古今二 (The ONE)

營業中

休息中

今日同朋友嚟到尖沙咀，行街見到呢間都唔錯，幾多人排隊，就揀咗呢間。$88 日式麻醬豆腐沙律勁大份，一見到有啲擔心食唔晒，份量超足，仲有好耐冇食過嘅中華沙律，豆腐滑溜。$119 彩虹卷$72 龍卷風叫咗兩個卷，兩樣放喺同一隻碟上邊，都幾震撼。彩虹卷係牛油果加蟹柳喺入邊，另外有唔同嘅魚喺上邊，朋友幾鍾意呢個。最鍾意龍捲風，平時好少覺得鰻魚好食嘅，竟然覺得呢個鰻魚捲，配上好特別嘅芝士碎，出奇好食。$38 鹽燒白鰻朋友叫咗呢一個，鍾意食魚嘅，佢覺得好食。燒到魚皮脆卜卜。$38 雞胸軟骨串燒我就食呢個雞軟骨，同平時細粒嘅雞軟骨唔同，呢個好大粒，燒到帶有焦香，有口感勁爽口。