影片
更多
2023-03-09
29 瀏覽
最近食串燒食上癮，喺Openrice見到呢度一至四同星期日訂枱有折，仲要有日本生蠔送～好似好筍咁😳餐廳位置唔算起眼，不過上到去好旺場，氣氛仲好熱鬧，店員好友善咁介紹d清酒同特色串燒俾我哋☺️🔸酢漬水母、生蠔🔸俾朋友一言驚醒水母即係海蜇， 咬落爽口，配上檸檬汁酸酸地，未食主菜先開開胃😋送嘅日本生蠔都好新鮮飽滿，有海水味而且蠔肉偏爽身，係我鍾意嘅生蠔類型😋🔸鳥之提燈 🔸雞冠 🔸雞腳跟🔸雞皮紫蘇蝦卷 🔸自家製免治雞肉軟骨比較少見嘅鳥之提燈喺每日限量供應，蛋黃好creamy，少少似溏心蛋質感～之前食串燒已經好想試雞冠😆原來口感喺爽爽地咁好有咬口，好特別！咁多款雞串燒入面，雞皮紫蘇蝦卷最驚喜，雞皮同卷住嘅紫蘇葉都燒到好香脆，入面隻蝦大大隻好新鮮，估唔到三樣野咁夾😳
🔸南非鮑魚 🔸蟶子皇 🔸白鱔鮑魚厚肉彈牙，建議沾少少餐廳自家制味噌醬，更加惹味👍蟶子皇燒嘅火喉剛好唔會韌，上面仲用左d木魚碎去提鮮～白鱔絕對係食串燒必點item，外皮香脆，有魚油香之餘d肉仲keep到juicy🤤🔸皮蛋芫茜豚肉卷 🔸厚切牛脷芯 🔸翠玉瓜 🔸茄子作為芫茜愛好者點可以唔試呢個豚肉卷😆用豚肉片卷住芫茜皮蛋，
🔸酢漬水母、生蠔🔸俾朋友一言驚醒水母即係海蜇， 咬落爽口，配上檸檬汁酸酸地，未食主菜先開開胃😋送嘅日本生蠔都好新鮮飽滿，有海水味而且蠔肉偏爽身，係我鍾意嘅生蠔類型😋
🔸鳥之提燈 🔸雞冠 🔸雞腳跟🔸雞皮紫蘇蝦卷 🔸自家製免治雞肉軟骨
比較少見嘅鳥之提燈喺每日限量供應，蛋黃好creamy，少少似溏心蛋質感～
之前食串燒已經好想試雞冠😆原來口感喺爽爽地咁好有咬口，好特別！
咁多款雞串燒入面，雞皮紫蘇蝦卷最驚喜，雞皮同卷住嘅紫蘇葉都燒到好香脆，入面隻蝦大大隻好新鮮，估唔到三樣野咁夾😳
🔸南非鮑魚 🔸蟶子皇 🔸白鱔
鮑魚厚肉彈牙，建議沾少少餐廳自家制味噌醬，更加惹味👍
蟶子皇燒嘅火喉剛好唔會韌，上面仲用左d木魚碎去提鮮～
白鱔絕對係食串燒必點item，外皮香脆，有魚油香之餘d肉仲keep到juicy🤤
🔸皮蛋芫茜豚肉卷 🔸厚切牛脷芯
🔸翠玉瓜 🔸茄子
作為芫茜愛好者點可以唔試呢個豚肉卷😆用豚肉片卷住芫茜皮蛋，好新穎嘅配搭，滿滿芫茜味～正！
牛脷芯都係必點之選✨每塊都勁厚身、啖啖肉，唔韌又爽口，諗起都想再食🤤
🔸海膽松葉蟹蓋羅燒🔸
蟹蓋羅燒份量十足，好濃蟹膏味，配上鹹鹹地嘅紫菜梳打餅， 更突顯個醬嘅鮮味😋
🔸三文魚燒飯團 🔸
三文魚燒飯糰燒到表面焦香，入面熱辣辣，見仲有蟹膏就沾啲試試，竟然出奇地夾～好好味😳
🔸水信玄餅🔸
水信玄餅晶凝通透好吸睛，配黑糖漿同黃豆粉，甜得嚟又唔會好漏，食完濃味野食佢啱啱好✨
🔸越之鶴純米大吟釀🔸呢款清酒香氣好豐富，雖然酒精度都高，但飲起嚟好柔和同幾易入口，配搭野食一流🍶
張貼
