影片
更多
2022-06-05
1924 瀏覽
一年一度母親節......就當然唔好正日去食同人逼啦，又貴又多人，咪搞，買返個特價staycation package去咪算囉酒店安排我同媽媽食第二輪，8點先開始，餓到肚都扁晒都未有得入座一入場零秒衝去食龍蝦同麵包蟹，龍蝦多膏得黎蝦肉又彈牙，好食丫，麵包蟹同樣多膏，食完再食完全唔係問題再拎埋刺身返黎，不過唔記得影相，油甘魚同吞拿魚都算好食，吞拿魚唔似得好多地方咁淨係得雪味冇魚味，依度係算比較好嘅，油甘魚直情係值得再拎，大蝦亦都十分鮮甜又夠大隻，仲粗過我隻肥手指再拎龍蝦嘅同時順路拎少少cold cut試下就算，芝士同D ham都係極普通貨色，試過少少就算數，反而煙三文魚幾夠乾身又再加上刁草調味配合，唔錯，同龍蝦一樣值得再拎快手快口食完冷盤就輪到熱盤喇，一入熱盤area門口就係燒烤爐，有燒大蝦、豬頸肉、雞全翼同串燒唔知咩肉，燒大蝦限量發售唔排隊等一大輪係唔會有，唯有拎豬頸肉食住先，後尾再返黎拎燒大蝦發覺等得黎係有價值嘅，肉質爽口結實，燒烤味十足，如果有多少少調味就更好喇旁邊燒西冷燒得唔會太老，左右兩邊黎切個生熟度會有少少唔同，方便客人選擇不同生熟度，一邊大慨5成，另一邊大慨7成，只嫌牛味不
酒店安排我同媽媽食第二輪，8點先開始，餓到肚都扁晒都未有得入座
一入場零秒衝去食龍蝦同麵包蟹，龍蝦多膏得黎蝦肉又彈牙，好食丫，麵包蟹同樣多膏，食完再食完全唔係問題
再拎埋刺身返黎，不過唔記得影相，油甘魚同吞拿魚都算好食，吞拿魚唔似得好多地方咁淨係得雪味冇魚味，依度係算比較好嘅，油甘魚直情係值得再拎，大蝦亦都十分鮮甜又夠大隻，仲粗過我隻肥手指
再拎龍蝦嘅同時順路拎少少cold cut試下就算，芝士同D ham都係極普通貨色，試過少少就算數，反而煙三文魚幾夠乾身又再加上刁草調味配合，唔錯，同龍蝦一樣值得再拎
快手快口食完冷盤就輪到熱盤喇，一入熱盤area門口就係燒烤爐，有燒大蝦、豬頸肉、雞全翼同串燒唔知咩肉，燒大蝦限量發售唔排隊等一大輪係唔會有，唯有拎豬頸肉食住先，後尾再返黎拎燒大蝦發覺等得黎係有價值嘅，肉質爽口結實，燒烤味十足，如果有多少少調味就更好喇旁邊燒西冷燒得唔會太老，左右兩邊黎切個生熟度會有少少唔同，方便客人選擇不同生熟度，一邊大慨5成，另一邊大慨7成，只嫌牛味不足，調味不足，燒汁及黑椒味亦唔夠味
燒豬頸肉略嫌肉質過老，燒烤味及調味亦唔夠
豬腩卷要趁熱趁脆食，之後再拎個皮已經韌晒又唔夠熱，但頭一轉拎係幾好食嘅
芝士肉丸比較膩，粉多令肉丸一切就散，只靠中間芝士黏住
斑斕雞幾重斑斕味，肉質又唔會過老，係幾唔錯
炸蝦餅正常食得過
叉燒仲瘦過我，難食過美心外賣燒味，試一細細舊就唔使再拎，
條羅望子醬炸魚一入座去影就已經冇左一大忽，之後亦都唔見有補過貨，想拎都拎唔到
其他熱盤如燒鯖魚、燒春雞、雜菜、薯蓉、紅腸、蛋、豆腐，唔係平價貨就係滯到喊，年紀愈大，quota愈少，就當然放棄唔食啦，食多兩塊油甘魚刺身好過啦
甜品方面，cake選擇唔算特別太多，不過雪糕就好多款，簡簡單單拎少少cake返黎試下就算，結論係大家專心食雪糕算啦，尤其係個椰子燉蛋，打破左我食燉蛋嘅水平下限
拎碗雪糕配上一粒畫龍點睛嘅爆谷，雪糕唔錯夠奶味，爆谷亦係意料之外嘅香脆，仲好食過D cake，媲美街外專門店買嘅爆谷
總結:
依個係今個星期食嘅第2個buffet，正價黎計性價比較Big Bay Cafe為高，可以針對龍蝦、麵包蟹同刺身重點進攻，熱盤基本上冇野可以翻啅，值得一讚嘅地方亦係餐菜任飲，比起現行好多buffet連野飲都係得一杯貼心良許。
題外話/補充資料：
一排8張雙人枱，7張都係一對對couple黎食，對小毒毒黎講，個心真係有少少戚戚然
staycation完左之後酒店有send email黎問意見，回覆返酒店餐廳熱盤質素問題需要改善，換黎只有例行公事嘅回覆，實在令我有少許失望
(以上食評乃用戶個人意見 , 並不代表OpenRice之觀點。)
張貼
