Muse Furniture Lab (裝修中)

天氣情朗下入到錦田享受美食同美景打下卡，早一個禮拜就book定枱費事無位，門口有停車場好方便，門口已經有furniture lab嘅陳列館，係其中一個影相位，入到餐廳係好特別嘅裝飾，可以坐室內或室外花園，不過較晏時間花園會有蚊。講番食物，先黎幾杯特飲醒醒神，火龍果西柚沙冰好fresh唔太甜，芋治茉茶紅豆沙冰睇樣已經加分，茶味夠好清新，兩款都係值得推薦的。食物方面法式可麗餅係必點之物，黑松露煎大蝦帶子又香又彈牙，配可麗餅一流另外牛油白酒燴青口都好香酒味，除左青口外，仲可以配麵包可以點汁食，完全吸收哂白油汁同青口嘅味道仲有墨西哥辣椒墨魚蜆意粉比到最大驚喜，唔算太辣，但辣得黎好香好惹味，愈食愈想食，停唔到口食完可以去花園影下相，藍天白雲很是寫意。