(已結業)

Dining at Murasaki
84
7
3
港鐵銅鑼灣站 C 出口, 步行約2分鐘 繼續閱讀
電話號碼
28178383
營業時間
*酒吧: 17:00-22:30
星期一至日
全日休息
付款方式
Visa Master 現金 AE 銀聯
座位數目
100
其他資料
Wi-Fi
酒精飲品
自帶酒水 詳細介紹
切餅費 詳細介紹
電話訂座
外賣服務
加一服務費
前往餐廳網站
http://diningatmurasaki.com.hk/
有關餐廳
征服味蕾!紫の約會
以紫色命名的「紫」(Dining @ Murasaki),擅長新派法日料理,採用日本新鮮食材與法式烹調方法,糅合日本料理的極尚風味與法式的味覺情懷,從環境開始,打造寫意優雅的舒適美食空間。

全場面積約一千平方呎,容納100位食客,分有不同間隔的區域,設計富有時尚感。倚窗邊設有日式鐵板燒專區,晚間用餐,可盡覽香港閃爍的醉人靚景。

Tasting Menu、廚師發辦、單點法日菜式以至即席炮製的鐵板燒
店內主題式的Tasting Menu、由擺盤、食材配搭以至烹調方法都極盡心思,匯聚味覺、視覺及創意炮製連番驚喜之作。另提供廚師悉心挑選的廚師發辦、單點法日菜式以至即席炮製的鐵板燒;更有星級的至強甜品廚師團隊坐鎮,為大家打造多個與別不同的獨家甜品。

夜晚吃飯過後,歡迎前來一嘗星級甜品與美酒配,與友人來個「紫」之和風約會!
食評 (115)
等級4 2018-10-11
4057 瀏覽
友人有份做老闆的這間日本餐廳,已開業了一段時間,這一晚,終於到訪,為的是這兒推出,正做特價,七折後只需 $780便可享用的鐵板燒餐。 一向最愛吃日本菜,從刺身到壽司,從鐵板燒到爐端燒,從拉麵到鰻魚飯,從精進料理到懷石料理,我全部都喜歡。如果能在近距離欣賞到師傅製作刺身、壽司或鐵板燒,就更加好了。而這一晚,我就正好可以在經驗老到的大廚面前近距離目睹他即時製作各款鐵板燒中的菜式。 餐前小吃是面層塗上了一抹牛油果蓉,薄而脆的「風乾蕃茄脆片」,特別,也開胃。「帆立貝」率先登場。輕煎過的帆立貝外層微脆,內裡軟嫩,上面撒上少許蔥花,貝殼上還有鮮味紫菜湯汁,可以讓人在吃過帆立貝後一飲而盡,為這頓晚餐打響頭炮。 足有一寸多厚的「厚切鵝肝」吸引極了。看著師傅只消三兩下手勢便把鵝肝煎得香氣撲鼻,不禁令人食指大動。下了砵酒調味,更添酒香的豐腴鵝肝伴以紫洋蔥與秋葵,帶點微辣的醬汁刺激開胃。另一半的鵝肝伴以厚身法包,油潤香滑,同樣好味。 完全使人意料不到的「煎生蠔」,生蠔既非炸,亦非灼,而是輕煎,煎得外面香脆微焦,裡面仍不失柔滑的生蠔,配以櫻花蝦、煙肉與青蔥,惹味可喜。 以辣汁、辣椒、蔥、蒜等材料調味的「大虎蝦」加入了多個刺激味蕾的元素,效果甚佳。經師傅以純熟的工夫去除蝦殼之後的大虎蝦,爽口彈牙,香辣的味道教人胃口大開。 「厚切A4和牛」又是另一亮點。油脂豐厚的 A4和牛,輕煎至五成熟後,厚切的部分肉味濃郁,肉汁澎湃,切成薄片的部分捲起之後再夾以蔥蒜,惹味可口,則是另一番的美味。 接下來的一道菜式,繼鵝肝、生蠔、虎蝦與和牛之後,竟是反璞歸真的「炒芽菜」,實在令人感到意外。根據師傅所言,原來鐵板燒中的「炒芽菜」,就如同中菜裡的「乾炒牛河」或「蛋炒飯」一樣,最考廚師工夫。