286
15
9
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
食家推介
間中行行吓街都會想食burger ，但係又唔想食每個地方都會有一間喺你附近嗰啲牌子，咁啱行過見到一間隱世小店🤩，諗都唔諗就入咗去🤣。Single Burger🍔 同一樣食開嘅burger 唔同，不論係包嘅質感，蔬菜嘅新鮮程度，牛肉嘅質感唔同肉汁，厚度，都唔一樣😋。食落真係唔同，所以點解見到要即刻試試👍。Fish Burger試完個牛堡，點可以唔試埋個魚堡😋，除咗本身個包同配料都好食之外，魚堡個魚做得金黃脆口，陣陣香味飄出嚟👍，食落脆卜卜不得了，魚🐟唔會有雪味，咬開仲有煙出👍👍。Coconut Water + Garlic Fries薯條🍟食原味之外，都可以試下啲特色啲嘅味道，見佢鋪頭有garlic 味嘅薯條🍟，朋友都忍唔住話想試試，因為唔係度度有得叫。食落除咗本身香口脆卜卜之外，重garlic味令到薯條再升華咗去另一層次😋。Beer + French Fries真心食得burger嘅，一定會有薯條🍟，薯條唔單止脆卜卜，食落又好香口，所以配搭薯條嘅絕配必定係Beer🍻🍻🍻🤩🤣。配得啤酒，當然係食佢完美嘅薯條🍟，咁先夠原汁原味👍。
繼續閱讀
喺西環行咗一陣 諗住去睇日落之前去食少少嘢朋友帶咗我去呢間食漢堡包佢話呢間好好食 好啦我就試吓啦(⁎⁍̴̛ᴗ⁍̴̛⁎)間鋪細細間 但係都幾多人食 同埋都幾多人外賣-黑松露薯條 $60薯條正常操作 份量唔算少黑松露好香 但係略嫌黑松露份量唔夠多好快食晒啲黑松露 得返齋薯條(｡ ́︿ ̀｡)-芝士牛肉漢堡 $110牛肉好厚 擘大個口都咬唔晒咬落好Juicy(*≧ω≦) 唔油膩牛肉唔會太生 8-9成岩岩好個包同黃色M冇得比 脆得黎好鬆軟好出色 同出面唔同-雞肉漢堡 $90雞嘅質感好嫩 煎得好香 都係大大塊睇自己鍾意食牛定係雞(⁎⁍̴̛ᴗ⁍̴̛⁎)-美式炸雞 $60都係正常操作(⁎⁍̴̛ᴗ⁍̴̛⁎)皮唔係厚唔係薄不過要早啲食晒佢 放耐左口感好似唔係咁好食(´･ω･`)-黑牛雪糕特飲 $50雪糕加可樂(⁎⁍̴̛ᴗ⁍̴̛⁎) 雪糕係雲呢拿雪糕成個過程好好玩 好神奇(*≧ω≦)一唔小心比雪糕下沉左 引起一場嚇死me嘅畫面搞到勁多氣泡(｡･ω･｡)
繼續閱讀
食開灣仔、中環Burger Joys覺得幾OK。西營盤哩間之前都幫襯過一次，覺得還可以。今次再幫襯真係後悔。個包乾憎憎無得幾多滴醬，個patty又鹹到咩咁，搞到我忍唔住自己加茄汁。第一次食到咁難食嘅漢堡，連麥記都不如。$99一個最普通嘅牛肉漢堡，一D 都唔值。唔講真係以為係同Burger Joys share舖間Lucky Smxxh出品嘅$50包。整D咁嘅嘢比人食真係做壞晒Burger Joys個名。我估都應該無下次，睇下仲做到幾耐。
繼續閱讀
自從老麥同老鄉雞偷工減料又貴又唔好食質素每況愈下拒絕幫襯之後，已經好少食漢堡飽同薯條.雖然以前已經唔多幫襯!今晚女友小熊出差上環，就約我落去西環嘅 Burger Joys 開餐.係灣仔幫襯過一次質素滿意，所以今次嚟西環分店好放心幫襯.今次點芝士味薯條同蒜香味薯條，芝士漢堡同魚柳包.魚柳包係足一塊芝士，老麥嘅魚柳包得半塊芝士咋! 而枱上嘅魚柳包魚柳炸得啱啱好外層香脆內裡有肉汁 Juicy，沙律汁夠多，咬落去好複雜，又有麵包軟綿又有生菜洋蔥脆口又有沙津汁帶少少酸.芝士漢堡塊牛肉漢堡夠厚足料，牛肉 Juicy 再加上惹味芝士一同入口，滿足!薯條分量足，食薯條已經飽肚一半，最特別係蒜香薯條，感覺蒜蓉係生蒜泥，一上枱蒜味已經撲鼻而來，再加上兩個足料份量大嘅漢堡包，晚飯都唔洗食.蒜香雞翼亦都係足料之作，用嘅係D比較大隻嘅雞翼，唔似D什麼老鄉雞用D瘦雞雞翼，甜中帶酸又有輕微辣味，夾自己唔食辣口味.原本想點洋蔥圈，但係兩個包實在太足料，再加埋薯條，已經頂肚，唯有下次再叫洋蔥圈!
繼續閱讀
不嬲都知西環多嘢食，不過要星期五先可以多少少時間去遠啲食，今次都係同事帶我去依間漢堡包店 初初搵咗一輪，算係好顯眼嘅位置。可能過咗最多人嘅時間，入到去竟然一台客都冇，但係就不斷有啲外賣來取貨我有叫佢Cambo另外再加錢叫奶昔，有我最鍾意嘅曲奇奶昔我哋叫咗雞翼，漢堡包，同埋曲薯條，+2杯奶昔，加埋$300左右算係幾滿足嘅一餐，平時食開中上環，都係主要食碟頭飯茶餐廳為主，呢間啲風味漢堡包，麵包元素，塊扒都幾Juice！
繼續閱讀