Dining at Murasaki
66
3
1
港鐵銅鑼灣站 C 出口, 步行約2分鐘 繼續閱讀
電話號碼
28178383
營業時間
今日營業
詳細營業時間
星期一至日
詳細營業時間
*酒吧: 星期一至日: 17:00-22:30
付款方式
Visa Master AE 現金 銀聯
座位數目
100
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
賞訂座積分
外賣服務
加一服務費
前往餐廳網站
http://diningatmurasaki.com.hk/
有關餐廳
征服味蕾!紫の約會
以紫色命名的「紫」(Dining @ Murasaki),擅長新派法日料理,採用日本新鮮食材與法式烹調方法,糅合日本料理的極尚風味與法式的味覺情懷,從環境開始,打造寫意優雅的舒適美食空間。

全場面積約一千平方呎,容納100位食客,分有不同間隔的區域,設計富有時尚感。倚窗邊設有日式鐵板燒專區,晚間用餐,可盡覽香港閃爍的醉人靚景。

Tasting Menu、廚師發辦、單點法日菜式以至即席炮製的鐵板燒
店內主題式的Tasting Menu、由擺盤、食材配搭以至烹調方法都極盡心思,匯聚味覺、視覺及創意炮製連番驚喜之作。另提供廚師悉心挑選的廚師發辦、單點法日菜式以至即席炮製的鐵板燒;更有星級的至強甜品廚師團隊坐鎮,為大家打造多個與別不同的獨家甜品。

夜晚吃飯過後,歡迎前來一嘗星級甜品與美酒配,與友人來個「紫」之和風約會!
餐廳告示
【7折】歎創新八道菜會席料理
2018-07-04
【起動吧!精緻八道菜】(每位$880 ,7折後只需$ 616) 啤酒雪茄(冰鎮番茄清汁,水牛芝士煙肉脆卷) 提到新派代表,創意料理當然不可少!這個像真度頗高的前菜,不論造型和色澤,細節做到足。雪茄實情是墨西哥水牛芝士煙肉脆卷,內裡釀有濃濃的水牛芝士加煙肉。雪茄底的「煙灰碎」以黑白芝麻blend成,旁邊的「啤酒」是冰鎮蕃茄清汁,味道一試難忘,盡顯廚師的超凡創意與心思。 墨魚烏冬(自家製墨魚汁) 煙霧瀰漫的清涼墨魚烏冬,以北海道魷魚製成「烏冬冷麵」,食落質感煙韌似烏冬,蘸點秘製的芝麻墨魚汁佐食,透心涼至極!想吃素的話,又可揀選日本冬菇烏冬配松露芝麻汁,不論造型與口感,跟素麵十分相似。 焗大蝦(越南大蝦,脆蒜絲,秘製芒果醬) 食完冷盤,來到這道精緻前菜。面頭加入脆蒜麵包糠和蔥的越南大蝦,起肉再焗,上碟前加入秘製芒果咖喱醬做底,彈牙的蝦肉瞬即令味覺層次遞升,一級棒! (主菜二選一)香焗黑毛豬肩骨(鳳梨果醬) 西班牙黑毛豬肋骨融合日系風格,擺盤精美。焗至香脆的黑毛豬,表皮香口鬆脆,豬肉帶有嚼勁;與自家製的肉桂鳳梨果醬與芥辣汁調搭之下,不經意炮製了夏日驚喜滋味。 (主菜二選一)香煎法國珍珠雞 矜貴的法式珠雞,出名雞味濃兼具彈性,肉質不會帶有多餘脂肪。經廚師的慢煮烹調功力一出,雞肉腍身嫩滑,雞片香脆。再以羽衣甘藍脫水脆片、藜麥、香草蛋黄醬及甘筍puree伴襯,感覺很rich,散發一種難以言喻的味美。 安琪梨冷素麵 冷素麵以「冰碗」盛載,爽彈清新的素麵做底,面層放有自家醃製的安琪梨薄片,砌成靚靚「玫瑰花」。食時倒入以木魚湯混合啤梨汁的冰涼湯底,清甜滋潤。