因為芽菜水份豐富,一炒便會出水,所以拿捏時間一定要非常準確,否則一個不留神,便很容易炒燶。而且要把芽菜炒得乾身,廚師功力少一點也可能做得不夠好。而這夜的「炒芽菜」就炒得剛剛恰到好處,再配以剛才吃的「大虎蝦」的蝦頭,蝦頭裡藏有不少蝦膏和少許蝦肉, 著實不錯。來到這頓鐵板燒的尾聲,師傅為我送上香噴噴的「炒飯」,並在炒飯上添上錦上添花的太陽蛋,讓肚子得到更大的滿足。而在最後送上的「白桃雪芭」 ,比一般常見的雪芭口味來到特別,清新味美的「白桃雪芭」,不但為這晚餐帶來圓滿的結束,也讓我的心飛到日本去,回味在東瀛吃過粉嫩多汁,香甜好吃的日本白桃。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-24
3492 瀏覽
有時偶然都要做一下上等人 =P去搵下壽司師傳食下好野黎一個港女式既日式午餐再加多個法式甜品不過呢個世界真係一分錢一分貨淨係個裝修都已經令你覺得個人入到去食已經高級左仲要特登坐係sushi bar睇住師傳整(個人幾鍾意睇住廚師整野食)坐低要左個九件壽司set再加個白桃主題既甜品一坐低師傳放低左D 漬物先 有柚子蘿蔔、紅棗橋頭、子薑、牛蒡 當中柚子蘿蔔、牛蒡係師傳自己調整 柚子蘿蔔幾開胃 試左少少漬物之後,就到正題 <3 個石調壽司係幾好食 石調落左即磨出黎既青柚子皮 除左青柚子既清新味 輕輕咁帶一帶石調既味出黎 等你可以慢慢食到石調 因為食完之後佢個味更加出 再黎就係深海池魚 深海池魚本身肉質比較滑 師傳都切得比其他魚生既厚身 深海池魚本身肉比較甜 唔需要加任何野食 至於金木鯛本身係海魚,有少少魚脂師傳再火槍燒一燒過迫一迫本身既魚油出黎入口即係可以食到個層迫出黎既魚油,正 再黎食左個赤鯥魚(喉黑)呢個真係本身都無聽過(個人見識少呀=P)問返先知原來係同喜之次齊名魚味相對濃郁,即使師傳配埋三七粉都唔驚俾搶味師傳都係輕輕燒過下入口之後係三七粉同魚味大家慢慢滲出黎 之後師傳仲有個碟魚邊其實個人幾鍾意食碟魚邊感覺味道幾岩自己胃口比較偏重魚油香,同食佢肉身個胃甜唔同仲加上落左少少萬能蔥至於牙帶魚,又叫太刀魚師傳除左會燒一燒之外仲落左山椒粉去除一除魚本身既味魚本身唔係多魚油香主要食魚肉本身既香味當然,最愛永遠都係拖羅今次食既係大拖羅既魚鮫位今次真係用火引魚油出黎同埋輕燒過之後,魚本身既根會散D而拖羅本身魚油多,一燒完已經搶住出黎一入口,成個味蕾俾魚油包圍 但你又唔會覺得油膩 口入面好有魚油既回甘 食完壽司仲有個法式甜品@@ 呢個真係食之前一定要打個卡 用左當造既白桃黎做主題 日、法式既交流 當中呢個粉紅既波波最有驚喜 一咬落去原來係一個薄薄既皮 包住白桃既果汁,幾甜 另外,呢個啫喱入口幾清新 繼續閱讀
(以上食評乃用戶個人意見 , 並不代表OpenRice之觀點。)
等級3 2019-01-31
83 瀏覽
