影片
港鐵尖沙咀B1 出口, 步行約8分鐘
繼續閱讀
電話號碼
37099251
93142713 (WhatsApp)
開飯介紹
餐廳主打稀有雞肉部位及時令海鮮串燒，更有機會配搭日本名酒莊的季節限定清酒。其裝修型格時尚，如日式紙傘、霓虹燈等裝飾十分適合打卡。
繼續閱讀
營業時間
今日營業
18:00 - 23:45
星期一至日
18:00 - 23:45
公眾假期
18:00 - 23:45
公眾假期前夕
18:00 - 23:45
以上資料只供參考, 請與餐廳確認詳情
有關獎賞計劃
相關文章
日本菜向來都廣受香港人愛戴，壽司刺身居酒屋如雨後春筍可謂「梗有一間喺左近」！但要數到日式串燒，受歡迎的程度又好像相對稍稍遜色了一點，可能是定價比起一般的魚生壽司相約，但份量較少感覺吃不飽的緣故吧？！其實日式串燒原本的指向是用來佐酒居多，所以不太飽肚亦是理所當然的；而且日串需要花心思控制火喉易做難精，要燒出美味實在不易，所以在香港做日串做得十分出色的其實並不多。早前就去到尖沙咀，朋友邀請去到一間心水推介一試，看看是否有意外驚喜。 🔹餐廳隱身於天文臺圍一角、寶軒酒店裡邊一樓，啡黑主調的門面型格中帶神秘，很有尋幽探秘之感，進門而入是風呂般的和風石景，對比下仿如到了平行時空蠻有禪意的。拾級而上又是另一番風景，高樓底一望空濶空間感強，木系裝潢配上日式擺設如燈籠和畫作，襯上紅色的座位設計時尚簡潔，一列「鳥籠」卡座更是特色，而且通風得宜沒有燒烤油煙，在內用餐食得舒適自在。偏廳位置更設有Bar枱座位和小廂房供淺嚐暢飲或商務聚餐，彈性貼心。 🔹據講主理大廚曾任職於日串元祖級名店南X亭，富多年入廚經驗，手藝了得，當中不少名菜也是經改良後重現於本店。 🔹店家主打多款日式串燒和下酒菜，其中的雞肉採用了來自日本的「華味鳥」或「阿波美雞」，而且很多部位選擇如雞冠、雞頸肉、提燈和鳥腳筋都是外面少見的；其他好像海鮮或創作燒物也很出色，當然亦有主食供應，據大廚透露遲陣子還會推出午市便當，單看賣相已很有瞄頭，令人期待。 🔹餐廳定位屬中上價格，平均約$38-68/串，跟市面的日式串燒定價相約；而清酒就偏向供應較高質的貨色，店員亦會幫忙作 Pairing，當然價格亦相對會偏高一點了。朋友更提醒原來小店亦會有季節限定的隱藏Menu，來到用餐記得留意以防走寶！從出品質素到用餐環境都算出式的前提下收費算合理性價比也算高。北海道仙鳳趾生蠔 $118，新鮮即開日本生蠔，隻頭大兼肉厚，入口帶淡淡的海水味，接著Creamy鮮甜爆發瞬間佔據味蕾，蠔香剛好不會膩，佐上香蔥蘿蔔蓉醬汁更添酸爽。 日本桃太郎番茄沙律 $88，原個日本番茄去皮只剩紅粉果肉，淋上自家以核桃和其他果仁調配的沙律汁，清新微酸中帶堅果香，鮮爽多汁。 檸檬水母 $68，水母即海蜇也，但較一般的來得肉厚，口感冰爽脆彈帶嚼勁，有別於中式做法以檸檬汁配之，酸酸的開胃清新。 燒鱈魚乾 $48，鱈魚片微烤後鬆脆口中帶淡淡魚香，輕盈鮮味，佐酒實不錯。 南非鮑魚 $98，鮑魚燒得火喉剛好，肉質Q彈而不韌，大廚以醬汁輕輕提味，微鹹鮮香，恰到好處，十分出色。 馬刀貝 $96，蟶子皇是也，以肉質爽彈鮮甜見稱，大廚將蟶子肉輕燒後灑上木魚碎和蔥花，簡單的調味將鮮味充份發揮，火喉控制得宜不會過老，鮮彈甜香。 