影片
更多
2005-07-30
9 瀏覽
23 July 2005 15:00Tiffin 既Dessert Buffet 就大把人都試過,如果覺得比較"漏"的話,大家不妨去試下佢既Tea Buffet。Tiffin 既Tea Buffet 有不少精美鹹點,好似finger sandwiches (有成5-6款),迷你豬扒飽,吞拿魚酥,沙爹串燒(牛肉,豬肉),雞翼,咖哩角等等。豬扒飽外脆內軟,我極力推薦,大家去到一定要試!試完鹹點,就梗係要再品嚐各式甜品啦!今次居然有咖啡忌廉脆筒,香甜酥皮脆筒包住幼滑濃郁既咖啡忌廉,你又點能夠抗拒?雖然甜品款式都有成廿多款,但由於今期無我最like既cheese cake 同mousse cake,大部份cake都以海綿為主,所以我無乜點試,唯有食多件佢既招牌綠茶紅豆卷,好正既樁子曲奇,香甜又滑溜既海底椰西米露,同埋美味既Haagen-Dazs strawberry ice-cream & rasberry sorbet with hot waffle & toppings. 最後點埋杯coffee or tea, 呢個Tea Buffet 就非常之完滿喇!雖然大拿拿二百蚊食個tea好似貴左0
Tiffin 既Dessert Buffet 就大把人都試過,如果覺得比較"漏"的話,大家不妨去試下佢既Tea Buffet。
Tiffin 既Tea Buffet 有不少精美鹹點,好似finger sandwiches (有成5-6款),迷你豬扒飽,吞拿魚酥,沙爹串燒(牛肉,豬肉),雞翼,咖哩角等等。豬扒飽外脆內軟,我極力推薦,大家去到一定要試!
試完鹹點,就梗係要再品嚐各式甜品啦!今次居然有咖啡忌廉脆筒,香甜酥皮脆筒包住幼滑濃郁既咖啡忌廉,你又點能夠抗拒?雖然甜品款式都有成廿多款,但由於今期無我最like既cheese cake 同mousse cake,大部份cake都以海綿為主,所以我無乜點試,唯有食多件佢既招牌綠茶紅豆卷,好正既樁子曲奇,香甜又滑溜既海底椰西米露,同埋美味既Haagen-Dazs strawberry ice-cream & rasberry sorbet with hot waffle & toppings.
最後點埋杯coffee or tea, 呢個Tea Buffet 就非常之完滿喇!雖然大拿拿二百蚊食個tea好似貴左0的,但諗下平時我地去酒店或置地high tea share 每位都差唔多一百啦,呢度勝在任食,款式又多,質素屬同級,都算物有所值。我仲見呢度high tea 既食物都係由buffet果度揀一0的放上盤再拎比客架咋!
Tea Buffet 時間係15:00-18:30,人流比Dessert Buffet 少,感覺鬆動得多,我同朋友都覺得好過Dessert Buffet,多0的鹹點始終無咁"漏",可以代替lunch & supper,一星期前book位應該無問題。
張貼