Burger Joys (第一街)

營業中

休息中

最近去咗上環海味街，行到有啲餓，諗起之前西環有間Burger Joy喺附近。記得個漢堡包皮係我喜歡的，所以就行去食。餐廳主打漢堡和薯條。我哋每人叫了一個漢堡，分別是芝士牛肉漢堡和雞肉漢堡，其中一個漢堡加配套餐，可以有薯條和汽水。芝士牛肉漢堡記得以前都是喜愛這一款，這款漢堡絕對是肉食愛好者的天堂。特別喜歡這餐廳的漢堡麵包，十分柔軟，加上用牛油煎香，外皮夠熱又脆，內裏軟而重牛油香味，味道帶點香甜。中間夾住厚厚的牛肉，咬落多汁，口感豐富配上融化的芝士和清新的配菜，每一口都是享受和多層次的滿足。雞肉漢堡每次來這裏都只食芝士牛肉漢堡，一直都沒有試過其他漢堡，今次想試試其他款式。雞肉漢堡用上和芝士牛肉漢堡一樣的麵包。雞肉煎得金黃香脆，有厚度，所以保持嫩滑，而且夠大塊。它搭配的醬料和新鮮蔬菜讓整個漢堡更加豐富。除了芝士牛肉漢堡，這個也是下次必食的。當然，漢堡的完美搭配少不了炸薯條。炸薯條即叫即炸，金黃色的外皮和熱騰騰的薯條令這個午餐錦上添花。芝士牛肉漢堡一如既往的好吃，雞肉也不錯，下次可能會再嘗試未試過的炸魚柳漢堡！期待下次再來！

好耐冇食過漢堡包，今日嚟西環做嘢，心血來潮，想食返個滋味漢堡，醒起第一街嗰間人氣漢堡店「Burger Joys」，立即坐言起行。冇嚟一排，店面依舊，裝潢採美式風格，牆上掛有顧客享用美食時嘅照片，配以一室落地大玻璃，感覺開揚不侷促。點咗芝士牛肉漢堡 ($110) 同 魚柳漢堡 ($90)，+$42 可升級套餐，包罐裝汽水或啤酒及薯條。漢堡扒選用 USDA 美國安格斯牛肉，再加入紅酒及牛油炮製，入口牛味好香濃，肉質軟嫩，濕潤度亦啱啱好，能食到適當肉汁！麵包厚度啱啱好、軟熟富彈性；芝士半溶化、增添潤澤；加埋新鮮蕃茄、嫩綠生菜同爽脆紫洋蔥一齊食，令整個 Burger 層次更豐富，頂級滋味！魚柳漢堡水準亦唔錯，魚柳很厚身、大大塊，新鮮即炸，食落好香脆，入面嘅魚肉好嫩滑，麵包富牛油香，配搭生菜、蕃茄、半熔芝士和醬汁，邪惡又美味~~套餐揀咗罐可樂同薯堡，薯堡細細粒，炸得好香口，外脆內綿，一啖一粒，味道甚佳，推薦！

今次走過一間唔錯嘅餐廳，講真，佢地嗰啲漢堡真係正！先講下個Cheese Burger，啲麵包超鬆軟，咬落有輕飄飄嘅感覺，好似雲朵咁，而嗰塊牛肉扒呢，厚度啱啱好，多汁得黎唔會漏，簡直係perfect！👌再嚟就係個Fish Burger，魚柳真係厚身得嚟口感煙韌，食咗仲想再食。至於埋單加上嗰份Combo嘅Strawberry Milkshake，冇晒cream之後清新好多，啱啱好嘅甜度，仲有啲士多啤梨粒粒嘅口感，真係令人飲得心花怒放🌸。夾埋個Black Truffle Fries，嗰份香氣真係撲鼻而嚟，松露味好重，簡直就係薯條界嘅富貴兄😎。唔過呢，多咗啲松露醬就有啲過，有少少太rich。喺餐廳坐低嘅感覺都幾chill，服務態度都好好，見到我個奶昔不穩定，即刻就有心機嚟換過，真係貼心！總括嚟講，呢度嘅食物同埋氣氛都好可以，下次想食漢堡，我一定會再嚟！🍔👍

