16
2
1
電話號碼
+853 8290 8688
開飯介紹
在這裡您可品嚐到中西薈萃的豐富自助餐、各式歐陸西餐、亞洲及國際美食。特別推介菜色包括特色非洲雞、辣椒炒蝦及鮮蝦香檳汁煎龍脷柳,是一個讓您和家人共聚天倫或與好友把酒言歡、共度美好時光的好地方。 繼續閱讀
營業時間
今日營業
07:00 - 22:00
星期一至日
07:00 - 22:00
付款方式
Visa Master 現金 AE
座位數目
110
其他資料
酒精飲品
泊車
電話訂座
加一服務費
食評 (23)
等級4 2017-07-27
4456 瀏覽
聽聞呢間餐廳質素好高!專程過黎試呢個半自助晚餐,都幾難book!主菜即叫即做,我唔常食鵝肝,不過呢度嘅香煎法國鵝肝煎得外脆內軟,下面用清甜嘅煎燉雪梨墊底,減低油膩嘅感覺,仲有好脆嘅蒜蓉包同黑醋醬汁,配合得天衣無縫!難得地食左兩件!其他即叫即整主菜,葡國菜較有特色同好味!上排:燒馬沙拿羊肉串(普通燒羊肉串)、香煎法國鵝肝(好味到要再點)、日式照燒雞扒(相比無咩特別)下排:葡式焗海鱸魚(魚用番茄蓉煎,魚肉嫩滑唔腥,墊底蔬果好鮮甜)、碳燒牛柳配紅砵酒汁(牛肉非常淋同唔騷)葡式紅豆燴豬手(必食,豬手又淋又多肉,配埋酸酸甜甜嘅汁,好開胃!)餐廳環境裝傷都唔錯,枱與枱之間都隔得遠,唔會迫,人多既話訂枱可以坐雀籠,呢間餐廳會控制客人數量,客人都係得十枱八枱,主菜係任叫order 即叫即做,自助區又多選擇,食物新鮮質素高,客人少,唔使排隊爭食,侍應服務貼心有禮,每當我行開攞野食侍應會幫我摺番好餐巾做三角形放番係枱上面。自助區有咩食先澳洲塔斯曼尼亞生蠔,每人每次攞三隻,廚師會慢慢掃走蠔殼,食落新鮮唔腥,不過唔夠肥味偏淡,我食左半打。冷盤海鮮區,有長腳蟹,海蝦,青口,沙律菜,藜麥,assorted壽司,刺身,沙律杯,煙三文魚,好多好好,我主打食其中幾款,真係食唔晒講唔晒。長腳蟹有海水味,雖是雪藏貨,但質素比較其他酒店buffet好,青口大隻甜而冇渣,海蝦夠大隻爽彈牙,煙三文魚冇根唔咸。熟食區有專人主理,即煮自選配料意粉/闊條面,配料可選蝦,青口,牛肉,魷魚,汁有白汁或番茄汁,相  out foc左。仲有燒牛肉同埋燒菠蘿,牛肉我覺得熟左D,但菠蘿就非常好食甜心菠蘿,入口多汁似蜜糖,冇渣,食了兩轉。驚喜菜,焗芝士龍蝦/ 焗蠔。食食下中途,侍應突然送上焗芝士龍蝦/ 焗蠔,原來呢晚每人都送一份,龍蝦拆左肉再撈其他配料釀番入去,芝味濃郁,龍蝦彈牙,焗蠔就普通D,不過我好欣賞餐廳有野送。生果甜品區,是日生果新鮮,每粒都是正方形,唔似第D buffet切到一岩一忽,任似果汁,有橙汁,提子椰水,乳絡椰汁,sangria,個人推介乳絡椰汁,酸酸甜甜,飲完開胃又漏漏地,但好飲。雪糕佢冇寫咩牌子,但一食就知係Dreyer's。呢度蛋糕我比滿分,蛋糕精緻又細細件,貪心D可以試多幾款,推介下面款朱古力蛋糕,唔多講大家自己去試。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-09-05
5825 瀏覽
今次係第二次尼澳門食自助餐啦,去到碼頭塔車過尼都好快,澳門既sunday brunch都係諗住尼試下,食完就去行街! 咁去到我見食物選擇唔算多,熱食十款左右,海鮮都有波士頓龍蝦,長腳蟹,生蠔… 甜品都係十款左右,有好細細件葡撻,亦有鵝肝食,我都有食過下所有食物,我覺得熱食款較普通,無乜係特別好食,甜品就太甜啦,係雪糕同格仔餅就好食d, 呢度d海鮮同生果都幾新鮮,4百幾蚊位我覺得不過不失啦,又唔係話覺得好抵食,我諗鍾意食海鮮既會鍾意食呢間lo! 繼續閱讀
(以上食評乃用戶個人意見 , 並不代表OpenRice之觀點。)
等級4 2016-07-26
5686 瀏覽
