victor.yuen.vy的個人專頁

午市套餐冬陰公湯麵拼烤香茅雞扒。麵質控制得非常好，食落彈牙。湯的味道不俗，但顏色相對參考圖片有好大距離（非常淺色）。雞扒上菜時已經完全涼掉，甚至感受不到“溫”，相信已經預煎好一段時間；而且味道偏酸，請問系唔係落左好多檸檬或者香料之類烹調以掩蓋肉味/雪雞味？另外水吧出餐飲都有夠慢。個餐食左9成先黎杯凍檸茶。斷估餐廳都唔係一杯一杯落茶包沖架啦。服務差。入座唔俾QR Code落單，叫人黎落單，佢個樣不知幾唔情願。跟住先攞個Code黎。水又唔俾，仲要pay加一服務費。…查看更多

雖則明白餐牌圖片就只供參考，真實菜式也相差太遠。味道還算OK，用料誠意就感受唔到。而且金邊粉煮到淋曬，食到後段有d近乎入口即溶，不能接受。蝦系有一粒既，好細隻。亦有兩粒好細既魷魚粒。青口兩隻，無咩味道。就咁。…查看更多

主食：點選左“雞醬油拉麵”，拉麵口感彈牙有咬口，高質架！湯底濃郁且偏鹹，但個人認為剛剛好；系食到尾段就開始覺得有稍微過鹹。配搭既雞塊都幾鮮嫩。餐廳：冷氣真系唔夠，有“焗冷氣”既感覺，而且感覺有d潮濕，相對上會影響整體用餐體驗。服務：系有收加一服務費既；但係落單系自己QR code 落，水亦係自助。加上店員應該忙左全日，系黑口黑面既。要俾服務費，其實相當不情願。不過，呢度系香港，服務費呢d野就奉旨架啦。價格：都係香港一般拉麵均價 $128 另加服務費…查看更多

同朋友黎食晚餐，分別叫左兩個前菜同三個意粉share。概括黎講，真系好一般，重點既手工意粉唔彈牙，麵糰粉感過重，形容需要“一位難求”既情況，有點牽強。$148 (& +10% service charge) 既Wagyu Beef Tartare，牛味頗足，味道清新；但係以呢個價位黎講，呢個“牛肉他他”既牛肉佔比感覺只有一半；而另外一半系芹菜頭以及其他佐料，略感喧賓奪主，亦覺性價比偏低。個人比較喜歡另外一個appetizer: Burrata with Fig Mostada。配搭無花果醬同開心果碎後好夾。整體感覺好清新。是次挑選既三款意粉裡面，個人認為呢個比較出色：Nduja。味道帶香辣，非常開胃。但配料只有肉碎既同時，定價為$188 (& +10% service charge)，溢價實屬過高，簡單黎講，“無料”。另外呢味Lamb Shoulder Festonati，粉團感過重，而且醬汁感覺似“倒汗水”。整體好似豬腸粉既菜式，個人唔識欣賞。Pesto Cappello da Cuoco 中規中矩。無特別評價。…查看更多

本身等位都接近40分鐘，入座之後店員又唔理你。唯有自己出去counter問佢攞QR code落單（遲過我地入黎個兩檯又見佢有派QR code喎）期間可以見到外賣單系出過不停，其中兩位店員全程包外賣單亦都包過不停。而我堂食系等左40分鐘。其實你堂食已經應付唔黎，外賣單係咪應該增加翻個上限？一碗米線好快食得完。如果出餐快d，餐廳亦可以增加翻檯率，正確與否？加加埋埋，食譚仔都食到接近兩個鐘，真系矜貴。翻公司都遲曬到。…查看更多

裝修時尚高雅，食物質素頗高，而且擺盤精緻。不過如果單靠三道菜加上Amuse Bouche既份量，系完全吾會有飽既感覺。因為其實主食黎講，得幾件煙三文魚加三片鴨胸；最後都係要靠食曬個酸種麵包至夠。呢個價位但係食吾飽，個人認為需要考慮改進。手切和牛他他撻，高質，意猶未盡自家製煙三文魚法國芭芭拉鴨配奶油南瓜及蔓越莓柑橘梳乎厘配伯爵茶雪糕（雪糕無入鏡）另外咖啡味道不錯。室內樓底低，當日用餐環境唔會話靜，不過算坐得幾舒服。…查看更多