食完素麵,仲有絕招!棒著冰碗將湯底快快喝下,感覺很爽。 薰衣草(佛手柑、迷迭香蜜糖、葛粉絲) 作為pre dessert的「薰衣草」,以素食材料加入彿手柑、紫蘇花等製成的「蛋白糖霜」做蓋,內裡放滿用天然薰衣草浸製的紫色葛粉絲,透明如啫喱條;伴以薰衣草homemade意大利雪糕及日式白玉(小丸子),入口淡淡花香,甜得份外高雅。 花生芭菲 Main Dessert是味道濃厚的「花生芭菲」,有別於平日見到芭菲杯,造型四四方方,質地幼滑挺身。濃郁的鹹香花生在舌尖迴盪,雪糕沾上底層粒粒的竹炭crumble碎,軟中有「脆」,令人食唔停口! 除了8道菜的甜品夠精彩,恒常menu的甜品一樣咁吸引。晚飯過後,歡迎大家來到「紫」歎個靚靚甜品,一個甜品一杯酒,大滿足! *必須以恆生信用咭付款才能享有7折及免費香檳優惠 詳情
有關獎賞計劃
食評 (83)
師傅,請話事! 焦點食評
等級4 2018-07-15
246 瀏覽
天氣太熱,再豐富的東西放在眼前,都會無咩胃口食,頂多只想吃些刺身或壽司等。 去到呢個年紀,唔好虧待自己,一係唔好食,要吃就吃有質素的,倒不如去Dining at Murasaki? 已到訪過這間高級日本餐廳好幾次,對其出品信心十足,費事傷腦筋諗食乜(太多好嘢食,選擇困難症會發作),吃Omakase最好不過。 坐在壽司吧前,看師傅表演,猜猜佢會為我準備些什麼食物,從來治癒。 先整個前菜拼盤,蟹肉啫喱滿載清新氣息;鮑魚顯矜貴,但日本茄子才是重中之重。再吃件香脆不油的天婦羅,好,我已經準備好品嚐刺身了! 刺身以石恒鲷打頭陣,薄切的鯛魚口感爽身,醮以柚子酸汁同吃,清爽醒神。 大分縣的岩蠔,個子巨大又漲卜卜,以精緻器皿盛載,身價更顯高貴。配酸汁啫喱與鮮海苔吃,肥美爽身又開胃,真想請師傅開多隻俾我。 再來是北海道的牡丹蝦,師傅將蝦頭的蝦羔也塗在蝦身之上,吃起來鮮甜之餘,又多一份甘香,實在正斗。 師傅再拿肥美的大拖羅出來,睇見口水流,這款來自愛媛縣的極品,就咁食可能會太重油份太漏,所以師傅將之火灸過。 以紫菜包裹著來吃,整件事外脆內甘香,而又入口溶化,精彩絕倫。 店員收起大拖羅的碟子,師傅正為我們準備握壽司了,到底我會吃到什麼的壽司呢?我自己都在滿心期待。 率先上場的,係小柴墨魚。墨魚壽司不易做得出色,稍一處理不好,便是難以咀嚼的韌。師傅將之橫直界幾刀,簡單塗上醬油,加上墨魚本身的質素優良,成品爽口不韌,而且入味,配埋握得恰好的飯糰,有水準。 火槍再次出動,來對付金目鯛。新鮮的金目鯛,魚皮以火槍燒至微微焦香,滿意。 大拖羅就話怕油份過多,中拖羅來做壽司是最好,呢款醬油漬中拖羅,在口腔中溶化,就是棒~ 馬糞海膽與三文魚籽鋪滿米飯,感覺澎湃,再者,米飯也是非一般,而是經魚油撈,總之每口盡是鮮香。 壽司過後係手卷,紫菜脆卜卜,入面的大拖羅蓉味鮮,炸洋蔥圈香脆,美味。 飽飽了,喝碗味噌湯後,係時候跳去甜品環節。 甜品當然唔會係一球雪糕就算,賣相精緻,味道濃郁的紫薯甜點,絕不欺場。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-04
546 瀏覽
