ckl02的个人专页

係K11art mall見到間新開幾個月嘅台灣菜餐廳門面幾吸引，即管入去試試。服務員安排卡位梳化坐得好舒適，先黎杯手打鳳梨檸檬茶醒醒神，唔會太甜有鳳梨香味幾好飲。蛋餅佢都有唔少選擇，軟殼蟹肉鬆蛋餅有大大隻炸軟殼蟹，加埋肉鬆同醬汁，令人非常滿足麻辣鴨血夠麻，可以再辣少少，但都唔錯。半筋半肉麵湯底好濃，牛肉好彈牙夠腍，牛筋麵都好入味，個人喜好再腍啲更好。後加左小食墨汁鹽酥雞配三文魚籽同蛋醬，幾新奇有趣嘅配搭，比想像中好…查看更多

好耐無食過莆田嘅福建菜，午飯時間難得係Yoho Mall經過即時入去回味下，必食推介扁肉湯同興化炒米粉，扁肉湯有啲似魚皮餃的小餃除配上紫菜湯好醒胃，興化炒米粉炒得好鬆軟，加上海鮮配料，好好味，一人一碟都唔過份另外仲食左招牌百秒黃花魚，只用清湯焗熟的黃花魚原條上，魚嘅鮮甜味道完全保留，鍾意食魚又唔怕多骨嘅可以一試，仲有福建蠔餅，質感在潮州蠔餅與及台灣蚵仔煎之間，有少少嘅麻薯彈牙感但又唔會好似蚵仔煎般太多太痴牙，我覺得幾特別又幾好味…查看更多

新開嘅酸菜魚專門店當然要好好朝聖係咪真係咁好食，當晚唔算太多人等左一陣就有位，坐低後可以有自助熱花茶任飲，當然凍飲就另計，小食叫左麻辣小酥肉同菌菇𤆥菜心，小酥肉份量都唔少，辣得黎都入味又有啲後勁，好開胃🤤。主菜叫左二人份酸菜魚+紅薯粉同金菇，湯嘅酸辣味我個人幾鍾意，唔會偏向唔夠酸或唔夠辣，魚塊好彈牙份量都算多，配埋酸菜同湯一齊食好味薯粉我覺得可以多番少少就更好，但都足夠兩個人食飽飽嘅。綜合以上所有我覺得值得回頭。…查看更多

週末去Apm逛完想輕鬆食個lunch去左simplylife, 貪佢地方夠大坐得舒服，中間又有透光玻璃比陽光照落黎，令人感覺好chill. Lunch menu就算多野食，Parma ham pizza 批底夠薄，火腿同火箭菜好足料，味道不錯，All day breakfast 入量幾大，黑松露炒蛋同酸種麵包永遠都係好配搭，煙肉同香腸都唔錯。除咗跟餐有沙律同餐包，仲可以免費有花茶，就算其他飲品都只係加少少錢，仲有紅白酒可選擇，加埋環境，性價比都算ok.…查看更多

聖誕節正日book左呢度為左食生蠔大餐慶祝下，打開menu，呢度有超過二十款不同國家同口味嘅生蠔比你選擇,由淡至濃口味排序，仲附有簡單解說令客人非常清晰知有何分別確實非常貼心，我亦唔客氣自選六款生蠔品嘗，仲like左社交平台獲贈多一隻免費生蠔。每隻蠔都好生鮮各有特式，就算係免費嘅美國蠔都好好食，我自己幾鍾意法國嘅KYS Marine Oyster同Tsarskaya Oyster,呢兩隻都係比較口感味道都相對豐富。除左生蠔，炸蝦魷魚卷都炸得幾得意又脆卜卜，炸魚薯條我選擇左雪魚，食落好滑又有魚味，炸漿唔算厚又唔會油淋淋，粗薯條熱辣辣亦都好吸引。龍蝦汁海鮮意大利飯我鍾無佢個汁夠多可以包住啲飯，又唔會好鹹蓋哂原本龍蝦汁該有嘅味道，性價比幾高。愛服務員態度非常友善，亦好有心機解釋生蠔嘅特點比我地聽，愛蠔之人黎到呢度應該會覺得好開心有咁多選擇。…查看更多