打邊爐有時真係太攰，今日我就揀咗間漢堡包店來點個簡單D嘅飯局。第一波上場嘅係招牌牛肉漢堡，肉扒咬落去彈牙得嚟多汁，配上個半溶芝士，融化喺熱辣辣嘅肉汁裏面，齊齊滑過喉嚨，爽呀！酸瓜和紫洋蔥做咗個完美助攻，脆口感覺鮮明，夾雜肉香，實在太正！第二款雞肉漢堡都唔係蓋的，雞肉鬆軟得滑，帶啲微微的焦香，入口即化。梳打包底幾嚟首選，輕脆嘅外皮，麵糰卻又軟棉得黎有靈魂，一啖一個滿足！點忘記埋那把子辣味雞翼呢？辣得嚟唔辣親嘴，咬落去一嘴香脆，雞肉又嫩又滑，啖啖肉汁透過辣粉嘅麻辣滋味，簡直刺激到我哋哋味蕾！吸引到我尤其就係件事，呢度嘅漢堡唔使等得太耐，真係即叫即得，每次都能夠食到熱辣辣嘅快感，一啖漢堡，全日疲勞即刻掃晒！好戲，食完仲可以打卡影靚相，好去處！🍔🔥👍

終於試到呢間burger了！一直都知灣仔個間好出名，今次經過西環，就試左佢嘅分店！🔸CHEESEBURGER 芝士牛肉漢堡 $110即叫即整的Burger，睇外觀已經好吸引！包面用牛油烘過，好香脆，大大塊牛肉咬落去非常多汁，配合芝士加其他配菜，每一啖都係享受！🔸BLACK TRUFFLE FRIES 黑松露薯條 $60幼身薯條炸得好香脆，配上濃厚的黑松露醬，簡直係perfect match 🤤好食到停唔到🔸CLASSIC BUFFALO WINGS 經典水牛雞翼 6隻 $60雞翼好脆口，配上秘製水牛汁，酸酸辣辣的，辣得好過癮！

最近去左西環的Burger Joys，我點咗佢地嘅芝士薯條、水牛雞翼同埋磨菇漢堡，真係令我印象深刻。芝士薯條：我超級鍾意佢地嘅薯條，好脆好軟，又金黃色，蘸落濃郁嘅芝士醬，味道真係完美絕配。芝士嘅濃郁同薯條嘅香脆，每一口都好滋味，真係令人回味無窮。水牛雞翼：雞翼嘅肉質好嫩多汁加埋燒烤嘅香氣，真係好吸引人。再加上辣嘅醬汁包覆住雞翼，令佢哋更加美味。呢個組合真係好奇妙，我覺得呢個係我食過嘅最好味嘅雞翼之一。最後就係磨菇漢堡。呢個漢堡真係素食者嘅天堂。磨菇嘅鮮味同埋其他蔬菜嘅香氣喺口中爆發，口感豐富多汁。再加上酥軟嘅麵包同埋濃郁嘅醬汁，呢個漢堡真係令人回味無窮。

隱身喺西營盤入面嘅小巷內有間小漢堡包店，有幾張枱堂食。舖仔細細，入面有好多其他foodie嘅好食好味相 hahaha全部都即叫即整，一d都唔急，可以飲住野慢慢傾計。高枱設計有bar嘅感覺。Cheese burger $110加combo有薯條同1/2 pint Stella啤酒+$42同single嘅分別係多層芝士~個burger有牛油紙包住，外面再放半邊紙盒，一路食完全唔會漏汁！食過太多次漢堡包係會邊食邊漏汁。。。成手都係！呢個包淨係用牛油紙都好好。肉唔會偏咸，個包又柔軟好香唔油幼身薯條，每條都炸到，唔似m記好多都係淋嘅/有時硬脆食唔到。Single burger $100最怕食burger連combo set食完勁口渴又太飽食濟加咗combo都唔會好heavy, 份量啱啱好！

