素某

營業中

休息中

灣仔有間Cafe，以素食、療癒及茶室定位，提供舒適空間讓客人享受真正嘅Me Time。最近新推二人彩色九宮格下午茶，供應時間為下午三點至五點，食物製作時間較慢，需要耐心等候一段時間。餐點色彩繽紛，唔單止外觀吸引，亦有實際功效，原來一餐最少食三種顏色或以上嘅蔬菜，可有助照顧身心靈，真係長知識了。九宮格包含草莓沙律、南瓜百合、日式芥辣秋葵、炸蟲草花、醬油漬素帶子、野菜米紙、芝麻蛋糕、芒果莎莎同紫薯撻。個人首選炸蟲草花，外皮超薄，帶微微鹹香，口感豐富，令人一試難忘。素帶子、草莓、芒果莎莎同紫薯撻都唔錯，調味適中，鹹甜交替，值得一試。Gaba茶以保溫壺提供熱水，可自行泡茶，有助解膩。