影片
更多
2021-08-12
48 瀏覽
是日邀得家父共晉午膳，佢聲稱佢係我嘅榮譽手毛。咁啱去開旺角，就去朗豪坊隔離嘅朗晴坊搵食。一向對旺角啲樓上cafe極有保留，印象中幫襯過嘅食物質素都普通，仲要嘈過街市，傾計要出動鄭家穎呀呀呀呀呀。今次試呢間位於7樓嘅西餐廳播住輕快嘅韓文playlist，充滿田園風、主調為綠色嘅裝潢，配合植物擺設，予人悠閒舒適嘅感覺。餐廳大部分座位都係用籐編織成嘅凳，仲有高枱添，坐窗邊如果天氣好仲有陽光照入嚟 。一點去到無咩人，一點半開始好爆滿，好彩座位尚算寛敞，枱同枱之間有一定距離，唔會好嘈。午市套餐選擇豐富，包湯/沙律同埋飲品，價錢合理，去開附近搵食絕對可一試。澳洲有骨肉眼紅酒汁配薯菜 $108唔記得咗揀幾成熟，驚太熟太韌。結果塊扒大過隻碟咁濟，雖然筋比較多，但整體肉質唔錯，肉味濃又juicy，配埋紅酒汁調味恰到好處，呢個價錢絕對收貨有餘，連家父都話抵食，非常推薦！伴碟嘅薯菜竟然烤蔬菜而唔係薯條，啱曬怕熱氣嘅我。蔬菜種類多，全部都係一口size，色彩繽紛，賞心悅目，令成道菜嘅賣相更靚仔。特別點名呀南瓜超甜，好好食，如果啲菜再熱啲就好嚕。烤大啡菇芝士自家製牛肉麥漢堡配香料薯條 $99麥包偏甜，口感鬆軟，
澳洲有骨肉眼紅酒汁配薯菜 $108
澳洲有骨肉眼紅酒汁配薯菜
$108
5 瀏覽
0 讚好
0 留言
唔記得咗揀幾成熟，驚太熟太韌。結果塊扒大過隻碟咁濟，
雖然筋比較多，但整體肉質唔錯，肉味濃又juicy，配埋紅酒汁調味恰到好處，呢個價錢絕對收貨有餘，連家父都話抵食，非常推薦！伴碟嘅薯菜竟然烤蔬菜而唔係薯條，啱曬怕熱氣嘅我。蔬菜種類多，全部都係一口size，色彩繽紛，賞心悅目，令成道菜嘅賣相更靚仔。特別點名呀南瓜超甜，好好食，如果啲菜再熱啲就好嚕。
澳洲有骨肉眼紅酒汁配薯菜
$108
4 瀏覽
0 讚好
0 留言
烤大啡菇芝士自家製牛肉麥漢堡配香料薯條 $99
烤大啡菇芝士自家製牛肉麥漢堡配香料薯條
$99
1 瀏覽
0 讚好
0 留言
麥包偏甜，口感鬆軟，係個面燶咗少少。漢堡扒幾厚，肉味可以再濃啲，口感偏鬆散。大啡菇多汁，仲有半融嘅芝士，配埋爽口嘅蔬菜：洋蔥、蕃茄、沙律菜，正好彌補返漢堡扒較乾身嘅問題，一啖食落去都係juicy嘅。醬汁調配得宜，酸酸甜甜，家父話同個漢堡嘅味道好夾。薯條係海量咁多，香脆熱辣辣，有調味粉作點綴，我都偷咗嚟食，食唔停口。呢個餐份量極大，家父表示好飽飽。
烤大啡菇芝士自家製牛肉麥漢堡配香料薯條
$99
1 瀏覽
0 讚好
0 留言
跟餐甘荀湯嘅甘荀味濃郁，杰度適中，水準不俗。凍熱咖啡正常發揮，熱咖啡個杯係木質，同張枱一模一樣色，完美融為一體，有趣。
2 瀏覽
0 讚好
0 留言
1 瀏覽
0 讚好
0 留言
心思思想去staycation逃離下人類荒謬？機會嚟啦飛雲！係免費ROSEWOOD嘅海景雙人房一晚住宿呀！餐廳搞緊個一週年店慶活動，聽晚就截止啦！只要晚市時段去任何一間分店消費，打個靚卡同影埋張單，上載到社交平台 指定帖子嘅留言位置，就有機會贏得豐富獎品，合共有十個獎咁多，咁輕鬆又easy，萬物錯過！
張貼