餐廳就在後巷子裏，感覺上是隱世食店般，店內的裝修簡單，但五臟俱全，椅子及枱都是較高的那種，感覺是聊天舒適的好地方！漢堡選擇只有數款，但都是非常足料大份，除了牛肉可選外，還有雞、魚及素食漢堡可選！雜菌蘑菇芝士漢堡內裡有生菜番茄及洋蔥，而漢堡扒的是雜菌粒粒制成，外圍邊位還帶脆身，素食也太好吃了！而魚柳漢堡也非常有驚喜，魚柳十分有厚度，魚肉還能看到魚柳原體的一瓣瓣魚肉，魚肉更是很有水份感，十分嫩滑！炸薯條是較幼身的，每條均是脆卜卜，份量也很多！

位於灣仔嘅burger joys，喺在國際遊記網站Big 7 Travel公佈的「全球50間最出色漢堡店」榜單中，Burger Joys名列第31名，都喺香港唯一入榜的漢堡店！所以一直嚟都好想去試食！ 今次就叫咗一個single burger同埋cheese burger 🍔 ， burger嘅牛肉啦係非常之厚，對我嚟講有一啲都唔乾！ 但係我朋友食嗰個cheeseburger就比較dry啲，我哋兩個食完之後都係覺得唔會話去到好特別，但係對比M記嘅包確實係好食啲，但係佢個價錢就貴過M記😂 題外話: 我哋一致覺得SHAKE SHACK好食啲😉講返佢杯嘢飲🧃，其實就非常之足料，個cream都非常之高同厚🤣 但都係嗰句，冇太特別。

位於西營盤第一街的Burger Joys位於小巷中，店舖雖然不算起眼，不過食物質素高，甚至比起一般大牌子連鎖漢堡包店做得更加出色。店舖內地方雖小，座位大概十張左右，典型小店格局，但漢堡及雞翼 都有水準，亦不時見到有不少外賣給外送。💙 Cheese Burger 芝士牛肉漢堡漢堡包非常足料，有醃黃瓜、生菜、牛肉漢堡、蕃茄、芝士、生洋蔥。麵包處理有心機，先把麵包底部烤香，再細心塗滿牛油，令到包邊香脆。而牛肉漢堡肉嫩多汁，牛肉味道濃郁，一啖咬下去肉汁四濺，再加上生菜及醃黃瓜增添一份清新口味。💙 Chicken Burger 雞肉漢堡雞肉漢堡的雞扒處理得宜，炸得高質素，雞皮脆口但沒有油膩感覺，肉質嫩滑而且有肉汁，不過調味上稍為鹹了一點點，不過配合生菜及其他配料就剛剛好。至於漢堡包整體搭配合適，排列整齊，賣相討好。💙 Cripsy Garlic Wings 蒜香雞翼雞翼先炸過再灑上蒜蓉汁，雞皮位置脆口，裏面肉質嫩滑有肉汁，煮住得剛剛好，沒有過熟或未熟情況。醬汁方面，蒜蓉味道調配剛好，沒有過濃，而且有少少辣味令到雞翼更加惹味。

我最愛既BURGER NIGHT🔥🍔•芝士牛肉漢堡食漢堡包一定要配牛肉加芝士入面仲有厚厚既番茄菜加軟包面好味•黑松露薯條黑松露唔夠多 加唔係肥仔薯條有啲遜色•水牛雞翼微辣泰式辣醬撞上炸雞翼呢個就比較惹味整體可以

喺西環行咗一陣 諗住去睇日落之前去食少少嘢朋友帶咗我去呢間食漢堡包佢話呢間好好食 好啦我就試吓啦(⁎⁍̴̛ᴗ⁍̴̛⁎)間鋪細細間 但係都幾多人食 同埋都幾多人外賣-黑松露薯條 $60薯條正常操作 份量唔算少黑松露好香 但係略嫌黑松露份量唔夠多好快食晒啲黑松露 得返齋薯條(｡ ́︿ ̀｡)-芝士牛肉漢堡 $110牛肉好厚 擘大個口都咬唔晒咬落好Juicy(*≧ω≦) 唔油膩牛肉唔會太生 8-9成岩岩好個包同黃色M冇得比 脆得黎好鬆軟好出色 同出面唔同-雞肉漢堡 $90雞嘅質感好嫩 煎得好香 都係大大塊睇自己鍾意食牛定係雞(⁎⁍̴̛ᴗ⁍̴̛⁎)-美式炸雞 $60都係正常操作(⁎⁍̴̛ᴗ⁍̴̛⁎)皮唔係厚唔係薄不過要早啲食晒佢 放耐左口感好似唔係咁好食(´･ω･`)-黑牛雪糕特飲 $50雪糕加可樂(⁎⁍̴̛ᴗ⁍̴̛⁎) 雪糕係雲呢拿雪糕成個過程好好玩 好神奇(*≧ω≦)一唔小心比雪糕下沉左 引起一場嚇死me嘅畫面搞到勁多氣泡(｡･ω･｡)