海膽松葉蟹蓋甲羅燒 $138，松葉蟹膏伴上海膽放到蟹蓋內，店員即席拌燒成甲羅燒，入口綿滑濃香，鮮甜中帶淡淡海洋風味，佐上梳打餅同吃添上脆口之餘亦減輕了濃膩感，鮮上鮮又夠濃厚，送酒不二之選。 澳洲牛小排 $78，肥瘦均勻以鹽簡單調味燒香，突出原始肉香，脂肪半溶肉汁豐盈，肉質鬆軟牛味濃郁。 厚切牛脷芯 $78，牛舌去掉表層較韌部份以中心粉嫩位置入饌，放上鹽和黑胡椒燒得剛好，吃起來外脆內嫩，軟彈帶Q，微焦帶脂香。 紐西蘭羊架 $78，羊架夠大件燒得剛好，啖啖肉一口咬下去濃香軟嫩，少量的羊脂令食起來更豐盈多汁，帶著少許羊肉應有的羶味但不會太濃，調味恰到好處令人回味。 荔枝豚肉卷 $36，薄豚肉包上荔枝肉串起燒至微脆，入口先是陣陣脂香，繼而是荔枝清甜爆汁而出，味道鹹香中帶甜層次豐富，是非常搭配又具創意的組合。 雞皮紫蘇蝦卷 $58，另一創作串物，以雞皮包上紫蘇葉和原隻蝦肉，雞皮燒得香脆透薄活像春卷皮的角色，入口脆而不油，滲著紫蘇清新香氣和蝦肉爽甜，風味獨特。雞心 $36，處理得宜雖然調味簡單但完全沒有內臟的臊味，口感綿密濃郁。 雞肝 $36，邪惡又好味，蘸上醬汁燒得粉嫩，入口甜香酥化滲著淡淡肝臟特有的香氣，愛好肝類的朋友不容錯過。 自家制月見免治雞肉軟骨 $55，免治雞肉混入了小粒軟骨做成肉棒以醬汁燒香，沾上金黃蛋黃與醬油拌勻的醬汁，入口滑溜甘香，綿彈中帶著粒粒脆口，口感醇香豐富。 日本銀杏 $32，日本產的銀杏向來馳名，今次因時得令更吃到了「特別版」，據大廚介紹原來踏入秋季日本的銀杏會以翠綠色呈現亦特別甘甜，更有「青玉」的美，經輕燒後微焦粉糯，甘香綿化，果然真比一般的更味美。 三文魚燒飯團 $48，飯團掃上醬油燒至外層金黃微脆，帶著飯焦的香脆感，用紫菜包著再佐上面頭的三文魚和魚籽同吃，飯團熱力讓魚脂微溶滲出，魚香加上紫菜特有的海洋氣息，豐腴香口。蝦味噌雜菜稻庭 $78，很有驚喜的一味主食，湯底加入了蝦味噌調味，每一口都滲著濃厚蝦香，不說的話還以為是濃蝦湯，再加上雜菜的清甜爽口，鮮上加鮮，掛上Q韌的稻庭烏冬，鮮味滑溜又暖胃，讓人吃不停口。 縱觀整晚出品的質素上乘到位，未至於驚為天人但每一款都吃得出是用心之作。而且環境悠閒舒適，招呼專業殷勤，收費亦算合理，果真是三五知己淺酌的私藏好地方。
繼續閱讀
SAKEH—一間位於尖沙咀天文臺圍隱世高級日式居酒屋，餐廳以日系簡潔、自然裝修貫穿整間店舖，強調整體細節和質感，樓下門面已經感受到餐廳個中氣派，而店內明亮乾淨企理，坐得相當舒服，唔會太嘈或者太靜，好適合同朋友聚餐🍶 而食物方面，串燒類兩串起，食物質素水準高，每款串燒都燒得焦香入味，肉質香口入味，推介荔枝豚肉卷、自家製免治雞肉軟骨、厚切牛脷芯等🥢 另外，特別推介札幌啤酒，口感順滑唔太苦澀，配串燒一流～
繼續閱讀
