喰楽

營業中

休息中

今次嚟到觀塘嘅喰楽！三款前菜都係omakase，店員會介紹每一款上枱嘅前菜～第一款前菜係炙燒牛肉配哈蜜瓜，中間係佢哋自己醃製嘅車厘茄，旁邊係柚子青瓜沙律，柚子青瓜沙律好出色，柚子嘅酸酸甜甜同青瓜絲撈埋啲醬，甘甜可口～第二款前菜係和牛三文魚卷，中間卷住師傅調製咗嘅三文魚溶，上面係滿滿嘅三文魚子，成個和牛卷入口即化～第三款前菜係蝦湯茶碗蒸，上面係赤蝦刺身，蝦湯好濃，加埋蒸蛋同赤蝦簡直一流！關西風嘅壽喜燒煎煮比較多，少啲汁，肉味會比較出，店員會一路煎一路介紹每種肉～肉眼油脂比較多，肉質比較淋，有少少入口即化嘅感覺～ 西冷比肉眼瘦少少，肉味更加出！而牛肩係三種之中肉味最出眾嘅😋個人最鍾意肉眼，所以佢每人可以自選一款肉追加，我哋都揀咗肉眼～甜品分別有豆腐雪糕同焦糖雞蛋布丁可供選擇～