食開灣仔、中環Burger Joys覺得幾OK。西營盤哩間之前都幫襯過一次，覺得還可以。今次再幫襯真係後悔。個包乾憎憎無得幾多滴醬，個patty又鹹到咩咁，搞到我忍唔住自己加茄汁。第一次食到咁難食嘅漢堡，連麥記都不如。$99一個最普通嘅牛肉漢堡，一D 都唔值。唔講真係以為係同Burger Joys share舖間Lucky Smxxh出品嘅$50包。整D咁嘅嘢比人食真係做壞晒Burger Joys個名。我估都應該無下次，睇下仲做到幾耐。

自從老麥同老鄉雞偷工減料又貴又唔好食質素每況愈下拒絕幫襯之後，已經好少食漢堡飽同薯條.雖然以前已經唔多幫襯!今晚女友小熊出差上環，就約我落去西環嘅 Burger Joys 開餐.係灣仔幫襯過一次質素滿意，所以今次嚟西環分店好放心幫襯.今次點芝士味薯條同蒜香味薯條，芝士漢堡同魚柳包.魚柳包係足一塊芝士，老麥嘅魚柳包得半塊芝士咋! 而枱上嘅魚柳包魚柳炸得啱啱好外層香脆內裡有肉汁 Juicy，沙律汁夠多，咬落去好複雜，又有麵包軟綿又有生菜洋蔥脆口又有沙津汁帶少少酸.芝士漢堡塊牛肉漢堡夠厚足料，牛肉 Juicy 再加上惹味芝士一同入口，滿足!薯條分量足，食薯條已經飽肚一半，最特別係蒜香薯條，感覺蒜蓉係生蒜泥，一上枱蒜味已經撲鼻而來，再加上兩個足料份量大嘅漢堡包，晚飯都唔洗食.蒜香雞翼亦都係足料之作，用嘅係D比較大隻嘅雞翼，唔似D什麼老鄉雞用D瘦雞雞翼，甜中帶酸又有輕微辣味，夾自己唔食辣口味.原本想點洋蔥圈，但係兩個包實在太足料，再加埋薯條，已經頂肚，唯有下次再叫洋蔥圈!

間中行行吓街都會想食burger ，但係又唔想食每個地方都會有一間喺你附近嗰啲牌子，咁啱行過見到一間隱世小店🤩，諗都唔諗就入咗去🤣。Single Burger🍔 同一樣食開嘅burger 唔同，不論係包嘅質感，蔬菜嘅新鮮程度，牛肉嘅質感唔同肉汁，厚度，都唔一樣😋。食落真係唔同，所以點解見到要即刻試試👍。Fish Burger試完個牛堡，點可以唔試埋個魚堡😋，除咗本身個包同配料都好食之外，魚堡個魚做得金黃脆口，陣陣香味飄出嚟👍，食落脆卜卜不得了，魚🐟唔會有雪味，咬開仲有煙出👍👍。Coconut Water + Garlic Fries薯條🍟食原味之外，都可以試下啲特色啲嘅味道，見佢鋪頭有garlic 味嘅薯條🍟，朋友都忍唔住話想試試，因為唔係度度有得叫。食落除咗本身香口脆卜卜之外，重garlic味令到薯條再升華咗去另一層次😋。Beer + French Fries真心食得burger嘅，一定會有薯條🍟，薯條唔單止脆卜卜，食落又好香口，所以配搭薯條嘅絕配必定係Beer🍻🍻🍻🤩🤣。配得啤酒，當然係食佢完美嘅薯條🍟，咁先夠原汁原味👍。