只有頭二十分鐘滿意!Dining 餐廳需要多項因素例如:環境、食物、廚師、氣氛、服務等等....配合得好先可以成為高級食府。紫 有住成為高級食府基本條件,但可惜現在只係一間貴價餐廳! 由一踏入紫,裝修、擺設、餐具甚至洗手間都花左不少心機,令我覺得今次無揀錯餐廳慶祝!但未食到主菜已經改變左睇法。第一服務人員提供既服務基本係好好,但在你可以搵到人既情況下,用餐當晚,入座不夠一半枱,但已經有好幾次搵唔到人。第二,廚師人手不足?喺食完餐前麵包,經理向我地致歉,直認不諱講師傅有D忙,可能會等耐少少,先俾D小食我地,邊食邊傾邊等。於是我地邊食送既枝豆邊傾邊等,一等就二十分鐘。其實到尼刻都仲覺得可以接受 , 起碼有通知一聲,又送枝豆即使唔太鍾意食枝豆,但安排得宜。可惜之後每道菜之間都等10-15 分鐘,廚房在上菜控制的確扣分!成餐飯食左超過三個鐘同食一餐八道餸法國餐差不多。第三,喺尼三個幾個鐘入面大部分時間,餐廳環境,都處於街市般!鐵板燒房內的客人大聲叫囂,四、五個小朋友通餐廳跑黎跑去,又叫又跑。完全破壞氣氛,嘈到令人煩厭既地步。明白客人的舉止、禮儀,餐廳好難選擇,控制。但至少當場人員要管理一下餐廳環境。竟然尼個街市吵鬧情況持續一個多小時,直到果班客走先停止,先至令我難以接受。至於食物普遍都唔錯,湯飯特別好食,配合得好好。但主菜同甜品,都可以再好D。主菜烹調、肉質控制都好,就係個汁差DD,一來賣相麻麻,二來酸味搶出過頭。甜品失去主體性,主體甜品太細!可惜今次慶祝浪漫氣氛完全被破壞!希望可以改善下令紫由定價高既貴餐廳改進為高級食府 p.s : 之後餐廳經理有主動聯絡解釋,原來當晚有位壽司師父切到手要即時入院聯針,所以人手不足要我地等耐左,我地都接受佢解釋 繼續閱讀
(以上食評乃用戶個人意見 , 並不代表OpenRice之觀點。)
等級3 2018-12-28
405 瀏覽
今餐係H先生既生日飯🎊🎉P小姐突登揀架 💁🏻‍♀️餐廳環境好舒服 👼🏻枱與枱之間距離好闊 夠曬空間感💯我地叫左Murasaki Tasting Menu$880一位 用信用卡會有7折我地highlight幾樣同大家介紹下啦.1️⃣麵包好軟熟 牛油好滑 質感唔膩.2️⃣北海道帶子 w/ 三文魚籽 柚子泡沫帶子好新鮮 勁鮮甜👅最特別係個柚子foam 👀同帶子既甜味非常夾👏🏻👏🏻淡淡既柚子香無搶走最重要味道🤤反而令人更開胃 為呢餐揭開序幕✌🏻.3️⃣田雞腿海苔天婦羅 或 虎蝦海苔天婦羅天婦羅二選一我地叫左兩份餐所以兩樣都可以食曬😼田雞天婦羅都係第一次食不過食過之後都係覺得蒸既田雞先最有甜味同肉汁🤗蝦就真係超正😋炸粉薄肉勁爽 又唔係炸到好乾🤩.4️⃣西班牙黑毛豬黑毛豬不得了🥰🥰半紅狀態 切落去時都覺得肉質一定好😍食落都真係入口即融好感動既感覺☺️☺️.5️⃣龍蝦石窩湯飯龍蝦🦞飯又係唔提唔得😲龍蝦湯極濃 唔咸 係靠龍蝦本身味道製成🤤配埋脆米餅 浸左落湯度食💁🏻‍♂️一邊享受湯既味道 一邊享受脆米既質感完美組合👫.6️⃣肉桂流心合桃蛋糕肉桂蛋糕啱曬鐘意肉桂既朋友🍰絕對係真材實料 🈵一入口 口腔已經被香味重重包圍🌝每啖蛋糕裡面仲𡁻到合桃真係將成餐飯推到上高峰📈.多謝P小姐 超級滿意💋 繼續閱讀
(以上食評乃用戶個人意見 , 並不代表OpenRice之觀點。)
等級2 2018-12-26
112 瀏覽
餐廳名叫紫,一個Fine Dining的地方,燈光柔和,環境很適合傾計。日本菜又融合點法式菜,員工有禮地方整潔。7點半到已經差不多坐滿,眼見大部份都係叫餐,有啲客人還上紅酒品嚐美食。佢地自家製牛油好好食,員工每上一道菜都會細心地解釋菜名、食物用上咩醬、先後次序等等,等你知道自己食緊啲咩野。 繼續閱讀
(以上食評乃用戶個人意見 , 並不代表OpenRice之觀點。)