影片
更多
2020-02-23
139 瀏覽
最近有外國旅遊網站推介全球Top 50 Best Burger，香港有間餐廳有幸榜上有名，梗係要去試下佢！地點：呢間分店唔係位處於大街，一般人真係幾耐先會發現到呢間餐廳因為佢係係一條小巷入面，又無乜招牌指示牌比大家，舖頭又唔太起眼，不過坐巴士係正街落，轉個彎就會到！環境：餐廳嘅面積真係好細，得幾張高枱同埋一條bar枱，不過佢應該係主打外賣，用餐期間見佢地真係做唔停手，又不停有人黎拎外賣，果然係一間名店！餐廳係傳統嘅開放式廚房，另外用餐地店有一個超大嘅餐廳logo同埋好多食客嘅Yummy相，感覺係幾受歡迎👏食物質素：叫左一杯士多啤梨奶昔、兩個cheese burger同埋一份garlic fries士多啤梨奶昔🥤（$69）估唔到最早上嘅係杯奶昔，叫左杯士多啤梨奶昔share，味道應該係調較過去迎合亞洲人嘅口味，感覺無傳統美國嘅奶昔咁樣得個甜字，飲落都唔會覺得太肥仔杯邊用左士多啤梨醬去帶杯身，為成杯奶昔增添不少美感Cheeseburger🍔（$109)首先要讚下店主好細心，用左個紙盒入住個包，衛生之餘又唔怕食客會整污糟隻手！黎食之做過research知道店主用左兩年時間去研究出接近完美嘅手
地點：呢間分店唔係位處於大街，一般人真係幾耐先會發現到呢間餐廳因為佢係係一條小巷入面，又無乜招牌指示牌比大家，舖頭又唔太起眼，不過坐巴士係正街落，轉個彎就會到！
環境：餐廳嘅面積真係好細，得幾張高枱同埋一條bar枱，不過佢應該係主打外賣，用餐期間見佢地真係做唔停手，又不停有人黎拎外賣，果然係一間名店！餐廳係傳統嘅開放式廚房，另外用餐地店有一個超大嘅餐廳logo同埋好多食客嘅Yummy相，感覺係幾受歡迎👏
食物質素：
叫左一杯士多啤梨奶昔、兩個cheese burger同埋一份garlic fries
士多啤梨奶昔🥤（$69）
估唔到最早上嘅係杯奶昔，叫左杯士多啤梨奶昔share，味道應該係調較過去迎合亞洲人嘅口味，感覺無傳統美國嘅奶昔咁樣得個甜字，飲落都唔會覺得太肥仔杯邊用左士多啤梨醬去帶杯身，為成杯奶昔增添不少美感
Cheeseburger🍔（$109)
首先要讚下店主好細心，用左個紙盒入住個包，衛生之餘又唔怕食客會整污糟隻手！
黎食之做過research知道店主用左兩年時間去研究出接近完美嘅手工法國牛油包Brioche Buns，牛肉用上美國USDA安格斯牛，醬汁用左紅酒牛油同醋，務求要係香港做出一種美國地道風味嘅漢堡包🍔
話晒主打菜黎架喎，味道就當然無庸置疑啦，包身就平時出面食嘅好唔同，包身看起來挺身，外面輕輕的烘脆左，但入面又可以做到鬆軟，唔似一般漢堡包咁比較厚實嘅質感，牛肉煎到有少少燶邊，務求帶比大家外脆內嫩嘅感覺
味道方面，包口感外面脆口，入面鬆軟，而且包有濃濃嘅牛油香味，甜甜地好正！牛肉用上左高質美國安格斯牛，煎得七八成熟，外層煎到有少少燶嘅脆口嘅，務求鎖住肉汁係牛肉入面。由於佢係手工製造，肉質唔會好實，咬落去肉汁出晒黎，一啲都唔dry，再加埋佢嘅千島醬汁，酸酸甜甜同新鮮嘅肉汁perfect match！入面再配上洋蔥蕃茄生菜，令到成個包絕對唔會有油膩嘅感覺！
California Style Garlic Fries 🍟（$49)
最出名係黑松露薯條嘅，但香港好少係蒜蓉薯條，於是就試試！薯條用左金拱門style嘅幼薯條，但我覺得粗薯條會比較同個醬夾啲。
薯條上面淋上滿滿的蒜蓉，超級香味，熱辣辣脆口，蒜蓉醬好濃烈（第一次約會唔好叫呢個🤭）而且有濃烈嘅蒜香辣味，對於蒜蓉控嘅朋友簡直係天堂😍但對我黎講就有啲too much😂下次都係叫番黑松露薯條🍟
服務：上菜時間好快，貫徹美式餐廳嘅速度，雖然店員不停收到海量嘅外賣訂單，但係都係好熱烈咁問我地有咩需要同好唔好味，加分！另一樣值得讚揚嘅係佢地上完菜之後，見我地係咁搵野抹手，店員好主動咁拎左樽酒精搓手液我地月手食完又主動拎兩包濕紙巾比我地，真係超級細心！
價錢：以$109呢個價錢嘅漢堡包算係中上價錢，但如果同你講呢個係全球Top 50黎講，真係超值超值，而且真係有名而又有實！呢個質素呢個價錢真係抵佢咁成功！
最近睇到個訪問話老闆最想係美國開一間分店，希望佢早日完成心願！
張貼
