影片
更多
2025-05-03
41 瀏覽
今日同朋友去咗銅鑼灣行街，行完之後就去咗渣甸坊嗰頭睇吓有咩食。行行下就發現咗一間專食吞拿魚嘅小店，咁啱我好鍾意食吞拿魚，所以又入咗去試吓！入到去見到個餐牌就覺得好新奇有趣，有少少似fusion咗中式嘅菜式，又有肉餅飯又有燒賣，但係原來佢嘅肉全部都係吞拿魚蓉！我嗌咗個推介嘅夢之丼而朋友就叫咗帶子肉餅飯，我哋而家嗌咗兩粒燒賣試吓！夢之丼嗰一個set除咗個飯之外，仲有個柚子沙律，茶碗蒸同埋麵豉湯。一嚟到賣相已經好吸引，勁大塊嘅大拖羅喺飯上面，左右配上中拖羅同埋赤身，性價比極高。上面都有一粒小型燒賣可以試吓。首先試咗粒燒賣，你食落去係滿滿嘅吞拿魚蓉，用咗一塊好薄嘅大豆皮包住，感覺好新鮮！之後即刻試過大拖羅，好肥美完全冇筋，食落口之後有魚油味道！同埋值得一讚嘅係魚生並冇冰鮮味，好正。跟住佢嘅中拖羅口感唔錯，適量嘅魚味又唔會太油膩。而佢嘅赤身咬落去實淨啲，魚味亦都重啲。三款嘅吞拿魚都另外有去咗日本嘅感覺！而茶碗蒸入邊亦都有少少蟹膏，配上好滑嘅蛋，亦都10分唔錯。而且麵豉湯就不過不失啦！朋友嘅帶子肉餅飯，上到嚟都好震撼，啲吞拿魚蓉多到完全見唔到個飯，帶子亦都好鮮甜。吞拿魚蓉作多餘嘅調味，食得出佢嘅鮮
入到去見到個餐牌就覺得好新奇有趣，有少少似fusion咗中式嘅菜式，又有肉餅飯又有燒賣，但係原來佢嘅肉全部都係吞拿魚蓉！
我嗌咗個推介嘅夢之丼而朋友就叫咗帶子肉餅飯，我哋而家嗌咗兩粒燒賣試吓！夢之丼嗰一個set除咗個飯之外，仲有個柚子沙律，茶碗蒸同埋麵豉湯。一嚟到賣相已經好吸引，勁大塊嘅大拖羅喺飯上面，左右配上中拖羅同埋赤身，性價比極高。上面都有一粒小型燒賣可以試吓。首先試咗粒燒賣，你食落去係滿滿嘅吞拿魚蓉，用咗一塊好薄嘅大豆皮包住，感覺好新鮮！之後即刻試過大拖羅，好肥美完全冇筋，食落口之後有魚油味道！同埋值得一讚嘅係魚生並冇冰鮮味，好正。跟住佢嘅中拖羅口感唔錯，適量嘅魚味又唔會太油膩。而佢嘅赤身咬落去實淨啲，魚味亦都重啲。三款嘅吞拿魚都另外有去咗日本嘅感覺！而茶碗蒸入邊亦都有少少蟹膏，配上好滑嘅蛋，亦都10分唔錯。而且麵豉湯就不過不失啦！
朋友嘅帶子肉餅飯，上到嚟都好震撼，啲吞拿魚蓉多到完全見唔到個飯，帶子亦都好鮮甜。吞拿魚蓉作多餘嘅調味，食得出佢嘅鮮味。
我哋嗌咗個燒賣分別係手切日本藍鰭吞拿魚蓉燒賣同埋親子蟹柳燒賣。兩粒燒賣買相都好靚，佢個燒賣個底有小小嘅飯，上面配上口嗰啲飯嘅吞拿魚蓉，加上小小嘅洋蔥同埋芝麻，成件事好夾！而佢嘅親子蟹柳燒賣啲飛魚子多到勁誇張，配上松葉蟹柳同埋吞拿魚蓉，鮮味Max！！
總括嚟講今日呢餐飯都10分滿意，食到吞拿魚嘅鮮味之餘，亦都可以用另一款食法感受吞拿魚嘅味道，如果下次經過附近都可以再試吓！
張貼
