巧得鍋 (已結業)

天氣開始轉涼，朋友介紹嚟打邊爐，一於訂枱試下！雞煲，足料，雞肉嫩，叫咗小辣，好味！好鍾意佢入邊嘅洋蔥，唔會煮得太淋叫咗個海鮮盤，入邊有龍蝦、帶子、青口、蝦，魚片、鮑魚。龍蝦大隻多肉，超正！反而魚片比較失色，可能厚切，煮時間短又未熟，煮得耐又會老咗，真係好考技巧帶子好新鮮，反而青口有少少失色另外再點咗牛肉同羊肉，份量都多，而且都好新鮮，特別鍾意佢嘅牛頸脊其實火鍋嘅食評真係好難寫，只要食材新鮮，就已經冇差評，主要係個湯底，而呢間嘅雞煲真係好味嘅，再加埋湯入去打邊爐，基本唔使任何調味就可以入口！另外服務員態度非常好，非常熱情介紹，亦都冇強迫你一定要食貴野，贊！