Yamm

營業中

休息中

又到左我地班friend的定期聚餐。見到Yamm新推出Sunday Brunch，一於黎試一試。之前食過Yamm的自助餐已經覺得款式幾多，估唔到今次再黎又加左好多新野。以Brunch黎講款式比起其他酒店多好多，有海鮮冷盤、生蠔、刺身、芝士、燒牛肉、咖哩、熱葷、爐端燒、鐵板燒、汽酒、乳酪、甜品等。我當然係主攻海鮮同甜品啦。海鮮有生蠔、龍蝦、翡翠螺、大蜆、青口、扇貝等。翡翠螺同龍蝦都非常鮮甜，真係好好味啊！食物refill的速度很快，基本上任何時間出去拎都唔洗等，值得一讚。甜品而家轉左放響中間的位置，款式好多，成十幾廿款！有個叫做啤梨(Poached Pear)賣相靚得黎又真係好好味，一定要試。另外烘蘋果批、榴槤芝士餅都幾香幾好味。大家都覺得Yamm的環境幾好，枱與枱之間的空間足夠，不會太逼太嘈，可以慢慢傾下計。野食實在太多款式啦，每樣只係試少少都試唔晒，唯有下次再努力了。價錢唔洗三佰蚊位，以Sunday Brunch黎講都算幾抵。