很久沒到Dining at Murasaki 啦,早前再訪,食物質素仍然保持水準. 當晚吃的是$980高質食材的omakase,包括任選4款壽司及4款刺身、大拖羅蓉炸洋蔥手卷,可說是十分超值! 對呀!我不吃魚的,所以我的omakase跟朋友的略有不同,但依然能告訴你,沒有魚的omakase同樣美味可口!先來前菜 - 蟹肉啫喱很精緻,賣相一流,蟹肉鮮甜伴以紫蘇葉,醬汁清中帶酸,很開胃! 日本茄子配鮑魚,茄子其實很搶鏡,鮮甜無比,加上鰹魚清湯啫喱,不好意思,鮑魚雖矜貴,但茄子的確佔先機. 醬汁煮螺爽而軟滑,汁美味,最意想不到是螺肉頗大隻. 吃過前菜,就開始4款刺身,長碟上放著牛蒡、柚子蘿蔔及柚子酸汁, 是給之後的食物來一個點綴. 先來北海道帶子刺身,肥美鮮甜 ,沾柚子酸汁,清新消雅. 正值岩蠔盛季,當然要把握時機啦~ 大分縣岩蠔, 肥美肉厚, 配酸汁啫喱 新鮮青海苔, 岩蠔爽脆,味道多層次,單吃啫喱會太酸,但與蠔一起食,完全和味. 蝦是我吃日本菜其中一款喜歡的食材, 這款北海道牡丹蝦不能看輕, 因為以蝦膏做醬汁, 增強蝦的鮮味, 而牡丹蝦黏黏的口感, 就能告訴你甚麼是新鮮香甜. 來自東京灣的大蜆肥美厚身, 嚐一口湯, 十分鮮甜, 細問之下, 方知是蜆汁伴了清酒再加生海苔而成, 吃大蜆時連湯汁一併喝, 更感咸鮮. 以上四款令人吃得津津有味, 十分讚! 接下來是四款壽司, 質素也高. 很愛東京灣小柴墨魚黏黏口感又夠軟糯, 就是不沾新鮮wasabi也覺十分美味! 而象拔蚌呢? 爽脆也! 沾些微酸青檸汁, 提昇了味道層次. 帆立貝壽司, 口感十分軟滑, 輕輕幾刀, 讓帆立貝在口腔內變得立體. 超吸睛的有海胆三文魚子飯, 雖然我不吃魚, 但魚籽卻是愛得要死. 醬油漬三文魚籽鮮甜可口, 粒粒完整飽滿, 值得留意是這道菜有兩款海膽 - 白海胆鮮甜, 而較深色的是馬糞海膽, 較黏、濃及甜. 吃omakase除了不知道師傅會準備甚麼菜式, 另一驚喜處是師傅隨時在眼前處理食材時的過程, 看著師傅以火槍把魚油逼出, 一滴一滴混入飯粒當中, 飯的價值及味道升價十倍! 我的海胆魚油手卷,紫菜脆、海膽香甜,想不到海膽跟魚油飯很夾,彷彿是增強鮮味幾倍. 而吃魚的朋友會很喜歡, 因為會有大拖羅蓉炸洋蔥手卷! 滿6位更有香檳贈送, 不錯啊! 另外, 我還吃了這件精緻甜點Charcoal Crumble, 造型維肖維妙, 十足小盆栽! 而且味道很有驚喜, 是班蘭忌廉、芒果香蕉雪葩. 繼續閱讀
(以上食評乃用戶個人意見 , 並不代表OpenRice之觀點。)
矜貴金箔下午茶 焦點食評
等級4 2018-05-13
2123 瀏覽
今天是母親節,先祝天下間媽媽(包括我自己)母親節快樂!母親節也是接機的日子,感恩手頭上的 buffet 文順利清光,今天可以分享輕鬆又甜蜜的親子下午茶~   下午茶地點是銅鑼灣信和廣場的 Dining at Murasaki 紫,這裡的下午茶一向又抵食又出色,今個母親節又聯同日本高級護膚品牌 Sassou Japan 推出又美又好吃的【矜貴金箔下午茶】($288/位),凡兩位惠顧還可免費獲價值$698禮品包,當中包括金箔潔膚美顏石鹼100g,十分超值! 