405
7
2
| 餐廳: | 大滾友火鍋 (紅棉大廈) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
裝潢走中國風的港式火鍋店，招牌花膠雞湯湯底用三黃雞熬煮數小時，香濃美味富膠質。餐廳鄰近千色匯，交通方便，適合和三五知己聚餐。
繼續閱讀
營業時間
今日營業
12:00 - 01:00
星期一至日
12:00 - 01:00
以上資料只供參考, 請與餐廳確認詳情
有關餐廳
有關獎賞計劃
優惠
| 餐廳: | 大滾友火鍋 (紅棉大廈) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
今次我地黎左荃灣玩，朋友介紹話呢度有間打邊爐好正，叫我黎試，佢話lunch食最抵，有68折，咁我就午餐都照食打邊爐啦😏餐廳裝修好有古時既中國風感覺，餐枱都算闊落，仲有紙巾提供，我最撐呢樣野😗玲瓏浮凸•花膠雞湯鍋（半隻）（$328）花膠有好多件，店員幫手加入新鮮雞湯，滾咗之後就可以飲湯同埋食花膠先，未飲已經聞到好濃郁嘅花膠香味，呢個花膠湯非常之好飲，我連續飲左幾碗，平時媽咪煲既花膠湯都無飲咁多，雞就之後先至落，因為雞係半熟雞，所以淥六4-5分鐘就食得🐥大滾友牛肉拼盤（細）（$428）呢個拼盤總共有7種唔同牛既部位，手切外裙肉，本地手切牛頸脊，澳洲和牛金錢展，美國頂級雪花肥牛，牛黃喉，牛肉粒，牛舌花，d牛無論色水，脂肪，都睇得出係靚野，鐘意食牛既話叫呢份就可以滿足曬唔同口味🐮伊比利亞橡果豬（$228）呢碟豬肉肉味是濃郁到滿瀉，就好似豬中既和牛級數，呢句係餐牌寫既，我食完都覺得形容得幾貼切，呢碟豬仲係店長推介既食物，果然係出色🐷金屋藏嬌和牛墨魚丸4粒（$78）呢個丸我覺得幾特別，係外面墨魚丸包住入面少少既牛肉，口感係墨魚丸，但係又有牛味😛大滾友響鈴拼盤（$88）分別係黃金響鈴同埋普通版響鈴各三件，黃金響鈴可以即食，係加入左咸蛋黃先去炸既，兩款響鈴都係即炸既，勁脆又熱辣辣，一定要趁熱食，我覺得咸蛋黃唔放湯，當小食食會更好味，普通版就放湯食先好味😋大滾友雜菜拼盤（$118）呢個雜菜拼盤就真係接近咩菜都有，萵筍，金菇，紫淮山，蓮藕，娃娃菜，油麥菜等等，真係多到數唔曬，菜我要求好簡單，綠色新鮮就得，呢個拼盤我都好滿意🥬🍅🥦自家製足料竹蔗茅根（$78）大大壺，夠清甜，消暑清熱一流😉出火豆腐花（會員迎新品）做會員就會送呢個甜品豆腐花，佢好特別，食之前會落d黃糖再用酒精點火燒佢，令到黃糖變成焦糖，而佢個豆腐花都好滑👏🏻呢間大滾友既食物真係高質，單點火鍋價錢都ok，有折時段就真係抵食，最正就係個湯底好好飲，同埋佢加湯既湯都係雞湯黎，所以成餐都好有雞湯味，呢間太好味，做會員唔洗錢仲有分儲同甜品送，所以我已經做左啦😛
繼續閱讀
二訪大滾友火鍋🍲上次食過花膠雞湯底念念不忘今次就去咗另一間分店 裝修同樣係中國風 食物依然保持高質素 連朋友都大讚😋🔸特色卜卜蜆 HKD218湯底有大量蜆 芽菜 芹菜 因為落咗大量蜆嘅關係 湯底好清甜仲有蒜蓉同辣椒調味 個湯越滾越惹味卜卜蜆每粒都無沙飽滿 份量真係多到好似食無止境咁😂🔹牛肉拼盤 HKD428 所謂 小朋友先做選擇想食哂全部牛肉嘅我就一定揀牛肉拼盤🐄安格斯牛小排 手切牛頸脊 牛舌 🐄牛肉粒 牛展 雪花肥牛 牛黃喉每款牛肉都鮮味十足 肥瘦適中個人最中意手切牛頸脊雪花非常均勻 牛肉有咬口而且超重牛味另外牛黃喉都好少地方食到 口感爽脆 🔸伊比利亞橡果豬 HKD228橡果豬都係每次必點之一份量多不得止 每片豬肉肥瘦均勻 烚熟後肉質嫩滑同彈牙🔹玫瑰花龍蝦餃 HKD82 /4粒今次嚟仲有新款餃子用上燒賣皮卷成玫瑰花做型每層中間包住龍蝦同豬肉絕對係睇得又食得🔸雜菜拼盤 HKD118雜菜款式種類多 份量十足！🔹自家製竹蓆茅根HKD78竹蓆茅根清甜解渴 打邊爐飲特別爽啊🔸火焰焦糖豆腐花店員先將黃糖同酒精加落豆腐花表面將用火槍燒溶黃糖豆腐花豆味香濃 仲好滑捋捋🚩大滾友火鍋 荃灣青山公路 - 荃灣段125-133號紅棉大廈地下A&B號舖
