影片
更多
2021-11-26
65 瀏覽
好特別嘅一個前菜！叫做粟米豆腐，用左牛奶、忌廉、木薯粉加粟米整成，配上紫蘇葉花同wasabi，質感似有彈性同黏性嘅creme brûlée 咁，淡淡嘅香甜粟米味同奶香。漬八爪魚，師傅拎住條好長好長嘅八爪魚，成隻八爪魚有10kg左右，一條鬚大約左1點幾kg,食落一啲都唔un ，鮮甜，再配埋柚子皮，好清新。用熱石辣落去舊buri (即油甘魚一種）嘅皮度，辣一辣啲油脂再出啲，聞到都超香！再加上酸汁、蘿白蓉同蘋果蓉一齊食減低油膩感。北海道嘅蟹肉配上魚子醬同jelly，jelly 酸meimei配埋鮮甜蟹肉一齊食好開胃。青森縣平目魚，師傅整壽司時加左少少wasabi係入面，再加上柚子皮、青檸汁同少少醬汁係面，唔洗再點任何野，食落好清新。春之鯛即係好細條嘅𩶘魚，用醋醃左四個鐘，食落酸酸地。深海池魚shimaji 加上柚子蓉又係好清新，肉質較實淨鮮甜。炙燒北寄貝加上青檸汁,有陣焦香味，鮮甜爽口。島巾手釣池魚加上薑蓉同蔥蓉，肉質較實。熊本縣嘅車海老，煮熟過，鮮甜實淨得黎帶啲爽。青森縣嘅大間拖羅14熟成，油脂分布平均，充滿油香，軟腍啲，可以用齒頰留香黎形容！令人想再食多幾舊！赤身拖羅醬油漬同拖羅個件同一
似有彈性同黏性嘅creme brûlée 咁，淡淡嘅香甜粟米味同奶香。
漬八爪魚，師傅拎住條好長好長嘅八爪魚，成隻八爪魚有10kg左右，一條鬚大約左1點幾kg,食落一啲都唔un ，鮮甜，再配埋柚子皮，好清新。
用熱石辣落去舊buri (即油甘魚一種）嘅皮度，辣一辣啲油脂再出啲，聞到都超香！再加上酸汁、蘿白蓉同蘋果蓉一齊食減低油膩感。
北海道嘅蟹肉配上魚子醬同jelly，jelly 酸meimei配埋鮮甜蟹肉一齊食好開胃。
青森縣平目魚，師傅整壽司時加左少少wasabi係入面，再加上柚子皮、青檸汁同少少醬汁係面，唔洗再點任何野，食落好清新。
春之鯛即係好細條嘅𩶘魚，用醋醃左四個鐘，食落酸酸地。
深海池魚shimaji 加上柚子蓉又係好清新，肉質較實淨鮮甜。
炙燒北寄貝加上青檸汁,有陣焦香味，鮮甜爽口。
島巾手釣池魚加上薑蓉同蔥蓉，肉質較實。
熊本縣嘅車海老，煮熟過，鮮甜實淨得黎帶啲爽。
青森縣嘅大間拖羅14熟成，油脂分布平均，充滿油香，軟腍啲，可以用齒頰留香黎形容！令人想再食多幾舊！
赤身拖羅醬油漬同拖羅個件同一條魚，但係背脊部位，肉質瘦啲實淨啲。
海鰻壽司加左柚子皮同燒汁，呢個肉質唔係太鍾意，有啲梅嘅感覺
拖羅卷物可以止到啱啱想再食拖羅嘅癮！
海膽配飯配三文魚鮮甜海膽配鹹鮮嘅三文魚無得彈！
燒過嘅太刀魚配青檸汁蘿白蓉，肉質嫩滑唔乾。
Tamago玉子燒好似一道甜品咁，上層似蛋糕下層似布甸，好得意。
呢個麵豉蝦湯係我飲過最好味嘅麵豉湯！係加左蝦殼一齊煮，有香濃嘅蝦味，入面重有一隻爽彈蝦。食完咁多凍野，飲返碗熱湯暖下個胃。
和哥山芝麻柿同啤梨，芝麻柿外表好似好多根咁，其實佢係好爽脆清甜，啤梨香甜多汁，食過最正嘅啤梨！
張貼