下午茶內容實在非常豐富,包括五款矜貴美味鹹點、七款精緻美味甜點(包括 scone),加上自選咖啡/茶或果茶,食完會相當之飽,還有禮品帶走,真心好豐富吸引! 先分享鹹點,包括有:柔軟富肉汁的和牛漢堡、香脆不油的日本紫薯薯條(點有金箔的茄汁來吃,份外矜貴!)、妹妹至愛的日式蛋奄列、十分足料鮮甜的北海道海膽魚生飯,以及用上自家製法包製作的雞肉法包三文治。每一款都好好吃! 甜點則主要置放在金屬架上,很喜歡面層清甜鬆軟、負擔超輕的 Beetroot Cake,也從來喜歡這裡的 Homemade Canelé Cake,貼上金箔更添貴氣;柚子味的 Purple Macaron 也很好吃。 其他甜點還包括清香滑溜的 Panna Cotta、芳香迷人的 Lavender Jelly、小巧輕脆的 Crème Brûlée,以及金光閃閃的美味 Scone,配以香濃凝滑的 Clotted Cream 及果醬,十分令人滿足。飲品方面,這天點了非常 fruity 的果茶,又美又清甜好喝,十分推介啊! 吃完下午茶,還有價值$498的金箔潔膚美顏石鹼,以及$200的購物禮劵帶走,可以到 Sassou 銅鑼灣皇室堡一樓/尖沙咀K11地庫 B2 的專門店盡情 shopping,超開心! 由於性價比太高,因此下午茶一早爆滿,其實,這裡的午餐及晚餐都一樣出色值得一試,相信不久後又會重來了! 繼續閱讀
(以上食評乃用戶個人意見 , 並不代表OpenRice之觀點。)
兩個紫迷去食TEA~ 焦點食評
等級4 2018-04-08
2218 瀏覽
好耐冇去食TEA喇... 今日終於出動...點解揀呢間?  因為先前睇到介紹話有個海膽飯仔喎~咁咪黎試下, 又唔係貴~唔係因為叫紫呀... 雖然我地兩個真係紫迷黎~ 之後先發現呢間餐廳叫"紫" 哈哈~~MURASAKI WEEKEND TEA SET $218/位~ 下午3-6pm... 如果冇野做... 入到黎呢度, 二人台既私隱度幾高~一入黎就見到有個架, SORRY 我明知係要黎放食物都我都忍唔住想羅黎影一影我D 仔仔呀! 話咁快就上菜喇~甜品架就梗係放甜品啦~~咸點就用碟上~咸點有:和牛漢堡 HOMEMADE WAGYU BURGER -- 呢個都OK既, 食到有牛味同係嫰既~炸甜薯條 SWEET POTATO FRIED WITH TOMATO SAUCE -- 我係咁話係咪JACABI 黎~不過佢係新鮮炸出黎既~XD玉子燒 JAPANESE EGG OMELETTE-- GOOD 既~迷你雜錦丼 CHIRASHI-- 為左呢個黎試既, 好味係好味, 不過唔夠喉~雞肉三文治 CHICKEN SANDWICH --呢款咸左D~不過我不嬲都中意食三文治, 朋友就覺得麻麻地~呢個有好多唔同種類既魚生, 如果可以大返少少就好喇.WAKAKAK 不過都幾SURPRISE, 其實未食過日X 西既TEA SET.好少會係TEA SET 見到有飯嘛~甜點:個人覺得甜點失色D~HOMEMCAE CANNELLE CAKE --喂..呢件真係唔掂, SUPPOSE 應該係外脆內軟家係咪呀? 呢舊野係好韌呀!!!柴皮咬唔開咁....