又搵到一間好出名嘅拉麵店品嘗，去到好難得唔駛排隊即時有張枱，店內唔算大，但好骨子又好有日本風味。當然要試下招牌極濃雞白湯拉麵，雞湯真係好夠濃味，飲完一啖係口腔仲留住湯底嘅味道，拉麵都掛住湯汁拉麵軟硬適中，叉燒都好夠腍，連湯一齊飲埋好滿足，黑蒜醬油拉麵湯底都好香，相比雞湯會無咁易膩，係一個好好選擇。小食叫多隻糖心蛋，烤豚肉腸鹽燒雞中翼，燒物都算係餐廳著名出品，水準都非常好😋老細仲推介即時做會員可以即時儲分換小食，招呼好好👍🏾下次又可以回頭…查看更多

身為屯門人嘅我都唔係成日發掘本區美食，偶然一次就食到好野。呢間居酒屋唔係市中心附近，真係算隱世位置。菜式有純日式又有fusion，被人感覺新鮮驚喜。先黎Suntory生啤同烤雞泡魚干，送酒佳物好好味又開胃😋煙三文魚海葡萄沙律估唔到咁大碟又多海葡萄，清新爽口。串燒拼盤有5串唔同燒物，由廚師發辦，燒雞翼同豬頸肉最好味又最香。最後軟殼蟹咖喱燴飯有成隻軟殼蟹蓋住飯面，炸得好鬆脆又唔會過火太乾，咖喱飯好香又大份，性價比高好抵食。老闆親自樓面招呼又好好人，小店絕對值得mark低翻食。…查看更多

入大埔順路想搵下好野食，無意間發現到一鳴呢間係橫街巷嘅日式居酒屋。鋪面唔算大，可能會坐得少少迫，但完全係日本feel嘅設計。先黎燒河豚乾，好脆好香口，開胃之選。海苔櫻花蝦玉子燒好多櫻花蝦，玉子燒得好滑又夠厚，加埋鋪面嘅木魚乾同醬汁，有好多層次令人非常滿足明太子海鮮雜錦御好燒有啲似大阪燒，但比較薄一啲唔係一大舊粉漿，我自己比較喜歡呢種口感，食落都有啖啖海鮮，明太子嘅味道好夠濃唔會比海鮮覆蓋，非常好另外當然要試下呢度嘅丼飯，北海盛主角海膽同大蝦都好鮮甜，其餘魚生都不錯，如果份量再多少少就更好。…查看更多

天氣情朗下入到錦田享受美食同美景打下卡，早一個禮拜就book定枱費事無位，門口有停車場好方便，門口已經有furniture lab嘅陳列館，係其中一個影相位，入到餐廳係好特別嘅裝飾，可以坐室內或室外花園，不過較晏時間花園會有蚊。講番食物，先黎幾杯特飲醒醒神，火龍果西柚沙冰好fresh唔太甜，芋治茉茶紅豆沙冰睇樣已經加分，茶味夠好清新，兩款都係值得推薦的。食物方面法式可麗餅係必點之物，黑松露煎大蝦帶子又香又彈牙，配可麗餅一流另外牛油白酒燴青口都好香酒味，除左青口外，仲可以配麵包可以點汁食，完全吸收哂白油汁同青口嘅味道仲有墨西哥辣椒墨魚蜆意粉比到最大驚喜，唔算太辣，但辣得黎好香好惹味，愈食愈想食，停唔到口食完可以去花園影下相，藍天白雲很是寫意。…查看更多

終於嚐到觀塘聞名已久的南瓜湯餃，去到剛巧唔多人，湯餃和煎餃各叫一客雙拼試真啲，椰菜粟米同紫菜豬肉湯餃好足料又有原材料好鮮甜嘅味道，配埋南瓜湯本身嘅鮮甜，更加錦上添花有興趣可試埋自製菜圃，XO醬味濃配上餃子好好味，自己都𢳂左唔少. 煎餃就叫左黑松露芝士豬肉拼泡菜豬肉，黑松露味略為不足唔太食得出，反而泡菜味餃子幾足料夠辣，唔點任何醬料或醋都夠哂味.小食仲試左炸蠔，熱辣辣都好脆口.自製白桃冷泡茶都幾好飲又消膩，唔錯.…查看更多

第一次光顧段純貞當然要品嘗佢嘅招牌牛肉麵，紅燒腱心半筋半肉麵同牛三寶麵麵各有特色，牛筋同牛肉都煮得好入味好腍，又不失本身嘅牛肉味，配埋特有紅燒湯底，牛肉嘅香氣仲留係口腔之中，而麵條又吸滿左湯汁嘅香濃味道，整體都非常出色不過我個人比較喜歡幼麵多過粗麵，粗麵感覺太粗闊同較硬，似西式闊麵，食嘅時候會吸少左湯汁。另外仲點左鹽酥雞，雞肉炸完仲好多肉汁唔會乾，外表卜卜脆鹹度亦剛好飲品仲點左黑糖珍珠鮮奶同仙草凍鮮奶，兩樣都係佢推介而都算幾好飲。…查看更多

