影片
港鐵銅鑼灣站 B 出口, 步行約4分鐘
繼續閱讀
電話號碼
39969844
68099709 (WhatsApp)
營業時間
今日營業
12:00 - 15:30
18:00 - 23:00
星期一至日
12:00 - 15:30
18:00 - 23:00
*午市最後落單時間: 14:30
晚市最後落單時間: 21:30
以上資料只供參考, 請與餐廳確認詳情
[ NIKUSA肉佐 ] 銅鑼灣新開張日本🇯🇵關東風壽喜燒、涮涮鍋放題店，放題分5種級別，最平級別1每位$228。級別1-2食90分鐘，而級別3-5食180分鐘。 ✿ 級別5：嚴選 山形縣產 藏王和牛＋極上刺身＋極上壽司＋海鮮（共115品）成人 $598/位、小童長者 $498/位任食日本和牛、海鮮、關東煮、壽司、刺身、甜品等，同埋任飲飲料。壽司拼盤🍣🍱入座後每位級別5套餐食客會有一份壽司拼盤，款式有大拖羅/中拖羅、赤身、季節魚、鯛魚、炙燒和牛、三文魚腩共6件，壽司現場手握。之後可選擇食關東風壽喜燒或/及涮涮鍋。關東風壽喜燒 (每位+$10)🫕壽喜燒醬汁用紅酒、味醂、醬油、日本清酒、黃糖等材料調製而成，和牛經壽喜燒汁煮過後甘甜香口，沾上日本雞蛋漿口感更嫩滑🤤。日式涮涮鍋🍲第二種食法以涮涮鍋方式煮和牛、肉類、海鮮、野菜等配料。湯底有四款，鰹魚昆布鍋、美人鍋、麻辣鍋及番茄鍋，有選擇困難可以+$10轉鴛鴦鍋😝。任食日本和牛🇯🇵🐮級別4-5套餐任食日本 山形縣產 藏王和牛 上肉及赤身肉、澳洲和牛牛舌、日本北海道豚肉、日本櫻姬雞等，款式豐富。每位+$100可升級任食日本 宮城縣產 仙台 A5霜降黑毛和牛嘅赤身肉、肉眼及西冷。任食海鮮🦀🦪級別4-5套餐海鮮有松葉蟹、日本有殼鮑魚、日本廣島蠔、日本帆立貝等，全部任食😋。任食壽司及刺身🍣級別5套餐任食藍旗吞拿魚、炙燒和牛、油甘魚等十多款壽司。而任食刺身有三文魚、帆立貝及白身魚。任飲飲料🧃有各式瓶裝飲料選擇。任食甜品🍮級別4-5套餐可以任食現場即製日本梳乎厘班戟。班戟用日本雞蛋、日本麵粉和日本牛奶製作，再配上楓葉牛油和忌廉，非常足料，蛋香濃郁，口感綿密。所有級別套餐都任食多款日式甜品，包括焦糖燉蛋布甸、日式水果果凍、抹茶奶凍、日本蕨餅等。另外有棉花糖機、韓國百味堂軟雪糕🍦等。總結🫦 由即日起至2024年5月31日，於午市或晚市4位惠顧級別5套餐送一隻活龍蝦🦞刺身(約 400 克)，龍蝦肉爽彈鮮甜🤤。室內環境以日本居酒屋風格為主調，並有私人包廂房，用餐體驗舒適👍。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿NIKUSA肉佐地址：銅鑼灣登龍街1-29號銅金朝陽中心二期Midtown8樓電話：3996 9844✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀
香港興起日式放題已有一段頗長的時間，坦白講通常都是選擇很多但質素總是一般般！近來銅鑼灣開了間非常高質的和牛壽喜燒放題店，主打關東風壽喜燒及涮涮鍋加上優質壽司和刺身真的非常吸引。就是座落於銅鑼灣金朝陽中心2期Midtown8樓的Nikusa肉佐，超推介給想品嚐高質靚和牛及其他日式美食的朋友去吃，打開升降機門便看到這個放滿靚牛肉的凍櫃，喜歡吃牛肉的朋友看見已經心心眼了。室內環境以日本居酒屋風格作裝潢！目測約有百多個座位並設有7間私人包廂房，地方非常寬敞這夜我們坐得很舒適。場內設置的魚缸內裏放滿了新鮮龍蝦！