影片
港鐵太子站 B2 出口, 港鐵旺角站 B3 出口, 港鐵旺角東站 D 出口
繼續閱讀
電話號碼
26226161
開飯介紹
佈置堂煌的帝京軒馳名粵菜，成功演繹出中華美食的精髓。每天供應新鮮海產，午餐時段更有多款精緻點心。帝京軒除巧手研製粵菜外，並附設經典上海佳餚及北方各省名饌，為客人提供更多選擇。雅緻華麗的帝京軒，是宴會廳以外，另一舉行婚宴及社交宴會之理想場地。除美食佳餚外，這裡的顯赫裝潢及殷勤的服務，必會令客人有賓至如歸的感覺。
繼續閱讀
營業時間
今日營業
09:00 - 22:00
星期一至五
11:00 - 22:00
星期六至日
09:00 - 22:00
公眾假期
09:00 - 22:00
以上資料只供參考, 請與餐廳確認詳情
有關獎賞計劃
相關文章
兩星期後就係端午節啦🥳🥳今年決定安坐家中睇龍舟賽事，順便同屋企人嘆糭應應節💁🏻♀️Royal Delights (R+)帝港御品五寶糭✨齊集健康、傳統及矜貴口味，一共五款，滿足哂全家人👏🏻 “糭”有一款岩口味，無論送禮定自用都咁適合🎁帝港御品五寶糭👇🏻🔹迷你瑤柱鹹肉糭🔹迷你湘蓮鹼水糭🔹玫瑰雲豆冬茸糭🔹龍爪鮮菌金栗糉🔹陳皮南瓜籽豆沙糭我最愛呢款龍爪鮮菌金栗糉😋有香甜金栗配爽滑龍爪鮮菌，菌香十足，層次感豐富，有營兼備口感🎉爸爸就最愛迷你湘蓮鹼水糭😋鹼水同糯米調配比例恰到好處，啖啖香軟煙韌，糯米粒黏實富香味，中間仲有流心湘蓮，有驚喜🔥 🔥媽媽最愛玫瑰雲豆冬茸糭😋豐富五色雲豆：紅腰豆、大紅花豆、大白雲豆、黑豆及白奶花豆，加上冬瓜茸及玫瑰醬製成，入口散發陣陣玫瑰香，岩哂女士們😻除咗帝港御品五寶糭，Royal Delights (R+)仲推出皇牌之作金裝佛跳牆鮑魚糭、至尊足斤裹蒸糭、五香瑤柱鹹肉糭、帝港湘蓮鹼水糭及三色有機養生糭🤟🏻有興趣既快啲入手啦❤️ ❤️#RoyalDelights #RoyalDelightsbyRoyalHotels #RoyalHotelsHongKong #RoyalParkHotel #RoyalPlazaHotel #AlvaHotelbyRoyal #RiceDumplings #帝港酒店集團 #帝都酒店 #帝京酒店 #帝逸酒店 #端午糭子 #經典不朽之作
繼續閱讀
近嚟濕立立真係冇乜胃口！不過諗起之前喺帝京軒食嘅春日菜式，啲餸好清爽仲好滋補添即刻覺得有返啲餓意，我哋食呢個叫做春曉宴總共有七個菜咁多，第一個叫做滋潤、三弄入面有三款唔同嘅前菜擺碟好靚仔。第一樣係超可以代表春天嘅豌豆伴春筍！以為佢好清點知原來用腐乳嚟煮，所以呢個味道係清中帶濃幾得意喎。中間嗰件係海參龍爪菌，炸香咗之後嘅龍爪菌食落有啲脆脆口感菇味都好香我就幾鍾意，件海參整得好煙靭咬落去口感好好，同埋煮得好濃郁入味好好食呀。最後呢個係蔥蒜蘿蔔餅！蘿蔔絲加蝦米同埋蔥蒜喺入面炸成一個小餅，炸到脆卜卜口感好香脆食落去清甜又惹味。跟住嚟呢道菜係鮮淮山銀鈎炒澳洲鮑片！睇落去好似碟小炒王咁不過入面加咗鮮甜嘅澳洲鮑魚，加埋清甜嘅蒜心、淮山同埋鹹香蝦乾香口到不得了。鍾意食蝦嘅朋友千祈唔好錯過呢隻白松露汁香焗虎蝦皇！大大隻嘅越南虎蝦新鮮爽口又彈牙，師傅用咗白松露嚟煮個汁香到一個點呀。