差D WOR~SCONES --有原味同提子味, 配肥仔CREAM 同玫瑰紅桑子醬~  呢個OK, 靠佢塞飽左個胃XDTIRAMISU --係竹筒入面~OK 啦~~~PEACH GUM WITH SOY MILK -- 豆漿桃膠~ 呢個暖食既, 好味 幾啖冇左~~~PURPLE MACARON -- 終於有返D 同店名配合既野喇.. 紫色呀紫色~係香既~CREAM CAKE --呢個好味, 好香既士多啤梨味~ PURPLE MOON --我估佢係橙色個粒, 好似係有D南瓜既成份, 不過呢粒SORRY, 我唔識欣賞~~~ 呢粒我係唔喜歡的~飲品我地揀左普通茶~Berry blush infusion, Peach black tea 都係一壺上既, 會REFILL 熱水~整體黎計, TEA呢個價接受到, 環境都好好~咸點一定出色過甜點~~~ 我都唔係咀叼既人, 不過甜點真係要改進~以呢個環境黎講, 二百蚊坐3個鐘都OK丫~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-15
4179 瀏覽
說起來,囝囝已有好一段日子沒跟契爺契媽飯聚了,反正就快到新年,當然是要來個團年飯吧! 地點不作他選,就是地理位置極佳,又是太太喜歡的 Murasaki。 中午時段的自然光透入,感覺良好,尤其是可以欣賞到鐵板師的手藝,更是賞心樂事。 囝囝已經不是第一次到訪,只是上一次品嚐了下午茶,而今次是店方名物之一鐵板燒。 鐵板午市定食 基本上有海鮮及牛肉選擇,牛肉亦細分兩個等級及厚薄,悉隨專便。 海鮮鐵板燒($388) 太太近日皮膚有點敏感,只能點了海鮮類。 有機野菜沙律 清新爽脆又多汁,微酸的感覺,令人胃口大開。 日式蒸蛋 熱辣辣的原盅上,一不小心,隨時會燙傷咀角,小巧的一一盅,已包含蟹肉、三文魚籽及冬菇片,蒸蛋香甜滑溜,水準極高,三扒兩撥便見底了。 廚師推介海鮮 是帆立貝及日本蠔,煎得恰到好處,帆立貝外層微焦,但內裡依然嫩滑,日本蠔味道濃郁,是同樣的吸引。 特色炒飯 雖然是幾位飯量一齊炒,但不論加材料或是蛋漿,在時間上都恰到好處,蛋漿把飯粒緊緊包裹,而且粒顆分明,帶少許焦香及蔥香,三文魚肉混和在飯粒之中,增添了口感,真係諗起都想再食。 紅麵豉湯 很久沒喝了,比起一般麵豉湯更濃稠及馥郁,簡單的加點海帶豆腐,已經鮮香十足,好味。 甜品 囝囝是雪糕迷,店方有自家製雪糕,當然是不會放過,今次是難得的咖喱味,結果係我一啖都食唔到。 牛肉鐵板燒($328)( 薄燒或厚燒)( 美國牛肉) 如果選用 A5 和牛,則要($580)。 囝囝喜歡啖啖肉,當然是厚燒,最難得佢竟然接受到 medium rare 的質感,考取豪奪了一件,就算不是 A5 和牛,肉味依然濃郁,又有嚼口。 自己點了薄燒,加入蔥花卷起,簡單的炙一下,充滿了肉汁及蔥香,又是一道令人欲擺不能的美食。 再過兩日就是情人節了,慶祝又不一定要晚上,中午在陽光之下共渡都是一個上佳的選擇。 P.S : 餐廳每天中午都有第二位半價優惠,算起來連加一都不過$300/位,相當划算,問過餐廳負責人,就算是情人節當天都會如常,實在是好消息,只是年30晚至年初三會休息,大家可要注意啊! 繼續閱讀
(以上食評乃用戶個人意見 , 並不代表OpenRice之觀點。)