露面手工拌麵料理

營業中

休息中

Covid之前lunchtime或放工上堂前成日幫襯，因為覺得d食物有水準，食物價錢抵食。因為WFH一排冇黎，冇諗過星期五晚7:00pm全場滿座，我哋等咗起碼15分鐘。每次黎都選擇困難症，因為望住個餐牌樣樣都想食，好彩今日有飯腳，可以share食。每次黎必點魯肉飯同酸菜湯小雲吞。魯肉飯有滷水蛋，唔洗特登加錢嗌，仲有佢碗飯好多魯肉，唔會好似其他地方唔夠送飯。d魯肉好入味，好味，推介!!朋友就叫咗個魯肉撈麵，我自己鍾意配飯多啲，酸菜湯小雲吞，夏天食呢個酸菜湯令人好開胃，D雲吞又皮薄多肉，正!!另外好肚餓嘅我哋仲叫咗咖喱豬扒，第一次試呢個，咖喱夠辣濃味，豬扒夠香口，大大份，抵食。