紫 (已結業)

因為上網睇下好多好多post 所以抱住超興奮的心情去食Omakase，但最後嗰日食到咩都係要睇廚師心情。。。由螺、蟹肉jelly、鮑魚打頭陣。螺好入味，其他都唔錯刺身的toro超級好食，但係期待的蠔就冇出現。帆立貝一般、其他都好好食，但期待已久的海膽三文魚子飯就冇出現。不得不說呢個真心好食，食到紫菜同蛋的脆，魚亦都好香。成個餐食物就係得咁多，甜品冇影，野食係超水準，但作為一個細食女仔完全唔夠飽。唔飽的情況下呢一餐原價$2xxx, 7折左都要$16xx 就好貴喇，比個炒飯我食下返到屋企都唔洗食杯麵呀。。其實omakase 上網睇人食咩真係睇下就好，睇下唔一定有，令自己期待太多就會有失望。