Aka Uni French Toast份量其實真係好少，系一口大小，但海膽非常鮮甜。Foie Gras Creme Brulée with Seabuckthorn. Kinome & Brioche 呢道菜印象非常深刻，香氣四溢，味道濃厚而不膩，可以話會為左佢再去食。Boston Lobster Confit with Pointed Cabbage. Lemon Roasted Apricot. Yellow Wine & Brown Butter Sauce 好味但未到驚艷。不俗。Grilled Octopus with Fermented Bell Pepper & Sichuan Pepper Romanesco. Caramelized White Onion & Watermelon 好難煮得好又容易燶既烤八爪魚，但餐廳處理得非常好，味道好而且口感彈牙。BBQ Quail with Green Pea. Bulgur. Watercress. Sansho Pepper. Amalfi Lemon and Ricotta Cheese 都係第一次食鵪鶉，感覺有d似乳鴿。味道有d臊，可能唔係個個食得慣。但肉質非常鮮嫩多汁，好味。Matcha Tiramisu with Sake 酒香恰到好處，唔中意酒味既人都可以食。推！餐廳由於地理位置處於全室內，感覺有d侷促。而且人均約$1,200-$1,500 價位黎講，都真係坐得幾逼（伸手必然會掂到隔離檯既人）。此為美中不足。…查看更多

🥢古法蒸小黃魚紫蘇麵；食落驚喜十足。魚味濃郁且不帶腥；同時亦沒有胡椒或薑等用來辟味既味道💪🏻紫蘇麵更為整體來一絲清新。🥢一口陳醋海蜇頭；海蜇頭佐以些許蒜泥，些許陳醋已經好好味😋🥢杏雲•燕窩杏汁薏仁；凈系甜度適中呢一點已經值得加分👍🏻同時燕窩份量亦都不吝惜😛因為檯與檯之間有適當既距離，環境幾清淨。整體黎講相當唔錯，唯獨收錢既時候有收錯既情況出現，算有少少NG位。…查看更多

Amuse Bouche 🍽️巴馬火腿甜瓜出汁啫喱帆立貝青瓜凍湯赤海蝦昆布の佃煮意大利水牛芝士彷若日式庭園既造型固然精緻，味道都唔錯。個人最中意個青瓜凍湯，味道好濃厚。Main🐟味噌芥末甘鯛立鱗燒+魚湯拉麵口味清新，鹹度控制得剛剛好，不過芥末味道就唔多覺。魚湯清甜且無腥味，飲曬。過後無口渴情況，所以應該無味精。Dessert🍮焙茶杏仁若瑟布甸若瑟布甸原來系=泡芙😂長知識了。應該系我食過焙茶味最濃厚既焙茶甜品。味道不俗💪🏻午市套餐性價比算高，唯獨餐牌主菜只有一個選擇是不用加錢，而五個選擇系需要加錢；感覺就系焗你加錢食🤔 個人認為呢點美中不足。…查看更多

文青的減肥餐單。🍽️ 石蝦天婦羅•香蒜蛋黃醬🍤外皮香脆，蝦肉爽滑彈牙，蛋黃醬非常香濃，個人好喜歡👄。.烤豬柳•黑咖哩汁•橙杏桃果醬🐷肉質非常嫩滑👍🏻，口感似慢煮既出品。我就比較中意佢個果醬，可以帶出豬肉既鮮甜味。反觀黑咖哩汁味道偏向清淡，質感比較“水”；如果個汁可以固態翻d既話，整體效果應該會比較好。.櫻花蝦•涼拌麻辣蒟蒻麵🌶️麵條質感彈牙，加上佢辣辣地幾開胃，有種欲罷不能既感覺😋。不過櫻花蝦既份量多d會更佳！.冰鎮清酒鮑魚•秋葵汁🍶味道同口感都唔錯，不過秋葵味就唔係好覺🤔。…查看更多

Kyung Yang Katsu 🐷 경양카츠 流心芝士炸豬柳定食。用上超澎拜水牛芝士，拉絲效果唔係話特別厲害，但系味道超好；同時令整體口感更加smooth！豬柳口感亦算滑；不過如果再去食應該會選擇全芝士炸豬而唔會要雙拼，會更加滿足❤️飯、泡菜汁冷麵（呢個都超正）以及椰菜絲沙律都可以refill，啱曬大食人類們！餐廳美中不足之處就系冷氣唔係好夠，有少少“焗冷氣”既感覺。同埋野食都等得有少少耐，大約要半個鐘。不過即叫即炸，情有可原。…查看更多

