影片
營業時間
星期一至二
07:00 - 10:30
11:30 - 16:00
18:00 - 22:30
星期三
全日休息
星期四至五
07:00 - 10:30
11:30 - 16:00
18:00 - 22:30
星期六至日
07:00 - 10:30
11:30 - 16:30
18:00 - 22:30
公眾假期
07:00 - 10:30
11:30 - 16:30
18:00 - 22:30
以上資料只供參考, 請與餐廳確認詳情
經常到大埔食晚餐, 但一直都沒有留意這間小店... 喺出名雞肶店附近... 於7點前入座, 店內只有廿個位...7點左右, 已經漸漸滿座... 侍應遞上tablet, 係是日晚餐... $9x-$13x... 我地就揀左兩個dinner set... 南瓜忌廉湯 很濃, 感覺是有南瓜絲, 陣陣南瓜香... 餐包係熱嘅, 對我個人黎絕對加分我地另外跟餐加左份白酒忌廉青口, 沒有行貨... 早知佢比咁多醬汁, 應該留返個包黎沾主菜1: 黑松露蟹肉露筍意大利飯 成個飯好香, 好夠味, 飯嘅軟硬適中... 主菜2: 紐西蘭西冷扒配薯菜 最有驚喜的..好難遇到我心目中嘅7成熟...通常都係overcook...外層微焦, 切開牛扒仲有少少粉紅, 好juicy 仲要配我至愛粗薯條... 伴碟嘅沙律菜一d都唔馬虎, 配左個開胃醬汁 最後order左凍檸茶... 這餐很滿足這樣的質素 免加一... 是有誠意嘅餐廳吧... 侍應仲會不時留意食客需唔需要加水... 我嘅大埔餐廳list又多左一個選擇了
繼續閱讀
只想講，高質小店真係唔應該被。活埋呢間大埔既西餐廳，CP值高，食完絕對想再返去食如果鍾意食Pasta or 据個扒既你，真係去試試佢啦，支持一下小店呢間餐廳細細間，門面設計都有少少cafe既感覺，如果見到寫住英文Basil既，就係佢啦哈哈，呢塊其實都係Menu既其中一個黎，餐廳都好細心禁將寫係門口既晚市套餐推介，用pad影低，再show比每枱既客人睇Menu簡單易睇，主要都分左幾大類既食物，包括主菜，意粉，薄餅及沙律等等，價錢亦一目了然，西餐廳黎講，絕對唔算貴餐廳既大小一眼睇曬，小店既關係，枱既數比較少，但感覺唔會太迫硤，都幾舒服由於小編同朋友選擇左散叫，所以就無餐湯或前菜果d，不過第一樣黎既就係佢啦 $54既水牛雞翼一共有四隻既佢，賣相相當唔錯，炸至外表金黃，雖然食落入面唔算太入味，味道亦唔太濃烈，不過就真係非常香脆，一啖咬落去都重有d肉汁流出黎添！做小食，甚至當做係一個前菜，真係一流其中一個主菜都黎了，呢真係小編高度推介，勁高質，$72 既忌廉牛肝菌黑松露寬條麵賣相已經唔錯既佢，一放上枱，已經聞到相當強烈既黑松露香味再食埋，食一啖落口就已經融化左我個心煮得麵質口感有d彈既寬條麵，連同非常濃厚既忌廉黑松露汁，配埋大量既牛肝菌，入口既果種感覺，真係幸福到難以形容。。。呢個麵既質素絕對唔只能用酒店級就形容到，真係感覺到餐廳用心製作，唔馬虎，由賣相到味道都做得好好，價錢絕對可以接受，佢既性價比係高既而到另一主菜，佢係 $150 既西班牙黑豚鞍扒賣相同樣係有鋪排既佢，配以旁邊既配菜，包括新鮮既蕃茄仔，露荀，瓜同薯仔右上既係用黎加強扒既味道既燒汁切開塊扒睇睇，肉質鮮嫩，熟既程度岩岩好一刀就切得開，扒既大小亦唔算細，絕對適合兩個人食用味道方面，扒既調味本身唔太多，唔會有好強烈既調味，反而食到佢本身既鮮肉味，所以都非常入口，並且唔會覺得太heavy，同時都可以點埋燒汁，進一步提升整個味道切開既同時亦到見到塊扒唔算太生太熟，重有少許血水既佢，望落似五至七成，所以食落一d都唔UN，好嫩，一路切，d肉汁一路流出，好爽呀總結係，地道小店真係好應該支持下，CP值高，高質食物既佢，價錢唔太高，但就同食物既質素完全成正比大埔有非常之多嘅餐廳，但係如果要講性價比高既西餐廳，其實真係唔多，所以希望大家可以去試吓佢，絕對高度推薦
繼續閱讀
