影片
港鐵荃灣西站 A 出口, 步行約6分鐘
繼續閱讀
電話號碼
46784029
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
💖 川花烤魚 (荃灣)✨荃灣大壩街29號安康大廈地舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️近排我好想食烤魚但係我老公係唔食魚㗎所以就約咗朋友仔自私食😆一入到餐廳已經覺得呢度環境好乾淨，座位好闊落🫶🏻有啲客人已經食緊雞煲所以超級香噴😋未食就已經流晒口水🤣-海鱸魚🐟 $298烤魚係新鮮即叫即烤😍所以上到台滾一滾起就食得㗎啦😚。今次就叫咗豆豉味，其實唔使$300已經有一條原條嘅海鱸魚，好抵食😌今次揀呢個海鱸魚嘅原因係因為侍應姐姐話佢抵食得來又嫩滑唔會話好多骨🫡。果然喺食嘅過程當中起骨係一件非常容易嘅事🤤唔使點樣特別挑💁🏻♀️我覺得就算大小朋友嚟都可以叫俾佢哋食🤤外皮脆卜卜，魚肉滑捋捋🥳-魚湯浸娃娃菜🥬 $58娃娃菜嘅份量都唔少！而且仲可以邊食邊飲埋個魚湯😝可能因為加咗菜嘅關係所以就比平時飲嘅魚湯更加甜🫶🏻入邊仲加咗少少胡椒調味。-生津李乾蘋果茶🍎 $28除咗普通飲品之外呢度仲有自家製特飲，用樽仔裝住😌，充滿蘋果味嘅冷泡茶可以解膩☺️-忌廉💚 $15有冇人同我一樣食烤魚都一定要飲返汽水😆好似咁樣先夠爽😆 📞46784029#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處
繼續閱讀
又嚟到遍佈美食嘅荃灣今日嚟到川花烤魚搵正嘢～呢度有好多位好闊落而且播下歌 有啲花同畫裝飾幾relaxing✧ 魚湯米線（$30）呢個米線真係超級抵！有莞茜、菜、米線、入味嘅魚湯怕食莞茜嘅夾起之後就剩返啲咸蛋味30蚊大大碗 又唔使好似火鍋底料咁自己煮覺得直頭如果喺附近返工都要買嚟食lunch✧ 生津李乾蘋果茶（$58）食得雞煲/烤魚呢啲叫返啲凍野係基本啦呢度有1L嘅選擇夠同朋友成餐飯分住飲✧ 燒雞軟骨串（$22）雞軟骨有接近十粒配上甜甜地嘅沙嗲汁幾新穎✧ 燒牛舌（$38）牛舌係厚切有3大嚿中間嗰嚿比較爽✧ 燒白鱔（$38）燒白鱔同燒牛舌一齊serve兩個串燒share個甜甜地嘅燒汁Overall 串燒價錢幾平✧ 鮑汁雞煲（半隻，$218）睇勻自己同其他枱雞煲同烤魚都係一大盤捧出嚟即席撻爐即烤即食好新鮮本豬揀咗原味唔辣凸顯返鮑汁個味另外雞肉幾滑荃灣大壩街29號安康大廈地鋪 (46784029) #荃灣必食 #荃灣餐廳 #荃灣好去處 #荃灣美食地圖 #餐廳推介
繼續閱讀
晚市時間，鄰近的餐廳都full house，而佢得兩台客，靜得好可怕。因為做運動唔想食太飽，淨叫左兩個小菜同白飯，一個回鍋肉，一個辣子雞。回鍋肉完全係笑話，味道ok 但d 肉勁少，成碟野大部分都係葱，青椒。而且d 肉片係勁簿，講緊薯條咁簿。我估所有肉加埋應該大概得一兩舊麥樂雞的份量。辣子雞仲可怕，有啲雞肉的size 係勁細，大概一粒花生咁大，但係幾乎件件雞粒都有骨。你食一粒花生咁上下大的肉粒都仲要吐骨，食起來勁麻煩。而且一樣，肉的份量好少，全部雞肉加埋應該得兩三舊麥樂雞的size，不過有一半係骨。食完好似無食過野，極度空虛，埋單200蚊。入來食嘢係我依個月做過最後悔的事。我知依間餐廳招牌係烤魚，可能烤魚會正常d，𣎴過奉勸各位千萬唔好食佢d 小菜。
繼續閱讀
🥜環境非常舒適，cafe嘅環境，但係係食烤魚，平時係mk食，又迫又污糟，d餐具又痴笠笠😂呢度完全唔係，仲播住好多小清新嘅歌，環境真係一流🥜會encore想食酸菜味江團魚原條 香辣味 少辣 $338⭐️⭐️⭐️⭐️⭐️🌟🥜超！新！鮮！睇到d魚肉白雪雪就知🥜初嚐江團魚，返唔到轉頭，又彈又滑，唔會一夾就散🥜香辣好惹味，好鍾意少辣呢個辣度，越煮越味濃，配個白飯就超正🥜配菜有大蔥、腐皮等等大漢羊肉串＄20⭐️⭐️⭐️⭐️⭐️🥜唔係超多孜然粉路線，味道剛好，下次會試試加辣🥜好香羊肉味，一小舊脂肪，唔會太肥白飯 $13藍妹 $39
繼續閱讀
今日行行下見到間野格局幾似Cafe，望真d原來係食烤魚，於是就同友人行入去試試啦！入到去座位寬敞，環境舒適，我同朋友都覺得幾舒服，烤魚都有好多款仲有雞煲添呀，不過見好多枱都揀咗魚，我地就揀左酸菜魚試試佢啦😃酸菜魚🐟$198魚片嫩滑新鮮👍🏻，酸菜夠惹味，份量大兜到你有少少驚🤤辣度揀左bb辣，個人已經覺得好夠做，配菜豆卜、響鈴、皇帝菜呢d索水野浸浸個湯幾好味，仲食完一d都唔口渴💧！生津李乾蘋果🍎茶$28酸酸地幾開胃既蘋果茶，有少少似酸梅湯感覺，幾好飲😍😍😍鳳梨🍍茉莉水果茶$38大杯既水果茶，飲落好fresh 又唔算好甜，仲有d果肉咬一咬，配埋辣辣地既魚就最適合不過😌😌😌🏠環境：9/10🌟味道：9/10💰性價比：8/10🙇🏻服務：9/10川花烤魚 📍 荃灣大壩街29號安康大廈地舖#hkfood#hkfoodie#852food#foodahoilc007#hktw#tsuenwan#荃灣#大壩街#川花烤魚#川菜#yummy#相機食先#荃灣美食#新鮮烤魚
繼續閱讀