繼續閱讀
前排搭小巴見到”大滾友“嘅招牌好搶眼,所以今日同朋友經過就決定入去試下佢咩料~🏮宮廷風格裝潢、雕刻龍紋鍋爐、青花瓷用具,好似置身宮廷享用美食一樣,環境舒適又別緻！🐓花膠雞湯鍋(半隻)人氣花膠雞湯鍋,香濃雞湯底,加上鮮雞同花膠再煮,啖啖精華,雞味極濃郁！店員奉上湯鍋後,會即場剪開花膠放入,建議湯滾起可以先飲一兩碗再落雞,食幾多落幾多,就唔怕滾到老晒😍🐂牛肉拼盤(細)牛肉拼盤有幾個唔同部位,包括牛頸脊、牛舌、牛柳粒,全部都好有牛味,擺盤又靚又特別,每片淥數秒可食,啱晒花心想試唔同牛肉嘅我！🐖伊比利亞橡果豬粉紅色超薄切,有大理石紋般的油花,肉味更芳香濃郁,而且唔油膩！🍡手打鵝肝墨汁墨魚丸及蟹子鮮蝦滑口感好豐富,好彈牙!🥗大滾友雜菜拼盤蔬菜拼盤好靚,真心夠三四個人食,包羅萬有！🥃竹蔗茅根渣打邊爐又點少得竹蔗茅根,大大壺,消暑又解渴!🔥火焰焦糖豆腐花店員喺豆腐花上面加啲黃糖,再加少少酒,然後點火,效果好似火焰雪山咁,真係睇得又食得,滿足！
繼續閱讀
雖然我哋好鍾意打邊爐，但我哋就好少喺屋企打邊爐。因為每次打邊爐都好大陣仗，又要買、又要洗，食飽仲有勁多碗要洗，所以每次想打邊爐，都係「請你滾滾出去」啦！講到出去打邊爐，最重要真係個湯底，其次係高質嘅食材，而荃灣嘅大滾友火鍋，就完全滿足到以上嘅要求。花膠雞鍋呢個花膠雞鍋落足本，夠晒真材實料！店員會將又長又厚嘅花膠剪細放入窩，滾起後再將五成熟嘅雞件放埋落鍋一齊煲滾。當再次滾起，就可以先品嚐一下湯底。花膠厚身軟綿，一入口就感受到充滿着滿滿嘅骨膠原；雞件亦非常嫩滑，兩者嘅精華令花膠雞湯充滿鮮甜味，真係令人飲完一碗又一碗！大滾友牛肉拼盤呢個大滾友牛肉拼盤包括頂級安格斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛舌，估唔到食牛都食得咁International啊！而且每一塊牛都非常新鮮嫩滑，油脂甘香，充斥住濃濃嘅牛香。伊比利亞橡果豬呢個被譽為「豬肉中嘅和牛」，果然非同凡響！除咗有大理石紋嘅油花之外，肉味仲非常濃郁，絕對係嚟到大滾友火鍋嘅必食推介。新鮮鮑魚食得太多肉都要食吓其他嘢，所以就嗌咗海鮮嘅代表：鮑魚。鮑魚爽口彈牙，非常新鮮，而且價錢親民，食多幾隻都唔肉赤呀！大滾友雜菜拼盤呢度嘅雜菜拼盤，除咗蔬菜外仲有蕃茄、粟米、金菇、蓮藕、萵筍、木耳、仲有好特別嘅紫淮山。紫淮山比一般淮山有更高營養價值，打完邊爐咁肥膩，當然要食返啲補下脾胃啦！自家製竹蔗茅根大滾友火鍋嘅竹蔗茅根係自家製，絕對係誠意之作。飲落非常滋潤解渴，而且唔算好甜，飲完即刻覺得冇咁熱氣啊，減少罪惡感。火焰焦糖豆腐花打完邊爐咁熱，當然要食返甜品，透心涼一下。呢個火焰焦糖豆腐花，唔好以為係熱嘅，其實佢係一個凍嘅豆腐花呢！頂層加上一層少量食用酒精，即場燒成焦糖。加上糖水同黃糖嘅陪襯，一碗滑捋捋又解暑嘅豆腐花就誕生啦！
繼續閱讀
之前生日食過一次已經心心念念今日同朋友收工再嚟食多次好彩book咗檯 入到去見到full晒咁濟餐廳設計好有古典風味 座位都好闊落醬汁有九宮格俾你自己自由配搭 好方便🤣🤣我哋兩個人叫咗花膠雞湯鍋湯底 半隻雞店員幫我哋剪啲花膠落雞湯佢叫我哋飲咗個湯先 湯底好清甜之後先放雞 啲雞係半熟 所以淥15分鐘就可以食雞肉好新鮮好嫩👍🏻牛肉拼盤 好吸晴 仲有乾冰係底 噴晒煙 打卡一流👍🏻有牛既唔同部位 個人最中意牛肉粒同牛舌😍伊比利亞橡果豬 係薄切😍淥幾秒就食得 大滾友雜菜拼盤 好多唔同款式嘅蔬菜紫色嘅淮山好特別 好爽口仲有萵筍 蓮藕 全部都好新鮮👍🏻脆炸芋頭魚 可以當小食咁即刻食但我地都浸一浸先食😆外脆內軟 好似芋泥咁手打鵝肝墨汁墨魚丸 入邊有一粒鵝肝仔 好香 好有咬口另外我哋叫咗stella 同hoegaarden 生啤👍🏻最後甜品叫左出火豆腐花店員倒少少酒同黃糖係豆腐花上面開火燒好香焦糖味👍🏻👍🏻👍🏻仲可以自己加糖水同黃糖又好食，又有得睇表演👍🏻必點！
繼續閱讀