大埔愈來愈多高水準餐廳，同朋友經過見到呢間餐廳後，黎過試呢間小店幾次，每次都試唔同既食品，而每次都覺得食物好新鮮、有驚喜。試過羊架、炸魚漢堡、青口蜆肉意粉、四色蠔，加埋錢要套餐，希餐湯同餐包。餐包：熱辣辣、又軟又香，配自家制既牛油，味道比好多貴價西餐廳都好餐湯：每次黎都要睇下果日有咩湯，試過南瓜湯同雜菌湯，自家制味道新鮮濃郁，拍得住酒店級既水準！羊架：7成熟岩岩好，肉質鮮嫩，有淡淡既香草味，無好重羊果陣騷味，連平時唔食羊肉既朋友都食，值得一讚！炸魚漢堡：炸魚無雪藏味，依然有魚既鮮味、好滑好嫩，包有烘過、香軟得黎邊位脆，配個醬汁幾開胃。青口蜆肉茄汁意粉：海鮮都好新鮮，整體味道濃厚，都唔錯！四色蠔：蠔好大隻，焗完出黎唔係平時食熟晒果種，而係少少似生蠔既鮮味，個熟既程度把握得好好！極力推薦！服務：侍應生非常細心！除左問清楚各人喜好去推介食物外，用餐期間侍應生聽到朋友咳，就自動咁俾杯暖水朋友，可能因為間餐廳好細，所以會比較容易留意到每位客人既需要，呢種溫暖細心係呢d小店先會有，會繼續支持！希望呢d良心小店繼續加油！
繼續閱讀
暑假真係好多朋友回港探親渡假，老友從加國回港逗留兩個月，呢位偽香港人竟然指明約係小店聚餐，反正未試過呢間餐廳，就試下啦！穿過旺過旺角的糖水舖酒吧街，轉角頓時寧靜、peaceful ，即時把滿腦子還是公務的我拉回現實，去到小店心情已好多了，可與好友𣈱談歡笑。小小的店子，麻雀雖小 五臟俱全。優閒格局坐得舒服。侍應友善親切，介紹今天的menu,感覺一流！要了鰽魚龍蝦汁意大利飯同虎蝦龍蝦汁天使麵，兩個可加$28跟餐，友人再加了杯fruit punch , 我就要了凍檸茶。先來個磨菇湯及熱辣辣嘅餐包，磨菇湯很對版！咽一口便知道真材實料，加上淡忌廉份外香滑！包外脆內軟，配湯好夾。剛好兩個主菜都係龍蝦汁底好朋友口味通常都好相似！那個靚仔侍應同我地講原來鰽魚會每日買新鮮魚做！果然係誠意小店！意大利飯軟硬度剛剛好，龍蝦汁底濃郁！虎蝦龍蝦汁天使麵同樣好得！大大粒蝦仁舖滿成個碟，炒得爽口好味，龍蝦汁配天使麵簡直係絕配朋友的fruit punch有別於平時橙色加粒粒雜果個種模式，白桃色見到大量打爛好的果肉，我試左一啖，用料十足，好好味！呢杯fruit punch 印象深刻，下次一定會叫佢！總括小店實力非凡，不論食材，烹調，環境，服務，價錢都一流！會有下次！
繼續閱讀
住喺新界嘅我，當然會經常喺大埔一帶覓食，想搵一間比較幽靜d而又唔太偏遠嘅餐廳其實都唔容易，衣間餐廳位置都算幾方便，感覺舒服又寧靜。餐廳小小的，有d歐陸式既裝修，係一間好有親切感既小店。原來佢地都會用電子餐牌，可以方便睇到當晚既Set Dinner , 唔使頭擰擰咁四圍望，好體貼。先嚟餐包餐湯，平時食西餐會對個餐包好有期望，因為肚餓中最期待嘅第一口食物，衣個餐包絕對有驚喜。餐包外脆內軟，新鮮焗起，溫度剛好適合入口，牛油軟滑，帶點鹽味，係餐廳自己打的，所以好creamy。蕃茄忌廉湯，忌廉拉花相賣非常討好，好濃原汁鮮茄味，少少蕃茄甜酸味，但同忌廉混和埋剛好中和返，係一個落足心機既餐湯。傳統水牛芝士薄餅Pizza漲卜卜，芝士夠份量而且好香，蕃茄大大塊的，餅底屬唔薄唔厚，皮邊夠脆。不過下次要襯熱食，因為我地食得太慢，餅底有d淋左。廣島蠔意大利飯蠔肉新鮮肥美，好甜好creamy，重蠔味，又帶點金屬味整個飯有點蠔汁味道，配料有紫洋蔥，車厘茄，草菇，青椒。飯唔係好黏個種，飯粒中間係有硬硬嘅口感，食落去有種粒粒分明嘅感覺，但聽聞正宗嘅Risotto係依種做法。Set dinner 加$38 有洋蔥煙肉烤大啡菇 出面都好少有得咁食大啡菇，咁特別當然加埋試下。切開好多汁，菇味鮮甜，洋蔥煙肉嘅配搭相當惹味，平時老婆唔食菇同洋蔥，都竟然食左大半隻沙律菜配蛋黃醬也不錯的，菜好新鮮。我認為Set Dinner嘅價錢非常抵食，$98一個Set Dinner，有一個超水準嘅餐包同餐湯，好有Heart嘅主菜，有舒適嘅環境，超出我哋預期，好滿意嘅一餐，我地會再嚟呀，BASIL加油！
繼續閱讀