飲品：多樣化，更有各色各樣既水果茶，色彩鮮豔相當吸引；不過試過幾款既味道都比較淡。和牛：晚餐點選Set C（有日本黑毛和牛），週末連加一大約$700一位。跟Set會有花畑Box同寶箱，是日系 油花均勻既和牛肉眼。精緻既擺盤的確令人食慾大增，而且都相當適合打卡。然後就開始放題部分。令人失望既係，放題既“和牛”並沒有預期中應有既油脂香，而系各式各樣近乎沒有油花既牛肉。食落不僅沒有油脂香，部分更加相當韌。反觀有不少食評話有“入口即溶”既和牛，根本沒有在餐桌上出現過。牛肉他他顏色偏啡。如果追求打卡既不妨一試；不過如果系追求肉既品質，個人認為會有更好既選擇。…查看更多

呢度每一道菜仲有一個好靚既名，非常有心思。【花樣】麻辣黑毛豬燒賣皇•飛魚子荔茸玉帶寶盒燒賣既辣度剛剛好而且蝦既肉質非常彈牙；而另外一個就炸得非常香脆同creamy👍🏻造型亦都系賞心悅目🤭【豐盛】桃膠百合花膠燴燕窩鮮味既湯羹，裡面加左既百合巧妙地令整體口感豐富起來（爽爽地）。【鮮映】鮮蝦帶子包裹配黑松露忌廉汁忌廉味道非常rich👍🏻雲吞絕對足料，但系個皮稍為粉左少少🤔。【瀛滿】蝦籽關東遼參絹豆腐所有食材既口感處理得恰到好處，尤其遼參，非常彈牙🤤【香亭】櫻花蝦揚州炒絲苗炒飯粒粒分明，而且好有鑊氣🔥【白砂】杏汁百合煅桃膠•金箔新疆棗皇糕甜品部分無太大點評，只系好想encore🤤餐廳環境開揚，仲可以見到火車經過。…查看更多

海景位真係好正😍不過冷氣唔夠，就真係有d熱😂 入翻正題，今日食左佢既Four Course Lunch。Appetizer - 脆皮虎蝦伴辣味乳酪蝦肉非常彈牙而且肥美，且配搭微酸既乳酪風味甚佳。有驚喜！Middle course - 煎法式鴨肝伴櫻桃醬及烤布莉歐麵包整體質素不錯，不過烹調手法傳統，沒有驚喜之處。但鴨肝表面灑有些許鹽花，更能勾起鴨肝既鹹香，此處理手法不錯。Main course - 香煎三文魚配青口、馬鈴薯、大蔥配淡咖哩汁最大點評之處唯三文魚肉煮老左，口感過於乾硬。其二，搭配咖哩汁之手法亦可圈可點；個人認為個汁同其他食材唔太夾。不過，青口鮮嫩彈牙，可見食材新鮮。Dessert - 反烤蘋果撻配酸奶油及焦糖醬酥脆可口，蘋果味道濃郁，感覺不俗。…查看更多

Lunch below the Arc de triomphe. 🇨🇵🍴 The One 又有新餐廳，裝修仲好有心思 ☺️ 白色為主調，金色作點綴，自然而不做作。今日試左佢地既lunch menu，前菜挑選左甘荀忌廉湯；質地濃稠，菜蔬感豐厚。如果奶可以落多d，後韻既甜味應該可以更上層樓，令成件事變得更加飽滿😋。 主菜阿拉斯加蟹腳蟹肉香蒜忌廉扁意粉，忌廉感豐厚，整體不俗！唯蟹腳稍微乾身左d，可以改善。另外加左個香煎鴨肝（伴雜莓汁），伴碟更有沙律菜解膩；酸中帶甜既汁煮蘋果與雜莓醬撞上鹹香而面帶焦脆既鴨肝，令整體層次感變得非常豐富。此外，餐廳員工都好友善☺️ 不過，除左以上優點之外，亦有需要改善既地方。就係佢上菜既次序；佢先上左主菜（意粉）然後旋即上個香煎鴨肝（Middle course）。食完碟鴨肝，個意粉已經凍左三成 🥴 呢度需要留意一下。…查看更多