跟住呢一道菜係橄欖油胡椒無骨馬友魚！師傅將馬友魚起成魚柳跟住攞去炸到香噴噴，外面乾身唔油膩入面嘅魚肉好紮實，點埋秘製嘅黃豆醬一齊食仲正斗。食到呢度我哋散叫嘅砂鍋蝦頭油乾煸花膠嚟到我哋面前即刻煮，師傅全副武裝將材料逐樣逐樣炒香，然後加入鮮甜蟹肉同埋養顏花膠，呢個時候啲女士們梗係睇到嘩嘩聲啦！呢個花膠加咗蝦頭油同埋蝦籽嚟煮，同平時炆嘅花膠完全唔同食法！花膠食落去好煙韌蟹肉又鮮甜，唔好話女士們連我哋呢啲麻甩佬都覺得充滿骨膠原好正斗。食完花膠就要跳返去春曉宴嘅第五道菜！呢個時候上個貴州竹笙繡球菌菠菜苗超正，竹笙口感爽脆繡球菌菇味香濃，加埋啲滑捋捋嘅上湯菠菜味道好清新，解膩之後又可以繼續擦大餐。呢碗係生拆嘅薏仁小米泥鯭粥，不嬲都鍾意食粥嘅我覺得呢碗用薏米同小米嚟煲嘅泥鯭粥都好唔錯，加埋入面有好多鮮甜嘅拆肉泥鯭呢碗粥真心吸引。呢個餐嘅甜品有兩款咁多！一個係燕窩蘭香草莓糕另外一個係桑寄生首烏蓮子蛋茶，講個樣梗係個草莓糕吸引啲啦。呢個草莓糕上面擺咗養顏嘅燕窩，中間透明嗰層係用蘭香籽造成嘅啫喱層，下層就係用草莓做嘅糕底層次感好豐富，最緊要係味道好真同埋唔會好甜。呢碗桑寄生首烏蓮子蛋茶個味道其實都好香，入面仲加咗首為啱晒我呢啲麻甩佬食，不過我就唔係好鍾意食熟雞蛋，但係成碗糖水我係覺得好味嘅，呢個餐喺3-6月食得到，喺酒店訂位仲有8折優惠抵食好多㗎。
繼續閱讀
春回大地萬物更新！我們經歷寒冬的嘴巴是時候要養生一番，帝京酒店帝京軒剛推出了養生「春曉宴」，以春季當造食材來炮製出養生盛宴，這夜就跟一眾好友齊齊去品嚐這春滋味。七道菜的春曉宴打頭陣有滋潤．三弄！內藏了豌豆伴春筍、海參龍爪菌及葱蒜蘿蔔餅三款美饌。豌豆伴春筍以濃郁的腐乳醬來炮製，吃下口感爽脆之餘惹味不已很開胃的前菜。海參龍爪菌選用了北海道海參來烹調，以傳統的紅燒方式來炮製海參入口軟腍入味，而墊底的京蔥也非池中物超好吃。龍爪菌又名老鼠爪賣相極似珊瑚！裹上薄薄炸漿脆度吸引而且味道鮮味。最後這件是葱蒜蘿蔔餅！蘿蔔絲加上蝦米炸成的香脆小點，令我想起小時候經常吃到的蘿蔔糍很有回憶的味道。第二道菜是鮮淮山銀鈎炒澳洲鮑片！這道菜炒得非常香口內裏有我喜歡的爽口鮮淮山，以鹹鮮蝦乾及清甜蒜心襯托澳洲翡翠鮑魚片，成件事就是高級版的小炒王超級惹味絕對是啤酒的良伴。繼續有賣相吸引的白松露汁香焗虎蝦皇，超健碩的越南大虎蝦口感爽彈，用了白松露來調味香氣滿盈吃罷齒頰留香叫人回味。美味海鮮絕對不能停下來！緊接著上檯的是橄欖油胡椒無骨馬友魚，馬友魚扒裹上薄脆漿以橄欖油炸至金黃，吃下口感香脆不油膩魚肉紮實味鮮，沾上秘製黃豆醬一起品嚐口味更有特色。此刻暫時將春曉宴放在一旁！皆因我們散點的砂鍋蝦頭油乾煸花膠$568要隆重登場，這道菜會由大廚在客人面前堂弄，絕對是色香味俱全的菜式。大廚先用蝦油爆香料頭繼而加入其他食材當中包括有蝦米、蟹肉及主角花膠，最後加上秘製醬汁灑上蝦籽，烹出這道熱騰騰的砂鍋美食。煮起的時候全場也散發迷人香氣，這味道足以令人垂涎三尺極為期待。每囗花膠也吃到濃香的汁醬當中還夾雜著鮮甜蟹肉，海味香加上海鮮的甜味道非常豐富。吃了濃郁菜式後回來春曉宴的懷抱！