第三站

今日放假同朋友去咗一間Cafe餐廳食飯有意外收穫,意外地有一頓美食嘅晚餐。我哋點了一個西班牙煙鴨胸燴飯,另一個煙三文魚野菌忌廉會闊條麵。一款正宗手法西班牙鴨胸燴飯,未上檯已經聞得香噴噴,顆顆飯粒飽滿圓潤,彈牙煙韌,薰煙鴨胸肉香撲鼻,當你放在嘴裏鴨肉汁液充斥口腔滿滿的,肉質幼嫩,火路控制得不溫不火汁液把整碟飯鋪得滿滿的,令人吃不停口。另一個煙三文魚野菌忌廉燴闊條麵同樣係得意之作,三文魚薰煙得零舍出色,野菌配上忌廉香氣芳香怡人,大廚烹調忌廉汁液非常巧手,蜜味幼滑,咪睇小佢嘅闊條麵,處理時間啱啱好,爽滑柔韌兼備,整體冇得輸。甜品都好出色,清香藍莓配搭濃郁滑捋捋芝士,加上軟綿綿嘅蛋糕,甜度適中。一杯小天使花茶,有五種不同品種嘅花香,滿滿一杯花茶非常豐富,佢除咗有芬芳嘅花香之外,仲可以令人安定情緒,紓解憂鬱,改善失眠之餘仲可以消除頭痛。餐廳對客人嘅服務非常貼心,值得一讚。玫瑰冰茶+$8士多啤梨乳酪加$10Menu