近排見唔少人去呢間位於天文臺道嘅日式料理酒吧，今次終於有機會拜訪。由門口園景佈置到餐廳嘅木設計已經覺得有高級居酒屋嘅氛圍✿嚟到SAKEH 吧首先當然要介紹呢度嘅清酒🍶今次店主就介紹咗呢隻翠玉純米吟釀 (720ml) $888甜甜地有d 果香味 好易入口✿自家制免治雞肉軟骨 $55.0呢個軟骨串燒得啱啱好，幾出色。肉質好彈，裡面d 碎軟骨好脆，再點蛋黃食真係好正🤤✿西京燒銀鱈魚 $188.0小編覺得要試倒一間居酒屋野食嘅質素，就係睇佢嘅西京燒煮得好唔好。而呢間嘅西京燒真係好惹味，魚肉都好滑✿澳洲特級龍蝦 $118呢個龍蝦串烤得好香，肉質好新鮮✿仙台味噌沙瓜 $60.0呢碟原來係燜得好入味嘅牛雜，本來醒唔起沙瓜唔係瓜😂✿自家製甜品- Creme Brûlée $68呢個燉蛋睇落好精緻，食落口感軟滑，好香奶味
繼續閱讀
呢間餐廳之前淨係做晚市，最近開始做埋午市，環境裝修超級靚，好有格調，啲燈光同埋啲裝飾都好日系。一入到去，即刻叫咗個胡麻波菜蟹肉沙律做頭盤。個沙律好清新爽口，波菜新鮮爽脆，蟹肉夠鮮甜，配埋個胡麻醬，香香地帶點微甜，真係開胃之選。主餐方面，揀咗個鹽燒鯖魚套餐同安格斯牛肉簿燒套餐。個鯖魚係我嘅心頭好，皮燒得香脆，魚肉夠鮮嫩多汁，調味恰到好處，唔會太鹹。安格斯牛肉就真係無得頂，肉質超嫩滑，個醬汁香濃惹味，配埋啲飯食簡直完美。串燒係呢間嘅招牌，叫咗四款試下。秋葵串燒新鮮爽口，個醬油味夠香；冬菇串燒香甜有嚼勁，個醬汁入味；自家制免治雞肉軟骨串燒就最正，肉質鬆軟多汁，個軟骨爽爽地，仲有微微嘅香辣味；雞腎串燒都幾出色，腍滑新鮮，調味入味，唔會有雜味。全部串燒都燒到啱啱好，個個都有獨特嘅風味。總括嚟講，SAKEH嘅午市套餐性價比好高，份量夠，質素都好好。環境舒服，服務態度親切，啲嘢食賣相靚，味道更加正。最欣賞佢哋啲串燒嘅創意，每款都有自己嘅特色。無論係同朋友食飯定係商務午餐，都啱啱好。
繼續閱讀
行經韓國街，見到呢間居酒屋外面有個set lunch既大餐牌開頭覺得餐廳個門口睇落應該唔平但係set lunch啲價錢睇落又好OK喎鍾意食牛既我唔洗點諗就揀左慢煮美國牛小排 🥩一上菜...........咁精緻既！$128真心唔貴喎又跟著就食一啖牛肉先啦喂喂喂！好有牛肉味同牛脂香十分豐富，而且鬆軟無咩筋 👍牛肉下面墊住啲洋蔥同蒜芯，帶蔬菜本身既爽甜另外搭兩個小前菜：帶子裙邊同昆布煮雞肉小前菜係凍既，唔知係咪個個食得慣，至少我就OK既帶子裙邊有咬口，調味係普遍帶子裙邊會食到既口味而昆布煮雞肉味道稍濃，撈飯一流隨餐附送生果同埋mochi個mochi當日係哈密瓜味，同個生果互相呼應 😂個生果好新鮮好甜，個mochi反而因此比下去，感覺味道人工左少少個lunch set都未食完，我已經忍唔住睇下個a la cart menu然後叫多左個甲羅燒 🦀 同埋銀鱈魚西京燒甲羅燒裡面混合左蟹肉、海膽同蟹子我第一啖係無連餅乾咁食，滿滿水產鮮味，超級感動 😭不過唔建議甲羅燒同餅乾分開食，除非你撈飯（which is very unlikely 😂）因為食超多一啖你應該會覺得鹹銀鱈魚西京燒 my all-time favourite ❤️上菜既時候，我見到魚上面既油分仲bulubulu咁冒緊出黎即係真係岩岩煎好就即刻上碟，熱辣辣 🔥銀鱈魚不嬲好食，呢樣都唔洗我特別形容呢度做既銀鱈魚都係我係其他地方食開咁一貫地好食最鍾意就係佢熱辣辣新鮮上碟令魚油香發揮得更淋漓盡致 😄而家遇到想翻啅既餐廳真係唔多，但呢間會係其中一間！下次試下晚飯時段再黎先
繼續閱讀