於新張期間點選最高級別的放題每四位即送龍蝦刺身一隻，散點需$198/隻所以約多幾個朋友仔一起去開餐有着數喔。經過魚缸後到達自助飲品區內裏放滿了多款罐裝及樽裝飲品，可以無限暢飲很適合缺水的我，不愛凍飲的朋友可以自己沖泡熱辣辣的煎茶或玄米茶，還見到有爆谷機亦是任取項目真的好開心。但最令我驚喜肯定是這個可以無限追加的招牌梳乎厘班戟！只要你點上Level 4以上的放題便可以無限任吃這個超吸睛的Pancake。除了班戟另外還有焦糖燉蛋、水果果凍、抹茶奶凍、日本蕨餅、百味糖軟雪糕及棉花糖等美味甜點任吃，相信甜牙齒必定非常喜歡不會投訴了吧。自助區還有不少熱食供應包括有炸雞塊、菜肉餃子、枝豆、赤富士米、日式牛肉咖喱、味噌湯及關東煮等。緊接著兩個大凍櫃內放滿了各式各樣的前菜，有我喜歡吃的青瓜海蜇、煙三文魚、泡菜、八爪魚仔、味付螺肉、中華沙律及坊間少有的海葡萄，還有大量的火鍋配料當吃罷壽喜燒便可以品嚐豐富的涮涮鍋了。菜單分為五個不同質素的級別價錢由$228~$598/位！享用晚市Level 1~3可於90分鐘內盡享79~103款美食，Level 4~5則可嘆足180分鐘多達110~115款美食的豐盛放題，好友愛品嚐靚和牛所以我們選了Level 5的最高級別。先取四小碟前菜來打開胃口當中我最喜歡海葡萄充斥海水鮮味好吃。炸雞塊、菜肉餃子同枝豆也不錯吃，尤其是菜肉餃子更是香脆又Juicy。點上Level 5的我們更可以得到高質壽司拼盤一客！內裏包括有鯛魚、油甘魚、三文魚腩、中拖羅、大拖羅及炙燒和牛壽司各一件，壽司質素非常高絕對非一般放題吃得到的鮮味。藍鰭吞拿魚壽司喜歡的話更可再無限添食，另外更共有15款壽司可供選擇任點真的超吸引，另外選上兩款我至愛的壽司來品嚐！鰻魚壽司弄得非常香甜可口推介給喜歡吃鰻魚的朋友，擁有海底鵝肝美譽的鮟鱇魚肝口感嫩滑味道濃郁，配襯了酸汁啫喱味道非常相夾這軍艦真的不容錯過。刺身選上了三文魚、帆立貝及是日白身魚劍魚腩，當中劍魚腩的肉質很細膩口感嫩滑又厚實味道好出色。炸物只選了芝士年糕來品嚐！炸得金黃不油膩內裏藏著滿滿的鹹香芝士怪好吃耶。們點吃Level 5可額外加$100升級至無限品嚐日本宮城縣產仙台A5霜降黑毛和牛，看那擁有迷人雪花的肉眼和西冷好友口水已經爆流了！而牛肉總共有10款不同的供選擇牛魔王真的萬勿錯過啊。而我則可以無限享用日本北海道特選豚肉及日本櫻姬雞，兩款肉的質素也不是省油燈好正喔。率先額外加$10/位品嚐關東風的壽喜燒！先將牛脂肪放入熱騰騰的鐵鍋中再煎香京蔥，然後在鍋中傾入由米芝蓮星廚長本輝彥先生特別設計的秘製壽喜燒醬汁，此刻香氣四溢充斥餐廳之中好誘人。貼心好友第一轉先給我享用日本豚肉及櫻姬雞！將雞肉下鍋以壽喜燒汁煮至熟透，雞件吃下嚼勁十足肉質非常鮮嫩，加上香甜的壽喜燒汁味道很是吸引。然後再品嚐這日本北海道特選豚肉！肥瘦均稱的豚肉煮熟後入口充滿彈性，幽幽的肉香隨之爆發極之美味。終於到好友品嚐他的靚和牛時刻！肉色粉嫩雪花迷人的肉眼肯定俘虜到他的心，皆因嘴刁的他邊吃邊讚牛肉口感非常香軟而且肉味香濃。我們品嚐過壽喜燒後這一刻要攻陷涮涮鍋喇！吃之前當然要去混過靚醬先，蔥、蒜、辣椒這些調味料應有盡有多重口味也照顧得到。餐點的海鮮有四款選擇包括有日本廣島蠔、松葉蟹、日本帆立貝及日本有殼鮑魚，可以滿足喜歡吃海鮮朋友的嘴巴。而涮涮鍋有四款湯底可供選擇！當中包括有美人鍋、麻辣鍋、番茄鍋及我們選的鰹魚昆布鍋，多心的朋友更可加$10/位選上鴛鴦鍋來品嚐。而我就極度喜歡這兒有大量蔬菜供應！不過這夜最吸引我的是沖繩午餐肉，有口感的午餐肉竟然吃到陣陣豬肉的香味，絕非我們一般吃到午餐肉的味道好有趣。