香港近年嚟嘅自助餐愈食愈貴,好小小的質素,以午餐嚟講兩個人最小都要600蚊,晚餐就1500蚊到先埋到單。所以唔係大時大節都唔敢出去食自助餐,自助餐慢慢就變左個奢侈品哈哈。米芝連的食店,相信大家都成日聽到。我聽到呢個名詞就剩係會有兩個感覺,就係貴同超貴。因為呢d食店通常都係d走高檔路線嘅餐廳,食物會有質素d,所以相對就貴d。喺澳門,就會有機會比你以大眾化的價錢食酒店質素嘅嘢。今次就食星際酒店入面的米芝連有星星嘅餐廳,拒嘅午餐係半自助的形式,有個自選湯,主食,頭盤同甜品係自助形式,仲包有杯餐飲。頭盤選擇種類都幾多,刺身已經有4款,食落魚生味道新鮮,特別推薦係希靈魚刺身,好似一早經過醃的處理,味道很好,酸酸甜甜的,咬落又好爽,好味。另外,值得一提的係拒個面包,當一嚟到嘅時候,服務員就會按你嘅人數取不同份量的面包比你,入面有幾款不同的。面包都係以最懷舊的火爐焗製的,味道比一般的面包香脆,食落都好食d。主菜通常有5至6款,其中一種係是日燒烤。我通常都會選呢個,每一次都會有唔同款式。今次係燒西冷牛扒,牛扒比較瘦身,燒到外面熟,中間就大概6成熟,顏色仲有點紅,對我來說就差不多了。牛扒會跟薯蓉同幾件青豆,份量不大份,但如果又食頭盤又食甜品,呢個份量就岩岩好。朋友就選左鰻魚飯,鰻魚大概有半件,飯底就用左蕃茄汁,西式煮法加日式材料,又配合得幾好,朋友大讚好食!甜品就有唔同款嘅蛋糕,仲有生果。推薦一下個薄荷朱古力慕絲。一啖食落去已經好薄荷,朱古力味都幾重下,甜度適中,口感有d似忌廉,整個嚟講幾好食。仲有個芒果布甸杯,細細杯,上面有幾粒芒果,芒果當造幾甜下。布甸都幾滑,似係自家製產品,唔似d加啫喱粉的。如果經開澳門的話,不妨去試一下它d自助餐,相對香港嚟講個價錢同質素都偏高。7個人埋單先1500多元,平均一人200蚊左右,以合理嘅價錢就可以食到星星食府的質素,去邊到塭。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-07-23
3849 瀏覽
品味坊是酒吧格局,晚上有live band演出,但想不到食物令人有驚喜。今次「龍蝦之旅」,開始進入白熱化階段,之前是以黃酒蒸煮的中式代表,而眼前是西餐代表之一。焗大西洋龍蝦配黑松露菌及開心果仁 澳門幣 $238選用500克至700克左右的龍蝦,然後以清水煮6分鐘後開邊,另一方面,以橄欖油炒洋蔥、白酒、忌廉、黑松露菌及芝士,再將黑松露菌汁蓋在龍蝦肉上,灑上開心果仁碎,最後焗至表面有微焦。雖然工序繁複,但食落龍蝦肉依然爽彈,加上有黑松露的幽香,望見吧檯的日本威士忌酒,如果可以配上一杯來品嚐,也許是一個前所未有的感受。 繼續閱讀
(以上食評乃用戶個人意見 , 並不代表OpenRice之觀點。)
還記得上一次到星際酒店品味坊是吃自助餐 (幾年前了), 但原來品味坊已轉為À la carte餐廳了 裝修都跟以前不一樣, 變得有情調大約只有8張桌子, 環境舒適餐廳中央張圓桌放了好多種食物初時以為是半自助餐 (超好!)但原來只是作菜式展示而已 (噢!)看完展示菜式,先點了餐前飲品 友人們點了雞尾酒而我點了熱朱古力,品味坊的熱朱古力是一大壼送上的 (Happy!)店員送上熱騰騰的餐前麵包,外面脆脆的而內裡鬆軟帶少少濕潤感配上欖醬及橄欖油菜式定價中上,頭盤要100澳門元以上,主菜要過250澳門元煙車厘茄地中海魚湯,先送上一碟盛有配料的湯碟,再在客人面前倒上熱熱的魚湯這一顆車厘茄一定要慢慢品嚐,吃下會有一陣淡淡煙薰味在口腔散發出來白酒煮青口 - 本身想點白酒煮蜆,但店員推介這裡的青口,還送上麵包讓我們沾來吃青口煮得剛好還是嫩嫩的德國烤鴨 - 即叫即整的德國烤鴨,烤完了會先整隻送上讓客人的相機欣賞一番然後便會幫忙切開起肉上碟這烤鴨真的是必吃菜式,原隻鴨以果木炭火烤制,加上以橙、檸檬及其他香料作填料鴨肉散發著果香,肉質嫩滑不會乾而在烤制過程中逼走大部份油份,大可放心地吃下烤得香香而不油膩的烤鴨皮 (笑)西冷扒相比之下就沒那麼驚喜,但都有水準薯蓉煮得香滑吃到差不多甜品時間,餐廳旁的酒吧開始營業,燈光就完全變成紫紅調,加上酒吧傳來跟餐廳環境情調完全不配的音樂,有點兒趕客甜品點了香橙班戟,是在我們面前即席弄製的,味道亦不錯呀芒果千層餅 繼續閱讀
(以上食評乃用戶個人意見 , 並不代表OpenRice之觀點。)