不足，似係炸小黃魚清炒莧菜（冇影相）啲菜老到一啲都咬不動，結果係原封不動蟹粉小籠包非常期待的一道菜，可惜小籠包皮太厚，而且包底喺粘住下面嘅牛油紙上，同執已經溜走晒， 蟹粉味道亦不足，個小籠包似係蒸完再番蒸...酒釀桂花小丸子（冇影相）成碗野就係一碗漿糊，冇酒味冇桂花味有小小酸味，食咗一小口已經放棄....一餐飯連服務費，茶介差不多七百多元買單，我個人覺得唔化算因為食物品質不值！…查看更多

和家人一星期一次的聚會，當然要食好啲，一於試下朋友介紹的西餐～水牛城雞翼味道夠，小辣，不過我覺得醬汁多咗啲，但可以接受蟹肉脆餅蟹肉好多，餅亦香餅，屋企人都超喜歡炸蝦反而比較失色，炸粉多，蝦也不太爽口，可能因為粉多吧呑拿魚沙律吞拿魚有輕微烤過，沙律汁都好好味，份量亦足豬肋骨唔乾身，有肉汁，好味Cowboy ribeye 1KG肉眼扒五成熟，烤得剛好，有肉汁又冇太多血水，熟成度控制得好好！順帶一提，佢地個炸薯條好好食 而且工作人員個個都好好，會主動介紹特色食品及優惠。最後我哋仲加左個甜品拼盤，因為覺得主菜唔錯所以甜品的都不會太差，果然，甜品亦很贊很高興觀塘有如此有水準的餐廳，一於擇日再戰！…查看更多

自己有用開 Blue Elephant 的綠咖哩嚟煮飯，所以知道香港開咗餐廳，一於試下！Ma Hor 菠蘿上邊放咗一啲花生混合蔗糖，乾蔥的東西，味道可以接受，鹹鹹甜甜咁，夠特別～軟殼蟹沙律其實個沙律係好味道的，微辣，不過真係冇嘢講，因為除咗咸，仲係咸，廚師先生應該落手重左，成個沙律醬汁真係好咸，同佢地講，佢地都好好人拱加咗啲沙律菜俾我哋。軟殼蟹本身夠香脆牛油果蝦沙律味道正常，有椰香味，蝦爽口，仲有少少酸辣汁，正！綠咖喱雞好味，個人覺得唔夠辣，雖然細細碗，但分量頗足夠其實除咗一個沙律比較鹹之外，其他食品都冇咩大驚喜，而且可能佢哋就係比較重味道～…查看更多

第一次光顧麗港城的這家東南亞餐廳，結果令人頗失望......下午茶時間去到，所以點了三份下午茶餐海南雞喇沙米粉喇沙湯底味道可以，微辣，問題係米粉入面啲雞有雪味.....小食拼盤魚餅小小辣，説不上好味但可以接受雞翼完全冇味道，連咸味都冇薯塊最好味而且個餐係冇雞翼，應該係串燒，我點了串燒牛，冇被通知下嚟咗雞翼，問下係米送錯，兩個姐姐圍埋過嚟，問係米唔要，唔要就取消！問題係我地唔知冇串燒，問下係米送錯啫！番茄蛋三文治（冇烘底）三文治嚟到，面包系涷的，似係雪櫃攞出嚟，問下姐姐點解係涷，佢話你冇叫烘底就咁㗎！ok 忍你！問題係個蛋冇味，咸味都冇，得一片蕃茄，仲厚薄不一....唉，呢間餐廳真係不可再！…查看更多