一輪美味混戰之後已經飽到一個點了！但這兒的甜品真的非常吸引唯有好好打開我的甜胃來品嚐，首先見到這部自助的棉花糖機！平時吃得多自己動手弄真是第一次！絕對是非常好的甜蜜體驗。另外超推介喜歡吃雪糕的朋友品嚐任吃的百味堂軟雪糕，口感香滑味道甜美的朱古力雲呢拿鴛鴦雪糕好吃得太魔鬼了。最後大家必定要留肚品嚐Level 4~5專屬任吃的招牌梳乎厘班戟！用上日本雞蛋、日本麵粉和日本牛奶即叫即製，Pancake超梳乎蛋味亦香濃配襯牛油和忌廉共嚐口感很治癒。我還是第一次品嚐這麼高質素的日式放題！價錢比一般放題略高但質素比很多酒店的自助餐更優質，這間Nikusa肉佐絕對會是我口袋中回頭率高的餐廳。
繼續閱讀
好耐無食放題，即刻約埋個fd去銅鑼灣搵野食，咁岩見到壽喜燒放題，idea幾好，即刻攞位去試下先。價錢絕對唔貴，600蚊一位就食到主打山形牛既150分鐘壽喜燒放題。當中兩款肉一定要介紹。嚴選 山形縣產 藏王和牛 赤身肉嚴選 山形縣產 藏王和牛 上肉兩隻肉各有特色特色，我自己就比較鍾意食赤身肉，肉未必較重，亦都唔會太肥，放題嚟講可以食多啲海鮮方面都有好多款，日本帆立貝同日本鮑魚就一定要叫！刺身款式唔算多，但係都有三文魚腩油甘魚腩等等熟食方面都多選擇，有關東煮，和牛咖喱飯，麵豉湯，仲有唔同款式既炸物甜品方面有幾款甜品杯，雲呢拿綠茶雪糕，仲有Lv5主打嘅疏乎厘，記得留返20分鐘食甜品呀
繼續閱讀
五月頭開張無幾耐去試lunch嘅，不過食到一肚氣…..因為本身食得唔多嘢，見$178放題又牛又豬又雞好似太多，所以點$108只楝一款肉嘅套餐。餐牌寫得有啲複雜、唔係太清楚，所以點之前都有同店員確認碟肉有幾大，佢話放題嚟㗎喎。點知想加肉嘅時候先同我講原來$108個餐係「定量」，即係只有一碟四片嘅牛肩胛🤯 所以大家真係要睇清楚同問清楚呀！！！咁都唔緊要，咪upgrade去$178套餐（任食牛肩胛、肥牛、日本豚及日本櫻姬雞）囉。最重要係成個lunch都有接二連三嘅問題出現1) 幾時落肉唔清晰：指示寫話先汁牛肉，但店員話先肉後汁。仲有店員開到個爐好大，一落塊肉就黐底啦。😫2) 個爐火力唔穩定，成日要校大校細。3) QR code唔work落唔到單。限時內要處理咁多問題，真係心力交瘁😮💨。最後冇乜心機連甜品都唔食就走啦。明白嘅，新舖服務質素係要俾啲時間佢改善吓。不過真係要改返清晰啲個餐牌同食用方法指示，同要加強店員嘅訓練同溝通技巧。除非你主要係想食魚蛋牛丸菇菜之類，否則$108餐得4片肉（牛／豬／雞只可以揀一款）嘅壽喜燒唔推薦。$178可以連美國牛肉、日本豚腩及雞肉任食，不過質素好普通（個人覺得DONXX 好過佢)。而且lunch 要係呢個價錢，真係要考慮一下。食得多又食得快嘅朋友可能都抵嘅。想食質素，可能真係要叫到$400+有日本牛先會好啲。 _______________IG: #roamardtheworld#roamardtheworld_food#roamardtheworld_japanese
繼續閱讀
星期六去食人不算太多，以為可以開開心心食餐飯。點知中曬伏。本身諗住Level 4有松葉蟹，門口牌都寫住有松葉蟹。入坐嘅時候職員完全冇講冇呢個食品，等到點曬開埋爐親自問先話冇，會用蝦代替。想同店家講冇事先告知，呢個屬於誘導式廣告宣傳，係違反《商品說明條例》。唔知有幾多檯客比你地昆咗入黎，最後不了了之。係員工黑口黑面，態度其差。壽司雖然唔係主打，但質素應該比爭鮮都要差一截。價錢都唔係平，但放題做到咁真係唔會有下次。
繼續閱讀