第五道菜是非常清新的貴州竹笙繡球菌菠菜苗，菌香濃郁肉質脆嫩的繡球菌口感一流，以清甜湯頭來烹煮非常匹配，加上翠嫩的菠菜苗及爽口竹笙感覺非常清爽。單尾來一碗舒心的薏仁小米泥鯭粥！近來濕氣超重大家應該也非常水腫，這碗內有去濕消腫的薏米及除熱的小米來得正合時宜，加上鮮甜的泥鯭肉這碗粥鮮味得可以。當然也少不了甜品那份兒！我們得到桑寄生首烏蓮子蛋茶和燕窩蘭香草莓糕。燕窩蘭香草莓糕用上有淨化腸道、控制血脂的蘭香子加草莓炮製成糕點！綴以養顏燕窩香甜又美味。然後有我極喜歡的桑寄生首烏蓮子蛋茶！這個糖水對女士極為有益這個還加入了固腎護髮的首烏男士也非常適合呢。春曉宴於3月至6月供應收費為$738/位，期間更有限定8折優惠抵吃多了。
繼續閱讀
很快就到大氣節-冬至, 服飾上可以以頸巾、外套等做好保暖；而內在則可從飲食著手，帝京酒店帝京軒的秋冬美饌及煲仔飯，令我們的腸胃非常和暖.先來湯品，霸王花雪梨乾螺片煲豬腱夠滋陰，清潤清甜，湯頭清澈而味道濃郁. 燒味三重奏- 金牌黑豚叉燒、冰燒五層腩、明爐潮蓮燒鵝. 叉燒果然非同凡響，外層焦香脆，肉質鬆化；吃五層腩就是要皮夠脆，這件滿分；燒鵝，我吃了鵝脾部份，肉嫩滑，肥膏部分適中，不算太油膩.秋冬菜一定會見到羊腩煲的蹤影，吃後真的很暖身，砂鍋古法雙冬扣羊腩，每件羊腩肉肥瘦均稱，羊羶味適中，煲內有支竹、冬菇、生菜及馬蹄，醬汁好滋味！金鈎醬瑤柱珍寳蝦球銀絲煲, 認真不得了!!! 蝦球大得好緊要而且十分彈牙! 吃蝦就是要吃這種啦~ 好喜歡粉絲處理得乾身, 軟稔到剛好又不糊口.一餐飯當中絕不少得一碟上湯浸菜心, 清甜爽口.很搶眼的是拔絲菠蘿咕嚕黒豚，甫上台縷縷輕煙，咬下外脆內鬆化的咕嚕黑豚，配以酸甜醬汁，好開胃！雞煲，一年四季都受歡迎！陳年花雕藥膳走地雞煲，雞肉彈牙嫩滑，花雕與藥膳味互相輝映，好夠味，煲內有紅棗、龍眼肉、松虫花等養生滋補食材，不要浪費，記得要吃～秋冬菜, 當然會有糯米飯, 帝京軒的銀鈎臘味五榖糯米飯幾惹味~ 尤其膶腸, 肝臟味不會太濃, 就是剛剛好. 又有蝦米、冬菇粒等, 認真香口. 超級足料! 舞茸鮮排骨煲仔飯, 舞茸大大件, 飯粒粒粒分明, 繞一圈豉油入煲內, 香味四溢, 喜歡吃飯焦的朋友, 這不會令你失望.中式甜品甜入心, 紅棗椰汁糕軟糯香甜又煙韌, 金萡的點綴好有節慶感.謝謝朋友安排的射手座蛋糕, 出自Royal Delights 的脆脆榛子杏仁朱古力蛋糕, 超級美味! ¾磅 HK$330, 神秘型格的外表, 內裏是70%軟朱古力及榛子脆脆, 夾層是榛子呍尼拿忌廉, 味道好夾.再次謝謝各位朋友窩心安排~
繼續閱讀
有朋自遠方來，大家相敍食個午餐。之前係呢度食過晚飯，質素👍🏻👍🏻👍🏻👍🏻今次午餐一行八人、經open rice 訂位：單點85折。黑豚叉燒，簡直係signature ..冇得賭。肉質鬆軟，味道好正。一人一件，意猶未盡。腸粉皮薄，光瑩通透：鮮蝦大隻有蝦味😋叫左半隻豉油雞，瓦煲上：好味5太鹹☺️蝦餃燒賣：水準上佳👍🏻👍🏻雞扎鳳爪：my favorite 🤩 叫咗個煎藕餅：切絲煎嘅，新鮮出爐，脆卜卜🥰糖醋兩面黃係方條的，好似手指餅：味道5錯😉至於山竹牛肉及义燒飽較普通🤜🏻🤛🏻侍應及職員服務態度非常好、只係比較忙碌⋯⋯總體來說： 值得推介🫶🏻
繼續閱讀