行過蘇媽蘇媽就令人諗起去左馬來西亞嘅感覺, 即興入去大飽口福. 天氣熱辣辣先嗌杯凍馬來西亞拉茶嘆下, 唔會好似印度拉茶咁甜幾適合香港人口味. 椰香咖央多士外表脆而中間夾住份量不少嘅香噴噴咖央醬令人口水直流, 轉個頭已經食哂成碟, 必食之選馬來沙爹串雞＋牛屬於正常唔會燒得太乾, 最鍾意一邊點佢個沙爹醬一邊食. 一字骨肉骨茶亦都好跟傳統馬來西亞嘅做法, 除左一煲仔一字骨外, 額外仲有多一碗肉骨湯湯, 湯底有好濃藥材味, 一字骨大大條好多肉又好腍好有肉香唔駛加飯其實份量都唔少夠飽. 檳城福建蝦麵又係大大碗好足料, 湯底用蝦殼熬製, 所以又濃又香, 魚片頭配油麵都剛剛好夠咬口又吸收左湯嘅精華, 雖然之前嘅菜式令我開始飽但都好回味呢碗麵嘅味道…查看更多

同朋友4人聚會當然最好打邊爐, 黎到老鍋店內都幾大坐得幾舒服. 首選招牌膠原蛋白美人鍋, 但又想食下辣所以雙拼麻辣鍋, 而確實火鍋嘅重點除左個爐就係湯底呢兩款湯底亦無令人失望, 美人鍋湯底有黨參藍棗杞子好夠補又比較清甜, 飲啖湯好醒胃麻辣鍋就叫左小辣, 所以感覺唔會太辣, 但花椒八角好足所以夠麻香味, 仲有鴨血做配料都相當有水準. 火鍋配料我覺得整體都好新鮮又有水準, 特別係台灣A菜, 蛋餃同水餃雲吞都係推介, 老油條同響鈴落麻辣鍋更加係必點 最後食飽飽計埋酒水飲品每個人都唔駛$500, 咁嘅價錢有這般上佳水準同環境我覺得超值…查看更多

又探訪聞名太子嘅餃子店, 就算天氣酷熱去到仲有唔少人門口出面等位或者等外賣. 先黎個小食涼伴手拍青瓜, 酸辣得黎又唔會太over, 好開胃. 跟住煎餃同湯餃各叫10隻雙拼, 煎餃冬菇豬肉拼芝士栗米雞肉餃, 因為餃子皮比較薄, 所以煎出黎跪卜卜之餘唔會覺得太硬, 同時又食到豬肉餡嘅肉汁同鮮味, 我覺得冬菇豬肉比較好食, 好香冬菇味, 芝士栗林雞肉就好似芝士味唔夠濃. 湯餃就選擇了莞茜豬肉拼雲耳椰菜豬肉, 椰子雞湯底好香又唔會膩令餃子更好味, 兩款餃我都幾鍾意, 自己會選擇莞茜豬肉多啲, 莞茜好足但又帶出豬肉嘅鮮甜飲品試左羅漢果甘草茶, 清熱解渴值得推介…查看更多

小弟生日食好野, 女友book左Rosewood 嘅Henry同我好好慶祝. 上到去原本店員安排坐中間位, 但剛好有一枱梳化窗口位埋單, 要求下都立刻幫我地轉位, 等我地可以望住靚景食晚餐. 先黎cocktail同餐前麵包同Parma Ham, 麵包好鬆脆, Parma Ham令人胃口大增. 跟住上生蠔, 有兩種汁同調味, 生蠔都算大隻, 口感幾creamy又有蠔嘅鮮味同海水味, 不錯跟住starter燒扇貝配魚子醬, 扇貝燒得剛剛好, 忌廉汁加上魚子醬香 而不膩, 更突出扇貝嘅鮮甜, 味蕾好滿足去到主菜燒rib eye, medium成熟程度剛好, 外表雖然好較為炭, 但切開仲係粉紅色好juicy, 炭烤味同肉味不會互相遮蓋, 侍應仲提上幾種不同嘅mustard比我地選擇, 各有特色. 最後當然有生日dessert, 檸檬雪芭配朱古力榛子批非常不錯.以食物質素與及餐廳環境情調, 確係慶祝嘅好選擇.…查看更多